Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #47875122)

საყოფაცხოვრებო-საოჯახო ტექნიკის შეკეთების მომსახურების შესყიდვა.

გასაწევი მომსახურების ჩამონათვალი (ტექნიკური დავალება დანართი N2 (პრეისკურანტი)).

მიმწოდებელმა უნდა უზრუნველყოს მომსახურების გაწევა შემსყიდველის მოთხოვნის შესაბამისად, 2024 წლის პირველი იანვრიდან 2024 წლის 31 დეკემბრის ჩათვლით.

ა) მიმწოდებელმა უნდა უზრუნველყოს შესაკეთებელი ტექნიკის ტრანსპორტირება პრეისკურანტში მითითებული წესის შესაბამისად.

ბ) პრეტენდენტმა უნდა უზრუნველყოს შეტყობინების მიღებიდან არაუმეტეს 2 (ორი) სამუშაო დღეში ადგილზე გამოცხადება, ხოლო მარტივი დაზიანების აღმოფხვრა უნდა განხორციელდეს ადგილზე გამოცხადებიდან არაუგვიანეს 5 (ხუთი) სამუშაო დღეში.

გ) იმ შემთხვევაში თუ აუცილებელია დაზიანებული ტექნიკის ნაწილის შეცვლა და აღნიშნულთან დაკავშირებით შედგა დეფექტური აქტი, შეცვლა უნდა განხორციელდეს არაუგვიანეს 20 (ოცი) კალენდარულ დღეში.

დ) იმ შემთხვევაში თუ შესაცვლელი ნაწილი დეფიციტურია (დეფიციტურად არ მიიჩნევა ნაწილი, რომელიც საქართველოს ტერიტორიაზე გაყიდვაში აქვს ერთ მიმწოდებელს მაინც) მის შესაკეთბლად განისაზღვრება გონივრული ვადა, მაგრამ არაუმეტეს 20 (ოცი) სამუშაო დღე.

ე) ვიზუალური დათვალიერების დროს, თვალსაჩინო ნაკლის აღმოჩენისას ან/და ტექნიკური წუნის შემთხვევაში შემსყიდველი დაუყონებლივ აცნობებს შემსრულებელს აღმოჩენილი ნაკლის შესახებ. მიმწოდებელი ვალდებულია უზრუნველყოს წუნის გამოსწორება საკუთარი ხარჯებით შეტყობინების მიღებიდან 5 (ხუთი) კალენდარულ დღის განმავლობაში.

ა) კონკრეტული შეცვლილი დეტალისა და გაწეული მომსახურების საგარანტიო ვადა უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთ) თვეს.

ბ) საგარანტიო პერიოდში მიმწოდებელი ვალდებულია საკუთარი ხარჯით უზრუნველყოს ხარვეზის აღმოფხვრა და მომსახურების გაწევა (მათ შორის აანაზღაუროს/გადაიხადოს მოწყობილობების (საოჯახო ტექნიკის) სერვისის ხარჯები).

ქ. თბილისში, ქ. ქუთაისში და ქ. ბათუმში პრეტენდენტს უნდა ჰყავდეს ქვეკონტრაქტორ(ებ)ი ან/და უნდა გააჩნდეს სერვის-ცენტრ(ებ)ი.

პრეტენდენტმა უნდა წარმოადგინოს ინფორმაცია აღნიშნულ ქალაქებში არსებული ქვეკონტრაქტორ(ებ)ის ან/და სერვის-ცენტრ(ებ)ის შესახებ. ქვეკონტრაქტორ(ებ)ის არსებობის შემთხვევაში წარმოდგენილ უნდა იქნას გაფორმებული, მოქმედი ხელშეკრულებ(ებ)ი, რომელთა მოქმედების ვადა უნდა ვრცელდებოდეს არანაკლებ 2024 წლის 31 დეკემბრის ჩათვლით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობა უნდა დასაბუთდეს სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის მოთხოვნათა გათვალისწინებით, საშემფასებლო დასკვნით (ამასთან,ბუღალტრული აღრიცხვის, ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს) საშემფასებლო დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი)).

ანგარიშსწორება განხორციელდება უნაღდო ანგარიშსწორებით ლარში ფაქტობრივად გაწეული მომსახურების შესაბამისად.

მიმწოდებელთან ანგარიშსწორება განხორციელდება ფაქტობრივად გაწეული მომსახურების მიხედვით. მიღება–ჩაბარების აქტის ხელმოწერის, ინსპექტირების აქტის, საგადასახადო ანგარიშ-ფაქტურისა და სასაქონლო ზედნადების (კანონმდებლობით დადგენილ შემთხვევებში) წარმოდგენის საფუძველზე, არაუგვიანეს 10 სამუშაო დღის ვადაში.

ქეთევან პაპელიშვილი, 593571571, ketpapelishvili@sps.gov.ge ტექნიკურ საკითხებთან დაკავშირებით დაუკავშირდით ნონა კაპანაძეს ტელ: 577250447

ა) პრეტენდენტის მიერ წარმოდგენილ პრეისკურანტში დაფიქსირებული საქონლის/მომსახურების ერთეულის ღირებულება არ უნდა აღემატებოდეს სატენდერო პირობების 1.3. პუნქტში მოცემულ დანართ N1-ში შესაბამის პოზიციაზე დაფიქსირებულ ერთეულის სავარაუდო ღირებულებას.
ბ) შემსყიდველის მიერ წარმოდგენილი პრეისკურანტის სავარაუდო ღირებულებასა და პრეტენდენტის მიერ ერთიან ელექტრონულ სისტემაში დაფიქსირებულ ბოლო შეთავაზებას შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასთა კლება პრეტენდენტმა პროცენტულად და პროპორციულად უნდა ასახოს ყველა დასახელების საქონელსა და მომსახურებაზე.
გ) პრეისკურანტის დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.
დ) ტენდერში გამარჯვებულ პრეტენდენტთან ხელშეკრულება გაფორმდება 40,000.00 (ორმოცი ათასი ლარი და 00 თეთრი) ლარზე.
ე) თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.
ვ) პრეტენდენტი უფლებამოსილია ფასთა ცხრილი (დანართი N1) სისტემაში წარმოადგინოს Excel ფაილის სახით.
ზ) პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში, პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებელის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
თ) ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
ი) ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
კ) სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კანონმდებლობთ დადგენილი წესით.
ლ) სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
მ) პრეტენდენტს არ აქვს უფლება წარმოადგინოს ალტერნატიული სატენდერო წინადადება.
ნ) მიმწოდებელი ვალდებულია გაუწიოს შემსყიდველს უფლებრივად და ნივთობრივად უნაკლო მომსახურება.
ო) სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.