Техническое обслуживание и ремонт (Грузия - Тендер #47441151)

შესყიდვის ობიექტია პრეისკურანტით განსაზღვრული პერსონალური კომპიუტერების და საოფისე აპარატურის შეკეთების და ტექნიკური მომსახურების გაწევა.

მომსახურების გაწევის წესი:.
• შეკეთება და ტექნიკური მომსახურება გულისხმობს კომპიუტერული ტექნიკის დროულ და სრულყოფილ შეკეთებას, პროფილაქტიკური და დიაგნოსტიკური მომსახურების გაწევას, ტექნიკის ნაწილების (დეტალების) შეკეთებას ან/და გამოცვლას.
• მომსახურება გაწეული უნდა იქნეს შემსყიდველის საჭიროების შესაბამისად, ეტაპობრივად, მოთხოვნიდან (სატელეფონო ან ელ. ფოსტით შეტყობინება) 2 ორი სამუშაო დღის ვადაში ხელშეკრულების გაფორმების დღიდან 2023 წლის 31 დეკემბრის ჩათვლით, შემდეგ მისამართებზე: ქ. ქუთაისი ირ. აბაშიძის N22; ქ. თბილისი წმინდა ქეთევან დედოფლის გამზირი N96.; ქ. ბათუმი შერიფ ხიმშიაშვილის ქუჩა N7.
• თუ ხელშეკრულების მოქმედების პერიოდში აღმოჩნდება, რომ განფასების ცხრილში არ არის საჭირო მომსახურება, ასეთი მომსახურების ფასი დგინდება მხარეთა შორის შეთანხმებით საბაზრო ფასის გათვალისწინებით (ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%- ს).
• ტენდერში გამარჯვებულმა ორგანიზაციამ მომსახურების გაწევის პროცესში უნდა გამოყოს ყველა საჭირო ხელსაწყოებით აღჭურვილი მაღალკვალიფიციური ტექნიკური პერსონალი, რომლებმაც საჭიროების შემთხვევაში უნდა უზრუნველყონ სხვადასხვა სახის პერსონალური კომპიუტერების და საოფისე აპარატურის შეკეთების მომსახურება.
• მიმწოდებელმა მომსახურების გაწევის პროცესში უნდა გამოიყენოს ახალი და არა მეორადი სათადარიგო ნაწილები.
• გაწეულ მომსახურებაზე მხარეები ადგენენ მიღება-ჩაბარების აქტს, რომელშიც მითითებული უნდა იყოს გაწეული მომსახურების დეტალური აღწერა, შესრულებული სამუშაოების რაოდენობა ან/და მოცულობა, ფასი და საერთო ღირებულება (მომსახურების ფასები გათვალისწინებული იქნება პრეისკურანტში (დანართი N1) მოცემული ფასების მიხედვით.
• განხორციელებულ მომსახურებაზე და თანმდევ მაკომპლექტებელ ნაწილებზე უნდა ვრცელდებოდეს გარანტია მიღება-ჩაბარების აქტის ხელმოწერიდან მინიმუმ 6 თვის განმავლობაში, გარდა იმ შემთხვევისა, როდესაც დაზიანება გამოწვეულია მექანიკური ზემოქმედებით. იმ შემთხვევაში, თუ აღმოჩნდა რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით, გონივრულ ვადაში.

მომსახურება გაწეული უნდა იქნეს შემსყიდველის საჭიროების შესაბამისად, ეტაპობრივად, მოთხოვნიდან (სატელეფონო ან ელ. ფოსტით შეტყობინება) 2 ორი სამუშაო დღის ვადაში ხელშეკრულების გაფორმების დღიდან 2023 წლის 31 დეკემბრის ჩათვლით.

მომსახურება გაწეული უნდა იქნეს შემდეგ მისამართებზე: ქ. ქუთაისი ირ. აბაშიძის N22; ქ. თბილისი წმინდა ქეთევან დედოფლის გამზირი N96; ქ. ბათუმი შერიფ ხიმშიაშვილის ქუჩა N7.

პრეტენდენტს უნდა გააჩნდეს ანალოგიური მომსახურების გაწევის გამოცდილება 2023 წლის 1 იანვრამდე ბოლო 3 წლის განმვალობაში თითოეულ წელს არანაკლებ 10 000 ლარის ღირებულების, საქართველოს კანონმდებლობით დადგენილი ყველა გადასახადის ჩათვლით. აღნიშნულის დასადასტურებლად პრეტენდენტმა უნდა წარმოადგინოს:
ა) შესაბამისი ხელშეკრულება და მიღება-ჩაბარების აქტი ან მიღება-ჩაბარების აქტის სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტი, ან:
ბ) შესაბამისი ინფორმაცია სახელმწიფო შესყიდვის ერთიანი ელექტრონული სისტემის მონაცემებით, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი. (იმ შემთხვევაში თუ "ა" პუნქტის საფუძველზე წარმოდგენილ ხელშეკრულებაში ასახულია "ბ" პუნქტით გათვალისწინებული ინფორმაცია, მაშინ მიღება-ჩაბარების აქტების ან მათ სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტის წარმოდგენა სავალდებულო არ არის).

1. პრეტენდეტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
2. ტექნიკური დოკუმენტაცია დაზუსტებას არ დაექვემდებარება, თუ ხარჯთაღრიცხვა (პრეისკურანტი) არ იქნება წარმოდგენილი, ან იქნება წარმოდგენილი განუფასებლად, ან თუ განუფასებელი პოზიცი(ებ)ის რაოდენობა აღემატება განფასებულის - 1 %, ან იქნება არსებითად შეუსაბამო (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), აღნიშნულ შემთხვევაში მოხდება პრეტენდენტის დისკვალიფიკაცია შესყიდვის პროცედურიდან.
3. პრეტენდენტის მიერ წარმოდგენილ პრეისკურანტში დაფიქსირებული ერთეულის ღირებულება არ უნდა აღემატებოდეს პრეისკურანტის შესაბამის პოზიციაზე დაფიქსირებულ ერთეულის სავარაუდო ღირებულებას.
4. პრეტენდენტის მიერ პრეისკურანტის სავარაუდო ღირებულების შემცირების/კლების შემთხვევაში პრეისკურანტით გათვალისწინებული ერთეულის ღირებულებები დაკლებულ უნდა იქნეს პროპორციულად ყველა პოზიციაზე, პრეისკურანტის სავარაუდო ღირებულებასა და სისტემაში პრეტენდენტის მიერ დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად.
5. ამასთან, თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.
6. გამარჯვებულ პრეტენდენტთან სახელმწიფო შესყიდვის შესახებ ხელშეკრულება გაფორმდება სატენდერო განცხადებაში მითითებული ღირებულების ფარგლებში და იგი მოიცავს ხელშეკრულების მოქმედების პერიოდში შემსყიდველის საჭიროებისამებრ მიმწოდებლის მიერ გაწეულ მომსახურების ღირებულებათა ჯამს. შესაბამისად, შესმყიდველი ვალდებულებას იხსნის განახორციელოს სახელშეკრულებო თანხის სრულად ათვისება.
7. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
8. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
9. პრეტენდენტს არ აქვს უფლება წარმოადგინოს ალტერნატიული წინადადება;
10. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
11. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე. ფასწარმოქმნის ადეკვატურობა, უნდა დასაბუთდეს ექსპერტიზის დასკვნით, რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორება შემსყიდველის მიერ მოხდება ეტაპობრივად, ფაქტობრივად გაწეული მომსახურების შესაბამისად გაფორმებული მიღება–ჩაბარების აქტის ხელმოწერისა და შესაბამისი საგადასახადო ანგარიშ-ფაქტურის (კანონით დადგენილ შემთხვევაში) საფუძველზე.

ანგარიშსწორება შემსყიდველის მიერ მოხდება ხელშეკრულებით გათვალისწინებული დოკუმენტების წარდგენის დღიდან არაუგვიანეს 10 სამუშაო დღის ვადაში.

ნანა ყალამაშვილი, 555115959, nkalamashvili@sao.ge

პრეტენდენტმა უნდა წარმოადგინოს:
1. მომსახურების პრეისკურანტი დანართი N1–ის მიხედვით;
2. გამოცდილების დამადასტურებელი დოკუმენტები.