Ремонт и техническое обслуживание транспортных средств и оборудования и сопутствующие услуги (Грузия - Тендер #50394907)

სსიპ - დაასაქმების ხელშეწყობის სახელმწიფო სააგენტოს ბალანსზე რიცხული მანქანების შეკეთების და ტექნიკური მომსახურება

- მიმწოდებელმა უნდა განახორციელოს სსიპ - დასაქმების ხელშეწყობის სახელმწიფო სააგენტოს ბალანსზე რიცხული მანქანების შეკეთება და ტექნიკური მომსახურება (საჭიროების შემთხვევაში სათადარიგო დეტალის მიწოდება შეცვლა) წარმოდგენილი საპრეისკურანტო ფასების შესაბამისად (მომსახურების პრეისკურანტი თან ერთვის სატენდერო დოკუმენტაციას დანართის სახით) ავტომანქანების დროულ და სრულყოფილ შეკეთება; პროფილაქტიკური და დიაგნოსტიკური სამუშაოების ჩატარება; ავტომობილის ნაწილების შეკეთება და/ან გამოცვლა.
- მანქანების შეკეთება და ტექნიკური მომსახურება (სერვის-სათადარიგო ნაწილები) გულისხმობს ავტოსატრანსპორტო საშუალებების დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას. ავტომობილის ნაწილების შეკეთებას და/ან გამოცვლას.
- გაწეული მომსახურების და დეტალების საგარანტიო ვადა უნდა შეადგენდეს არანაკლებ 6 თვეს.
- მიმწოდებელმა შემსყიდველის მოთხოვნისთანავე (წერილი, ელ.ფოსტა ან/და სხვა ელექტრონული საშუალებები) უნდა ჩაატაროს შესაკეთებელი ავტომანქანის დათვალიერება, რის შემდგომაც, მხარეები ადგენენ დეფექტურ აქტს, რომელშიც მითითებული იქნება გასაწევი მომსახურების/სათადარიგო ნაწილის სახეობა, რაოდენობა/მოცულობა, მათი ღირებულებები, მომსახურების გაწევის/საქონლის მოწოდების კონკრეტული ვადა.
- ავტომანქანის დაზიანებული ნაწილები უნდა შეიცვალოს ახალი, გამონაკლის შემთხვევაში (მეორადი) სათადარიგო ნაწილებით და უნდა შეესაბამებოდეს პრეტენდენტის მიერ წარმოდგენილ ფასების ცხრილში მითითებულ შესაბამისი საქონლის დასახელებას და ფასს.
- მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა დაზიენებ(ებ)ის შესაბამისად არ უნდა აღემატებოდეს: სამუხრუჭე ხუნდის შეცვლა 1 სთ. სავალი ნაწილების შეცვლა/აღდგენა მოთხოვნიდან 2 სამუშაო დღე, ელექტრული დეტალების შეცვლა/აღდგენა მოთხოვნიდან 1 სამუშაო დღე, სათუნუქე-სამღებრო სამუშაოებისთვის - 10 სამუშაო დღე, ძრავის, გადაცემათა კოლოფის და ხიდების ძირეული შეკეთება მოთხოვნიდან არაუმეტეს 5 სამუშაო დღე. თუ ავტომობილს დასჭირდა ისეთი დეტალი, რომლებიც არ აღმოაჩნდა კომპანიას და არ არის გაყიდვაში ადგილობრივ ბაზარზე, შემსყიდველთან შეთანხმებით მომწოდებელს მიეცეს შეძენა/შეკეთებისთვის გონივრული ვადა არაუმეტეს 40 დღის ოდენობით. იმ შემთხვევაში თუ საჭიროა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით.
- მომსახურების გაწევის პროცესში შესაკეთებელი ავტოსატრანსპორტო საშუალებების სხვა სერვისცენტრში სავალდებულო გადაადგილების ხარჯებს უზრუნველყოფს მიმწოდებელი ორგანიზაცია (საწვავი, ევაკუატორის მომსახურება და ა.შ.).
- საგარანტიო პერიოდის განმავლობაში გამოვლენილ ხარვეზებს მიმწოდებელი აღმოფხვრის დამატებითი ანაზღაურების გარეშე;
- თუ მომსახურების პროცესში აღმოჩნდება, რომ საჭიროა ისეთი მომსახურების ან სათადარიგო ნაწილის შესყიდვა, რომლიც გათვალისწინებული არ არის დანართი N1-ში, ასეთ შემთხვევაში შესაძლებელია განხორციელდეს ხელშეკრულებაში ცვლილება მხარეთა შეთანხმების საფუძველზე. დანართი N1-ში გაუთვალისწინებელი მომსახურებისა და სათადარიგო ნაწილის ერთეულის ფასის განსაზღვრა ხდება შემსყიდველთან შეთანხმებით, რომელიც არ უნდა აღემატებოდეს საბაზრო ფასს, ხოლო გაუთვალისწინებელი მომსახურების ან სათადარიგო ნაწილის არარსებობით გამოწვეული შესყიდვის ხვედრითი წილი არ უნდა აღემატებოდეს პრეისკურანტის ჯამური ღირებულების 10%-ს . შემსყიდველს უფლება აქვს ფასის განსაზღვრის მიზნით ჩაატაროს ბაზრის კვლევა.
- სატენდერო წინადადების ფასი და ფასების ცხრილში მოცემული მომსახურებისა და სათადარიგო ნაწილების ერთეულის ფასი წარმოდგენილი უნდა იყოს დღგ-ს გათვალისწინებით. პირვანდელ და საბოლოო ფასს შორის სხვაობა უნდა დაანგარიშდეს პროცენტულად. მომსახურებისა და სათადარიგო ნაწილების ერთეულის ფასი თითოეულ პოზიციაზე წარმოდგენილი უნდა იყოს დაფიქსირებული ფასის პროცენტული მაჩვენებლის პროპორციული ოდენობით, კლების პრიციპით (დაზუსტებული დანართი #1–ის წარმოდგენისას დაუშვებელია რომელიმე პოზოციაზე პრეტენდენტის მიერ თავდაპირველად მითითებული ერთეულის ფასის მომატება).
- თუ რომელიმე პოზიციაზე პრეტენდენტი სათადარიგო ნაწილსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0”, ხოლო თუკი არსებობს ტექნიკური შეუსაბამობა მანქანის მოდელს, სათადარიგო ნაწილსა და მომსახურების ჩამონათვალს შორის (მაგ. რომელიმე სათადარიგო ნაწილი ან მომსახურება არ აქვს რომელიმე ავტომანქანას), ცხრილში ერთეულის ფასების გრაფაში უნდა გაკეთდეს აღნიშვნა „-“ (ყველა ასეთი შემთხვევა შესაძლებელია გადამოწმდეს შემსყიდველის წარმომადგენლების მიერ და თუკი ადგილი ექნება პრეტენდენტის მხრიდან ინფორმაციის შეგნებულად დამალვას სატენდერო წინადადების ღირებულების შემცირების მიზნით, მის მიმართ განხორციელებული იქნება კანონით გათვალისწინებული ზომები.

მომსახურების გაწევი პირობები განისაზღვება ეტაპობრივად, ტექნიკურ დავალებაში მითითებული პირობებით ხელშეკრულების გაფორმების თარიღიდან 2024 წლის 31 დეკემბრის ჩათვლით.
- მომსახურების მიწოდება უნდა განხორციელდეს ავტომანქანის ავტოტექმომსახურების სერვის ცენტრში წარდგენისთანავე, მომსახურების მიწოდებისას პირველ რიგში უნდა განხორციელდეს ავტომანქანის დათვალიერება და შემსყიდველის წარმომადგენელთან (ავტომანქანის წარმდგენ პირთან) ერთად დეფექტური აქტის შედგენა. დეფექტური აქტის შედგენის შემდეგ შემსყიდველის მოთხოვნის საფუძველზე მიმწოდებელი ვალდებულია დაიწყოს მომსახურების გაწევა რიგგარეშე, დაუყოვნებლივ;
- მომსახურების ვადა დაზიენებ(ებ)ის შესაბამისად არ უნდა აღემატებოდეს შემდეგ ვადას: სამუხრუჭე ხუნდის შეცვლა 1 სთ. სავალი ნაწილების შეცვლა/აღდგენა მოთხოვნიდან 2 სამუშაო დღე, ელექტრული დეტალების შეცვლა/აღდგენა მოთხოვნიდან 1 სამუშაო დღე, სათუნუქე-სამღებრო სამუშაოებისთვის - 10 სამუშაო დღე, ძრავის, გადაცემათა კოლოფის და ხიდების ძირეული შეკეთება მოთხოვნიდან არაუმეტეს 5 სამუშაო დღე. თუ ავტომობილს დასჭირდა ისეთი დეტალი, რომლებიც არ აღმოაჩნდა კომპანიას და არ არის გაყიდვაში ადგილობრივ ბაზარზე, შემსყიდველთან შეთანხმებით მომწოდებელს მიეცეს შეძენა/შეკეთებისთვის გონივრული ვადა არაუმეტეს 40 დღის ოდენობით. იმ შემთხვევაში თუ საჭიროა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით.

მომსახურება უნდა განხორციელდეს საქართველოს მასშტაბით ტექნიკურ დავალებაში მითითებული პირობების შესაბამისად შემდეგ ქალაქებში: თბილისი, რუსთავი, თელავი, გორი, ახალციხე, ქუთაისი, ამბროლაური, ზუგდიდი, ბათუმი.
მიმწოდებელს უნდა გააჩნდეს მინიმუმ 1 სერვის ცენტრი ზემოთ მითითებულ თითოეულ ქალაქში.

პრეტენდენტი ვალდებულია წარმოადგინოს ინფორმაცია სერვის ცენტრების ადგილმდებარეობის შესახებ ქალაქისა და ზუსტი მისამართის მითითებით.

- სათადარიგო ნაწილზე და გაწეულ მომსახურებაზე უნდა ვრცელდებოდეს არანაკლებ 6 (ექვსი) თვიანი საგარანტიო ვადა.
- საგარანტიო ვადა სავალ ნაწილებზე 6 თვე.
- ძრავზე, გადაცემათა კოლოფზე და ხიდებზე არანაკლებ 1 წელი ან 25 000 კმ,
- ელექტრულ მოწყობილობებზე (გარდა ელ. მცველებისა და ნათურებისა) 1 წელი.
- XENON-ის ტიპის ნათურებზე (ქარხნულად აღჭურვილ ავტომობილებზე) 6 თვე.
- სათუნუქე და სამღებრო სამუშაოებზე 1 წელი.

პრეტენდენტმა უნდა წარმოადგინოს ინფორმაცია წერილობითი ფორმით მომსახურებასა და დეტალებზე საგარანტიო ვადების შესახებ.

1. პრეტენდენტს 2022 წლის 1 იანვრიდან აღნიშნული ტენდერის გამოცხადებამდე პერიოდში უნდა გააჩნდეს ჯამურად არანაკლებ 100000 (ასი ათასი) ლარის ოდენობის ანალოგიური მომსახურების გაწევის გამოცდილება.

2. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი შესაბამისად).

3. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.

ინფორმაცია წარმოდგენილი უნდა იყოს დანართის მიხედვით (იხ.დანართი N2).

პრეტენდენტის მიერ წარმოდგენილი სერვის ცენტრები აღჭურვილი უნდა იყოს:
- ელექტრო სისტემის კომპიუტერული დიაგნოსტიკა (თითოეულ ქალაქში);
- ამწე მექანიზმი არანაკლებ 1 ერთეული (თითოეულ ქალაქში);
- ვულკანიზაციის, ბალანსირების და დისკების გასწორების აპარატი (თითოეულ ქალაქში);
- ძრავის დიაგნოსტირება და კაპიტალური შეკეთება არანაკლებ თბილისის სერვისცენტრში;
- გადაცემათა კოლოფის და ხიდების კაპიტალური შეკეთება არანაკლებ თბილისის სერვის ცენტრში.

1. თუ სერვის ცენტრი არის პრეტენდენტის საკუთრება, უნდა წარმოადგინოს შესაბამისი ამონაწერი საჯარო რეესტრიდან.
2. თუ სერვის ცენტრი აქვს სარგებლობით მიღებული, სარგებლობის (იჯარის) ხელშეკრულებასთან ერთად უნდა წარმოადგინოს შესაბამისი ამონაწერი საჯარო რეესტრიდან. წარმოდგენილი ხელშეკრულება ძალაში უნდა იყოს მინიმუმ 2024 წლის 31 დეკემბრის ჩათვლით.

პრეტენდენტმა მატერიალურ-ტექნიკურ ბაზის შესახებ ინფორმაცია უნდა წარმოადგინოს წერილობითი ფორმით.

იმ შემთხვევაში თუ მომსახურების გაწევა უნდა განხორციელდეს ქვეკონტრაქტორის საშუალებით, სისტემაში პრეტენდენტმა უნდა ატვირთოს შესაბამისი ხელშეკრულების ასლი, რომელიც დამოწმებული უნდა იყოს ნოტარიული წესით ან/და ელექტრონული კვალიფიციური ხელმოწერით/შტამპით. ხელშეკრულება ძალაში უნდა იყოს მინიმუმ 2024 წლის 31 დეკემბრის ჩათვლით. ქვეკონტრაქტორ(ებ)თან გაფორმებული ხელშეკრულებ(ები)ის პირობები უნდა აკმაყოფილებდეს ტექნიკური დავალებით მოთხოვნილ ყველა პარამეტრს, ასევე ინფორმაცია ქვეკონტრაქტორ(ებ)ის სერვის ცენტრის მდებარეობის მითითებით.
ქვეკონტრაქტორი კომპანია არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – „შავი სია“.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი) რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ანგარიშსწორება მოხდება ეტაპობრივად, გაწეული მომსახურების შესაბამისად გაფრომებული მიღება-ჩაბარების აქტ(ებ)ისა და შესაბამისი საგადასახადო დოკუმენტაციის წარმოდგენის შემდეგ.

ანგარიშსწორება მოხდება მიღება-ჩაბარების აქტის და შესაბამისი დოკუმენტაციის წარდგენის შემდეგ 10 (ათი) სამუშაო დღის ვადაში.

ხათუნა მენაბდიშვილი, 577253365, khatuna.menabdishvili@gmail.com სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის მოდულის –,,კითხვა/პასუხის“ მეშვეობით

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2.მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.
7. პრედენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადებაში ერთეული ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯი (დღგ-ს ჩათვლით).
9. პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში თანაბარი პროცენტული კლებით.
10. პრეტენდენტის მიერ ერთიანი ელექტრონული სისტემის მეშვეობით მომსახურების პრეისკურანტის ცხრილის წარმოუდგენლობა გამოიწვევს მის დისკვალიფიკაციას დაზუსტების გარეშე.
11. პრეტენდენტის მიერ სავალდებულოდ წარმოსადგენი დოკუმენტებია:
სატენდერო დოკუმენტაციის 1.3. პუნქტის თანახმად - ფასების ცხრილი (პრეისკურანტი);
სატენდერო დოკუმენტაციის 1.5. პუნქტის თანახმად - ინფორმაცია სერვის ცენტრების ადგილმდებარეობის შესახებ;
სატენდერო დოკუმენტაციის 1.7.1. პუნქტის თანახმად - მოთხოვნა საგარანტიო ვადის შესახებ;
სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გამოცდილების შესახებ;
სატენდერო დოკუმენტაციის 2.3.1. პუნქტის თანახმად - ინფორმაცია პრეტენდენტის მატერიალურ-ტექნიკურ ბაზასთან დაკავშირებული მოთხოვნების შესახებ;
სატენდერო დოკუმენტაციის 2.8.1. პუნქტის თანახმად - ქვეკონტრაქტორთან დაკავშირებული მოთხოვნები (არსებობის შემთხვევაში).