Спортивные услуги (Грузия - Тендер #47441155)

მსოფლიოს ორგზის ჩემპიონის, თეიმურაზ აფხაზავას სახელობის ბერძნულ-რომაულ ჭიდაობის საერთაშორისო ტურნირის ორგანიზება.

ა) „მიმწოდებელმა“ უნდა უზრუნველყოს ფასების ცხრილით განსაზღვრული მოთხოვნების შესაბამისად,
მსოფლიოს ორგზის ჩემპიონის, თეიმურაზ აფხაზავას სახელობის ბერძნულ-რომაულ ჭიდაობის საერთაშორისო ტურნირის ორგანიზება 2023 წლის 25, 26 და 27 ნოემბერს. სპორტულ დარბაზს ტურნირისათვის უზრუნველყოფს „შემსყიდველი“ (მ. ქორქიასა და ზ.საკანდელიძის სახელობის „სპორტის სასახლე“, ქ. ქუთაისი, ახალგაზრდობის გამზ. №96ა)
ბ) „მიმწოდებელი“ ვალდებულია უზრუნველყოს სპორტსმენთა სასტუმროს მომსახურება (სასტუმრო შესაძლებელია იყოს ოჯახის ტიპის): 2023 წლის 25,26 და 27 ნოემბერს (Check in 25.10.23w.-Check out 27.10.2023 (2 ღამე)) - 48 პირზე.
გ) ,,მიმწოდებელი“ ვალდებულია უზრუნველყოს კვება 48 პირზე: საუზმე (2023 წლის 25,26,27 ნოემბერი) სადილი ( 2023 წლის 25,26,27 ნოემბერი) და ვახშამი (2023 წლის 25,26,27 ნოემბერი) თანდართული დანართის შესაბამისად (ფასების ცხრილი); სასტუმრო უნდა აკმაყოფილებდეს შემდეგ მოთხოვნებს:
• სპორტსმენები უნდა მოთავსდეს ორ, სამ ან ოთხადგილიან ნომრებში.
• ოთახებში უნდა იყოს ინდივიდუალური სველი წერტილები, ცივი და ცხელი წყალი, გათბობა და კონდენცირება (24 საათი), სასტუმროში შეუფერხებლად უნდა მუშაობდეს უკაბელო ინტერნეტი არანაკლებ 1 მგ/წმ სასტუმროს ნებისმიერ წერტილში.
• ოთახებში დაცული უნდა იყოს სანიტარული ნორმები, შესაბამისი რაოდენობის პირველადი ჰიგიენური პროდუქტები (საპონი, შამპუნი, დასაბანი გელი და სხვა) და თეთრეული
• ფასების ცხრილში მითითებული ჩაი, ყავა და კერძები უნდა იყოს ცხელი, ხოლო სალათები და სასმელები - შესაბამის ტემპერატურაზე გაგრილებული. ასევე, არანაკლები მითითებული მოცულობისა.
• მომსახურების მიწოდება ასევე მოიცავს შესაბამისი რაოდენობის დამხმარე პროდუქტებს, როგორიცაა: პური, შაქარი და სხვა.
• საკვების საგემოვნო თვისებები, კვებითი ღირებულება და ვიზუალური მხარე უნდა შეესაბამებოდეს ამ სფეროში არსებულ სტანდარტებსა და ნორმებს.
• თითოეული პროდუქტის ულუფის ზომა უნდა შეესაბამებოდეს ფასების ცხრილში მითითებულ მონაცემებს.
• დაუშვებელია ვადაგასული და საკვებად უვარგისი პროდუქტების მიწოდება.
• ჭურჭელი უნდა იყოს ერთნაირი, დაუზიანებელი, საუკეთესო სანიტარულ მდგომარეობაში. დაუშვებელია გატეხილი, გაბზარული ან სხვა მიზეზით არასათანადო ვიზუალურ და ჰიგიენურ მდგომარეობაში მყოფი ჭურჭლის გამოყენება.
• ყველა კერძი უნდა იყოს ახლად მომზადებული, მენიუს შესაბამისად.
• სასტუმროს უნდა ჰქონდეს საევაკუაციო გეგმა და ცეცხლმაქრი საშუალებები.
დ) „მიმწოდებელი“ ვალდებულია ერთ სასტუმროში უზრუნველყოს სპორტსმენთა მოთავსება, რომელიც უნდა მდებარეობდეს ქუთაისის ადმინისტრაციულ საზღვრებში.
ე) „მიმწოდებელმა“ უნდა უზრუნველყოს დარბაზის მოწყობა ტურნირის ჩატარებისათვის საჭირო ინვენტარით.
ვ) „მიმწოდებელმა“ უნდა უზრუნველყოს ლეიბების ტრანსპორტირება ფასების ცხრილში მითითებული ლოკაციიდან სპორტის სასახლემდე და უკან.
ზ) სპორტმენთა ტრანსპორტირებას უზრუნველყოფს ‘შემსყიდველი“
თ) „მიმწოდებელმა“ უნდა უზრუნველყოს ფასების ცხრილში მითითებული მახასიათებლების მქონე თასების, მედლების, ვიმპელების, დიპლომების, ბუკლეტებისა და აფიშების შესყიდვა.
ი)„მიმწოდებელმა“ უნდა უზრუნველყოს ტურნირის მსვლელობის დროს მთავარი მსაჯის (8 პირი) მოწვევა.
კ) „შემსყიდველი“ იტოვებს უფლებას ადგილზე შეამოწმოს „მიმწოდებლი“-ს მიერ შეთავაზებული პირობები.

მსოფლიოს ორგზის ჩემპიონის, თეიმურაზ აფხაზავას სახელობის ბერძნულ-რომაულ ჭიდაობის საერთაშორისო ტურნირის ორგანიზება 2023 წლის 25; 26 და 27 ნოემბერს.

„მიმწოდებელმა“ უნდა უზრუნველყოს ტურნირის ჩატარება სპორტულ დარბაზში- მ.ქორქიასა და ზ.საკანდელიძის სახელობის „სპორტის სასახლე“, ქ. ქუთაისი, ახალგაზრდობის №96ა. (სპორტულ დარბაზს ტურნირისათვის უზრუნველყოფს „შემსყიდველი“)

ტენდერში მონაწილე პრეტენდენტმა უნდა წარმოადგინოს:
ა) მომსახურების გასაწევად საჭირო სასტუმროს საკუთრებაში ან სარგებლობის სახით ფლობის დამადასტურებელი დოკუმენტაცია, სასტუმროს სადემონსტრაციო მასალა (ოთახების, სასადილოს, აბაზანის ფოტოები და ფასადი) და ინფორმაცია სასტუმროს დასახელების და მისამართის თაობაზე. (სასტუმრო უნდა მდებარეობდეს ქალაქ ქუთაისის ადმინიტრაციულ საზღვრებში და იჯარის ხელშეკრულების შემთხვევაში ხელშეკრულების ხანგრძლივობის ვადა არ უნდა იყოს მომსახურების გაწევის ვადაზე ნაკლები);
ბ) ინფორმაცია სასტუმროს დასახელების და მისამართის თაობაზე. (სასტუმრო და რესტორანი უნდა მდებარეობდეს ქალაქ ქუთაისის ადმინიტრაციულ საზღვრებში);
გ) სასტუმროს მისამართის (მისამართის მითითება სავალდებულოა) წინადადების წარდგენის ეტაპზე წარმოუდგენლობა გამოიწვეს პრეტენდენტის უპირობო დისკვალიფიკაციას.

პრეტენდენტმა სისტემაში უნდა ატვირთოს მსაჯების (8 პირი) (საქართველოს ჭიდაობის ფედერაციის მიერ ორგანიზებული ან საქალაქო ტურნირების მოქმედი არბიტრის (მინიმუმ 1 წლიანი გამოცდილებით) გამოცდილების და კვალიფიკაციის დამადასტურებელი დოკუმენტ(ებ)ი: ცნობა ან/და სხვა.

შენიშვნა: დოკუმენტების უცხოურ ენაზე წარმოდგენის შემთხვევაში მათ უნდა გააჩნდეთ ნოტარიულად დამოწმებული ქართული თარგმანი, ხოლო მსაჯობის გამოცდილების დამადასტურებელი ცნობების წარმოდგენის შემთხვევაში მათი გაცემის თარიღი წინ არ უნდა უსწრებდეს ტენდერის სტატუსს ,,გამოცხადებულია".

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის დასკვნა. ექსპერტიზის დასკვნას თან უნდა ერთვოდეს სატენდერო ფასების ცხრილი (ხარჯთაღრიცხვა).

2. ფასწარმოქმნის ადეკვატურობა შესაძლებელია დასაბუთდეს ექსპერტიზის/აუდიტორული/საშემფასებლო დასკვნით.

3. ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილში მითითებულ ერთეულებთან მიმართებაში.

ანგარიშსწორება მოხდება მომსახურების სრულად გაწევის შემდეგ.

10 (ათი) სამუშაო დღე.

ირაკლი ადეიშვილი, 599285289, kutaisi.procurement@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. 2019 წლის 1 იანვრიდან, შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით /კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა შესაძლებელია მხოლოდ PDF ფორმატის დოკუმენტებზე/.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე):
7.1. თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად.
7.2 თუ არ იქნება წარმოდგენილი ინფორმაცია სასტუმროს მისამართის თაობაზე.

8. წინადადების წარდგენის ეტაპზე ატვირთული ხარჯთაღიცხვა(ებ)ში მითითებული ერთეულის ღირებულებების გაზრდა დაუშვებელია ხარჯთაღრიცხვ(ები)ის დაზუსტების მოთხოვნის შემთხვევაში.