Косилки (Грузия - Тендер #44051155)

20 ერთეული ბენზოცელის სახელმწიფო შესყიდვა.

1.2.1. მოწოდებული საქონელი უნდა იყოს ახალი, უნაკლო და სრულად უნდა პასუხობდეს ტექნიკური დავალებით გათვალისწინებულ მოთხოვნებს;
1.2.2. შემოთავაზებული ტექნიკა გათვლილი უნდა იყოს ყოველდღიურ, ინტენსიურ დატვირთვაზე დიდი მოცულობის სამუშაოების შესასრულებლად;
1.2.3. მიმწოდებელმა შემსყიდველის მოთხოვნის შემთხვევაში, უნდა უზრუნველყოს მინიმუმ ორი ტრენინგის ჩატარება მოწოდებული საქონლის გამოყენებისა და ექსპლოატაციის წესებთან დაკავშირებით;
1.2.4. მიმწოდებელი ვალდებულია უზრუნველყოს საქონლის ისეთი ტრანსპორტირება, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში;
1.2.5. შესყიდვის ობიექტის დასახელებები, ტექნიკური მახასიათებლები და რაოდენობები მოცემულია შესყიდვის ობიექტის ტექნიკურ დავალებაში;

1.4.1. ხელშეკრულების გაფორმებიდან 90 კალენდარული დღის ვადაში.
1.4.2. აღნიშნულ ვადაში შესაძლებელია როგორც ერთიანი, ასევე ეტაპობრივი მიწოდება.

შესყიდვის ობიექტის მიწოდება უნდა განხორციელდეს შემდეგ მისამართზე: ქ. თბილისი, ბერი გაბრიელ სალოსის გამზ. №191დ.
მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.
შემსყიდველი უფლებამოსილია მოახდინოს საქონლის ინსპექტირება და მისი სატენდერო დოკუმენტაციის მოთხოვნებთან შეუსაბამობის შემთხვევაში უარი თქვას მის მიღებაზე.

1.7.1.1. შესყიდვის ობიექტის საგარანტიო ვადა სწორი ექსპლოატაციის პირობებში უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთი) წელს.
1.7.1.2. თუ საგარანტიო პერიოდის განმავლობაში საქონლის ექსპლოატაციისას გამოვლინდება დეფექტი ან/და ნაკლი, მიმწოდებელი ვალდებულია შემსყიდველის შეტყობინებიდან 10 (ათი) კალენდარული დღის ვადაში უზრუნველყოს დეფექტის აღმოფხვრა საკუთარი ხარჯით ან 30 (ოცდაათი) კალენდარული დღის ვადაში შეცვალოს დაზიანებული საქონელი ახალი ექსპლუატაციაში არ მყოფი ანალოგიური საქონლით.

1. პრეტენდენტმა უნდა წარმოადგინოს ინფორმაცია საქონლის წარმოშობის ქვეყნის, მწარმოებლის და მოდელის (ასეთის არსებობის შემთხვევაში) შესახებ ფასების ცხრილის შესაბამის გრაფებში მითითებით.
2. პრეტენდენტის მიერ შემოთავაზებული საქონლის წარმოშობის ქვეყნის, მწარმოებლის და მოდელის (ასეთის არსებობის შემთხვევაში) მიუთითებლობა გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანებით დამტკიცებული ,,ელექტრონული ტენდერის ჩატარების წესის“ 27-ე მუხლის 3-ე პუნქტის და 32-ე მუხლის პირველი პუნქტია „ბ“ ქვეპუნქტის საფუძველზე.

2.2.1.1. პრეტენდენტს 2020 წლის 1 იანვრიდან ტენდერის გამოცხადების თარიღამდე უნდა გააჩნდეს შესყიდვის ობიექტის მსგავსი საქონლის (მსგავსში იგულისხმება ბენზოცელები, ბენზოხერხები, მოლის საკრეჭი ბენზო მანქანები, ბენზო ბუჩქის საკრეჭები) მიწოდების გამოცდილება ჯამურად არანაკლებ 80000 ლარის ღირებულებით.

2.2.1.2. გამოცდილების დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს ხელშეკრულებ(ები)ის, შესაბამისი მიღება-ჩაბარების აქტ(ებ)ის, დადასტურებული ანგარიშ-ფაქტურების ან/და ნებისმიერი დოკუმენტ(ებ)ის დედნები ან/და ასლები, რითიც დასტურდება პრეტენდენტის მიერ ანალოგიური საქონლის მიწოდების გამოცდილება.

2.2.1.3. იმ შემთხვევაში, თუ მიწოდება განხორციელებულია სახელმწიფო შესყიდვების ერთიანი ელექტრონული სისტემის (https://tenders.procurement.gov.ge) გამოყენებით და ხელშეკრულებას მინიჭებული აქვს სტატუსი "შესრულებული ხელშეკრულება", გამოცდილების დასადასტურებლად საკმარისი იქნება შესაბამისი განცხადების ნომრ(ებ)ის (CMR, SPA, NAT და ა. შ.) წარმოდგენა.

2.3.1. პრეტენდენტს ექსპლოატაციაში (საკუთარი ან/და სარგებლობის უფლებით) უნდა გააჩნდეს მოქმედი მინიმუმ ერთი სერვის ცენტრი ქალაქ თბილისში;
2.3.2. პრეტენდენტმა უნდა წარმოადგინოს სერვისცენტრის საკუთრების ან/და სარგებლობის უფლებით ფლობის დამადასტურებელი დოკუმენტაცია (ამონაწერი საჯარო რეესტრიდან, ხელშეკრულება ან სხვა სახის დოკუმენტი რითაც დადასტურდება სერვის ცენტრის საკუთრება ან/და სარგებლობის უფლებით ფლობა).

1. პრეტენდენტმა უნდა წარმოადგინოს მწარმოებლის მიერ დადასტურებული, ტექნიკურ დავალებაში მითითებული საქონლის ტექნიკური პასპორტი ან მწარმოებლის მიერ დადასტურებული სხვა სახის ოფიციალური დოკუმენტი, რომლითაც დადასტურდება პრეტენდენტის მიერ შემოთავაზებული ბენზოცელების მახასიათებლების შესაბამისობა სატენდერო დოკუმენტაციის ტექნიკურ დავალებაში მოცემულ მახასიათებლებთან (უცხოურენოვანის შემთხვევაში უნდა დაერთოს ქართულ ენაზე ნათარგმნი და ნოტარიულად დამოწმებული).
2. CE ან/და DPLF ან/და სხვა მსგავსი ინფორმაციის მატარებელი სერთიფიკატი, რომლითაც დადასტურდება, რომ პრეტენდენტის მიერ შემოთავაზებული ბენზოცელები უსაფრთხოა მომხმარებლისა და გარემოს მიმართ (უცხოენოვანის შემთხვევაში ქართულ ენაზე ნათარგმანი და ნოტარიულად დამოწმებული).

1. მიმწოდებელი უფლებამოსილია ფასების ცხრილი/ხარჯთაღრიცხვა ერთიან ელექტრონულ სისტემაში ატვირთოს მხოლოდ Excel-ის ფორმატის ცხრილის სახით.

2. პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლო ოფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), შესყიდვის ობიექტის მიწოდებასთან დაკავშირებით პრეტენდენტის მიერ შესრულებული ხელშეკრულებით, (ხელშეკრულებასთან ერთად წარმოდგენილ უნდა იქნას ხელშეკრულების შესრულების დამადასტურებელი დოკუმენტ(ებ)ი) ან/და დადასტურებული ანგარიშფაქტურით.

ანგარიშსწორება მოხდება უნაღდო ანგარიშსწორების ფორმით, საქართველოს ეროვნულ ვალუტაში, ანგარიშსწორება შემსყიდველის მიერ მოხდება საქონლის მიწოდების შემდგომ, მიღება–ჩაბარების აქტის ხელმოწერის, შესაბამისი საგადასახადო ანგარიშ-ფაქტურის (კანონით დადგენილ შემთხვევაში) გამოწერისა და წარმოდგენის შემდეგ.

ანგარიშსწორება მოხდება მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღის ვადაში.

გიორგი, 577180881, glekiashvili@delta.gov.ge

1. პრეტენდენტი ვალდებულია წინადადების წარმოდგენისას ერთიანი ელექტრონული სისტემის საშუალებით ატვირთოს სატენდერო დოკუმენტაციის 1.3, 2.1.1. 2.3.1. და 2.7.1. პუნქტებით გათვალისწინებული ინფორმაცია/დოკუმენტაცია.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე.
3. დოკუმენტების ან/და ინფორმაციის უცხოურ ენაზე წარდგენის შემთხვევაში, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 21-ე მუხლის მე-6 პუნქტის შესაბამისად, მას უნდა დაერთოს ნოტარიულად დამოწმებული ქართული თარგმანი.
4. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
7. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
8. შემსყიდველის მოთხოვნის შემთხვევაში ფასების ცხრილის დაზუსტებამ, ფასების ცხრილის არცერთ პოზიციაზე არ უნდა გამოიწვიოს შესყიდვის ობიექტების ერთეულის ღირებულების გაზრდა.
9. წინამდებარე ტენდერში მონაწილეობით პრეტენდენტი ავტომატურად ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10. სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში), აღნიშნული განპირობებულია საქონლის უკეთ აღწერის მიზნით და იგულისხმება ,,მსგავსი“ ან ,,ექვივალენტური".
11. ერთიან ელექტრონულ სისტემაში ატვირთულ დოკუმენტებზე „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად შესრულებული უნდა იყოს უფლებამოსილი პირის (მინდობილი პირის შემთხვევაში ასევე წარმოდგენილი უნდა იყოს შესაბამისი მინდობილობა) კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.