Ремонт и техническое обслуживание строительных сооружений (Грузия - Тендер #47685834)

შინაგან საქმეთა სამინისტროს შენობებში არსებული „DIAO ELEVATOR“-ის ფირმის დეტალებით მოდერნიზირებული 2 (ორი) ერთეული სამგზავრო ლიფტის ტექნიკური მომსახურების შესყიდვა.

ტექნიკური პირობები:

1. მიმწოდებელი ვალდებულია გამოყოს ელ. მექანიკოსი ზედამხედველად, რომელიც პასუხისმგებელია ლიფტების გამართულ მუშაობაზე.
1.1. შესაბამისი კვალიფიკაციის მქონე მორიგე მექანიკოსის მოვალეობაა ავარიულად გაჩერებული ლიფტის შეკეთება.
2. გასაწევი მომსახურეობის პირობები ასევე მოიცავს ლიფტების დათვალიერებას, მექანიკური და ელექტრო-კვანძების შემოწმებას თვეში ორჯერ თარიღი განისაზღვროს შემსყიდველის მოთხოვნის შესაბამისად (შესაბამისი შუალედური აქტის გაფორმებით):
2.1 მთავარი ჯალამბრისა და ელექტრული ძრავის შემოწმება;
2.2 ამწევი ბაგირების შემოწმება;
2.3 მუხრუჭის სისტემის შემოწმება;
2.4 კაბინის ავარიული დამჭერების შემოწმება, დარეგულირება;
2.5 მართვის კარადის შემოწმება;
2.6 კაბინისა და შახტის კარების მექანიზმების შემოწმება, დარეგულირება;
2.7 ელექტრო და მექანიკური უსაფრთხოების კვანძების შემოწმება, დარეგულირება;
2.8 სიჩქარის შემზღუდველის შემოწმება;
2.9 სიჩქარის შემზღუდველის ბაგირის შემოწმება;
2.10 საპირწონის ზამბარებისა და კაბინის საბალანსო საკიდების შემოწმება;
2.11 ბაგირის მიმმართველი ბორბლის შემოწმება;
2.12 ელექტრო სადენების შემოწმება;
2.13 გამოძახების და ბრძანების პოსტების შემოწმება;
2.14 მიმმართველის შემზეთი მოწყობილობების შემოწმება;
2.15 ჯალამბარის გარდა ყველა დაზიანებული და უვარგისი ნაწილის შეცვლა.
3. მიმწოდებელი ვალდებულია უზრუნველყოს (DIAO ELEVATOR)-ის ლიფტების ნაწილებით (ჭიახხრახნული ჯალამბარი, სიჩქარის გადაჭარბების შემზღუდი, ელ. მართვის ფარი, ყველა ტიპისა და დანიშნულების კაბელ-გაყვანილობა, შიდა და გარე გამოძახების პოსტერები) მოდერნიზებული სამგზავრო ლიფტების ტექნიკური მომსახურება და საჭიროების შემთხვევაში, საკუთარი მარაგ ნაწილებით ავარიულად გაჩერებული ლიფტის გამართვა-ექსპლუატაციაში გაშვება.
4. მიმწოდებელი ვალდებულია დაიცვას ლიფტის უსაფრთხო ექსპლუატაციის წესებით გათვალისწინებული ყველა მოთხოვნა.
5. მიმწოდებელი პასუხისმგებელია იმ უბედურ შემთხვევებზე, რომლებიც შეიძლება გამოწვეულ იყოს წესების უგულებელყოფით.
6. წინამდებარე ტენდერით განსაზღვრული მომსახურების ღირებულება მოიცავს, როგორც შეკეთების ღირებულებას ასევე სათადარიგო ნაწილის ღირებულებასაც, შესაბამისად შეცვლის საჭიროების შემთხვევაში, სათადარიგო ნაწილი უზრუნველყოფილი უნდა იქნას მიმწოდებლის მიერ, საკუთარი ხარჯებით. გამოყენებული სათადარიგო ნაწილები რეკომენდირებული უნდა იყოს ლიფტების მწარმოებელი კომპანიის მიერ.
7. მიმწოდებლის მიერ შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას აღნიშნული დაზიანება/მიყენებული ზიანი.

მომსახურება უნდა განხორციელდეს 2024 წლის 01 იანვრიდან/ხელშეკრულების გაფორმებიდან 2024 წლის 31 დეკემბრის ჩათვლით, ეტაპობრივად, შემსყიდველის მოთხოვნის შესაბამისად, კერძოდ:

1. ავარიულად გაჩერებული ლიფტის გაშვება უნდა მოხდეს შეტყობინების მიღებიდან დაუყონებლივ, მაგრამ არუგვიანეს 2 საათისა. (როდესაც არ არის შესაკეთებელი ან გამოსაცვლელი რაიმე დეტალი).

2. დაზიანებული სათადარიგო ნაწილის შეკეთება (როდესაც ნაწილი ექვემდებარება შეკეთებას და არ საჭიროებს შეცვლას) და გაჩერებული ლიფტის გაშვება უნდა მოხდეს ყოველდღიურად (შაბათ-კვირის ჩათვლით), შემსყიდველის მოთხოვნიდან 24 საათის განმავლობაში.

3. დაზიანებული სათადარიგო ნაწილის შეცვლა (როდესაც ნაწილი არ ექვემდებარება შეკეთებას და აუცილებლად საჭიროებს შეცვლას) და გაჩერებული ლიფტის გაშვება უნდა მოხდეს ყოველდღიურად (შაბათ-კვირის ჩათვლით), შემსყიდველის მოთხოვნიდან 48 საათის განმავლობაში.

4. ტექნიკური დავალების მიღების და გამოძახების თარიღად ჩაითვლება შს სამინისტროს უფლებამოსილი პირის მიერ გაგზავნილი შეტყობინება (სიტყვიერად ან ელ. ფოსტაზე).

5. მიმწოდებელი ვალდებულია შესრულებული სამუშაოს ამსახველი დოკუმენტაცია (დეფექტური აქტი, შემოწმების აქტი და ა.შ.) მიღება-ჩაბარების აქტის გაფორმების მიზნით წარმოადგინოს არაუგვიანეს საანგარიშო თვის მომდევნო თვის 15 რიცხვისა.

შეტყობინება შესაძლებელია განხორციელდეს სატელეფონო ან/და ელექტრონულ ფოსტაზე შეტყობინების გზით.

მომსახურების გაწევის ადგილი: ქ. თბილისი, გ. გულუას ქუჩა N8 და N10.

1.7.1.1 ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია 1 (ერთი) კალენდარული დღის ვადაში გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე.

2.2.1.1 პრეტენდენტს 2021 წლის 01 იანვრიდან უნდა გააჩნდეს არანაკლებ 60 000 (სამოცი ათასი) ლარის ღირებულების ლიფტების ტექნიკური მომსახურების გამოცდილება. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს (ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი: მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია).

2.9.1 პრეტენდენტი ვალდებულია წარმოადგინოს ინფორმაცია არანაკლებ 2 (ორი) მობილური სატელეფონო ნომრისა და 2 (ორი) ელ-ფოსტის მისამართის შესახებ, - საკონტაქტო პირ(ებ)ის მითითებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილი უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტობრივად გაწეული მომსახურების მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ლაშა ლევერაშვილი, 598979794, lashalevera13@gmail.com ტექნიკურ საკითხებთან დაკავშირებით დაუკავშირდით ავთანდილ ტყეშელაშვილს ტელ: 577 96-05-66.

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მომსახურების ფასების ცხრილი დანართი N1-ის მიხედვით (ფასების ცრილის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

10.2.2 ინფორმაცია მონაწილე პრეტენდენტი პირის მიერ 2021 წლის 01 იანვრიდან არანაკლებ 60 000 (სამოცი ათასი) ლარის ღირებულების ლიფტების ტექნიკური მომსახურების გამოცდილების შესახებ. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს (ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი: მიღება-ჩაბარების აქტ(ებ)ი ან შესრულების დამადასტურებელი სხვა დოკუმენტაცია).

10.2.3 ინფორმაცია ორი მობილური სატელეფონო ნომრის და ელ-ფოსტის მისამართის შესახებ, - საკონტაქტო პირების მითითებით.