Ремонт и техническое обслуживание защитных и военных материалов (Грузия - Тендер #47727969)

გურჯაანის მუნიციპალიტეტის ტერიტორიაზე არსებული ვიდეო-სამეთვალყურეო კამერების შეკეთების (აღდგენა-ჩანაცვლება) მომსახურების შესყიდვა.

მიმწოდებელმა უნდა განახორციელოს გურჯაანის მუნიციპალიტეტის საკუთრებაში არსებული ვიდეო-სამეთვალყურეო კამერების შეკეთება (აღდგენა-ჩანაცვლება), რომელთაც აღენიშნება ფიზიკური ზემოქმედებისა ან/და ელ. ძაბვის შედეგად მიღებული დაზიანებები:

• სახელმწიფო ნომრის ამომცნობი ვიდეო სამეთვალყურეო კამერის კომპლექტი, გარე გამოყენების კორპუსითა და საწმენდი მექანიზმით (Avigilon 2.0C-H5A-B1, Aetek AETEK Camera Housing P2000-IW, IR Iluminator VR-480, BK-100, TP-100)
• ზოგადი ხედვის ვიდეო-სამეთვალყურეო კამერა (Milesight 12X PTZ)

ვიდეო-სამეთვალყურეო კამერებისა და გარე გამოყენების კორპუსის შეკეთება უნდა მოხდეს ფასების ცხრილში მითითებული ნაწილების (ე.წ. პლატების) შეკეთებით ან/და ახლით შეცვლით.

გამარჯვებულ პრეტენდენტს დაზიანებული ტექნიკა გადაეცემა მუნიციპალიტეტის მიერ წინასწარ განსაზღვრულ მისამართზე და შეკეთების შემდგომ მიმწოდებელი ვალდებულია დააბრუნოს იგივე ლოკაციაზე.

გასაწევი მომსახურების დეტალური აღწერილობა მოცემულია ფასების ცხრილში (დანართი #1).

მომსახურების მიწოდება უნდა განხორციელდეს ხელშეკრულების გაფორმებიდან 20 კალენდარული დღის ვადაში.

1. მიმწოდებელი ვალდებულია სამუშაოები შეასრულოს საქართველოს კანონმდებლობით გათვალისწინებული შესაბამისი ნორმების დაცვით და სატენდერო დოკუმენტაციის მოთხოვნების შესაბამისად.
2. მომსახურების მიწოდების ადგილია: გურჯაანის მუნიციპალიტეტი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), წარმოდგენილი დასკვნით უნდა დასტურდებოდეს პრეტენდენტის მიერ ატვირთულ ფასების ცხრილში დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ფასების ცხრილით განსაზღვრული მომსახურების შესრულების შესაძლებლობა. ექსპერტიზის, ან/და აუდიტის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

- ანგარიშსწორება განხორციელდება მომსახურების გაწევის შემდეგ, წარმოდგენილი მიღება-ჩაბარების აქტისა და შესაბამისი ფინანსური დოკუმენტების საფუძველზე.

- ანგარიშსწორება მომწოდებელთან განხორციელდება მიწოდებული მომსახურეობის შესახებ მიღება-ჩაბარების აქტისა გაფორმებიდან 10 სამუშაო დღის განმავლობაში.

ნინო სტეფნაძე, 599282995, gurjaanismunicipaliteti@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით, გარდა დღგ-სა.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან წარდგენილ ფასების ცხრილის განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
8. ამხანაგობის შემთხვევაში პრეტენდენტმა უნდა წარმოადგინოს ინფორმაცია სახელმწიფო შესყიდვის შესახებ ხელშეკრულების ფარგლებში შესასრულებელი ვალდებულებების განაწილების შესახებ დანართი #4_ის შესაბამისად.
9. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.