Почтовая и курьерская службы (Грузия - Тендер #45265077)

ჰიბრიდული საფოსტო მომსახურება (თანმხლები პროგრამული უზრუნველყოფით)

გასაწევი მომსახურების ტექნიკური მახასიათებლები და რაოდენობა მითითებულია სატენდერო დოკუმენტაციის 1.3 პუნქტით გათვალისწინებულ ფასების ცხრილში (დანართი N1);

- მიმწოდებელმა უნდა უზრუნველყოს შემსყიდველის მიერ ელექტრონული კომუნიკაციის საშუალებით მიწოდებული წერილის მატერიალურ ფორმატში (ქაღალდზე) გადატანა, კონვერტში მოთავსება და ადრესატისთვის ჩაბარება.

- მიმწოდებელმა უნდა უზრუნველყოს შემსყიდველის მიერ ელექტრონული კომუნიკაციის საშუალებით მიწოდებული წერილის ადრესატისთვის გაგზავნა (მიტანა) საქართველოს მასშტაბით (ნებისმიერ მისამართზე) 1-8 სამუშაო დღის განმავლობაში.

- პირველ ჯერზე წერილის ადრესატისთვის ჩაუბარებლობის შემთხვევაში, მიმწოდებელმა მისამართზე უნდა დატოვოს შესაბამისი სტიკერი, სადაც მითითებული იქნება, რომ ადრესატის სახელზე მისულია გზავნილი (შეტყობინება). ამასთან მითითებული უნდა იყოს მისამართი, სადაც ადრესატს საშუალება ექნება მიიღოს წერილი, წერილში მითითებული უნდა იყოს ფოსტაში გამოცხადების საბოლოო თარიღი, რომელიც არ უნდა იყოს წერილის დავიზიტებიდან 29 კალენდარულ დღეზე მეტი.

- პირველ ჯერზე წერილის ადრესატისთვის ჩაუბარებლობის შემთხვევაში, მიმწოდებელმა უნდა უზრუნველყოს (შემსყიდველის მხრიდან ყოველგვარი დამატებითი შეტყობინების ან/და ხარჯების გაწევის გარეშე) ადრესატისთვის მისი განმეორებით გაგზავნა, პირველად გაგზავნილი წერილის ფოსტაში დაბრუნებიდან არაუადრეს 30 და არაუგვიანეს 50 დღისა. პირველად გაგზავნის შემდეგ აუცილებელია შედეგის ელექტრონული სერვისებით შემსყიდველის ინფორმირება და მეორედ გაგზავნამდე წერილის სტატუსის გადამოწმება შემსყიდველის საინფორმაციო სისტემაში ელექტრონულად. მეორედ უნდა გაიგზავნოს მხოლოდ აქტიური სტატუსის მქონე წერილები. წერილის განმეორებით ჩაუბარებლობის შემთხვევაში, წერილის ჩაბარების სტატუსი შემსყიდველს უნდა ეცნობოს მხოლოდ ელექტრონული სერვისებით და ის ფიზიკურად აღარ უნდა დაუბრუნდეს მას. ამასთან დაუშვებელია წერილის ჩაბარების მიზნით ორზე მეტი ვიზიტის განხორციელება. მიმწოდებელმა უნდა უზრუნველყოს წერილის განადგურება მოქმედი კანონმდებლობის სრული დაცვით.

- ტენდერში გამარჯვებულმა ორგანიზაციამ არაუგვიანეს ხელშეკრულების გაფორმების მომენტისთვის უნდა უზრუნველყოს შემსყიდველისთვის შესაბამისი პროგრამული უზრუნველყოფის მიწოდება, ინსტალაცია და პირველადი გაშვება, ასევე ხელშეკრულების ნებისმიერ ეტაპზე პროგრამული ხარვეზის არსებობის შემთხვევაში მისი გამოსწორება დაუყონებლივ. მიმწოდებლის პროგრამული უზრუნველყოფისათვის წერილის მიწოდება განხორციელდება შემსყიდველის მიერ გამოყენებული პროგრამული გადაწყვეტილებიდან ელექტრონული სერვისების საშუალებით. მიმწოდებელმა უნდა უზრუნველყოს ელექტრონული სერვისების შემუშავება და შემსყიდველის პროგრამულ უზრუნველყოფასთან თავსებადობა. მიმწოდებლის მიერ მოწოდებული პროგრამული უზრუნველყოფით მოხდება შემსყიდველის მხრიდან წერილის მიწოდება. შემსყიდველი და მიმწოდებელი გაწეული მომსახურების თაობაზე მიღება-ჩაბარების აქტის გაფორმებისას ეყრდნობიან ელექტრონულ ბაზაში არსებული გაგზავნილი წერილების რაოდენობრივ მაჩვენებლებს. შემსყიდველი ზემოაღნიშნული პროგრამული უზრუნველყოფის მეშვეობით უნდა შეეძლოს ინფორმაციის მიღება წერილის მოძრაობის და მისი ადრესატისთვის ჩაბარების შესახებ. შემსყიდველი ელექტრონულად უნდა ხედავდეს მიმღები პირის ხელმოწერას. შემსყიდველს საშუალება უნდა ჰქონდეს ნებისმიერ დროს (დღის/თვის ჭრილში) ელექტრონულად შეამოწმოს მიმწოდებლის მიერ გაწეული მომსახურების რაოდენობა და თითოეული წერილის სტატუსი.

- მიმწოდებელი ვალდებულია გზავნილის ადრესატისთვის ჩაბარების დროს შეადგინოს ჩაბარების დამადასტურებელი მატერიალური ან/და ელექტრონული დოკუმენტი, რომელიც დადასტურებული იქნება ადრესატის ხელმოწერით. დამადასტურებელ დოკუმენტში (მატერიალური ან/და ელექტრონული დოკუმენტი) მიუთითოს გზავნილის გარეგანი ვიზუალური აღწერილობაც, მათ შორის ინფორმაცია გზავნილის რაოდენობის შესახებ.

ხელშეკრულების ძალაში შესვლის დღიდან (არაუადრეს 2024 წლის 01 იანვრიდან) - 2024 წლის 31 დეკემბრის ჩათვლით.

მომსახურების არეალი - საქართველო (გარდა ოკუპირებული ტერიტორიებისა).

პრეტენდენტს 2021 წლის 01 იანვრიდან უნდა გააჩნდეს არანაკლებ 300 000.00 ლარის ღირებულების საფოსტო მომსახურების გაწევის გამოცდილება, რომლის დამადასტურებლად პრეტენდენტმა ელექტრონულ სისტემაში უნდა ატვირთოს აღნიშნული მომსახურების გაწევის დამადასტურებელი შემდეგი დოკუმენტები: ხელშეკრულებ(ები)ა და ამ ხელშეკრულების საფუძველზე გაფორმებული გაწეული მომსახურების ამსახველი მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

დამატებითი მოთხოვნები:

1. გასაწევი მომსახურების ღირებულება უნდა შეიცავდეს მიმწოდებლის ყველა ხარჯს - დაკავშირებულს მომსახურების გაწევასთან, პროგრამული უზრუნველყოფის მიწოდებასთან და საქართველოს კანონმდებლობით დადგენილ ყველა გადასახადს.

2. გასაწევი მომსახურების საერთო და ერთეულის ფასების წარმოდგენა დასაშვებია მხოლოდ ლარში.

3. პრეტენდენტის მიერ ერთიანი ელექტრონული სისტემის მეშვეობით დაფიქსირებული ფასი არ უნდა აღემატებოდეს შემსყიდველის მიერ განსაზღვრულ სავარაუდო ღირებულებას. ელექტრონული ვაჭრობის შემთხვევაში წინადადების ფასის კლება შესაძლებელია განხორციელდეს მხოლოდ სავარაუდო ღირებულებასთან მიმართებაში.

4. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურების ერთეულის ღირებულება დაჯდება მრავალნიშნა ათწილადი, პრეტენდენტი ვალდებულია გამარჯვების შემთხვევაში ხელშეკრულების გაფორმების მომენტისათვის ერთეულის ღირებულება შეამციროს და დაამრგვალოს მეასედებამდე, შესაბამისად, შეამციროს საერთო ღირებულებაც.

5. პრეტენდენტის მიერ გასაწევი მომსახურების ერთეულის ღირებულება და საერთო ღირებულება მითითებულ უნდა იქნეს სატენდერო დოკუმენტაციის 1.3. პუნქტით გათვალისწინებულ დანართ №1–ში ამავე დანართით გათვალისწინებული პირობების შესაბამისად (დანართი №1 ატვირთულ უნდა იქნეს ერთიან ელექტრონულ სისტემაში).

6. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა სატენდერო დოკუმენტაციის 2.2.1 და 4.1.1 პუნქტებით მოთხოვნილი დოკუმენტ(ებ)ისა) შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით (იხ. ინსტრუქცია შემდეგ ბმულზე: (http://procurement.gov.ge/getattachment/News/news-(50)/eSignature_25-Dec-18.pdf.aspx ).
თუ აღნიშნული ვალდებულება დროებით/მუდმივად შეჩერებულ/გაუქმებულ იქნა სხვა ნორმატიული აქტით, პრეტენდენტი თავისუფლდება მოცემული პირობისგან. ასეთ შემთხვევაში დოკუმენტზე შესრულებულ უნდა იქნეს ხელმძღვანელის ან სხვა უფლებამოსილი პირის მიერ სველი ხელმოწერა (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში, ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

7. შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში; დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე.

8. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

9. შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და საქართველოს მოქმედი კანონმდებლობის შესაბამისად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში;

10. პრეტენდენტს არ აქვს უფლება წარმოადგინოს ალტერნატიული წინადადება.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილ უნდა იქნეს ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით მომსახურების გაწევის შესაძლებლობა.

4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა მინიმუმ 90 (ოთხმოცდაათი) კალენდარული დღით უნდა აღემატებოდეს წინამდებარე ტენდერის საფუძველზე გაფორმებული ხელშეკრულებით გათვალისწინებული მომსახურების შესრულების ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი დამატებითი მტკიცებულების წარდგენის გარეშე, პირველივე წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

- ანგარიშსწორება განხორციელდება მომსახურების გაწევის შემდეგ, შესაბამისი "მიღება-ჩაბარების" აქტ(ებ)ის გაფორმებისა და საქართველოს კანონმდებლობით დადაგენილი შესაბამისი დოკუმენტების წარმოდგენის შემდეგ.

- ანგარიშსწორების ვალუტა - ლარი.

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

- შემსყიდველი და მიმწოდებელი გაწეული მომსახურების თაობაზე მიღება-ჩაბარების აქტის გაფორმებისას ეყრდნობიან ელექტრონულ ბაზაში არსებული გაგზავნილი წერილების რაოდენობრივ მაჩვენებლებს.

ანგარიშსწორება განხორციელდება ფაქტობრივად მიწოდებული საქონლის მიხედვით, შესაბამისი „მიღება-ჩაბარების“ აქტ(ებ)ის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

თამარ ციხისელი, 577774665, t.tsikhiseli@mia.gov.ge

დამატებითი ინფორმაცია:

• ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში მოცემული პირობების შესახებ დამატებითი ინფორმაციისა და განმარტებების მოთხოვნა შესაძლებელია სისტემის შესაბამისი მოდულის მეშვეობით ან/და სატენდერო კომისიის აპარატის იმ წევრისგან, რომლის საკონტაქტო ინფორმაციაც მითითებულია სატენდერო დოკუმენტაციის 9.1 პუნქტის ველში;

• შემსყიდველ ორგანიზაციასა და პრეტენდენტს შორის ნებისმიერი მიმოწერა მიმდინარეობს სისტემის შესაბამისი მოდულის მეშვეობით და სისტემის გამოყენების გარეშე მიმოწერა სავალდებულო არ არის. შეტყობინება ოფიციალურად მიღებულად ჩაითვლება მისი სისტემაში ატვირთვის მომენტიდან;

• ელექტრონულად შევსებული სატენდერო დოკუმენტაციის პირობების ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს;

• პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შსს საპატრულო პოლიციის დეპარტამენტის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.