Столовые и общественное питание (Грузия - Тендер #47875120)

ქ. თბილისში დაგეგმილ ტრენინგ კურსში მონაწილე პირებისთვის კვებითი მომსახურების შესყიდვა

1.თბილისში დაგეგმილ ტრენინგ კურსში მონაწილე პირებისთვის კვებითი მომსახურების გაწევა.
2. შემდეგი სახის აუცილებელი ინვენტარის ქონა:
- თერმოსი, ჩაიდანი;
- მაგიდის გადასაფარებლები, ხელსახოცები.
- სხვადასხვა დანიშნულების ჭურჭელი თეფში, ფინჯანი, საშაქრე, ჭიქა, დანა-ჩანგალი, კოვზი,პოდნოსი და სხვა (შემსყიდველის მოთხოვნის შემთხვევაში მაღალი ხარისხის მყარი ერთჯერადი გამოყენების ჭურჭელი);
3. მაღალი ხარისხის ხსნადი ყავის და ჩაის მიწოდება ერთჯერადი „პაკეტით/კონვერტით“;
4. კერძების და სუფრის გაფორმება თანამედროვე და დახვეწილი სტილით; კერძები განთავსებულ უნდა იყოს ფაიფურის (თიხა) ჭურჭელზე.
5. მომსახურე პერსონალის აღჭურვა უნიფორმით;
6. მიწოდების ადგილზე შესაბამისის რაოდენობის მომსახურე პერსონალის ყოფნა მომსახურების გაწევის სრულ პერიოდში;
7. დაუშვებელია, შეუძლოდ მყოფი (როგორიცაა ვირუსული ინფექცია, გაციება და სხვ.) მიმტანისა თუ სხვა მომსახურების გამწევი პირის ყოფნა მიწოდების ადგილზე .
8. მომსახურების გაწევა მიმწოდებლის მიერ უნდა მოხდეს როგორც სამუშაო დღეებში, ისე უქმე დღეებში, შემსყიდველის მოთხოვნის შესაბამისად.
9. თითოეული პროდუქტის ულუფის ზომა უნდა შეესაბამებოდეს ფასების ცხრილში (დანართი N1) მითითებულ მონაცემებს.
10. საკვები და ჭურჭელი მიწოდებული უნდა იქნეს შესაბამისი კონტეინერებით. დაუშვებელია, პოლიეთილენის პარკებით და სხვა არასათანადო საშუალებების გამოყენებით მიწოდება.
11. მისაწოდებელი კერძების დამზადება ეკოლოგიურად სუფთა, ახალი, მაღალხარისხიანი, ჯანსაღი პროდუქტებისგან და მზა კერძების მიწოდება შესაბამისი ტემპერატურის დაცვით;
12. მიმწოდებელი ვალდებულია უზრუნველყოს შემსყიდველისთვის მზა საკვების (კერძების) მომზადება და მიწოდება ეკოლოგიურად სუფთა გარემოში, საქართველოში მოქმედი სანიტარულ-ჰიგიენური ნორმების სრული დაცვით.
13.ტრანსპორტირება უნდა განხორციელდეს ღონისძიების ადგილამდე ჰიგიენური ნორმების გათვალისწინებით და შესაბამისი სატრანსპორტო საშუალებებით.
14. სასადილო ოთახის და მომსახურების გაწევისათვის საჭირო ინვენტარის/ნივთების დასუფთავება (საჭირო ინვენტარის/ჭურჭლის რეცხვა არ უნდა განხორციელდეს შემსყიდველის ტერიტორიაზე, ვინაიდან შემსყიდველს აღნიშნულისთვის არ გააჩნია შესაბამისი გარემო პირობები), საკვები და სხვა სახის ნარჩენების გატანა შენობიდან მომსახურების გაწევის შემდეგ დაუყოვნებლივ.
15. მისაწოდებელი კერძები და კვების პროდუქტები თავისი საგემოვნო თვისებებით უნდა შეესაბამებოდეს შესაბამის სტანდარტებს და უნდა იყოს საკვებად ვარგისი და ჯანმრთელობისთვის უვნებელი, რაზეც მიმწოდებელი პასუხს აგებს საქართველოში მოქმედი კანონმდებლობით გათვალისწინებული წესით.

ეტაპობრივად, შემსყიდველის მოთხოვნის შესაბამისად, 2023 წლის 27 ნოემბრიდან 15 დეკემბრამდე.

მომსახურების გაწევა უნდა განხორციელდეს ფინანსთა სამინისტროს აკადემიის შენობაში მისამართი: ქალაქი თბილის, გორგასლი ქ. N10

1. პრეტენდენტს უნდა გააჩნდეს ანალოგიურ სფეროში (ყავით შესვენების, ფურშეტის, მზა კერძების ადგილზე მიწოდების და ადგილზე მომსახურების გამოცდილება) მომსახურების გაწევის ერთწლიანი გამოცდილება. აღნიშნული ინფორმაცია წარმოდგენილ უნდა იქნეს დანართი N2-ის მიხედვით, დანართი N2-ში მითითებული ინფორმაცია გადამოწმებულ იქნება შემსყიდველის მიერ.
2. პრეტენდენტმა უნდა წარმოადგინოს 3 ორგანიზაციიდან დადებითი სარეკომენდაციო წერილი, მათ შორის ერთი სახელმწიფო ორგანიზაციიდან გაცემული სარეკომენდაციო წერილი (სარეკომენდაციო წერილში მითითებულ უნდა იქნეს გაწეული მომსახურების სახე, მომსახურების გამწევი ორგანიზაციის დასახელება, რამდენად ხარისხიანად, სრულად და დროულად შეასრულდა მიმწოდებელის მიერ ხელშეკრულებით ნაკისრი ვალდებულება).

პრეტენდენტს უნდა გააჩნდეს თბილისის ტერიტორიაზე სამზარეულო, სადაც მზადდება სატენდერო დოკუმენტაციით მოთხოვნილი კერძები. სამზარეულო უნდა იყოს საკუთრებაში ან განკარგვის უფლებით (საკუთრება, იჯარა, ქირავნობა). პრეტენდენტი ვალდებულია წარმოადგინოს საკუთრების (საკუთრება, იჯარა, ქირავნობა) დამადასტურებელი დოკუმენტი, ქირავნობის ან იჯარის შემთხვევაში - შესაბამისი დამადასტურებელი დოკუმენტის (იჯარის/ქირავნობის ხელშეკრულების წარმოდგენის შემთხვევაში ხელშეკრულება დამოწმებული უნდა იყოს ნოტარიულად) მოქმედების ვადა უნდა აღემატებოდეს მომსახურების გაწევის პერიოდს.
ფართი შესაბამისი სამზარეულოსთვის თავისი აღჭურვილობით ადგილზე დათვალიერებული და გადამოწმებული იქნება შემსყიდველის მიერ.

1.პრეტენდენტის მიერ შემოთავაზებული შესყიდვის ობიექტის ღირებულება უნდა დაანგარიშდეს შემსყიდველი ორგანიზაციის მიერ განსაზღვრული კვების მომსახურების ფასთა ცხრილის ფორმით (სატენდერო დოკუმენტაციის დანართი N1) და მის შესაბამისად.პრეტენდენტის მიერ შესყიდვების ერთიან ელექტრონულ სისტემის მეშვეობით წარმოდგენილ პრეისკურანტში მითითებული ერთეულის ფასები არ უნდა აღემატებოდეს შემსყიდველის მიერ პრეისკურანტში შესაბამის გრაფაში მითითებულ ერთეულის სავარაუდო ფასებს.
2. პრეტენდენტმა უნდა უზრუნველყოს მომსახურების მიწოდების განფასება სატენდერო დოკუმენტაციის დანართი 1-ის (პრეისკურანტი) შესაბამისად. წარმოდგენილ ფასთა ცხრილში მითითებული ერთეულის ფასი უნდა ითვალისწინებდეს მომსახურების გაწევისთვის საჭირო ყველა ხარჯს (მათ შორის, კერძების და კვების პროდუქტების მომზადების და მიწოდების, მომსახურე პერსონალის ხელფასს, ტრანსპორტირების ხარჯს და სხვას). ნებისმიერი ხარჯი რომელიც არ შევა ამ ღირებულებაში არ ანაზღაურდება.
3. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც.
4. შემსყიდველს უფლება აქვს თითოეულ ჯერზე მოითხოვოს მინიმუმ 2 პერსონისთვის კვებითი მომსახურების გაწევა და თითოეულ ჯერზე დანართი N1-ში მითითებული პოზიციებიდან მინიმუმ 2 პოზიცია.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილი უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ანგარიშსწორება მოხდება ეტაპობრივად, თითოეული პროექტის დასრულების შემდგომ ფაქტიურად გაწეული მომსახურების შესაბამისი ანგარიშ–ფაქტურისა (თუ მიმწოდებელი არ არის დღგ-ის გადამხდელი, დღგ-ეს არგადამხდელობის შესახებ შესაბამისი ცნობის წარმოდგენიდან) და მიღება-ჩაბარების აქტის საფუძველზე.

ანგარიშსწორება მოხდება ეტაპობრივად, თითეული პროექტის დასრულების შემდგომ ფაქტიურად გაწეული მომსახურების შესაბამისი ანგარიშ–ფაქტურის (თუ მიმწოდებელი არ არის დღგ-ის გადამხდელი, დღგ-ეს არგადამხდელობის შესახებ შესაბამისი ცნობის წარმოდგენიდან) წარმოდგენიდან და მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

ქრისტინე ენუქიძე, 599082080, k.enukidze@mof.ge

.პრეტენდენტის მიერ წარმოდგენილი სატენდერო წინადადების ღირებულება გაანგარიშებული უნდა იყოს ეროვნულ ვალუტაში ლარში. ხარჯი, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
2. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნეს დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული).
3. გამარჯვებულ პრეტენდენტთან ხელშეკრულების დადებისას შესაბამისი დოკუმენტის წარმოდგენის შემთხვევაში ხელშეკრულების ღირებულებაში დამატებით იქნება გათვალისწინებული დღგ-ს ოდენობა, თუ აღნიშნული პრეტენდენტი სახელმწიფო შესყიდვების შესახებ ხელშეკრულების გაფორმების მომენტისთვის იქნება დღგ - ის გადამხდელი საქართველოს კანონმდებლობის მოთხოვნათა შესაბამისად.
4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
6. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კანონდებლობის შესაბამისად.