Ремонт и техническое обслуживание транспортных средств и оборудования и сопутствующие услуги (Грузия - Тендер #45265076)

ავტომანქანების რეცხვის მომსახურება

• გასაწევი მომსახურების რაოდენობა შეადგენს – 4500 სრულ გარეცხვას (სრული გარეცხვა გულისხმობს ავტომანქანის შიდა და გარე რეცხვას).

• ტენდერში გამარჯვებულ ორგანიზაციას უნდა გააჩნდეს ყველა საჭირო ხელსაწყოთი აღჭურვილი (მინიმუმ 1 ერთეული მაღალი წნევით რეცხვის აპარატი და 1 ერთეული მტვერსასრუტი) საკუთარი კაპიტალური ავტოსამრეცხაო შენობა-ნაგებობა არანაკლებ 1 სამრეცხაო ბოქსით ქ. თელავში, რუსთაველის ქ. N53-ში მდებარე შსს საპატრულო პოლიციის დეპარტამენტის კახეთის მთავარი სამმართველოს შენობის მიმდებარე ტერიტორიიდან არაუმეტეს 3 კმ.-ის რადიუსში, სადაც შესაბამისი პერსონალის მეშვეობით 08:00 საათიდან 20:00 საათამდე გაუწევს შემსყიდველს ზემოთ აღნიშნულ მომსახურებას საკუთარი სახარჯი მასალებითა და ხარჯებით. ინფორმაცია სერვის ცენტრის შესახებ შემსყიდველის წარმომადგენლების მიერ გადამოწმებულ იქნება ადგილზე.

• მიმწოდებელმა უნდა უზრუნველყოს ავტომობილების როგორც გარედან, ისე შიდა (სალონი და საბარგული) რეცხვა. ამასთან მომსახურება უნდა განხორციელდეს ხელით სპეციალური მოწყობილობების, ინვენტარისა და სარეცხი საშუალებების გამოყენებით;

• მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს;

• სამრეცხაო ობიექტი უნდა იყოს კეთილმოწყობილი და დაცული უნდა იყოს სამრეცხაო პირობები;

• სამრეცხაო ობიექტებზე რეცხვითი მომსახურებით სარგებლობა შესაძლებელი უნდა იყოს ყოველდღიურად.

• პრეტენდენტის მიერ ავტოსამრეცხაო(ებ)ის მისმართ(ებ)ის შესახებ (შესაბამისი მისამართების მითითებით) ინფორმაცია მითითებულ უნდა იქნეს ფასების ცხრილს მე-3 გრაფაში.

• ტენდერში გამარჯვებულმა ორგანიზაციამ შემსყიდველის მიმართვისთანავე, ყოველ კონკრეტულ შემთხვევაზე საპატრულო პოლიციის დეპარტამენტის ავტომანქანებს უნდა მიანიჭოს პრიორიტეტული უფლება, რაც გულისხმობს მათ რიგგარეშე და დაუყოვნებლივ მომსახურეობას.

მომსახურება უნდა განხორციელდეს ხელშეკრულების ძალაში შესვლის დღიდან (არაუადრეს 2024 წლის 01 იანვარი) - 2024 წლის 31 დეკემბრის ჩათვლით.

- რეცხვის მომსახურება უნდა განხორციელდეს შსს საპატრულო პოლიციის დეპარტამენტის ავტომანქანებზე ქ. თელავში.

- გაწეულ მომსახურებაზე მხარეები ადგენენ მიღება-ჩაბარების აქტს, მიღება-ჩაბარების აქტის გაფორმება აგრეთვე შესაძლებელია ყოველთვიურად, რომელშიც მითითებულ უნდა იქნეს გაწეული მომსახურების რაოდენობა და საერთო ღირებულება.

- პრეტენდენტმა სატენდერო წინადადებასთან ერთად უნდა წარმოადგინოს, ინფორმაცია ავტოსამრეცხაოების მისმართ(ებ)ის შესახებ (შესაბამისი მისამართების მითითებით).

- იმ შემთხვევაში, თუ სამრეცხაო წარმოადგენს პრეტენდენტის საკუთრებას პრეტენდენტმა უნდა წარმოადგინოს:

ა) შემოთავაზებული სამრეცხაოს საკუთრების დამადასტურებელი შესაბამისი დოკუმენტაცია (ამონაწერ(ებ)ი საჯარო რეესტრიდან);

- იმ შემთხვევაში, თუ სამრეცხაო პრეტენდენტს აქვს სარგებლობის უფლებით, პრეტენდენტმა უნდა წარმოადგინოს:

ა) იჯარის ხელშეკრულება, რომლის მიხედვითაც იჯარის ვადა უნდა შეადგენდეს არანაკლებ 2024 წლის 31 დეკემბერს.

ბ) ყველა ის დოკუმენტი რომლითაც დადასტურდება, მეიჯარის უფლებამოსილება ქონების იჯარით გადაცემის თაობაზე (ამონაწერ(ებ)ი საჯარო რეესტრიდან);

შენიშვნა: საჯარო რეესტრის ამონაწერის წარმოდგენისას სავალდებულოა დოკუმენტის საბოლოო ვარიანტის წარმოდგენა.

1. გასაწევი მომსახურების ფასი უნდა შეიცავდეს მიმწოდებლის ყველა ხარჯს, დაკავშირებულს მომსახურების გაწევასთან (მათ შორის მომსახურების გაწევისთვის საჭირო მასალების გათვალისწინებით) და საქართველოს კანონმდებლობით დადგენილ ყველა გადასახადს.

2. გასაწევი მომსახურების ფასის წარმოდგენა დასაშვებია მხოლოდ ლარში.

3. პრეტენდენტის მიერ გასაწევი მომსახურების ღირებულებები მითითებულ უნდა იქნეს სატენდერო პირობების 1.3 პუნქტით გათვალისწინებულ დანართ N1–ში, ამავე დანართით გათვალისწინებული რაოდენობებისა და მოცულობების შესაბამისად (დანართი N1 ატვირთულ უნდა იქნეს ერთიან ელექტრონულ სისტემაში).

4. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია გამარჯვების შემთხვევაში ხელშეკრულების გაფორმების მომენტისათვის ერთეულის ღირებულებები შეამციროს და დაამრგვალოს მეასედებამდე, შესაბამისად, შეამციროს საერთო ღირებულებაც.

5. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა სატენდერო დოკუმენტაციის 2.3.1 პუნქტით მოთხოვნილი დოკუმენტებისა) შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით (იხ. ინსტრუქცია შემდეგ ბმულზე (http://procurement.gov.ge/getattachment/News/news-(50)/eSignature_25-Dec-18.pdf.aspx ).
თუ აღნიშნული ვალდებულება დროებით/მუდმივად შეჩერებულ/გაუქმებულ იქნა სხვა ნორმატიული აქტით, პრეტენდენტი თავისუფლდება მოცემული პირობისგან. ასეთ შემთხვევაში დოკუმენტზე შესრულებულ უნდა იქნეს ხელმძღვანელის ან სხვა უფლებამოსილი პირის მიერ სველი ხელმოწერა (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში, ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

6. შემსყიდველის მიერ მოთხოვნილი ყველა დოკუმენტი ან/და ინფორმაცია პრეტენდენტის მიერ ატვირთულ უნდა იქნეს ერთიან ელექტრონულ სისტემაში; დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს მოქმედი კანონმდებლობის შესაბამისად დამოწმებული თარგმანი ქართულ ენაზე.

7. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი);

8. შემსყიდველის მოთხოვნის შემთხვევაში, მოთხოვნის შესაბამისად პრეტენდენტმა უნდა წარმოადგინოს იმ მოთხოვნილი დოკუმენტების დედანი ან/და საქართველოს მოქმედი კანონმდებლობის შესაბამისად დამოწმებული ასლ(ებ)ი, რომელიც იყო ატვირთული ერთიან ელექტრონულ სისტემაში;

9. პრეტენდენტს არ აქვს უფლება წარმოადგინოს ალტერნატიული წინადადება.

ვინაიდან წინამდებარე ტენდერის შესყიდვის ობიექტს წარმოადგენს ძირითადად ერთი პირის ფიზიკური შრომა, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-5 პუნქტის საფუძველზე, ფასწარმოქმნის ადეკვატურობის დამადასტურებელი დოკუმენტი წინამდებარე ტენდერში არ იქნას მოთხოვნილი.

- ანგარიშსწორება განხორციელდება ფაქტობრივად გაწეული მომსახურების მიხედვით;

- ანგარიშსწორების ვალუტა - ლარი;

- გადახდის ფორმა იქნება უნაღდო, გადარიცხვა მოხდება მიმწოდებლის საბანკო ანგარიშზე.

- ანაზღაურება მიმწოდებელთან განხორციელდება მის მიერ ფაქტობრივად გაწეული მომსახურების (რაოდენობის) მიხედვით, შესაბამისად ხელშეკრულების მოქმედების ვადის ამოწურვის მომენტისათვის, ხელშეკრულების საერთო ღირებულებიდან გამოუმუშავებელი თანხა რჩება შემსყიდველთან და იგი არ წარმოშობს რაიმე დამატებით ვალდებულებებს მხარეებს შორის.

ანგარიშსწორება განხორციელდება ფაქტობრივად გაწეული მომსახურების მიხედვით, შესაბამისი „მიღება-ჩაბარების“ აქტ(ებ)ის გაფორმებისა და საქართველოს კანონმდებლობით დადაგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

დავით გოცაძე, 577778812, d.gotsadze@mia.gov.ge

დამატებითი ინფორმაცია:

- ერთიან ელექტრონულ სისტემაში ელექტრონულად შევსებული სატენდერო დოკუმენტაციის ველებში მოცემული პირობების შესახებ დამატებითი ინფორმაციისა და განმარტებების მოთხოვნა შესაძლებელია სისტემის შესაბამისი მოდულის მეშვეობით ან/და სატენდერო კომისიის აპარატის იმ წევრისგან, რომლის საკონტაქტო ინფორმაციაც მითითებულია სატენდერო დოკუმენტაციის 9.1 პუნქტის ველში.

- შემსყიდველ ორგანიზაციასა და პრეტენდენტს შორის ნებისმიერი მიმოწერა მიმდინარეობს სისტემის შესაბამისი მოდულის მეშვეობით და სისტემის გამოყენების გარეშე მიმოწერა სავალდებულო არ არის. შეტყობინება ოფიციალურად მიღებულად ჩაითვლება მისი სისტემაში ატვირთვის მომენტიდან;

- ელექტრონულად შევსებული სატენდერო დოკუმენტაციის პირობების ველებსა და ატვირთულ დოკუმენტებს შორის წინააღმდეგობის არსებობის შემთხვევაში უპირატესობა ენიჭება სატენდერო დოკუმენტაციის ველებს.

- პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შსს საპატრულო პოლიციის დეპარტამენტის მიერ „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.