Инженерные услуги (Грузия - Тендер #47036340)

კასპის მუნიციპალიტეტში, სოფელ ლამისყანაში მდებარე ეროვნული კატეგორიის კულტურული მემკვიდროების ძეგლის ორბელიანთა სასახლის კომპლექსის სარეაბილიტაციო საპროექტო-სახარჯთაღიცხვო დოკუმენტაციის შედგენა

ტექნიკური დავალება

 პრეამბულა
ორბელიანთა სასახლის კომპლექსი მდებარეობს კასპის მუნიციპალიტეტში, სოფ. ლამისყანის შუაგულში, მდინარე ქსნის მარჯვენა ნაპირზე ს/კ 67.05.38.261. „ლამისყანის კომპლექსში“ თავმოყრილია საფორტიფიკაციო, სასულიერო და საერო არქიტექტურის გვიანფეოდალური პერიოდის ძეგლები.
კომპლექსი შედგება გალავნის კედლების კვეთაში მოქცეული ოთხი მრგვალი კოშკის, შიდა ეზოს, მაცივრის, გალავნის გარეთ მდებარე წმ. გიორგის სახელობის კარის ეკლესიის, მარნის, თავლის, წისქვილის და გალავნის სამხრეთის კედელზე გარედან მიშენებული სასახლის ნაგებობებისგან. თვით სასახლე XIX საუკუნის ოთხკუთხა, ორსართულიანი ნაგებობაა და ჩვენამდე მრავალი მიზეზის გამო ძლიერ შეცვლილი და დაზიანებული სახით მოაღწია.
2018 წელს შემუშავდა ნაგებობის რეაბილიტაციის საპროექტო დოკუმენტაცია, რომელიც გულისხმობდა მუზეუმის შენობის (სასახლის): ფასადებისა და ინტერიერის კედლების, სახურავის, იატაკების რეაბილიტაციას, შშმ პირთათვის ადაპტირებული გარემოს შექმნას; სანკვანძებისა და შიდა წყალ-კანალიზაციის სისტემის, ელ. გაყვანილობისა და სუსტი დენების გაყვანილობის მოწყობას; კომპლექსის ეზოს კეთილმოწყობას.
საქართველოს კულტურული მემკვიდრეობის დაცვის ეროვნული სააგენტოს მიერ გამოცხადებული ტენდერის ფარგლებში, აღნიშნული პროექტის საფუძველზე, 2021 წელს განხორციელდა კომპლექსის ტერიტორიის კეთილმოწყობის I ეტაპის სამუშაოები, რაც მოიცავდა შიდა ტერიტორიის გაწმენდას ნაგვისა და ჩახერგილობისგან, წყალმიმღები არხების ნაწილობრივ მოწყობას და სავალ ნაწილზე ქვაფენილის დაგებას.
2022 წელს არსებული საპროექტო დოკუმენტაციის ფარგლებში დაიწყო ძეგლზე ფიზიკური სამუშაოების განხორციელება: მიმდინარეობს ხის კარ-ფანჯრებისა და აივნების რეაბილიტაცია.
სახურავის ბურულისა და ნაწილობრივ ხის მასალის გამოცვლის პროცესში გამოვლინდა, რომ ორბელიანთა სასახლის სახურავის ხის მასალა, სიძველისა და დაზიანებების გამო, მთლიანად გამოუსადეგარია და შეცვლას საჭიროებდა. მიმდინარე ფიზიკური სამუშაოების პროცესში შეიცვალა გადახურვის სრული კონსტრუქცია და ბურული; ვინაიდან საპროექტო-სახარჯთაღრიცხვო დოკუმენტაცია ითვალისწინებდა მხოლოდ კონსტრუქციის ნაწილობრივ და კრამიტის სრულად შეცვლას, სამუშაო პროცესში მოხდა სახურავის გადახურვის საპროექტო გადაწყვეტების დაკორექტირება.
რეაბილიტაციის პროცესში, წინასწარი დაზვერვითი სამუშაოებით დადგინდა, რომ სასახლის სართულების გადახურვის კოჭები დაზიანებულია, პირველი სართულის იატაკის ქვეშ სივრცე ამოვსებულია სამშენებლო ნაგვითა და მიწით. ასევე, სხვენში გამოვლინდა საკვამურის მდებარეობა, რომელიც დოკუმენტაციაში არ დაფიქსირებულა. იგი შესაძლებელია განეკუთვნებოდეს სარდაფის სართულში მდებარე (სავარაუდოდ) რომელიმე ბუხარს ან წარმოადგენდეს სარდაფის სართულის სავენტილაციო არხს.
ზემოაღნიშნული გარემოებების გამო, საპროექტო დოკუმენტაციით გათვალისწინებული სამუშაოები: იატაკების მოწყობა, სანკვანძებისა და შიდა წყალ-კანალიზაციის სისტემის, ელ. გაყვანილობის და სუსტი დენების გაყვანილობა, ფასადისა და ინტერიერის კედლების რეაბილიტაცია არ განხორციელებულა.
შეიქმნა საპროექტო-სახარჯთაღრიცხვო იმგვარი დოკუმენტაციის შემუშავების აუცილებლობა, რომელშიც ასახული იქნება შენობის ფაქტობრივი მდგომარეობა და გათვალისწინებული იქნება რეაბილიტაციის ყველა საჭირო, შემდგომი ღონისძიების გატარება.

 ზოგადი სახელმძღვანელო პრინციპები
საქართველოს ტერიტორიაზე არსებული კულტურული ფასეულობების მოვლა-პატრონობა და მათი შენარჩუნება უმნიშვნელოვანესი ფაქტორია სახელმწიფოს განვითარების პროცესში. მძიმე მდგომარეობაში მყოფი ძეგლებისათვის აუცილებელია სარეაბილიტაციო სამუშაოების ჩატარება, რისთვისაც შესადგენია შესაბამისი საპროექტო დოკუმენტაცია, რომელიც განსაზღვრავს რეაბილიტაციის მიმართულებებს.

 მიზანი და ძირითადი პირობები

ძეგლის რეაბილიტაციის საპროექტო-სახარჯთაღრიცხვო დოკუმენტაციის შედგენის მიზანია მისი მდგრადი განვითარების, ერთიანობის ურღვევობის, ავთენტურობის შენარჩუნების, ინტერპრეტაციისა და დაცულობის უზრუნველყოფა.
ჩასატარებელმა სამუშაოებმა უნდა უზრუნველყოს მისი არსებული მდგომარეობის გამოსწორების აუცილებელი ყველა ასპექტი. ჩასატარებელი სამუშაოები მოითხოვს გამორჩეულად ფაქიზ მიდგომას, კარგად გამართულ მეთოდოლოგიურ ხელმძღვანელობას, სწორ კონსტრუქციულ და მაღალპროფესიულ გადაწყვეტას.
საპროქტო დოკუმენტაციის მოსამზადებლად უნდა ჩატარდეს კვლევითი და საფიქსაციო სამუშაოები, ჩამოყალიბდეს რეკომენდაციები და შესაბამისად შესრულდეს საპროექტო-სახარჯთაღრიცხვო დოკუმენტაცია. საპროექტო დოკუმენტაციამ უნდა მოიცვას არსებული მდგომარეობის გამოსწორების აუცილებელი ყველა ღონისძიება.
საყოველთაოდ აღიარებული პრინციპების დაცვით, ზემოთ ჩამოთვლილი მიზნების მისაღწევად ნებისმიერი ჩარევა უნდა იყოს: შეძლებისდაგვარად მინიმალური და ადვილად უკუქცევადი; გამოყენებული უნდა იქნას ეკოლოგიურად უსაფრთხო და ორიგინალთან თავსებადი მასალები; ჩარევა არ უნდა უქმნიდეს საფრთხეს ძეგლის რომელიმე კულტურულ ღირებულებას. ყველა ჩარევა უნდა იყოს მკაცრად და დეტალურად დოკუმენტირებული.

 პროექტირებისას აუცილებლად გასათვალისწინებელია, რომ:

საპროექტო დოკუმენტაცია უნდა დამუშავდეს საქართველოს კანონმდებლობისა და კანონქვემდებარე ნორმატიული დოკუმენტების მოთხოვნების გათვალისწინებით, თანამედროვე ტექნოლოგიების გამოყენებით, მათ შორის პროექტით გათვალისწინებული სარეაბილიტაციო სამუშაოები და მეთოდოლოგია უნდა დაისახოს საქართველოს კანონის „კულტურული მემკვიდრეობის შესახებ“ მოთხოვნებისა და ძეგლთა დაცვითი საერთაშორისო გამოცდილების გათვალისწინებით. საქართველოს მთავრობის 2007 წ. 28 მარტის №62 დადგენილების „მშენებლობის უსაფრთხოების წესების“ მოთხოვნათა შესაბამისად;
საპროექტო დოკუმენტაციის მოსამზადებლად უნდა ჩატარდეს კვლევითი და საფიქსაციო სამუშაოები, ჩამოყალიბდეს რეკომენდაციები ძეგლზე ჩასატარებელი სამუშაოების მეთოდოლოგიის თაობაზე და შესრულდეს ძეგლის საპროექტო-სახარჯთაღრიცხვო დოკუმენტაცია;
ძეგლის გაწმენდითი სამუშაოები უნდა ჩატარდეს არქეოლოგიური ზედამხედველობით;
განხორციელებული კვლევების დასკვნა-რეკომენდაციების საფუძველზე დადგენილი სარეაბილიტაციო მეთოდოლოგია და საჭირო ჩარევები, პირველ ეტაპზე შეთანხმდეს შემსყიდველთან.
შემსყიდველი იტოვებს უფლებას საპროექტო სამუშაოების მიმდინარეობის პერიოდში დააზუსტოს ისეთი ტექნიკური პირობები, რომლებიც არ გამოიწვევენ სამუშაოების მოცულობათა და შინაარსის მნიშვნელოვან ცვლილებებს. აგრეთვე, შემსყიდველი იტოვებს უფლებას სატენდერო დავალებისა და სატენდერო წინადადების საფუძველზე დააზუსტოს მოთხოვნები მისაღები (დასამუშავებელი) საპროექტო-სახარჯთაღრიცხვო დოკუმენტაციის მიმართ;
გრაფიკული მასალა უნდა მომზადდეს ციფრული (ვექტორული DWG, DXF, PLN გაფართოების ფაილი - Autocad, Archicad) პროგრამული უზრუნველყოფის გამოყენებით.
გასაწევი მომსახურება ორეტაპიანია. შესრულებული სამუშაოების ჩაბარების საბოლოო ვადა განისაზღვრება ხელშეკრულების გაფორმებიდან არაუგვიანეს 6 (ექვსი) კალენდარული თვით.
გასაწევი მომსახურება (მიმდინარე სამუშაოები) პერიოდულად გაკონტროლდება შემსყიდველთან შეთანხმებული, შესასრულებელი სამუშაოების კალენდარული გეგმა-გრაფიკის გათვალისწინებით. შესასრულებელი სამუშაოების კალენდარული გეგმა-გრაფიკი მიმწოდებელმა შემსყიდველს უნდა წარმოუდგინოს ხელშეკრულების გაფორმებიდან, არაუგვიანეს 5 (ხუთი) სამუშაო დღეში.

სრულად ტექნიკური დოკუმენტაცია იხილეთ ატვირთული ფაილის სახით.

ხელშეკრულების გაფორმებიდან არაუგვიანეს 180 კალენდარული დღე

დოკუმენტაცია წარმოდგენილი უნდა იქნას ტექნიკური დავალების შესაბამისად შემდეგ მისამართზე: ქ. თბილისი, დავით აღმაშენებლის გამზ. #79.

პრეტენდენტს 2016 წლიდან დღემდე უნდა გააჩნდეს მინიმუმ ერთი რეაბილიტაციის საპროექტო დოკუმენტაციის შედგენის გამოცდილება, რომლის ღირებულება უნდა შეადგენდეს არანაკლებ 60 000 ლარს, საქართველოს კანონმდებლობით დადგენილი ყველა გადასახადის ჩათვლით.

ინფორმაცია წარმოდგენილ უნდა იქნას ჩამონათვალის სახით (არსებობის შემთხვევაში CMR/SPA/NAT ნომრის მითითებით), რომელსაც თან უნდა ერთვოდეს აღნიშნულის დამადასტურებელი დოკუმენტები: დამკვეთსა და შემსრულებელს (ქვეკონტრაქტორს) შორის გაფორმებული ხელშეკრულების და მიღება-ჩაბარების აქტების ასლების და/ან სხვა დოკუმენტების სახით, რომლითაც დადასტურებული იქნება გამოცდილება.

იმ შემთხვევაში, თუ სამუშაოები შესრულებულია კერძო სამართლის იურიდიული პირის ან ფიზიკური პირის დაკვეთით (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ სამუშაოების შესრულების ამსახველი ფინანსური დოკუმენტაცია: საგადასახადო ანგარიშ-ფაქტურები და შემსყიდველის მოთხოვნის შემთხვევაში ამონაწერი საბანკო ანგარიშებიდან.

გამოცდილების ამსახველი CMR/SPA/NAT განცხადებების შესაბამის ველში სამუშაოს შესრულების სრულყოფილი დოკუმენტების არსებობის შემთხვევაში დამადასტურებელი დოკუმენტაციის წარმოდგენა სავალდებულო არ არის.

პრეტენდენტმა უნდა წარმოადგინოს პროექტის მომზადების პროცესში მონაწილე ყველა პირის შესახებ ინფორმაცია, კერძოდ: არქიტექტორი, არქიტექტორ-რესტავრატორი, არქეოლოგი, ინჟინერ-კონსტრუქტორი.

არქიტექტორს, არქიტექტორ-რესტავრატორს, არქეოლოგს, ინჟინერ-კონსტრუქტორს, 2016 წლიდან დღემდე უნდა გააჩნდეთ მინიმუმ 3 კულტურული მემკვიდრეობის ძეგლზე, კერძოდ ისტორიულ შენობა-ნაგებობაზე რეაბილიტაციის საპროექტო დოკუმენტაციის მომზადების გამოცდილება და გამოცდილების ამსახველი ინფორმაცია. კერძოდ, პროექტის (სამუშაოს) დასახელება, განხორციელების ვადა თარიღების მითითებით, დამკვეთი (ორგანიზაციის დასახელება, ს/კ) და პერსონალის პოზიცია (დანართის შესაბამისად).

დანართის შესაბამისად, დოკუმენტი (CV) დათარიღებული და ხელმოწერილი უნდა იყოს დასაქმებული პერსონალის მიერ (CV ავტორი) არაუადრეს ტენდერის გამოცხადების დღისა და ასევე, კვალიფიციური ელექტრონული ხელმოწერით ან კვალიფიციური ელექტრონული შტამპით დამოწმებული პრეტენდენტის მიერ.

შენიშვნა: წარმოდგენილი ინფორმაციის გადამოწმების მიზნით, სააგენტო იტოვებს უფლებას მოითხოვოს პრეტენდენტის მიერ მითითებული, პერსონალის შესრულებულ სამუშაოთა შესახებ ანგარიშები, მიღება-ჩაბარების აქტები, ხელშეკრულებები, პროექტები.

მიმწოდებელს არ აქვს უფლება ქვეკონტრაქტორს გადასცეს ხელშეკრულებით გათვალისწინებული სამუშაოები შემსყიდველის თანხმობის გარეშე.

შემსყიდველის თანხმობის გარეშე ქვეკონტრაქტორის აყვანის შემთხვევაში, მიმწოდებელს უფლება აქვს შეუწყვიტოს ხელშეკრულება შემსყიდველს და დააკისროს ჯარიმის სახით პირგასამტეხლო სახელშეკრულებო თანხის 0.2 %-ის ოდენობით.

მიუხედავად ქვეკონტრაქტორის მიერ განხორციელებულ სამუშაოზე შემსყიდველის წინაშე სრულად პასუხისმგებელია პრეტენდენტი (მიმწოდებელი).

მიმწოდებელი ვალდებულია:
ხელშეკრულების გაფორმების შემდეგ, სამუშაოების დაწყებამდე გადაიხადოს სანებართვო მოსაკრებელი კულტურული მემკვიდრეობის ძეგლზე სამუშაოების ნებართვის მისაღებად 50 (ორმოცდაათი) ლარის ოდენობით და აიღოს შესაბამისი ნებართვა სამუშაოების წარმოებაზე.

მომსახურების სპეციფიკიდან გამომდინარე (ვინაიდან შესყიდვა მოიცავს ინტელექტუალურ მომსახურებას), ტენდერში არ გამოიყენება ფასწარმოქმნის ადეკვატურობის დასაბუთების ვალდებულება.

წინასწარი ანგარიშსწორების შემთხვევაში მიმწოდებელი ვალდებულია, წარმოადგინოს ავანსის სახით გადასახდელ თანხაზე (არაუმეტეს ხელშეკრულების საერთო ღირებულების 30%) საავანსო საბანკო გარანტია, რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

1. ხელშეკრულების ჯამური ღირებულების 50%-ის ანგარიშსწორება მოხდება სრული საპროექტო/სახარჯთაღრიცხვო დოკუმენტაციის წარმოდგენიდან და შუალედური მიღება-ჩაბარების გაფორმებიდან არაუგვიანეს 10 (ათი) სამუშაო დღისა.

2. დარჩენილი 50%-ის ანგარიშსწორება განხორციელდება ექსპერტიზის ეროვნული ბიუროს მიერ გაცემული დადებითი დასკვნის საფუძველზე.

3. იმ შემთხვევაში თუ მიმწოდებელის მიერ წარმოდგენილი პროექტი ვერ მიიღებს ექსპერტიზის დადებით შეფასებას ან ექსპერტიზის მიერ პროექტი შეფასდა შენიშვნებით და მიმწოდებელი არ უზრუნველყოფს პროექტის ხარვეზ(ებ)ის აღმოფხვრას, იგი ვალდებულია შემსყიდველის მოთხოვნის შემთხვევაში, 10 (ათი) სამუშაო დღის ვადაში შემსყიდველის ანგარიშზე დააბრუნოს პირველი პუნქტით განსაზღვრული, პირველ ეტაპზე გადახდილი ხელშეკრულების ღირებულების 50%.

შენიშვნა: ექსპერტიზაზე პროექტს წარადგენს და ანაზღაურებას ახორციელებს შემსყიდველი.

ანგარიშსწორება მოხდება მიღება-ჩაბარების აქტების გაფორმებისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან 10 (ათი) სამუშაო დღის ვადაში.

ვლადიმერ გაბოძე, 595984141, gadogzelado@gmail.com

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.
7. პრედენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯის ჩათვლით.
9. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში მითითებული უნდა იქნეს დღგ-ს გარეშე („საქართველოს საგადასახადო კოდექსის“ 170-ე მუხლის პირველი პუნქტის „ლ“ ქვეპუნქტის შესაბამისად აღნიშნული სამუშაო დღგ-ისგან გათავისუფლებულია).
10. პრეტენდენტის მიერ ერთიანი ელექტრონული სისტემის მეშვეობით ხარჯთაღრიცხვის წარმოუდგენლობა გამოიწვევს მის დისკვალიფიკაციას დაზუსტების გარეშე.

11. პრეტენდენტის მიერ სავალდებულოდ წარმოსადგენი დოკუმენტებია:
სატენდერო დოკუმენტაციის 1.3. პუნქტის თანახმად - ფასების ცხრილი;
სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გამოცდილების შესახებ;
სატენდერო დოკუმენტაციის 2.4.1. პუნქტის თანახმად - ინფორმაცია პრეტენდენტის პერსონალის გამოცდილების შესახებ.