Отдых на природе и другие способы проживания, отличные от гостиниц (Грузия - Тендер #44050836)

პროექტის „ჩართულობისა და ინტეგრაციის საზაფხულო ახალგაზრდული ბანაკი“ ფარგლებში აფხაზეთიდან იძულებით გადაადგილებულ მოზარდთა და ახალგაზრდათა დაბა შეკვეთილში კულტურულ-გამაჯანსაღებელი და საგანმანათლებლო - შემეცნებითი ბანაკით მომსახურება.

1.2.1. მიმწოდებელმა უნდა უზრუნველყოს ბანაკის მონაწილეების (30 მონაწილე, 12-15 წლის ახალგაზრდები) და მონიტორინგის მიზნით მივლინებული სამინისტროს 6 თანამშრომლის ტრანსპორტირება საქართველოს ყველა რეგიონის მთავარი ქალაქებიდან დაბა შეკვეთილის საბანაკე სასტუმრომდე და უკან. მგზავრობისას ორივე გზაზე (სასტუმრომდე და უკან) თითოეულ ჯგუფს თან უნდა ახლდეს ბანაკის მინიმუმ ერთი ლიდერი ან ტრენერი. მიმწოდებელმა უნდა უზრუნველყოს ბანაკით 10 დღიანი (10 კალენდარული, დისლოკაციის ადგილზე ჩასვლისა რეგიონებში გამომგზავრების დღეების ჩათვლით) მომსახურება საბანაკე სასტუმროში 36 პერსონისთვის (30 ახალგაზრდა/მოზარდი და მონიტორინგის მიზნით გაგზავნილი მინისტრის აპარატის არაუმეტეს 6 წარმომადგენელი). თითოეული ბანაკის მონაწილე უნდა განთავსდეს მაქსიმუმ 2 ადგილიან ოთახებში, მინისტრის აპარატის წარმომადგენლები (მონიტორინგის ჯგუფი) უნდა განთავსდნენ სამ არასაზიარო ოთახებში. ბანაკის მონაწილეთა, მინისტრის აპარატის წარმომადგენლის განთავსება უნდა განხორციელდეს ერთ კომპლექსში, იმავე სასტუმროში, რომელშიც ჩატარდება ბანაკის აქტივობები. იმავე სასტუმროში უნდა იყვნენ განთავსებული პროექტის ხელმძღვანელი, ტრენერები და ლიდერები.

1.2.2. სასტუმრო არ უნდა იყოს „საოჯახო ტიპის“, არ უნდა იყოს განთავსებული საცხოვრებელი სახლის ნაწილში ან მიწის ქვეშ. ყველა ნომერი აღჭურვილი უნდა იყოს ინდივიდუალური სველი წერტილებით, ცივი და ცხელი წყლით (24 საათი), კონდიციონერით, ინტერნეტით. ნომრებში უნდა იყოს ცალ-ცალკე საწოლები (გასაშლელი და ორსართულიანი საწოლები არ მოიაზრება). ოთახებში დაცული უნდა იყოს სანიტარული ნორმები და იყოს შესაბამისი რაოდენობის პირველადი ჰიგიენის პროდუქტები და ნივთები (თეთრეული, პირსახოცები და სხვა).

1.2.3. სასტუმროს უნდა ჰქონდეს საკონფერენციო დარბაზი ტრენინგებისთვის (არანაკლებ 40 პერსონაზე და აღჭურვილი უნდა იყოს არანაკლებ 1 პროექტორით, არანაკლებ ერთი დინამიკით, არანაკლებ ერთი პრინტერით, არანაკლებ 2 ცალი ფლიფჩარტის დაფით, შესაბამისი ფურცლებით, ლეპტოპით და ტრენინგისთვის სხვა საჭირო შესაბამისი რაოდენობის საკანცელარიო ნივთებით და ინვენტარით (ბლოკნოტები, მარკერები, კალმები, ფერადი ფურცლები, წებოვანი ფურცლები და სხვა), ინტერნეტით, შესაბამისი საჰაერო ვენტილაციითა და გათბობის სისტემით.

1.2.4. სასტუმროს უნდა გააჩნდეს საკუთარი კეთილმოწყობილი-იზოლირებული ეზო გარე აქტივობების ჩასატარებლად. ეზო არ უნდა იყოს სხვასთან საზიარო.

1.2.5. მიმწოდებელმა უნდა უზრუნველყოს მონაწილეთა (36 ადამიანი) სრულფასოვანი კვებით მომსახურება (შვედური მაგიდა). დღიურად კვება უნდა იყოს სამჯერადი და + ერთი შესვენება სამხარზე. (სამხარი უნდა შეიცავდეს ტკბილეულს, ხილს, გამაგრილებელ სასმელებს და ყავა/ჩაის). კვება უნდა განხორციელდეს შემსყიდველის მიერ წინასწარ გაწერილი მენიუს შესაბამისად (იხ. დანართი მენიუ). საკვები არ უნდა იყოს საზიარო სასტუმროში მყოფ სხვა პირებთან. კვებითი მომსახურების კონკრეტული დრო უნდა შეთანხმდეს შემსყიდველთან. სასადილო ოთახი უნდა იყოს აღჭურვილი გამართული სავენტილაციო სისტემით და კონდიციონერით და დაცული უნდა იყოს სანიტარული ნორმები. კვებითი მომსახურების გაწევა უნდა მოხდეს იმავე შენობაში, სადაც განთავსებულია საცხოვრებელი ფართები (ნომრები). ბანაკის ტერიტორიაზე მიმწოდებელმა უნდა უზრუნველყოს პირველადი სამედიცინო დახმარების აღმოჩენა. ბანაკის მიმდინარეობისას ადგილზე უნდა ჰყავდეს შესაბამისი კვალიფიკაციის მქონე მედიცინის მუშაკი (მედდა ან ექიმი).
მიმწოდებელმა, ბანაკში გამგზავრებამდე ბანაკის მონაწილეთა მშობლებს / მეურვეებს უნდა შეავსებინოს ე.წ. მშობლის თანხმობის ფორმა. შევსებული ფორმები ბანაკის დასრულების შემდეგ უნდა ჩაბარდეს შემსყიდველს.

1.2.6. მიმწოდებელმა საკუთარი ხარჯებით უნდა უზრუნველყოს მონაწილეთა ტრანსპორტირება შესაბამისი ტექნიკურად გამართული ტრანსპორტით საქართველოს რეგიონებიდან (ქ.ქ. ზუგდიდი, ქუთაისი, თბილისი, ხონი, ბათუმი) – დისლოკაციის ადგილამდე და მათი უკან დაბრუნება პროექტის დასრულების შემდეგ. ტრანსპორტირების კონკრეტული დრო და ადგილი, აგრეთვე მონაწილეთა რაოდენობას (სია) მიმწოდებელს გადასცემს შემსყიდველი.

1.2.7. მიმწოდებელს ადგილზე უნდა ჰყავდეს 1 ბანაკის ხელმძღვანელი (ბანაკის ხელმძღვანელი პასუხისმგებელია პროექტის მიმდინარეობის მთელი პერიოდის განმავლობაში მონაწილეთა უსაფთხოებაზე საქართველოში მოქმედი კანონმდებლობის შესაბამისად), მინიმუმ 2 ტრენერი და მინიმუმ 4 ლიდერი (ტრენერი და ლიდერი არ უნდა იყოს ერთიდაიგივე პიროვნება), რომლებიც უხელმძღვანელებენ საბანაკე ცხოვრებას. მიმწოდებელმა უნდა წარადგინოს ბანაკის დღის წესრიგი შესაბამისი საგანმანათლებლო-შემეცნებითი აქტივობებითა და ტრენინგ პროგრამით. საბანაკე პროცესი უნდა მოიცავდეს შემდეგ აქტივობებს:
● შესაბამისი ფიზიკური აქტივობები მოზარდებისა და ახალგაზრდებისათვის;
● საგანმანათლებლო-სახალისო აქტივობები;
● შემეცნებითი აქტივობები;
● შენობის გარეთ აქტივობები;
● სხვა საგანანმანათლებლო - სარეკრეაციო აქტივობები.

ბანაკის ტრენინგ-პროგრამის მეთოდოლოგია უნდა მოიცავდეს:

o პრეზენტაციებს
o გუნდის მშენებლობის აქტივობებს
0 თვითშეფასების სავარჯიშოებს
o სიმულაციურ თამაშებს
o სამაგიდე და ინტელექტუალურ თამაშებს
o ვიდეო და ფოტო გადაღებებს
o ფოტო-ვიდეო გადაღება მონტაჟის შესწავლას
o პროფესიონალური 4K დრონის მართვა-გადაღების შესწავლას
o ვიდეო კამერებთან მუშაობის შესწავლას
o საბანაკე და ღია სივრცეში აქტივობებს
o საღამოს აქტივობებს

მიმწოდებელმა ბანაკის მსვლელობისას შემსყიდველს უნდა მიაწოდოს ბანაკის მსვლელობის ამსახველი ფოტოები, რომლების უნდა იყოს დამუშავებული და ჰქონდეს სამინისტროს ლოგო.
ბანაკის მსვლელობისას მიმწოდებელმა უნდა მოამზადოს ბანაკის 1 ვიდეო რგოლი (3 -დან 5 წუთამდე ხანგრძლივობის), რომელიც ბანაკის დასრულებიდან 1 კვირის განმავლობაში უნდა გადაეცეს შემსყიდველს. ვიდეო რგოლში უნდა იყოს ასახული საბანაკე პროცესი 10 დღის განმავლობაში, შესრულებული ტრენინგები, აქტივობები და გასართობი
თამაშები. ვიდეო უნდა იყოს 4K რეზოლუციის და გადაღებული იყოს მინიმუმ 2 კამერითა და 1 დრონით.

მიმწოდებელმა უნდა უზრუნველყოს ბანაკის მონაწილეები შესაბამისი საკანცელარიო ნივთებით (ბლოკნოტი, კალამი, ფერადი ფურცლები და სხვა), ბანაკისათვის სპეციალურად დამზადებული მაისურებით და კეპებით (შესაბამისი წარწერებით და ლოგოთი). ბანაკის ლოგო უნდა დაამზადოს მიმწოდებელმა შემსყიდველთან შეთანხმებით. მიმწოდებელმა უნდა დაამზადოს საბანაკე ბანერი შტენდერით (ბანერის დიზაინი უნდა შეთანხმდეს შემსყიდველთან).

მომსახურების გაწევის ვადა: 2023 წლის 03 აგვისტოდან - 13 აგვისტოს ჩათვლით (9 ღამე და 10 დღე).

დაბა შეკვეთილი (ტრანსპორტირება: საქართველოს რეგიონების ძირითადი ქალაქებიდან დაბა შეკვეთილში სასტუმრომდე/ბანაკამდე და უკან, შემსყიდველის წერილობით დავალებაში მითითებული იქნება ინფორმაცია ჩასხდომის ადგილის, დროისა და მონაწილეთა რაოდენობის შესახებ).

პრეტენდენტს 2020 წლის 01 იანვრიდან უნდა გააჩნდეს არანაკლებ 50000 (ორმოცდაათი ათასი) ლარის ღირებულების საბანაკე/სატრენინგო მომსახურების მიწოდების გამოცდილება, რაზეც უნდა წარმოადგინოს შესაბამისი მიწოდების დამადასტურებელი ხელშეკრულებები და მიღება-ჩაბარების აქტები ან/და სხვა დამადასტურებელი დოკუმენტები.
სატენდერო დოკუმენტაციის დანართი №2–ში CMR/SPA/NAT... ნომრ(ებ)ი-ს მითითების შემთხვევაში დამატებითი დოკუმენტ(ებ)ი-ს (ხელშეკრულებები, მიღება–ჩაბარების აქტები, ან სხვა მიწოდების დამადასტურებელი დოკუმენტები) წარმოდგენა სავალდებულო არ არის.

პრეტენდენტს საკუთრებაში ან სარგებლობაში უნდა გააჩნდეს დაბა შეკვეთილში, მოზარდებისა და ახალგაზრდებისათვის (12-15 წლის ჩათვლით) კულტურულ-შემეცნებითი ბანაკებით მომსახურების გასაწევად საჭირო სასტუმრო დოკუმენტაციის 1.2.2., 1.2.3. და 1.2.4. პუნქტების მოთხოვნების გათვალისწინებით. აღნიშნული ინფორმაციის დასადასტურებლად პრეტენდენტის მიერ წარმოდგენილ უნდა იქნეს სატენდერო დოკუმენტაციის დანართი №3 (მითითებული მოთხოვნებისა და ინფორმაციის შესაბამისად) და სასტუმროს საკუთრების ან/და სარგებლობის უფლების დამადასტურებელი დოკუმენტ(ებ)ი. სასტუმროს საკუთრების შემთხვევაში წარმოდგენილი უნდა იქნას საკუთრების დამადასტურებელი დოკუმენტები, ხოლო სარგებლობის უფლებით ფლობის შემთხვევაში – სარგებლობის უფლების დამადასტურებელი დოკუმენტ(ებ)ი, რომელთა მოქმედების ვადა არანაკლებ ერთი თვით უნდა აღემატებოდეს ხელშეკრულებით გათვალისწინებული მომსახურების ვადას, ამასთან, ატვირთული უნდა იქნას სასტუმროს მესაკუთრის საკუთრების დამადასტურებელი დოკუმენტაცია. ასევე, ზემოაღნიშნულს თან უნდა დაერთოს სადემონსტრაციო მასალა, სასტუმროს ადგილმდებარეობისა და ინფრასტრუქტურის ამსახველი ფოტო/მასალა.

ბანაკის ხელმძღვანელი (1 პერსონა) - უნდა იყოს სერტიფიცირებლი ახალგაზრდა მუშაკი და გააჩნდეს ახალგაზრდებთან მუშაობის მინიმუმ 4 წლიანი გამოცდილება რაც უნდა დასტურდებოდეს შესაბამისი დოკუმენტით (სერტიფიკატი, ცნობა და სხვ.). აღნიშნული დოკუმენტები არ უნდა იყოს გაცემული ტენდერში გამარჯვებული ორგანიზაციის მიერ.

ტრენერი (ინტეგრაციის, დეზინფორმაციისა და გუნდურობის ტრენინგების მიმართულება) (მინიმუმ 1 პერსონა)
ტრენერს უნდა გააჩნდეს ინტეგრაციის, დეზინფორმაციისა და გუნდურობის ტრენინგების მიმართულებით ახალგაზრდებთან მუშაობის მინიმუმ 1 წლიანი გამოცდილება და ტრენერობის დამადასტურებელი სერტიფიკატი. სავალდებულოა მიღებული ჰქონდეს უმაღლესი განათლება, რაც უნდა დასტურდებოდეს შესაბამისი დოკუმენტით (სერტიფიკატი / დიპლომი / ცნობა). ასევე უნდა ჰქონდეს გამოცდილება მედიაში. აღნიშნული დოკუმენტები არ უნდა იყოს გაცემული ტენდერში გამარჯვებული ორგანიზაციის მიერ.

ტრენერი (ვიდეო / ფოტო გადაღებებისა და კონტენტის მომზადების მიმართულება) (მინიმუმ 1 პერსონა)

ტრენერს უნდა გააჩნდეს მედია პროდუქტის მომზადების (გადაღება-მონტაჟი) პრაქტიკული მინიმუმ 3 წლიანი გამოცდილება, რომელიც უნდა დაადასტუროს შესაბამისი სერთიფიკატით, ცნობით ან სამუშაო რეკომენდაციით. დოკუმენტები არ უნდა იყოს გაცემული ტენდერში გამარჯვებული ორგანიზაციის მიერ.

ლიდერი (მინიმუმ 4 პერსონა)

ლიდერებს უნდა ჰქონდეს მინიმუმ 1 წლიანი გამოცდილება ახალგაზრდული პროექტების მიმართულებით; ახალგაზრდული აქტივობების დაგეგმვის და განხორციელების მინიმუმ ერთწლიანი პრაქტიკული გამოცდილება, რაც უნდა დასტურდებოდეს შესაბამისი დოკუმენტით (სერტიფიკატი / დიპლომი / ცნობა). აღნიშნული დოკუმენტები არ უნდა იყოს გაცემული ტენდერში გამარჯვებული ორგანიზაციის მიერ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე მომსახურების ფასების ცხრილით განსაზღვრული მომსახურების გაწევის შესაძლებლობა.
პრეტენდენტმა აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით, შემსყიდველის მიერ მოთხოვნილი ვადის შესაბამისად, დასკვნის წარმოუდგენლობის შემთხვევაში პრეტენდენტი დისკვალიფიცირებული იქნება ტენდერიდან.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ეტაპობრივი ანგარიშსწორება არ განიხილება. ანგარიშსწორება განხორციელდება მომსახურების დასრულების შემდეგ შესაბამისი მიღება-ჩაბარების აქტის გაფორმების საფუძველზე. ანგარიშსწორება მოხდება უნაღდო ანგარიშსწორებით ლარში.

საბოლოო ანგარიშსწორება განხორციელდება ფაქტიურად გაწეული მომსახურების დასრულების შემდეგ, მიღება–ჩაბარების აქტის გაფორმებიდან 10 სამუშაო დღის განმავლობაში.

ვლადიმერ ყიფიანი, 577092226, vova-kipiani@mail.ru ტექნიკურ საკითხებთან დაკავშირებით საკონტაქტო პირი ბ-ნი ნიკა ჩერქეზია, ტელეფონის ნომერი 511 16 34 73.

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში - სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს უფლებამოსილი პირის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 ფასების ცხრილი (დანართი №1) (ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
10.2.2 ინფორმაცია პრეტენდენტის გამოცდილების შესახებ სატენდერო დოკუმენტაციის 2.2.1. პუნქტის შესაბამისად.
10.2.3. ინფორმაცია პრეტენდენტის მატერიალურ-ტექნიკური ბაზის შესახებ სატენდერო დოკუმენტაციის 2.3.1. პუნქტის შესაბამისად და სადემონსტრაციო მასალა, სასტუმროს ადგილმდებარეობისა და ინფრასტრუქტურის ამსახველი ფოტო/მასალა.
10.2.4. ინფორმაცია პრეტენდენტის პერსონალის კვალიფიკაციის შესახებ სატენდერო დოკუმენტაციის 2.4.1 პუნქტის შესაბამისად.