Полные или частичные строительные работы и публичные работы (Грузия - Тендер #50394918)

სსიპ გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტალში, საქლორატოროს მოწყობა, მისი შენობის მშენებლობის და ჭაბურღილის თავმორთულობის მოწყობის სამუშაოების სახელმწიფო შესყიდვა.

1.2.1. აღნიშნული სამუშაოები უნდა შესრულდეს სატენდერო დოკუმენტაციით გათვალისწინებულ პროექტსა და ხარჯთაღრიცხვაში მოცემული კონკრეტული სამუშაოების, მოცულობების და პირობების შესაბამისად (ხარჯთაღრიცხვა და პროექტი ერთიან ელექტრონულ სისტემაში ატვირთულია ცალკე ფაილებად და ითვლება სატენდერო დოკუმენტაციის განუყოფელ ნაწილად).
1.2.2. სამუშაოების დასრულების შემდეგ „მიმწოდებელი“ ვალდებულია თავისი ძალებით და სახსრებით დაუყოვნებლივ გაათავისუფლოს სამუშაო ადგილი მანქანა-მექანიზმებისაგან, მოწყობილობა-დანადგარებისაგან, მასალებისაგან, და ა. შ.
1.2.3. სამუშაოების სრული ჩამონათვალი და მოცულობები იხილეთ სატენდერო დოკუმენტაციით გათვალისწინებულ დანართებში.
1.2.4. შესრულებულ სამუშაოთა მიღება-ჩაბარების აქტის გაფორმებისათვის, მიმწოდებელმა უნდა წარმოუდგინოს შემსყიდველს შესრულებული სამუშაოს შესახებ შედგენილი ფორმა N2 და ფორმა N3. შესრულებული სამუშაოების მოცულობების და ხარისხის დადგენის მიზნით სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ მიერ ან სხვა შესაბამის სფეროში აკრედიტებული პირის მიერ გაცემული დასკვნა (სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა შესაბამის სფეროში აკრედიტებული პირის ხარჯებს ანაზღაურებს მიმწოდებელი) და ფარული სამუშაოების აქტი (ასეთის არსებობის შემთხვევაში) დადასტურებული შემსყიდველის წარმომადგენლის მიერ, რომლითაც დადასტურებული იქნება შესრულებულ სამუშაოთა მოცულობა და ღირებულება.
1.2.5. ისეთი გაუთვალისწინებელი სამუშაოები, რომელიც გათვალისწინებული არ არის სატენდერო პირობებით, წინასწარ წერილობით უნდა ეცნობოს შემსყიდველ ორგანიზაციას, აღნიშნული საკითხის გადაწყვეტის მიზნით.

შ ე ნ ი შ ვ ნ ა:
1. მიმწოდებელმა სამუშაოების მიმდინარეობის პერიოდში მინიმუმამდე დაიყვანოს მუშაობით გამოწვეული ხმაური, ვიბრაცია და მტვრის გავლენა.

2. სამუშაოების მიმდინარეობის პერიოდში შენობანაგებობაზე/ქონებაზე რაიმე სახის ზიანის მიყენების შემთხვევაში მიმწოდებელი ვალდებული იქნება საკუთარი სახსრებით გამოასწოროს აღნიშნული ზიანი და დაუბრუნოს პირვანდელ სახეს.

სამუშაოების მიწოდების ვადა შეადგენს ხელშეკრულების გაფორმებიდან 120 კალენდარულ დღეს.

სამუშაოების მიწოდების ადგილია ქ.გორი ჭავჭავაძის ქ. N56

საგარანტიო ვადები:
შესრულებულ სამუშაოებზე ვრცელდება 36 (ოცდათექვსმეტი) თვიანი საგარანტიო ვადა, (საგარანტიო ვადის ათვლა დაიწყება საბოლოო მიღება-ჩაბარების აქტის გაფრომების შემდეგ).

შესრულებული სამუშაოების დასრულების შემდეგ, საგარანტიო ვადის განმავლობაში, რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხოდ ან/და არაჯეროვნად შესრულებით, მიმწოდებელი ვალდებულია შეტყობინების მიღებიდან გონივრულ ვადაში, მაგრამ არაუმეტეს 10 დღეში აღმოფხვრას უხარისხოდ შესრულებული სამუშაოები საკუთარი ხარჯებით, წუნდებული მოწყობილობა-დანადგარები კი შეცვალოს ახლით.

პრეტენდენტს 2020 წლის 01 იანვრიდან, წინამდებარე ტენდერის წინადადების მიღების ვადის დასრულებამდე, შესრულებული უნდა ჰქონდეს ანალოგიური ხასიათის, სირთულისა და შინაარსის, არანაკლებ 100 000 (ასი ათასი) ლარის სამუშაოები. აღნიშნულის დასადასტურებლად წარმოდგენილი უნდა იქნეს ხელშეკრულებები შესაბამისი მიღება-ჩაბარების აქტებთან ერთად. იმ შემთხვევაში თუ ანალოგიური გამოცდილება დასტურდება სახელმწიფო შესყიდვების სააგენტოს ერთიან ელექტრონულ სისტემაში ატვირთული დოკუმენტაციით, მითითებული უნდა იქნეს შესაბამისი SPA/CMR/NAT ნომერები

1. პრეტენდენტმა წერილობით უნდა აცნობოს შემსყიდველს მოცემული ხელშეკრულების ფარგლებში, ყველა ქვეკონტრაქტორთან დადებული ხელშეკრულებების შესახებ და მიიღოს მისგან წერილობითი თანხმობა;
2. ქვეკონტრაქტორი კომპანია ან კომპანიები არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“;
3. ქვეკონტრაქტორ(ებ)ზე წარმოდგენილი იქნას შემდეგი სახის ინფორმაცია: შესასრულებელი სამუშაოების დასახელება ღირებულებით და ქვეკონტრაქტის ასლი;
4. ქვეკონტრაქტორ(ებ)ის მიერ შესასრულებელი სამუშაოების ჯამური მოცულობა არ უნდა აღემატებოდეს შესასრულებელი სამუშაოების მთლიანი მოცულობის 30%;
5. სამუშაოების ნაწილის ქვეკონტრაქტორ(ებ)ზე გადაცემით მიმწოდებელი არ თავისუფლდება ხელშეკრულებით ნაკისრი ვალდებულებებიდან.
6. ხელშეკრულების ფარგლებში ყველა ქვეკონტრაქტორთან დადებული ხელშეკრულების ასლი უნდა წარედგინოს შემსყიდველს.

1 პრეტენდენტმა ხარჯთაღრიცხვები უნდა შეადგინოს და მასში მოცემული პუნქტები განაფასოს საქართველოს ეკონომიკისა და მდგრადი განვითარების მინისტრის 2011 წლის 18 თებერვლის N1-1/2 51 რძანებით დამტკიცებული „საქართველოს ტერიტორიაზე ტექნიკური ზედამხედველობისა და სამშენებლოს სფეროში 1992 წლამდე მოქმედი ნორმების წესების და ტექნიკური რეგულირების სხვა დოკუმენტების გამოყენების შესახებ“ და საქართველოს მთავრობის 2014 წლის 14 იანვრის N55 დადგენილებით დამტკიცებული „ტექნიკური რეგლამენტის - „სამშენებლო სამუშაოების სახელმწიფო შესყიდვისას ზედნადები ხარჯებისა და გეგმიური მოგების განსაზღვრის წესის“ შესაბამისად. ერთნაირი დასახელების სამუშაოზე გათვალისწინებული უნდა იყოს ერთნაირი ფასი
2 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
3 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
5 პრეტენდენტმა ფასების ცხრილი უნდა წარმოადგინოს როგორც PDF ასევე EXCEL-ის ფორმატით
6 ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
7 იმ შემთხვევაში, თუ იკითხება კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი,“ ,,ანალოგი“ ან „ექვივალენტური“.
8 ყველა PDF დოკუმენტი დამოწმებული უნდა იყოს კვალიფიციური ხელმოწერით ან/და კვალიფიციური შტამპით;
9 მიმწოდებელი პასუხისმგებელია შეასრულოს სამუშაოები პერსონალისთვის უსაფრთხო და ეკოლოგიურად მისაღები გზით და ვალდებულია დაიცვას შემდეგი პირობები:
• მინიმუმამდე დაიყვანოს მუშაობით გამოწვეული ხმაური, ვიბრაცია და მტვრის გავლენა.
• სამუშაოების დასრულების შემდეგ შემსრულებელი ვალდებულია საკუთარი ძალებითა და სახსრებით დაუყოვნებლივ გაათავისუფლოს სამუშაო ადგილი, მასალებისაგან, ნაგვისა და სამშენებლო ნარჩენებისგან და ა.შ.
• პერსონალის უსაფრთხოებაზე სრული პასუხისმგებლობა ეკისრება მიმწოდებელს;

10 დაინტერესებულ პირებს შეუძლიათ ადგილზე გაეცნონ არსებულ სიტუაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის ასატენდერო წინადადების დისკვალიფიკაციას.

7.2.1.ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში;
7.2.2. ანგარიშსწორება განხორცილედება მიმწოდებელის მიერ წარმოდგენილი შესრულებული სამუშაოების ფორმა N2-ის, მიღება-ჩაბარების აქტის, ექსპერტიზის დასკვნის და საგადასახადო ანგარიშ-ფაქტურის წარმოდგენის შემდგომ.

ანგარიშსწორება განხორციელდება 7.2 პუნქტში მოთხოვნილი დოკუმენტაციის წარმოდგენიდან არაუმეტეს 10 სამუშაო დღეში.

ლევან ხალიშვილი, 551229090, l.xalishvili@gmail.com