Инженерные услуги (Грузия - Тендер #44051598)

საკონსულტაციო მომსახურების შესყიდვა

1.2.1 სატენდერო წინადადების წარდგენით, პრეტენდენტი ავტომატურად გამოხატავს თანხმობას ამ ველში მოცემულ "ტექნიკური დავალება"-ზე , რაც უცვლელად, დანართად დაერთვება გასაფორმებელ ხელშეკრულებას.

"ტექნიკური დავალება":

გასაწევი მომსახურების საგანია სს „საქართველოს სახელმწიფო ელექტროსისტემის“ დაკვეთით მიმდინარე პროექტების ფარგლებში მომზადებული განსახლების სამოქმედო გეგმების განხორციელების პროცესში გამოვლენილი, პროექტის ზემოქმედების ფარგლებში მოქცეული და გეგმით გაუთვალისწინებელი, ასევე მიმდინარე პროექტების ფარგლებში განსახლების სამოქმედო გეგმების არ არსებობის და პროექტების განხორციელების მიზნებისათვის, უძრავი ქონების გამოსყიდვის/სერვიტუტით დატვირთვის აუცილებლობის შემთხვევაში, უძრავი ქონების შესწავლისა და დაზუსტების მიზნით, ადგილზე სათანადო კვლევითი სამუშაოების ჩატარება, მიღებული შედეგების შემსყიდველისთვის წარდგენა.

მომსახურების განხორციელებასთან დაკავშირებული საქმიანობა უნდა მოიცავდეს შემდეგ ღონისძიებებს:

1. ელექტროგადამცემი ხაზის დაცვის ზოლში მოქცეული მიწის ნაკვეთების მონაცემების განსაზღვრას, მათი რეგისტრაციისათვის საჭირო საკუთრების უფლების დამდგენი დოკუმენტების მიხედვით. ასევე, აღწერა-ინვენტარიზაციისათვის შესაბამისი ფორმების მომზადებას, მასში აღწერილი ქონების ამსახველი ფოტომასალების გადაღებას და შემსყიდველისთვის წარმოდგენას.
2. დაურეგისტრირებელ მიწის ნაკვეთებზე საკადასტრო აზომვითი ნახაზების მომზადება და შემსყიდველისთვის მიწოდება, დადგენილი წესის შესაბამისად, მიწის ნაკვეთების, როგორც პირველადი, ასევე გაყოფის და სერვიტუტის უფლებით სარგებლობის რეგისტრაციის მიზნით. ამასთან, საკადასტრო აზომვები უნდა განხორციელდეს და რეგისტრაციისათვის/გამიჯვნისვის საჭირო ნახაზები უნდა მომზადდეს საქართველოს მთავრობის 2016 წლის 8 აგვისტოს #388 დადგენილებით განსაზღვრული მოთხოვნების გათვალისწინებით, რომელსაც თან უნდა ახლდეს სხვადასხვა რაკურსით გადაღებული ფოტომასალა, ციფრული ფოტოკამერით დაფიქსირებული თარიღის და გადაღების ადგილის (წერტილის კოორდინატების) მითითებით.
3. პროექტის ზემოქმედების ფარგლებში მოქცეულ მიწის ნაკვეთებზე განთავსებული სხვადასხვა დანიშნულების შენობა/ნაგებობების შიდა აზომვითი სამუშაოების განხორციელება, საკადასტრო ნახაზების დადგენილი ფორმით მომზადება და შემსყიდველისთვის მიწოდება.
4. მიმდინარე/არსებული განსახლების სამოქმედო გეგმების განხორციელების პროცესში, უძრავი ქონების შეფასებისთვის გამოყენებული უნდა იქნეს მიმდინარე/არსებული გეგმის ფარგლებში არსებული მიდგომები და გაანგარიშებული უძრავი ქონების ერთეული ღირებულებები, ხოლო სხვა პროექტების ფარგლებში ღირებულებების გაანგარიშება უნდა განხორციელდეს არსებული საბაზრო ღირებულების გამოყენებით და შემდეგი პრინციპების გათვალისწინებით:
• მიწის ნაკვეთების შეფასება - შესაფასებელი მიწის ნაკვეთის ღირებულება გამოითვლება ანალოგიური ზომის, ფორმის და მდებარეობის მიწის ნაკვეთის ღირებულების გათვალისწინებით;
• შენობა/ნაგეგობების შეფასება – უნდა განხორციელდეს დანახარჯების მეთოდით, რომელიც მოიცავს ანალოგიური ქონების აშენების (შექმნის) სრულ ხარჯებს;
• მრავალწლიანი ნარგავების შეფასება – ღირებულება გამოითვლება ანალოგიური ნარგავის შესაბამის წლოვანობამდე ან მათი სრულიმსხმოიარობის შემთხვევაში სრულმსხმოიარობამდე გაზრდისათვის საჭირო დროის პერიოდზე დაყრდნობით და მიუღებელი შემოსავალის გათვალისწინებით.
• ერთწლიანი ნათესების შეფასება - დანაკარგი გამოითვლება კონკრეტული ჯიშისათვის სასოფლო–სამეურნეო მოსავლიანობის მონაცემების (სათანადო წყაროზე დაყრდნობით) და მისი საბაზრო ღირებულების გამოყენებით, ერთი წლის მოსავალთან მიმართებაში.
• ბიზნესის შეფასება (ოფიციალურ დოკუმენტაციაზე დაყრდნობით).

5. მიმწოდებელმა კონკრეტული მომსახურების დასრულების შემდეგ უნდა წარმოადგინოს შესაბამისი დოკუმენტაცია:
• დეტალური ანგარიში (1 ბეჭდვური და 1 ელ-ვერსია) გაწეული მომსახურების შესახებ;
• კვლევის შედეგად დადგენილი მესაკუთრეების სია (1 ბეჭდვური და 1 ელ-ვერსია);
• მიწის ნაკვეთების საველე კვლევისა და აღწერის შედეგები (აღწერა- ინვენტარიზაციის აქტი);
• მიწის ნაკვეთების როგორც პირველადი, ასევე გაყოფის და სერვიტუტის უფლებით სარგებლობის რეგისტრაციისათვის საჭირო საკადასტრო აზომვითი ნახაზები და შენობა-ნაგებობების შიდა საკადასტრო-აზომვითი ნახაზები ელ. ვერსიებთან ერთად:

6. გასაწევის მომსახურების მოცულობა:
• საველე კვლევა (აღწერა-ინვენტარიზაცია, შეფასება) უნდა განხორციელდეს დაახლოებით 150 მიწის ნაკვეთზე (საქართველოს მასშტაბით).
• დაურეგისტრირებელი მიწის ნაკვეთების პირველადი აზომვითი ნახაზი უნდა მომზადდეს დაახლოებით 150 მიწის ნაკვეთზე, ხოლო დარეგისტრირებული მიწის ნაკვეთების გამიჯვნის საკადასტრო აზომვითი ნახაზი - დაახლოებით 150 მიწის ნაკვეთზე; მიწის ნაკვეთის საკადასტრო აზომვითი ნახაზი სერვიტუტით დატვირთვის მიზნით - 150 ნაკვეთზე; მიწის ნაკვეთზე განთავსებული ერთწლიანი და მრავალწლიანი სასოფლო- სამეურნეო კულტურების და ხე-მცენარეების აღწერა-ინვენტარიზაცია უნდა განხორციელდეს - 150 მიწის ნაკვეთზე; მიწის ნაკვეთის და მასზე განთავსებული ერთწლიანი და მრავალწლიანი სასოფლო-სამეურნეო კულტურების და ხე-მცენარეების შეფასება (მათ შორის, სერვიტუტის ღირებულების დადგენა) - დაახლოებით 150 მიწის ნაკვეთზე.
• აღწერა-ინვეტარიზაცია, შიდა აზომვითი ნახაზის მომზადება და შეფასება უნდა განხორციელდეს დაახლოებით 2 000 კვ.მ შენობა-ნაგებობისათვის (საცხ. სახლი, დამხმარე ნაგებობა და ა.შ.) და 3000 გრძ.მ. ღობეებისათვის ან სხვა ხაზოვანი ნაგებობესთვის; შიდა აზომვითი ნახაზი - 2000 კვმ.
• ბიზნესის შეფასება - დაახლოებით 4 ობიექტისთვის.

7.მიმწოდებელმა ორი წლის განმავლობაში უზრუნველყოს მის მიერ შემსყიდველისათვის მიწოდებული ინფორმაციის ელექტრონული ასლის შენახვა და საჭიროების შემთხვევაში მისთვის მიწოდება;

მომსახურების გაწევის ვადაა ხელშეკრულების გაფორმებიდან 12 თვის განმავლობაში, ეტაპობრივად.

კვლევის შედეგად მიღებული მიწის ნაკვეთების და შენობა/ნაგებობების აზომვის, აღწერა- ინვენტარიზაციის და შეფასების მასალების წარმოდგენა (მათ შორის საჯარო რეესტრში რეგისტრაციისათვის საჭირო აზომვითი და გამიჯვნის ნახაზები) უნდა განხორციელდეს ეტაპობრივად, შემსყიდველის მიერ წერილობითი მოთხოვნის მიღებიდან:

1. 1-20 ნაკვეთის ჩათვლით -არაუმეტეს 7 სამუშაო დღის ვადაში,
2. 21-50 ნაკვეთის ჩათვლით -არაუმეტეს 15 სამუშაო დღის ვადაში.
3. 50 და მეტი ნაკვეთის ჩათვლით -არაუმეტეს 30 სამუშაო დღის ვადაში.
4.იმ შემთხვევაში თუ მოთხოვნილი ნაკვეთების მინიმუმ 50%-ზე შენობაა განთავსებული (სახლი, ადმინისტრაციული ნაგებობა და სხვა მსგავსი), აღწერა-ინვენტარიზაციის და შეფასების მასალების წარმოდგენის (მათ შორის საჯარო რეესტრში რეგისტრაციისათვის საჭირო აზომვითი და გამიჯვნის ნახაზები) ვადა არ უნდა აღემატებოდეს 45 სამუშაო დღეს.

* მიმწოდებელმა წერილობით მიღებული მოთხოვნის შესაბამისად, განსაზღვრულ ვადებში უნდა უზრუნველყოს შემსყიდველისათვის გაწეული მომსახურების სრული კომპლექტის მიწოდება; დავალების შეუსრულებლობის ან გადავადების შემთხვევაში უნდა წარმოადგინოს შესაბამისი განმარტებითი ბარათი შემსყიდველთან.

გაწეულ მომსახურებაზე შედგენილი დოკუმენტაციის სრული პაკეტის(დასკვნის) მოწოდების ადგილია: სს ,,საქართველოს სახელმწიფო ელექტროსისტემის“ სათაო ოფისი, ქ. თბილისი ბარათაშვილის ქ. #2.

(!)

2.4.1 პრეტენდენტმა სატენდერო წინადადებით უნდა წარმოადგინოს (ატვირთოს) შემდეგი ინფორმაცია/დოკუმენტაცია:

2.4.1.1.პრეტენდენტს მომსახურების გასაწევად უნდა ჰყავდეს ან დაიქირაოს არანაკლებ 1 (ერთი) ექსპერტ-შემფასებელი/აუდიტი, მინიმუმ 3 წლიანი გამოცდილებით, რაზედაც პრეტენდენტის მიერ წარმოდგენილი უნდა იქნეს დამადასტურებელი დოკუმენტაცია,კერძოდ:

ა) აღნიშნული პიროვნების ბიოგრაფია (CV).
ბ) სსიპ „აკრედიტაციის ერთიანი ეროვნული ორგანოს - აკრედიტაციის ცენტრის" მიერ საერთაშორისო სტანდარტის შესაბამისად აკრედიტირებული ორგანიზაციის მიერ გაცემული ქონების შემფასებლის მოქმედი სერტიფიკატი/მოწმობა.
გ) მინიმუმ 3 აუდიტორული/საშემფასებლო დასკვნა პროექტების ფარგლებში მიწის შესყიდვის ან/და განსახლების განსახორციელებლად.
დ) იმ შემთხვევაში თუ პრეტენდენტ კომპანიას დაქირავებული ჰყავს ექსპერტ-შემფასებელი პრეტენდენტმა სატენდერო წინადადებასთან ერთად უნდა წარმოადგინოს მომსახურების გასაწევად დაქირავებულ ზემოაღნიშნულ სუბიექტთან/სუბიექტებთან გაფორმებული შესაბამისი ხელშეკრულებები.

2.4.1.2.პრეტენდენტს მომსახურების გასაწევად უნდა ჰყავდეს ან დაიქირაოს არანაკლებ 1 (ერთი) ამზომველი, რომელსაც უნდა ჰქონდეს საკადასტრო აგეგმვითი/აზომვითი სამუშაოების შესრულების უფლებამოსილების მქონე პირის მოქმედი სერტიფიკატი/მოწმობა, რაზედაც წარმოდგენილი უნდა იყოს დამადასტურებელი დოკუმენტაცია.
იმ შემთხვევაში თუ პრეტენდენტ კომპანიას დაქირავებული ჰყავს ამზომველი პრეტენდენტმა სატენდერო წინადადებასთან ერთად უნდა წარმოადგინოს მომსახურების გასაწევად დაქირავებულ ზემოაღნიშნულ სუბიექტთან/სუბიექტებთან გაფორმებული შესაბამისი ხელშეკრულებები.

(!)

პრეტენდენტმა" სატენდერო წინადადებით უნდა წაროადგინოს (ატვირთოს) სატენდერო დოკუმენტაციის კითხვარის 1.3 ველში მოცემული სრულად შევსებული "ფასების ცხრილი".

ფასწარმოქმნის ადეკვატურობის მოთხოვნასთან დაკავშირებით კომისია ყურადღებას ამახვილებს შემდეგ ფაქტობრივ გარემოებაზე:

- „თავისუფალი ვაჭრობისა და კონკურენციის შესახებ“ საქართველოს კანონის უმთავრესი მიზანია საქართველოში თავისუფალი ვაჭრობისა და კონკურენციისათვის ბარიერების მოხსნა. დღეის მდგომარეობით, ეკონომიკური აგენტები თავისუფალნი არიან საქონლის/მომსახურების/სამუშაოს ფასწარმოქმნის ჯაჭვის ფორმირებისას. ვინაიდან მოქმედი სამართლებრივი აქტებით არ არის განსაზღვრული/რეგულირებული შესაბამისი კრიტერიუმები, თუ რა საფუძვლით უნდა განხორციელდეს ფასის ფორმირება, მიგვაჩნია, რომ ფასწარმოქმნის ადეკვატურობის დასაბუთების შეფასება ობიექტურ კრიტერიუმებზე დაყრდნობით შეუძლებელია.
- კომისიას მიაჩნია, რომ კონკურენტუნარიანი ბაზრის განვითარებისთვის, მინიმუმამდე უნდა იქნეს დაყვანილი ადმინისტრაციული ბარიერები. ამასთან, ეკონომიკური აგენტებისათვის კონკურენციის არამართლზომიერი შეზღუდვის დაწესება დაუშვებელია.

ყოველივე ზემოაღნიშნულიდან გამომდინარე, დისკრეციული უფლებამოსილების ფარგლებში, სატენდერო კომისია მიიჩნევს, რომ საკონსულტაციო მომსახურების ამ კონკრეტულ შესყიდვაში არ გამოიყენოს ფასწარმოქმნის ადეკვატურობის დასაბუთება სსიპ სახელმწიფო შესყიდვების სააგენტოს თავმჯდომარის 2017 წლის 14 ივნისის N12-ე ბრძანების „ელექტრონული ტენდერის ჩატარების წესის დამტკიცების შესახებ“ მე-18 მუხლის მე-5 პუნქტის საფუძველზე.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე გაფორმებული მიღება–ჩაბარების აქტის და სათანადო დოკუმენტაციის (თუ ,,მიმწოდებელი“ არის დღგ–ს გადამხდელი საგადასახდო ანფარიშფაქტურის) საფუძველზე, უნაღდო ანგარიშსწორების ფორმით ლარში.

ანგარიშსწორება განხორციელდება ეტაპობრივად, ფაქტიურად გაწეულ მომსახურებაზე მიღება–ჩაბარების აქტის გაფორმებიდან და სათანადო დოკუმენტაციის (თუ ,,მიმწოდებელი“ არის დღგ–ს გადამხდელი საგადასახდო ანფარიშფაქტურის) წარმოდგენიდან 8(რვა) სამუშაო დღის განმავლობაში.

მაია ხაბეიშვილი, 577240458, maia.khabeishvili@gse.com.ge

1. ალტერნატიული სატენდერო წინადადება არ მიიღება;

2.სატენდერო კომისია უფლებამოსილია განიხილოს პრეტენდენტის მიერ წარმოდგენილი შესყიდვის ობიექტის ცალკეული გაუმჯობესებული კომპონენტები/მახასიათებლები (ასეთის არსებობის შემთხვევაში), რომელიც არსებითად არ ცვლის შესყიდვის ობიექტის შინაარსს, და ობიექტურ კრიტერიუმებზე დაყრდნობით, მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

3. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;

4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

5. ფასების ცხრილის წარმოუდგენლობის ან მისი რომელიმე პოზიციის განუფასებლად წარმოდგენის შემთხვევაში, პრეტენდენტი დაექვემდებარება დისკვალიფიკაციას.

6.სატენდერო კომისია უფლებამოსილია განიხილოს პრეტენდენტის მიერ წარმოდგენილ (ატვირთულ) სატენდერო წინადადებაში ან/და დაზუსტებულ სატენდერო წინადადებაში რედაქციული (გრამატიკული) ხასიათის ცდომილება/შეუსაბამობა, რომელიც არ ცვლის შესყიდვის ობიექტის შინაარს და სატენდერო წინადადებით დაფიქსირებულ საბოლოო ფასს და მიიღოს გადაწყვეტილება მათი სატენდერო პირობებთან შესაბამისობის და დასაშვებობის შესახებ.

7. სატენდერო წინადადების ერთეულის და საერთო ფასის წარმოდგენა დასაშვებია მხოლოდ ეროვნულ ვალუტაში - ლარში;

8.პრეტენდენტები ვალდებულები არიან, ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.