Ремонт и техническое обслуживание транспортных средств и оборудования и сопутствующие услуги (Грузия - Тендер #47987111)

სსიპ - ეროვნული სატყეო სააგენტოს ბალანსზე რიცხული სედანისა და ჯიპის ტიპის მსუბუქი ავტომანქანებისა და მათთან დაკავშირებული მოწყობილობების შეკეთება და ტექნიკური მომსახურება.

სსიპ ეროვნული სატყეოს სააგენტოს კუთვნილი ავტომობილებისა და მათთან დაკავშირებული მოწყობილობების შეკეთება და ტექნიკური მომსახურება (ამ მომსახურებისათვის საჭირო სათადარიგო ნაწილებით, მხოლოდ ახალი ორიგინალი სათადარიგო ნაწილებით. მეორადი სათადარიგო ნაწილები დასაშვებია მხოლოდ პრეისკურანტში მითითებული რამდენიმე პოზიციის შემთხვევაში).

პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს როგორც პრეისკურანტის სავარაუდო ღირებულებას ასევე თითოეულ პოზიციაზე შემსყიდველის მიერ დაფიქსირებულ შესყიდვის სავარაუდო ფასს.

მომსახურება გაწეული უნდა იყოს დაუყოვნებლივ, ამასთან მომსახურების ვადა თითოეულ შემთხვევაზე არ უნდა აღემატებოდეს:

• ძრავში, გადაცემათა კოლოფში, გამაძლიერებელ კოლოფში, წამყვან ხიდებში ზეთის შეცვლა 1 სამუშაო დღე.
• სავალი ნაწილებისათვის - 2 (ორი) სამუშაო დღე;
• ელექტროობისათვის - 3 (სამი) სამუშაო დღე;
• ძირითადი აგრეგატები (ძრავი, გადაცემათა და გამაძლიერებელი კოლოფი, წამყვანი ხიდები) - 15 (თხუთმეტი) სამუშაო დღე.
• სათუნუქე-სამღებრო სამუშაოებისთვის არაუმეტეს 5-15 (სირთულის შესაბამისად) სამუშაო დღე.
• სხვა დანარჩენ შემთხვევებში შემსყიდველის მიერ მითითებულ გონივრულ ვადაში.
• დეფიციტური სათადარიგო ნაწილით უზრუნველყოფას, მომსახურების გაწევის ვადა განისაზღვრება არაუმეტეს 20 (ოცი) კალენდარული დღით. ამასთან, თუ რომელიმე სათადარიგო ნაწილის რეალიზაციას ანხორციელებს საქართველოს ტერიტორიაზე არსებული ერთი ორგანიზაცია (ასევე, ინდივიდუალური მეწარმე და/ან ფიზიკური პირი) მაინც, ასეთი სათადარიგო ნაწილი არ ჩაითვლება დეფიციტურ ნაწილად.

შენიშვნა: მიმწოდებელმა დეფიციტური ნაწილის შესახებ ინფორმაცია, წერილობით ან ელ. ფოსტის მეშვეობით (რომელიც დაზუსტდება ხელშეკრულების გაფორმების მომენტში) აცნობოს შემსყიდველს არაუგვიანეს 4 სამუშაო დღისა ავტომანქანის სერვისცენტრში შეყვანის დღიდან, რომელსაც თან უნდა დაერთოს შეკვეთის განხორციელებისათვის საჭირო დოკუმენტი (ინვოისი), წინააღმდეგ შემთხვევაში მომსახურების გაწევის ვადა არ გაიზრდება.
დეფიციტურ ნაწილზე განაცხადის შემოსვლიდან მომდევნო 2 (ორი) სამუშაო დღის განმავლობაში „შემსყიდველს“ უფლება აქვს მიუთითოს „მიმწოდებელს“ საქართველოში აღნიშნული დეფიციტური ნაწილის შეძენის ადგილი. ასეთ შემთხვევაში სათადარიგო ნაწილი დეფიციტურ სათადარიგო ნაწილად არ ჩაითვლება და შესაბამისად არ გაიზრდება მომსახურების ვადა.
პრეისკურანტში ავტოსტრანსპორტო საშუალების ტექნიკური მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას უნდა დადგინდეს შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსტრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს. პრეისკურანტში ავტოსტრანსპორტო საშუალების ტექნიკური მომსახურების რომელიმე ერთეულის არარსებობისას, აღნიშნული ერთეულის ფასზე მიმწოდებლის მიზეზით (მიმწოდებლის მიერ არასაბაზრო და არარეალური ფასის წარმოდგენის შემთხვევაში) შემსყიდველსა და მიმწოდებლს შორის შეუთანხმებლობის შემთხვევში შემსყიდველს უფლება აქვს ცალმხრივად გაწყვიტოს ხელშეკრულება მიმწოდებელთან.

შემსყიდველის წარმომადგენლის მიერ ავტომანქანის მიმწოდებლის სერვისცენტრში შეყვანიდან 5 (ხუთი) საათის (ძრავისა და/ან გადაცემათა კოლოფის შემთხვევაში 48 საათის განმავლობაში) განმავლობაში მიმწოდებლი ვალდებულია დაათვალიეროს ავტომანქანა და შეადგინოს დეფექტური აქტი და შემსყიდველის თანხმობის (შესაძლებელია შემსყიდველის მიერ განხორციელდეს დეფექტურ აქტში მითითებული მომსახურების ან საქონლის რაოდენობის კორექტირება) შემთხვევაში მისი ხელმოწერის (ორივე მხარის მიერ ხელმოწერის) (დეფექტურ აქტში აუცილებლად უნდა დაფიქსირდეს თარიღი და დრო) შემდეგ მიმწოდებელმა დაიწყოს მომსახურების განხორციელება. ამასთან, თუ შემსყიდველის წარმომადგენლის მიერ ავტომანქანის მიყვანა განხორციელდა მიმწოდებლის იმ სერვისცენტრში (მათ შორის სუბკონტრაქტორის სერვისცენტრში) რომელიც არ მდებარეობს ქ. თბილისში, მიმწოდებელი და შემსყიდველი ვალდებულნი არიან დეფექტურ აქტზე თანხმობა დაადასტურონ ქ.თბილისში მიმწოდებლის ან შემსყიდველის მისამართზე. თუ მიმწოდებელი ზემოაღნიშნულ ვადაში არ შეადგენს დეფექტურ აქტს და/ან არ მოაწერს დეფექტურ აქტს ხელს შემსყიდველს უფლება აქვს ცალმხრივად გაწყვიტოს ხელშეკრულება მიმწოდებელთან. ამასთან, მიმწოდებელიც და შემსყიდველიც ვალდებულები არიან დეფექტურ აქტს ხელი მოაწერონ მისი შედგენიდან არაუგვიანეს 24 საათის განმავლობაში.

პრეტენდენტის მიერ პრეისკურანტის სავარაუდო ფასის შემცირების/კლების შემთხვევაში, ელექტრონულ სისტემაში დაფიქსირებული საბოლოო ფასიდან გამომდინარე, პრეისკურანტით გათვალისწინებული ერთეულის ღირებულებები დაკლებულ უნდა იქნეს პროპორციულად ყველა პოზიციაზე, პრეისკურანტის სავარაუდო ღირებულებასა და სისტემაში პრეტენდენტის მიერ დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. ამასთან, თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.

მომსახურება უნდა განხორციელდეს ხელშეკრულების გაფორმებიდან 2024 წლის 25 დეკემბრამდე, ტექნიკურ დავალებაშებაში მითითებული ვადების სრული დაცვით.

მომსახურება გაწეული უნდა იქნეს მიმწოდებლის სერვისცენტრში საქართველოს მაშტაბით:

1) ქ. თბილისში არანაკლებ 2 (ორი) სერვისცენტრი თითეული არანაკლებ 5 (ხუთი) ,,ბოქსით“.
2) ქ. ფოთში არანაკლებ 1 (ერთი) სერვისცენტრის არანაკლებ 4 (ოთხი) ,,ბოქსით“,
3) ქ. ქუთაისში არანაკლებ 1 (ერთი) სერვისცენტრის არანაკლებ 4 (ოთხი) ,,ბოქსით“,
4) ქ. ახალციხეში არანაკლებ 1 (ერთი) სერვისცენტრის არანაკლებ 4 (ოთხი) ,,ბოქსით“,
5) ქ.ზუგდიდში არანაკლებ 1 (ერთი) სერვისცენტრის არანაკლებ 4 (ოთხი) ,,ბოქსით“,
6) ქ. თელავში არანაკლებ 1 (ერთი) სერვისცენტრი არანაკლებ 4 (ოთხი) „ ბოქსით “.
7) ქ. გორში არანაკლებ 1 (ერთი) სერვისცენტრი არანაკლებ 4 (ოთხი) „ ბოქსით “.

თითოეული სერვისცენტრი უნდა იყოს პრეტენდენტის სარგებლობაში ან მმართველობაში (საკუთრება ან იჯარა ან ქვეკონტრაქტორი).

სწორი ექსპლუატაციის პირობებში გაწეულ მომსახურებაზე და შეცვლილ ნაწილებზე უნდა ვრცელდებოდეს გარანტია არანაკლებ 6 (ექვსი) თვე. სამუხრუჭე ხუნდებზე გარანტია განისაზღვრება კილომეტრაჟით არანაკლებ 5000 კმ. ძრავის ზეთზე (ნახევარსინთეთიკური) გარანტია განისაზღვრება არანაკლებ 8000 კმ. ძრავის ზეთზე (სინთეთიკური) გარანტია განისაზღვრება არანაკლებ 10000 კმ. გადაცემათა კოლოფის ზეთზე არანაკლებ 50000 კმ. ძრავის კბილნა ღვედზე არანაკლებ 50000კმ. საგარანტიო პერიოდში მიმწოდებელი ვალდებულია დაუყონებლივ, შემსყიდველის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება;

პრეტენდენტის ასევე ქვეკონტრაქტორების (მისი არსებობის შემთხვევაში) ავტოსატრასპოტრო საშუალებების ტექნიკური მომსახურების გამოცდილების შესახებ მოთხოვნა:

პრეტენდენტმა, ასევე ქვეკონტრაქტორებმა (მისი არსებობის შემთხვევაში) უნდა წარმოადგინოს ბოლო სამი წლის (2021/2022/2023წ) განმავლობაში (ჯამურად) არანაკლებ 500 000 ლარის ავტოტექმომსახურების გამოცდილების დამადასტურებელი დოკუმენტი (ხელშეკრულება, მიღება-ჩაბარების აქტ(ებ)ი და დადასტურებული ანგარიშ-ფაქტურ(ები)ა).

პრეტენდეტმა, ასევე ქვეკონტრაქტორებმა (მისი არსებობის შემთხვევაში) უნდა წარმოადგინოს არანაკლებ 1 (ერთი) სარეკომენდაციო წერილი, ჯამურად არანაკლებ 200 000 ლარის ღირებულების ავტოტეტქმომსახურების გამოცდილების შესახებ.

გამოცდილების დოკუმენტაციაში იგულისხმება ტექმომსახურების (და ამ მომსახურებისათვის საჭირო სათადარიგო ნაწილებისა და საწვავ საპოხი მასალების) შესყიდვის მიზნით გაფორმებული ხელშეკრულება, მიღება ჩაბარების აქტები და დადასტურებული ანგარიშ-ფაქტურები, ხოლო იმ შემთხვევაში თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემაში შემსყიდველად რეგისტრირებულ კომპანიასთან საკმარისია შესაბამისი განცხადების ნომრ(ებ)ის (SPA, NAT, DAP და ა.შ) წარმოდგენა შესყიდვის კლასიფიკატორის CPV - 50100000 კოდზე.

ქ. თბილისში არსებულ სერვისცენტრ(ებ)ში თითოეულში მიმწოდებელს უნდა გააჩნდეს არანაკლებ შემდეგი ხელსაწყო დანადგარები:

• ავტომანქანის არანაკლებ 5 ამწე მექანიზმი;
• საბურავის დაშლა აწყობის და ბალანსირების დანადგარი;
• თვლების შეყრის დანადგარი;
• კომპიუტერული დიაგნოსტიკის მოწყობილობა;
• საყრდენი დისკოს გასაჩარხი მოწყობილობა;
• ავტომატურ გადაცემათა კოლოფში ზეთის შეცვლის აპარატი;
• ძრავში ზეთის შესაცვლელი აპარატი;
• ელექტრო მომარაგების სარეზერვო წყარო (გენერატორი);
• სერვისცენტრი დაცული უნდა იყოს ჰიგიენური, სახანძრო და ტექნიკური უსაფრთხოების ნორმები;
• დათვალიერების ორმო;
• დიზელის მაღალი წნევის ტუმბოს დიაგნოსტიკის, მფრქვევანების („ფარსონკების“) დიაგნოსტიკისა და აღდგენის დანადგარები. (იმის გათვალისწინებთ, რომ დიზელის მაღალი წნევის ტუმბოს დიაგნოსტიკის, მფრქვევანების („ფარსონკების“) დიაგნოსტიკისა და აღდგენის დანადგარებით მომსახურება მომავალში სავარაუდოდ პრეტენდენტისათვის წარმოადგენს ქვეკონტრაქტორ კომპანიით სარგებლობის ალბათობას, ასეთ შემთხვევაში პრეტენდენტისაგან მოითხოვება მხოლოდ ქვეკონტრაქტორთან გაფორმებული ხელშეკრულება, ქვეკონტრაქტორის გამოცდილების მოთხოვნის გარეშე. აღნიშნული მოთხოვნა ვრცელდება მხოლოდ თბილისში და გამომდინარეობს იქიდან, რომ სააგენტოს მიმდინარე ტენდერში 49 ერთეული წარმოადგენს დიზელის ძრავიან ავტომანქანას და აღნიშნული მომსახურება გასულ წლებში არაერთხელ იქნა გაწეული მიმწოდებლის მიერ)
• სათუნუქე-სამღებრო და საშრობი ბოქსი (თუ სათუნუქე და სამღებრო მომსახურების შესრულებას მიმწოდებელი ვერ განახორციელებს საკუთარ სერვისცენტრში, იგი ვალდებულია მიმწოდებლის ავტომანქანა საკუთარი ხარჯებით გადაიყვანოს იმ სერვისცენტრში, რომელშიც შესაძლებელი იქნება აღნიშნული მომსახურების განხორციელება).

ქ.თელავში, ქ.გორში, ახალციხეში, ქუთაისში, ფოთსა და ზუგდიდში არსებულ სერვისცენტრ(ებ)ში მიმწოდებელს (ასევე ქვეკონტრაქტორს) უნდა გააჩნდეს არანაკლებ შემდეგი ხელსაწყო დანადგარები:

• ავტომანქანის არანაკლებ 3 ამწე მექანიზმი;
• საბურავის დაშლა აწყობის და ბალანსირების დანადგარი;
• თვლების შეყრის დანადგარი;
• კომპიუტერული დიაგნოსტიკის მოწყობილობა;
• საყრდენი დისკოს გასაჩარხი მოწყობილობა;
• ავტომატურ გადაცემათა კოლოფში ზეთის შეცვლის აპარატი;
• ძრავში ზეთის შესაცვლელი აპარატი;
• ელექტრო მომარაგების სარეზერვო წყარო (გენერატორი);
• სერვისცენტრი დაცული უნდა იყოს ჰიგიენური, სახანძრო და ტექნიკური უსაფრთხოების ნორმები;
• დათვალიერების ორმო;

პრეტენდენტის სერვისცენტრში დაცული უნდა იყოს ჰიგიენური და შრომის უსაფრთხოების ნორმები, სერვისცენტრი აღჭურვილი უნდა იყოს სათვალთვალო კამერებით (მოთხოვნის შემთხვევაში შემსყიდველს აქვს უფლება გამოითხოვოს სათვალთვალო კამერბის საშუალებით გადაღებული ვიდეომასალა).
პრეტენდენტს სერვისცენტრ(ებ)ის ტერიტორაზე უნდა გააჩნდეს სათადარიგო ნაწილების სათავსო: სათავსო უნდა შეიცავდეს ტენდერით გათვალისწინებულ ყველა მოდელის ავტომანქანაზე სავალი ნაწილის სწრაფცვეთად დეტალებს (წინა და უკანა სამუხრუჭე ხუნდებს), ზეთის, ჰაერის, საწვავისა და კონდენციონერის ფილტრებს, მინის მწმენდებსა და ძრავის ზეთებს.
სერვისცენტრის მატერიალურ-ტექნიკურ ბაზასთან განსაზღვრული მოთხოვნების დადასტურებას/შემოწმებას საჭიროების შემთხვევაში განახორციელებენ სსიპ ეროვნული სატყეო სააგენტოს წარმომადგენლები, ადგილზე მისვლით (დათვალიერებით).

პრეტენდენტმა უნდა წარმოაადგუინოს ინფორმაცია ქვეკონტრაქტორის არსებობა/არ არსებობის შესახებ.

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ქვეკონტრაქტორის გამოცდილების (ასევე სარეკომენდაციო წერილი) შესახებ ინფორმაცია/დოკუმენტაცია 2.2.1 პუნქტის გათვალისწინებით.

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს მასსა და ქვეკონტრაქტორს შორის გაფორმებული შესაბამისი ხელშეკრულება, რომელიც ძალაში უნდა იყოს არანაკლებ 2024 წლის 31 დეკემბრის ჩათვლით (აღნიშნული ვადის გასვლა კონტრაქტორს არ ათავისუფლებს ქვეკონტრაქტორის მიერ გაწეული მომსახურების და მომსახურების დროს გამოყენებული სათადარიგო ნაწილების საგარანტიო ვალდებულებიდან) და რომლის შესყიდვის საგანსაც უნდა წარმოადგენდეს წინამდებარე სატენდერო დოკუმენტაციით გათვალისწინებული ავტომანქანების ტექნიკური მომსახურება (წინამდებარე ტენდერის SPA ნომრის მითითებით).

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

2) ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების პრეისკურანტის (ხარჯთაღრიცხვის ჯამურ ღირებულებასთან), ასევე პრეისკურანტის ერთეულებთან მიმართებით.

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

2) ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების პრეისკურანტის (ხარჯთაღრიცხვის ჯამურ ღირებულებასთან), ასევე პრეისკურანტის ერთეულებთან მიმართებით.

2 Процентов

5 Процентов

გარანტია ძალაში უნდა იყოს არანაკლებ 2025 წლის 1 მარტამდე

1. ხელშეკრულების შესრულების უზრუნველყოფის (უპირობო გამოუთხოვადი) გარანტია გაცემული უნდა იყოს საქართველოში რეგისტრირებული შესაბამისი უფლების მქონე საბანკო, სადაზღვეო ან სხვა საკრედიტო დაწესებულების მიერ.
2. ხელშეკრულების შესრულების უზრუნველყოფის გარანტია წარმოდგენილი უნდა იყოს გამარჯვებული პრეტენდენტის მიერ ხელშეკრულების დადებამდე.
3. ხელშეკრულების შესრულების უზრუნველყოფის გარანტიის წარმოდგენა ხორციელდება დედანი დოკუმენტის წარმოდგენის გზით.

1. ანგარიშსწორება მოხდება, ეტაპობივრად უნაღდო ანგარისწორებით ლარებში.
2. ანგარიშსწორება მიმწოდებელთან განხორციელდება ფაქტიურად გაწეული მომსახურების მიხედვით, მიღება-ჩაბარების აქტის და შესაბამისი ფინანსური დოკუმენტაციის საფუძველზე.
3. იმ შემთხვევაში თუ მიმწოდებელს აქვს წარმოქმნილი რაიმე სახის დავალიანება „შემსყიდველთან", შემსყიდველი უფლებამოსილია დავალიანების სრულად დაფარვამდე არ განახორციელოს ანგარიშსწორება.

წინამდებარე სატენდერო პირობების 7.2 ველის მე-2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშო დღის განმავლობაში.

მარიამი სამსონია, 599455556, mariami.samsonia@yahoo.com

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.