Инженерные услуги (Грузия - Тендер #50431470)

შს სამინისტროს ობიექტებზე არსებული სამგზავრო ლიფტების უსაფრთხო ექსპლუატაციის მიზნით ტექნიკური ინსპექტირების მომსახურების შესყიდვა.

1.2.1 მიმწოდებელმა სამუშაოები უნდა ჩაატაროს არსებული სტანდარტების, საქართველოს მოქმედი კანონმდებლობის და ასევე, შემდეგი ნორმატიული აქტების მოთხოვნების განუხრელი დაცვით:
ა) საქართველოს მთავრობის 2015 წლის 23 ივლისის N370 დადგენილებით დამტკიცებული ტექნიკური რეგლამენტი – „სახანძრო უსაფრთხოების წესების და პირობების შესახებ“;
ბ) საქართველოს მთავრობის 2013 წლის 17 დეკემბრის დადგენილებით დამტკიცებული „უსაფრთხოების ტექნიკის წესები ელექტროდანადგარების ექსპლუატაციისას“;
გ) საქართველოს მთავრობის 2007 წლის 4 ივლისის N 134 დადგენილებით დამტკიცებული „ელექტრონული საკომუნიკაციო ქსელების სახაზო ნაგებობების დაცვის წესი და მათი დაცვის ზონები“;
დ) საქართველოს ორგანული კანონი, შრომის უსაფრთხოების შესახებ.
1.2.2 ობიექტზე დაშვებისათვის მიმწოდებელი ვალდებულია, მომსახურების დაწყებამდე არანაკლებ 5 (ხუთი) სამუშაო დღით ადრე წერილობით მიაწოდოს ჩასატერებელი სამუშაოების ჩამონათვალი და მათი სპეციფიკა, ასევე მომსახურების უსაფრთხოდ ჩატარებაზე პასუხისმგებელ მივლინებულ პირთა სია: სახელის, გვარის, პირადი ნომრის, თანამდებობის, მათთვის მინიჭებული უფლების (სამუშაოთა ხელმძღვანელი, სამუშაოთა მწარმოებელი, მეთვალყურე, ბრიგადის წევრი) მითითით;
1.2.3 ობიექტზე დაშვებისას ყველა მივლინებულმა პირმა/მუშაკმა სავალდებულოდ თან უნდა იქონიოს პირადობის დამადასტურებელი დოკუმენტი (მოწმობა/პასპორტი);
1.2.4 შემსყიდველი მივლინებულ პირებს, აუცილებლობის შემთხვევაში ანიჭებს შენობაში არსებულ კომუნიკაციებთან (ელ-ენერგია, წყალი და ა.შ.) წვდომის შესაძლებლობას.
1.2.5 მივლინებულმა პირებმა სამუშაოები უნდა აწარმოონ გამოყენებისთვის ვარგისი დამცავი საშუალებების (ჩაფხუტი, სათვალე, ხელთათმანები და სხვა) სავალდებულო გამოყენებით. აღნიშნული საშუალებები ობიექტზე დაშვებისას თან უნდა იქონიონ/მოიტანონ მივლინებულმა პერსონალმა;
1.2.6 მომსახურების სრულად დამთავრების შემდეგ მივლენილმა პირებმა უნდა დატოვონ მომსახურების გაწევის ადგილი, თუმცა ტერიტორიის დატოვებამდე, უნდა მოაწესრიგონ ის და აცნობონ შემსყიდველის მხრიდან გამოყოფილ შესაბამის უფლებამოსილ პირს.
1.2.7 მიმწოდებელი ვალდებულია წარუდგინოს რისკების შეფასების დოკუმენტი, რომელიც უნდა ეფუძნებოდეს შრომის საერთაშორისო ორგანიზაციის მიერ აღიარებულ მეთოდოლოგიას და მოიცავდეს მომსახურეობის სივრცეში დაკავშირებული საფრთხეების იდენტიფიცირებას, ანალიზს, შეფასებასა და პრევენციული ღონისძიებების განსაზღვრას (საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 30 იანვარი N01-15 ბრძანება);

1.2.8 მიმწოდებელი ვალდებულია თითოეულ ლიფტზე განახორციელოს დამიწების კონტურის წინაღობის გაზომვა. შესყიდვის ღირებულება უნდა მოიცავდეს დამიწების კონტურის წინაღობვის გაზომვის მომსახურებას.
1.2.9 ტექნიკური ინსპექტირების შედეგად გაცემული დოკუმენტი მიმწოდებლმა შემსყიდველს უნდა გადასცეს შემდეგ მისამართზე: ქ. თბილისი გულუას ქუჩა N10, საქართველოს შსს ადმინისტრაციული შენობაში;
1.2.10 შემსყიდველი უფლებამოსილია მიმწოდებლისაგან მოითხოვოს სრული ინფორმაცია გასაწევი მომსახურების მიმდინარეობის შესახებ, მიმწოდებელი ვალდებულია მოთხოვნილი ინფორმაცია შემსყიდველს მიაწოდოს დაუყონებლივ.
1.2.11 მომსახურება უნდა განხორციელდეს კვალიფიციური სპეციალისტების მიერ და აღჭურვილი ყველა საჭირო ხელსაწყოებით;
1.2.12 მომსახურების გაწევის დროს დაცული უნდა იყოს უსაფრთხოების ნორმები;
1.2.13 მიწოდებლის ბრალეულობით შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით უზრუნველყოს დაზიანების აღმოფხვრა.
1.2.14 შესყიდვის ღირებულება უნდა მოიცავდეს ტრანსპორტირების ხარჯს და საქართველოს კანონმდებლობით გათვალისწინებულ ყველა გადასახადს;
1.2.15. მომსახურება უნდა განხორციელდეს კვირის ნებისმიერ დღეს, სამუშაო და არა სამუშაო საათებში შემსყიდველთან წინასწარ შეთანხმების საფუძველზე.

1.4.1 მომსახურება უნდა განხორციელდეს ხელშეკრულების გაფორმებიდან 2024 წლის 10 დეკემბრის ჩათვლით, ეტაპობრივად, შემსყიდველის მოთხოვნის შესაბამისად.

1.4.2 მიმწოდებელმა ლიფტების ტექნიკური ინსპექტირება უნდა განახორციელოს მოთხოვნიდან 15 კალენდარული დღის განმავლობაში.

თუ ზემოაღნიშნულ ვადაში მიმწოდებლის მიერ არ იქნება გამოვლენილი ხარვეზი, მიმწოდებელი ვალდებულია არაუმეტეს 5 კალენდარულ დღეში გასცეს შესაბამისი სერტიფიკატი. ხოლო ხარვეზის აღმოჩენის შემთხვევაში, მიმწოდებელმა დაუყონებლივ უნდა აცნობოს აღნიშნულის შესახებ შემსყიდველს. შემსყიდველი თავის მხრივ ვალდებულია გონივრულ ვადაში აღმოფხვრას ხარვეზი და აცნობოს აღნიშნულის შესახებ მიმწოდებელს, რის შემდეგაც მიმწოდებელმა არაუგვიანეს 5 (ხუთი) სამუშაო დღის განმავლობაში უნდა უზრუნველყოს საკუთარი ხარჯებით ლიფტის საბოლოო ინსპექტირება და შესაბამისი სერტიფიკატის გაცემა.

1.4.3 მიმწოდებლის მიერ გაცემული სერთიფიკატის მოქმედების ვადა უნდა შეადგენდეს გაცემის დღიდან არანაკლებ 3 წელს.

1.4.4 მიმწოდებელი ვალდებულია მის მიერ მიწოდებულ მივლენილ პირთა სიაში ცვლილების შეტანის საჭიროების შემთხვევაში შემსყიდველს წერილობით აცნობოს ამ პერსონალის ობიექტზე მივლენამდე არანაკლებ 2 (ორი) სამუშაო დღით ადრე;

შენიშვნა: მოთხოვნა შესაძლებელია განხორციელდეს ელ. ფოსტის ან/და ოფიციალური წერილის მეშვეობით.

მომსახურების გაწევის ადგილი: ქ. თბილისი, გულუას ქუჩა N6, N8, N10 და ავჭალის ქუჩა N7.

2.4.1.1 მიმწოდებელს უნდა ჰყავდეს ქვეყანაში მოქმედი კანონმდებლობის მიხედვით შრომის უსაფრთხოების სერთიფიცირებული სპეციალისტი, პრეტენდენტმა უნდა წარმოადგინოს აღნიშნულის დამადასტურებელი დოკუმენტი.

2.7.1.1 პრეტენდენტი უნდა იყოს სსიპ "აკრედიტაციის ერთიანი ეროვნული ორგანო - აკრედიტაციის ცენტრი"-ს მიერ სერტიფიცირებული, რის დამადასტურებლადაც უნდა წარმოადგინოს შესაბამისი ინფორმაცია/დოკუმენტი.

2.9.1 პრეტენდენტმა უნდა წარმოადგინოს ინფორმაცია არანაკლებ ორი მობილური სატელეფონო ნომრის და არანაკლებ ორი ელ-ფოსტის მისამართის შესახებ, - საკონტაქტო პირების მითითებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად მოწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ლაშა ლევერაშვილი, 598979794, lashalevera13@gmail.com ტექნიკურ საკითხებთან დაკავშირებით დაუკავშირდით ქრისტინე ცაციაშვილს ტელ: 577 53-95-99.

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.

10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2. პრეტენდენტის მიერ ერთიან ელექტრონულ სისტემაში ასატვირთი დოკუმენტები:

10.2.1 მომსახურების ფასების ცხრილი (დანართი N1) (მომსახურების ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).

10.2.2 სატენდერო დოკუმენტაციის 2.4.1, 2.7.1 და 2.9.1 პუნქტებით გათვალისწინებული ინფორმაცია/დოკუმენტაცია.