Регистры (реестры), бухгалтерские книги, скоросшиватели, бланки (формуляры) и другие печатные канцелярские товары из бумаги или картона (Грузия - Тендер #50431474)

ბლოკნოტების შესყიდვა

1. ბრენდირებული ბლოკნოტი (A5) - 400 ცალი.
ბლოკნოტის ზედაპირი/ყდა - ნატურალური ტყავი ან მაღალი ხარისხის პოლიურეთანის ტყავის შემცვლელი; ყდა უნდა იყოს დრეკადი, არ უნდა ტყდებოდეს მოდრეკისას, არ უნდა ჰქონდეს მკვეთრი სუნი; ბლოკნოტის გარეკანზე არ უნდა იყოს მითითებული წელი; გარეკანზე დატანილი უნდა იქნას ფინანსთა სამინისტროს ლოგო (საბოლოო ვიზუალი უნდა შეთანხმდეს შემსყიდველთან); ზომა - A5; კალმის ჩასადებით და შიდა ჯიბით; შიდა ფურცლები - აივორი (არანაკლებ 80 გსმ); ფურცლების რაოდენობა - არანაკლებ 100; ცალხაზიანი; ბლოკნოტის ფერი - ღია ვარდისფერი, ღია ცისფერი, ღია ყავისფერი (შემსყიდველთან შეთანხმებით); დაკეცილ მდგომარეობაში ბლოკნოტის ფურცლები უნდა იყოს გარეკანის შესაბამისად დაფერილი;

2. ბლოკნოტი ზამბარიანი (A4) - 300 ცალი.
ბლოკნოტი ზამბარით, ზომა - A4, ცალხაზიანი, არანაკლებ 80 ფურცელი;

3. ბლოკნოტი ზამბარიანი (A5) - 300 ცალი.
ბლოკნოტი ზამბარით, ზომა - A5, ცალხაზიანი, არანაკლებ 80 ფურცელი.

შენიშვნა:

1. შემოთავაზებული საქონელი უნდა იყოს მაღალი ხარისხის და შეესაბამებოდეს შესაბამის სფეროში აღიარებულ სტანდარტებს.
2. პირველი პოზიციით განსაზღვრულ ბლოკნოტებზე დასატანი წარწერა/ლოგო, პრეტენდენტს გადაეცემა შერჩევა-შეფასების ეტაპზე.

პირველი პოზიციით განსაზღვრული ბლოკნოტების სავარაუდო ვიზუალი - დანართი N2

ხელშეკრულების გაფორმებიდან არაუმეტეს 10 (ათი) კალენდარული დღე.

საქონლის მიწოდება უნდა განხორციელდეს შემდეგ მისამართებზე: ქ. თბილისი, გორგასლის ქუჩა N 16 (საქართველოს ფინანსთა სამინისტრო).

პრეტენდენტმა უნდა წარმოადგინოს ინფორმაცია მისაწოდებელი საქონლის წარმოშობის ქვეყნის და მწარმოებელი ორგანიზაციის (ან/და სასაქონლო ნიშნის) შესახებ;

ზემოაღნიშნული ინფორმაციის წარმოუდგენლობა დაზუსტებას არ ექვემდებარება და გამოიწვევს პრეტენდენტის დისკვალიფიკაციას.

პრეტენდენტის მიერ ერთიან ელექტრონულ სისტემაში ასატვირთი მონაცემები:

1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია;
2. ფასების ცხრილი (პუნქტი 1.3) შემოთავაზებული საქონლის ტექნიკური მახასიათებლების (პუნქტი 1.2) გათვალისწინებით;
3. ინფორმაცია მიწოდების ვადის (პუნქტი 1.4) შესახებ.
4. ინფორმაცია შემოთავაზებული საქონლის წარმოშობის ქვეყნის და მწარმოებელი ორგანიზაციის (ან/და სასაქონლო ნიშნის) შესახებ (პუნქტი 2.1.1).

პრეტენდენტი ვალდებულია წარუდგინოს შემსყიდველს შესყიდვის ობიექტის პირველი პოზიციით განსაზრვრული საქონლის ნიმუშები, რათა დადგინდეს შესაბამისობა ტექნიკური დავალებით მოცემულ საქონლის ტექნიკურ მახასიათებლებთან, შემსყიდველთან შეთანხმებით დატანილ ლოგოსთან, წარწერასთან და მოცემულ დიზაინთან.

პრეტენდენტის მიერ წარმოდგენილი ნიმუშები დაზუსტებას არ ექვემდებარება.

საქართველოს ფინანსთა სამინისტრო ქ. თბილისი გორგასლის ქუჩა N16

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მიერ წერილობით განსაზღვრულ გონივრულ ვადაში პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, უნდა დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო, ან/და აუდიტორული, ან/და საშემფასებლო დასკვნით, ან/და ინსპექტირების ანგარიშით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ჯამურ ღირებულებასთან), ასევე, თითოეულ პოზიციაზე შემოთავაზებული შესყიდვის ობიექტის ერთეულის ფასთან მიმართებით.

იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია.

1. სატენდერო წინადადების საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2. ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება ეტაპობრივად, მიღება-ჩაბარების აქტის საფუძველზე, გაფორმებიდან და საგადასახადო ანგარიშ-ფაქტურის წარმოდგენიდან (თუ პირი დღგ-ს გადამხდელია) 10 (ათი) სამუშაო დღის განმავლობაში.

მზია ნანეტაშვილი, 591222281, mziananetashvili@mof.ge

1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
2. სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).
3. პრეტენდენტის მიერ შექმნილი ყველა დოკუმენტი ან/და ინფორმაცია წარმოდგენილ უნდა იყოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და მის საფუძველზე გამოცემული ნორმატიული აქტ(ებ)ის (ასეთის არსებობის შემთხვევაში) შესაბამისად.
4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში დანართის სახით, რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად.