Ремонт и техническое обслуживание транспортных средств и оборудования и сопутствующие услуги (Грузия - Тендер #47685784)

სპეციალური საგამოძიებო სამსახურის საკუთრებაში არსებული ავტომანქანების რეცხვისა და ქიმწმენდის მომსახურების (პრეისკურანტით) სახელმწიფო შესყიდვა.

1.2.1 მიმწოდებელმა უნდა უზრუნველყოს სატრანსპორტო საშუალებების, როგორც გარეგანი, ასევე შიდა ნაწილის რეცხვა და გასუფთავება (ძარა, სალონი, საბარგული), სპეციალური მოწყობილობების, ინვენტარისა და სარეცხი საშუალებების გამოყენებით, რეცხვის შემდეგ უნდა მოხდეს სატრანსპორტო საშუალების გაშრობა.
1.2.2 მომსახურების გაწევა უნდა განხორციელდეს პლასტიკური ბარათების მეშვეობით.
1.2.3 მიმწოდებელი ვალდებულია განახორციელოს 42 ერთეული პლასტიკური ბარათის მიწოდება ხელშეკრულების გაფორმებიდან არაუგვიანეს 3 (სამი) სამუშაო დღის ვადაში.
1.2.4 იმ შემთხვევაში, თუ ხელშეკრულების მიმდინარეობის პროცესში, შემსყიდველს ბალანსზე დაემატება ავტომანქანა/ები, შემსყიდველის მოთხოვნიდან 3 (სამი) სამუშაო დღის ვადაში, მიმწოდებელმა უნდა უზრუნველყოს დამატებითი პლასტიკური ბარათ(ებ)ის დამზადება უსასყიდლოდ.
1.2.5 შემსყიდველს უნდა შეეძლოს თითოეულ პლასტიკურ ბარათზე სასურველი რეცხვის ლიმიტის დაწესება.
1.2.6 ბარათების დამზადებისას, მიმწოდებელმა, ასევე უნდა უზრუნველყოს ბარათზე შემსყიდველი ორგანიზაციის შესახებ ნებისმიერი სახის ინფორმაციის უსასყიდლოდ განთავსება.
1.2.7 მომსახურების გაწევა უნდა განხორციელდეს ყოველდღიურად (ორშაბათიდან კვირის ჩათვლით):
1.2.7.1 2024 წლის 15 აპრილიდან 2024 წლის 15 ნოემბრამდე - არაუგვიანეს 9:00 საათიდან არანაკლებ 21:00 საათამდე;
1.2.7.2 2024 წლის 01 იანვრიდან 15 აპრილამდე, 2024 წლის 15 ნოემბრიდან 31 დეკემბრის ჩათვლით - არაუგვიანეს 9:00 საათიდან არანაკლებ 19:00 საათამდე.
1.2.8 მომსახურების გაწევა უნდა განხორციელდეს მიმწოდებლის მიერ სატენდერო წინადადებით შემოთავაზებულ მისამართებზე, მოთხოვნის შესაბამისად, შემსყიდველის მიერ მიმწოდებლისთვის ბარათის წარდგენიდან არაუგვიანეს 1 საათისა.
1.2.9 მომსახურების გაწევის დროს, მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს.
1.2.10 შესყიდველს უფლება აქვს სატენდერო წინადადებების მიღების ვადის დასრულების შემდგომ ადგილზე შეამოწმოს პრეტენდენტის მატერიალურ-ტექნიკური ბაზა.
1.2.11 პრეტენდენტი ვალდებულია, წარმოადგინოს ავტოსამრეცხაოების მისამართები და სამრეცხაოების Google.map-ის კოორდინატები (ლოკაციები) (სატენდერო დოკუმენტაციის 1.5.1 ქვეპუნქტში მითითებული ქალაქების შესაბამისად).
1.2.12 მიმწოდებელმა, ხელშეკრულების გაფორმების შემდეგ, ყველა შემოთავაზებულ ობიექტზე (სამრეცხაოზე) უნდა გამოყოს საკონტაქტო პირი (მენეჯერი), რომელთანაც შესაძლებელი იქნება წინასწარი დაჯავშნა/ჩაწერა რეცხვის მომსახურების შესახებ.

1.2.13 შესყიდვის ობიექტის დასახელება მოცემულია მომსახურების პრეისკურანტში, რომელიც ატვირთულია სატენდერო დოკუმენტაციის 1.3 პუნქტში.

ეტაპობრივად, შემსყიდველის მოთხოვნის შესაბამისად, 2024 წლის 01 იანვრიდან 2024 წლის 31 დეკემბრის ჩათვლით.

1.5.1 მომსახურების გაწევის ადგილი: ქ. თბილისი; ქ. ქუთაისი; ქ. ბათუმი; ქ. ზუგდიდი; ქ. თელავი, მიმწოდებლის მიერ განსაზღვრული ავტოსამრეცხაო სადგურები (ასევე, მიმწოდებლის თანხმობის შემთხვევაში, მომსახურების გაწევა შესაძლებელია განხორციელდეს მის საკუთრებაში/სარგებლობაში არსებულ სამრეცხაოებში ქვეყნის მასშტაბით).
1.5.2 პლასტიკური ბარათების მიწოდების ადგილი: შემსყიდველის ადმინისტრაციული შენობები: ქ. თბილისი, მ. ასათიანის ქ. N9; ქ. ქუთაისი, ირ. აბაშიძის ქ. N22.

პრეტენდენტს საკუთრებაში ან/და სარგებლობაში ან/და ქვეკონტრაქტით უნდა გააჩნდეს: ქ. თბილისის ტერიტორიაზე არანაკლებ 2 სამრეცხაო, თითოეული არანაკლებ 2 (ორი) ბოქსით, რომელთაგან არანაკლებ 1 (ერთი) სამრეცხაო უნდა მდებარეობდეს სპეციალური საგამოძიებო სამსახურის ადმინისტრაციული შენობიდან (ქ. თბილისი, მ. ასათიანის ქ. №9) არაუმეტეს 5 (ხუთი) კილომეტრის რადიუსში, ქ. ქუთაისის ტერიტორიაზე, არანაკლებ 1 სამრეცხაო, არანაკლებ 2 (ორი) ბოქსით, რომელთაგან არანაკლებ 1 (ერთი) სამრეცხაო უნდა მდებარეობდეს სპეციალური საგამოძიებო სამსახურის ადმინისტრაციული შენობიდან (ქ. ქუთაისი, ირ. აბაშიძის ქ. №22) არაუმეტეს 5 (ხუთი) კილომეტრის რადიუსში, ხოლო ქ. ბათუმის ტერიტორიაზე, არანაკლებ 1 სამრეცხაო, არანაკლებ 2 (ორი) ბოქსით, რომელთაგან არანაკლებ 1 (ერთი) სამრეცხაო უნდა მდებარეობდეს სპეციალური საგამოძიებო სამსახურის ადმინისტრაციული შენობიდან (ქ. ბათუმი, მაზნიაშვილის ქ. №54) არაუმეტეს 5 (ხუთი) კილომეტრის რადიუსში. საკუთრების ან/და სარგებლობის უფლებით ფლობის შემთხვევაში, პრეტენდენტმა ერთიან ელექტრონულ სისტემაში უნდა წარმოადგინოს საკუთრების ან/და სარგებლობის უფლების დამადასტურებელი დოკუმენტები. საკუთრების შემთხვევაში წარმოდგენილ უნდა იქნას საკუთრების დამადასტურებელი დოკუმენტი, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს სატენდერო დოკუმენტაციით გათვალისწინებული მომსახურების გაწევის ვადას, სარგებლობის უფლებით ფლობის შემთხვევაში ასევე ატვირთული უნდა იქნას ბოქსების მესაკუთრის საკუთრების დამადასტურებელი დოკუმენტაცია.

ქვეკონტრაქტორის არსებობის შემთხვევაში, პრეტენდენტმა ერთიან ელექტრონულ სისტემაში უნდა წარმოადგინოს ქვეკონტრაქტორთან გაფორმებული ხელშეკრულება, რომლის მოქმედების ვადა ტოლი უნდა იყოს ან აღემატებოდეს სატენდერო დოკუმენტაციით გათვალისწინებული მომსახურების გაწევის ვადას. ამასთან, წარმოდგენილი უნდა იქნეს სატენდერო დოკუმენტაციის 2.3.1 პუნქტით გათვალისწინებული მატერიალურ-ტექნიკური ბაზის ქვეკონტრაქტორის საკუთრების ან/და სარგებლობის უფლების დამადასტურებელი დოკუმენტები. საკუთრების შემთხვევაში წარმოდგენილ უნდა იქნას საკუთრების დამადასტურებელი დოკუმენტი, ხოლო სარგებლობის უფლებით ფლობის შემთხვევაში – ქვეკონტრაქტორის მიერ სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა ტოლი უნდა იყოს ან აღემატებოდეს სატენდერო დოკუმენტაციით გათვალისწინებული მომსახურების გაწევის ვადას და ატვირთული უნდა იქნას ბოქსების მესაკუთრის საკუთრების დამადასტურებელი დოკუმენტაცია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების პრეისკურანტში (ხარჯთაღრიცხვაში) (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების პრეისკურანტით (ხარჯთაღრიცხვით) განსაზღვრული შესყიდვის ობიექტის (მომსახურების გაწევის) მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება უნაღდო ანგარიშსწორებით, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე (არსებობის შემთხვევაში), სპეციალური საგამოძიებო სამსახურის 2024 წლის ბიუჯეტის სახსრებით.

ეტაპობრივად, ფაქტიურად გაწეული მომსახურების შესაბამისად, მიღება–ჩაბარების აქტის გაფორმებიდან და შესაბამისი საგადასახადო დოკუმენტაციის (არსებობის შემთხვევაში) წარმოდგენიდან 10 სამუშაო დღის განმავლობაში.

ბადრი საჯაია, 599700335, bsajaia@sis.gov.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.7 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.9 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - „კითხვა/პასუხის“ მეშვეობით, ან/და სატენდერო კომისიის აპარატში, ქ. თბილისი, მ. ასათიანის ქ. N9.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 მომსახურების პრეისკურანტი (დანართი N1) (მომსახურების პრეისკურანტის წარმოუდგენლობა ან განუფასებელი მომსახურების პრეისკურანტის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
10.2.2 ინფორმაცია მატერიალურ-ტექნიკური ბაზის შესახებ, სატენდერო დოკუმენტაციის 1.2.11 და 2.3.1 ან/და 2.8.1 პუნქტების შესაბამისად.