Услуги по исследованию рынка и экономики, опросы и статистика (Грузия - Тендер #44050265)

შესყიდვის ობიექტს წარმოადგენს 2023 წლის ჯანმრთელობის დაცვის სახელმწიფო პროგრამების დამტკიცების თაობაზე საქართველოს მთავრობის 2022 წ. 30 დეკემბრის #609 დადგენილების თანახმად, 2023 წლის „ჯანმრთელობის ხელშეწყობის“ სახელმწიფო პროგრამის კომპონენტებში მუხლი 4 - თამბაქოს მოხმარების კონტროლის გაძლიერება; და მუხლი 6 „ჯანმრთელობის ხელშეწყობის საკითხების და ჯანმრთელობის დაცვის სახელმწიფო პროგრამების ფარგლებში არსებული სერვისების პოპულარიზაცია და გაძლიერება“ ფარგლებში თამბაქოს მოხმარების პრევენციის, რეგულარული ფიზიკური აქტივობის, მარილის მოხმარების შემცირების და ჯანსაღი გარემოს მნიშვნელობის შესახებ საინფორმაციო და საგანმანათლებლო კამპანიის განხორციელება (შემდგომში „მომსახურება“) - “ბაზრის კვლევა და ეკონომიკური კვლევა; გამოკითხვები და სტატისტიკა”.
მომსახურების შესყდვის სავარაუდო ღირებულება შეადგენს: 72800.00 ლარს (მომსახურების შესყიდვასთან დაკავშირებული ყველა გადასახადის გათვალისწინებით).

მათ შორის:
მუხლი 4 – „თამბაქოს კონტროლის გაძლიერება“ კომპონენტით გასაწევი მომსახურების ღირებულება - 66815.00 ლარი.
მუხლი 6 – „ჯანმრთელობის ხელშეწყობის საკითხების და ჯანმრთელობის დაცვის სახელმწიფო პროგრამების ფარგლებში
არსებული სერვისების პოპულარიზაცია და გაძლიერება“ კომპონენტით გასაწევი მომსახურების ღირებულება - 5985,00 ლარი.

1. ტექნიკური დავალება

ზოგადი მიზანი:
წინამდებარე დოკუმენტი ზოგადად განსაზღვრავს ტექნიკურ დავალებას მიმწოდებლისათვის, რომელიც დკ&სჯეც მიერ შეთავაზებულ სტრატეგიაზე დაყრდნობით დაგეგმავს და განახორცილებს საინფორმაციო, საგანმანათლებლო კამპანიას, რომლის მიზანია: საზოგადოების განათლება და ცნობიერების ამაღლება ჯანმრთელობის ქცევითი რისკ-ფაქტორების და ცხოვრების ჯანსაღი წესის პრინციპების შესახებ, ჯანსაღი ცხოვრების წესის ხელშეწყობა და ჯანსაღი ქცევის წახალისება.
არაგადამდები დაავადებები დაავადებათა (აგდ) ტვირთის უდიდეს ნაწილს წარმოადგენს საქართველოში და დიდ გავლენას ახდენს სიცოცხლის ყველაზე პროდუქტიულ წლებზე. გულსისხლძარღვთა, ონკოლოგიური, ქრონიკულ რესპირაციული დაავადებები, დიაბეტი და სხვა აგდ საერთო რისკ-ფაქტორებით ხასიათდება: თამბაქოს მოხმარება, არაჯანსაღი კვება, დაბალი ფიზიკური აქტივობა, ალკოჰოლის ჭარბი მოხმარება. ამიტომ, მნიშვნელოვანია ეფექტიანი საკომუნიკაციო საშუალებებით მოსახლეობის განათლება, ცნობიერების ამაღლება და ინფორმირება რისკ-ფაქტორების პრევენციიის თაობაზე.
ამასთან დაკავშირებით, კამპანია ფოკუსირებულია 4 მიმართულებაზე:
(1) თამბაქოს მოხმარების პრევენციის, (2) რეგულარული ფიზიკური აქტივობის, (3) მარილის მოხმარების შემცირების და (4) ჯანსაღი გარემოს მნიშვნელობის შესახებ საზოგადოების გაანთლებაზე და ჯანსაღი ცხოვრებსი წესის ხელშეწყობაზე.

სამიზნე აუდიტორია
კამპანია გათვლილია ფართო აუდიტორიაზე. ამასთან, მნიშვნელოვანია, რომ რესურსების რაციონალურად გამოყენებისა და მეტი ეფექტის მისაღებად, კამპანია აქცენტირებულია შემდეგი ტიპის სამიზნე ჯგუფებზე:
• სტუდენტები და ახალგაზრდობა;
• ეთნიკური უმცირესობები;


სტრატეგიული მიდგომები:
კამპანიაში გამოყენებული სტარტეგიული მიდგომები გულისხმობს ცნობიერების ამაღლებას სხვადასხვა საკომუნიკაციო არხის მეშვეობით, მ.შ. სატელევიზიო (რეგიონული, ეთნიკური უმცირესობებისათვის სატელევიზიო არხების ჩათვლით), რადიო და დიგიტალური მედიის გამოყენებით, მტკიცებულებზე დაფუძნებული მასალის გავრცელებით; საზოგადოების აქტიური ჯგუფების და პოპულარული ადამიანების ჩართულობით; წამახალისებელ ღონისძიებებს საზოგადოების ჩართულობით, მ.შ. ეთნიკური უმცირესობების მონაწილოებით.

ტექნიკური დავალება თანხვედრაშია:
• 2023 წლის ჯანმრთელობის დაცვის სახელმწიფო პროგრამების დამტკიცების თაობაზე საქართველოს მთავრობის 2022 წ. 30 დეკემბრის #609 დადგენილება, მუხლი 6. პუნქტი 2. „ა“ მოსახლეობის განათლება და ინფორმირებულობის დონის ამაღლება ჯანმრთელობის ხელშეწყობის პრიორიტეტულ საკითხებსა და ჯანმრთელობასთან დაკავშირებულ ქცევით რისკფაქტორებზე (თამბაქო, კვება, ალკოჰოლი, ფიზიკური აქტივობა), ფსიქიკური ჯანმრთელობა და ა.შ.; პუნქტი „ე“ გარემო და ჯანმრთელობასთან დაკავშირებული საკითხების შესახებ მოსახლეობის განათლება ;
• ასოცირების შესახებ შეთანხმებას; კარი VI, თავი 15, საზოგადოებრივი ჯანდაცვა, მუხლი 356, პარაგრაფი 1, c არაგადამდებ დაავადებათა პრევენცია და კონტროლი, ძირითადად ინფორმაციისა და საუკეთესო პრაქტიკის გაცვლის, ჯანსაღი ცხოვრების წესისა და ფიზიკური აქტივობის ხელშეწყობისა და ჯანმრთელობის იმ მთავარი განმსაზღვრელი ფაქტორების გათვალისწინებით, როგორიცაა კვება, ალკოჰოლის, ნარკოტიკებისა და თამბაქოს მიმართ დამოკიდებულება; მუხლი 356, პარაგრაფი 1e - ჯანმრთელობის შესახებ ინფორმაცია და ცოდნა ;
• არაგადამდებ დაავადებათა 9 გლობალური სამიზნე 2025 წლისთვის .
• სამოქალაქო თანასწორობისა და ინტეგრაციის 2021 − 2030 წლების სახელმწიფო სტრატეგია და სამოქმედო გეგმა 2021-2022 წწ. (ამოცანა 8.1. სახელმწიფო სოციალურ-ეკონომიკურ პროგრამებში ეთნიკური უმცირესობების ჩართულობის გაზრდა) .
• არაგადამდებ დაავადებათა პრევენციისა და კონტროლის საინვესტიციო პაკეტის რეკომენდაციები, 2022 წ.
მომსახურების ამოცანები:
აღნიშნული კამპანია პროგრამის არსებული რესურსებიდან და პრიორიტეტულობიდან გამომდინარე ფოკუსირებულია შემდეგ ამოცანებზე და ითვალისწინებს ადგილობრივ და საერთაშორისო მტკიცებულებებზე დაფუძნებულ მიდგომებსა და რეკომენდაციებს:

ამოცანა 1. ამოცანა გულისხმობს ინფორმირებულობის დონის ამაღლებას თამბაქოსა და მეორადი კვამლის მავნეობის, თამბაქოსათვის თავის დანებების, ნიკოტინის მიწოდების ელექტრონული სისტემების და თამბაქოს ახალი ტიპის გახურებადი ნაწარმის, ჩილიმის, თამბაქო და გარემოს საკითებზე; საკანონმდებლო რეგულაციების შესახებ სამიზნე მოსახლეობის ინფორმირებულობის დონის ამაღლება თამბაქოს კონტროლის საკითხებზე და სამოქალაქო მობილიზაციის გაზრდა;
საქართველოში განხორცილებული ბოლოდროინდელი კვლევების მიხედვით (ESPAD 2015 და 2019; GYTS – 2017) მზარდი ტენდენცია ფიქსირდება ელექტრონული სიგარეტის სიცოცხლის განმავლობაში მოხმარებასთან დაკავშირებით (ელექტრონული სიგარეტი უკანასკნელი 30 დღის განმავლობაში -7% (ბიჭების 11% და გოგონების 4%); კვლავ საკმაოდ მაღალია თამბაქოს მოხმარების ნაადრევი (≤13 წლის) დაწყების მაჩვენებელი - მოსწავლეთა 21%-მა მოწევა (ბიჭების 28% და გოგონების 14%) 13 წლის ან უმცროს ასაკში სცადა; 2019 წელს პირველად იქნა გამოკვლეული გახურებადი თამბაქოს მოხმარება (3% უკანასკნელი - 30 დღის განმავლობაში - მოსწავლეთა 8%-ს ოდესმე მოუხმარია გახურებადი თამბაქო). თამბაქოს ინდუსტრიის მარკეტინგული მიდგომების საპასუხოდ ნიკოტინის მიწოდების ელექტრონული სისტემების და თამბაქოს ახალი ტიპის გახურებადი ნაწარმის ნაკლებ მავნეობისა და ზიანის საპასუხოდ, მნიშვნელოვნად მიგვაჩნია საზოგადოების ინფორმირიება და მტკიცებულებებზე დაფუძნებული ინფორმაციის მიწოდება ამ საკითხებზე.

აღნიშნული ამოცანა ეფუძნება:
• თამბაქოს კონტროლის სახელმწიფო სტრატეგიითა 2021-2025წწ და სამოქმედო გეგმით 2021-2023 წწ გათვალისწინებულ სტრატეგიულ ამოცანას II „მოსახლეობის ინფორმირებულობის დონის ამაღლება თამბაქოს მოხმარებისა და მეორადი, ისევე, როგორც მესამეული კვამლის მავნე ზემოქმედების შესახებ“ (მიზანი: არასრულწლოვნებში მოწევის გავრცელების შემცირება ყოვლწლიურად 1 %-ით; მოზრდილებში მოწევის გავრცელების შემცირება ყოვლწლიურად 2 %-ით);
• ჯანმრთელობის მსოფლიო ორგანიზაციის თამბაქოს კონტროლის შესახებ თამბაქოს კონტროლის ჩარჩო-კონვენციის მუხლი 12 განათლება, კომუნიკაცია, ტრენინგი და საზოგადოებრივი შეგნების ამაღლება ;
• არაგადამდებ დაავადებათა 9 გლობალური მიზანი (2025 წლისათვის მოწევის გავრცელების შემცირება 30%-ით +15 წ ზევით მოსახლეობაში).
• არაგადამდებ დაავადებათა პრევენციისა და კონტროლის საინვესტიციო პაკეტის რეკომენდაციებს, რომლის მიხედვით თამბაქოს კონტროლის გაძლიერება თავიდან აგვაცილებს ინსულტის 2 000-ზე მეტ და ინფარქტის 2 000-ზე მეტ შემთხვევას, გადაარჩენს 2 700-ზე მეტ სიცოცხლეს.

ამოცანა 2. ამოცანა გულისხმობს რეგულარული ფიზიკური აქტივობის, როგორც ჯანმრთელობის ერთერთი სასარგებლო ქცევითი ფაქტორის, პოპულარიზაციას და ხელშეწყობას მოსახლეობაში;
დაბალი ფიზიკური აქტივობა კვლავ რჩება ერთერთ მნიშველოვან გამოწვევად და იგი არაგადამდებ დააადებათა ერთერთი რისკ-ფატორია. არაგადამდები დაავადებების რისკ-ფაქტორების (STEPS)-2016 მონაცემებით 18-64 წლის ასაკის მოსახლეობის 17,4%-ის (კაცი-16.2%, ქალი-18,4%), ყოველდღიური ფიზიკური აქტივობა საერთოდ არ შეესაბამება ჯანმრთელობის მსოფლიო ორგანიზაციის რეკომენდაციებს. 82.4% (კაცი-72.2%, ქალი-91.8%) არ არის. რეკრიაციასთან დაკავშირებული ფიზიკური აქტივობის ხვედრითი წილი-ჯამური ფიზიკური აქტივობის 3,5% (კაცი-5.3%, ქალი-1.5%). ქცევითი რისკ-ფაქტორების თვითშეფასების სასკოლო კვლევის მიხედვით
(HBSC) 2018 11, 13, 15 წლის მოზარდებში, კვირაში 7 დღე თავს აქტიურად თვლის ბიჭების-25%, გოგონების-17% (ფიზიკური აქტიურობა კლებულობს ასაკის მატებასთან ერთად, განსაკუთრებით გოგონებში), ხოლო COSI-ბავშვთა სიმსუქნის ეპიდზედამხედველობის ინიციატივა (2017-2019), ჭარბი წონა აღენიშნება ბიჭების -26%, გოგონების-22%; სიმსუქნე- ბიჭების-10%, გოგნების-7%-ს. არაერთი კვლევა ადასტურებს, რომ დაბალი ფიზიკური აქტივობა და ჭარბი წონა წარმოადგენენ გულ-სისხლძარღვთა დაავადებების, დიაბეტისა და კიბოს სერიოზულ რისკ-ფაქტორებს. არსებობს მტკიცებულებები იმის თაობაზე, რომ რეგულარული ფიზიკური აქტივობის შედეგად უმჯობესდება ჯანმრთელობის მდგომარეობა და ზოგადი თვითგრძნობა. შესაბამისად, აუცილებელია რეგულარული ფიზიკური აქტივობის, როგორც ჯანმრთელობის ხელშემწყობი ფაქტორის, მისი სახეების, სასურველი რეჟიმისა და მნიშვნელობის შესახებ მოსახლეობის ცნობიერების სისტემატიური ამაღლება.
ტენდერით გათვალისიწნებული აქტივობები ეფუძნება:
• ფიზიკური აქტივობის ხელშეწყობის ეროვნული სტრატეგიის სამუშაო დოკუმენტს 2024-2030 წწ და სამოქმედო გეგმას 2024-2027 წწ; 2030 წლისთვის არასაკმარისი ფიზიკური აქტივობის მაჩვენებლის 15%-იანი ფარდობითი შემცირება მოზარდებსა და ზრდასრულებში
• საქართველოში არაგადამდებ დაავადებათა პრევენციისა და კონტროლის სტრატეგიის პროექტი 2023-2030 წწ
• ჯანმრთელობის მსოფლიო ორგანიზიციის დოკუმენტი „არაგადამდები დაავადებების პრევენციისა და კონტროლის მიზნით “საუკეთესო ინტერვენციები“ და ჩარევები“ დოკუმენტის მიხედვით; არაგადამდები დაავადებების დაძლევის ხელშეწყობა WHO ეფექტური ინტერვენციები ხარჯთ-ეფექტურობის ანალიზით ≤ I$ 100 თითოეულ თავიდან აცილებულ DALY-ზე დაბალი და საშუალო შემოსავლების მქონე ქვეყნებში ფიზიკური აქტივობის შესახებ ცნობიერების ამაღლების და საგანმანათლებლო კამპანიის წარმოება მთელი მოსახლეობის მასშტაბით, რომელიც მოიცავს მედია-კამპანიას სათემო საგანმანათლებლო ღონისძიებებთან ერთად, მოტივაციურ და გარემოსდაცვით პროგრამებს, რომლებიც მიზნად ისახავს ქცევითი ჩვევების შეცვლის პროგრამების მხარდაჭერას და, შედეგად, ფიზიკური აქტივობის დონის ზრდას .
• ფიზიკური აქტივობის გლობალური სამოქმედო გეგმა 2018-2030; ღონისძიება 1.1. რეგულარული მასობრივი მონაწილეობის ინიციატივები საჯარო სივრცეებში, საზოგადოების ჩართულობით .
• არაგადამდებ დაავადებათა პრევენციისა და კონტროლის საინვესტიციო პაკეტის რეკომენდაციებს, რომლის მიხედვით ფიზიკური აქტივობის გაძლიერებისკენ მიმართულ ინტერვენციები თავიდან აგვაცილებს ინსულტის 300-ზე მეტ და ინფარქტის 600-მდე შემთხვევას, გადაარჩენს 600 სიცოცხლეს.

ამოცანა 3. აღნიშნული ამოცანა გულისხმობს მარილის მოხმარების შემცირების მნიშვნელობის შესახებ მოსახლეობის ცნობიერების დონის ამაღლებას და ქცევის ცვლილების ხელშეწყობა მოსახლეობაში; 2016 წლის STEPS კვლევის მიხედვით საქართველოს ზრდასრული მოსახლეობა ყოველდღიურად მოიხმარს 8.5 მგ მარილს, რაც მნიშვნელოვნად აღემატება ჯანმო-ს მიერ რეკომენდებულ დოზას (5 მგ/დღე).
მარილის მაღალი მოხმარება არტერიული ჰიპერტენზიისა და სხვა არაგადამდები დაავადებების მთავარი რისკ-ფაქტორია. არაგადამდები დაავადებები ავადობის, ინვალიდობის და სიკვდილობის ძირითადი მიზეზია გლობალურად და საქართველოში და, ამასთანავე, წარმოადგენენ სოციალურ-ეკონომიკურ განვითარების შემაფერხებელ ფაქტორს. მარილის მიღების შემცირება იწვევს არტერიული წნევის ციფრების და, შესაბამისად, არტერიული ჰიპერტენზიის და მისი გართულებების - მიოკარდიუმის ინფარქტისა და ინსულტის გავრცელების და ამ დაავადებებით გამოწვეული სიკვდილიანობის შემცირებას.
აღნიშნული კამპანიის ფარგლებში მოხდება მარილის მოხმარების რისკებთან დაკავშირებული ინფორმაციის მიწოდება მოსახლეობისათვის, ასევე, მარილის მოხმარების შემცირების რეკომენდაციებისა და სარგებლის შესახებ ინფორმირება. 2022 წელს ჩატარებულმა კვლევამ აჩვენა, რომ კვლევის მონიწილეთა დიდი რაოდენობა არ ფლობს ინფორმაციას მარილის რეკომენდებული დოზის შესახებ, არ იციან როგორ აკონტროლონ რეკომენდებული დოზა; მიაჩნიათ, რომ რეკომენდებულ დოზა გულისხმობს 1 ჩაის კოვზს დღის განმავლობაში, ან ნახევარი ჩაის კოვზს. ასევე არ იციან რა შედეგები მოაქვს მარილის ჭარბ მოხმარებას, შესაბამისი ინფორმაცია არ აქვთ და არ უნახავთ.
ტენდერით გათვალისწინებული აქტივობები აქტივობები ეფუძნება:
• მარილის მოხმარების თვისებრივი კვლევის შედეგების ანალიზს საქართველოში, WHO; 2022 წ
• საქართველოში არაგადამდებ დაავადებათა პრევენციისა და კონტროლის სტრატეგიის პროექტს 2023-2030 წწ
• ჯანმოს ინიციატივას მარილის შემცირების სტრატეგიის დანერგვასთან დაკავშირებით .
• არაგადამდებ დაავადებათა 9 გლობალურ სამიზნეს - 2025 წლისათვის მარილის/ნატრიუმის მოხმარების 30%-ით შემცირება .
• არაგადამდებ დაავადებათა პრევენციისა და კონტროლის საინვესტიციო პაკეტის რეკომენდაციებს, რომლის მიხედვით მარილის შემცირების მიმართულებით ინტერვენციებს აქვს ყველაზე მაღალი უკუგება, 15 წლის განმავლობაში თავიდან აგვაცილებს ინსულტის 13 000-მდე და ინფარქტის 7 000-ზე მეტ შემთხვევას, გადაარჩენს 10 000 სიცოცხლეს და დღეს დახარჯულ 1 ლარზე უკუგება - 15 ლარი. მარილის შემცირების მიმართულებით დღეს დახარჯულ თითოეულ ლარზე 15 წელიწადში უკუგება 19.6 ლარი იქნება.

ამოცანა 4. გარემოს დამაბინძურებელი ფაქტორების შესახებ მოსახლეობის ინფორმირება და ჯანსაღი გარემოს ხელშეწყობა; ამოცანა გულისხმობს მოსახლოების გარემოს დაცვის მნიშვნელობის, გარემოს დამაბინძურებელი ფქტორების შესახებ ცნობიერების დონის ამაღლებას, პროცესებში საზოგადოების აქტიური ჩართულობას და გარემოსდაცვითი ღონისძიებების განხორციელებას.

აღნიშნული მიმართულებები ეფუძნება და თანხვედრაშია:
1. საქართველოში არაგადამდებ დაავადებათა პრევენციისა და კონტროლის სტრატეგიის პროექტი 2023-2030 წწ
2. საქართველოს გარემოსა და ჯანმრთელობის 2018-2022 წლების ეროვნული სამოქმედო გეგმა, ამოცანა 3: ჯანსაღი და უსაფრთხო გარემოს მიმართ ხელმისაწვდომობის გაუმჯობესება ბავშვებისა და ახალგაზრდებისათვის, გაზრდილი ფიზიკური აქტივობის უზრუნველსაყოფად .
3. საქართველოს მთავრობის 2021 წლის 15 ოქტომბრის დადგენილება საქართველოში ჯანსაღი ქალაქების ეროვნული ქსელის ჩამოყალიბების მიზნით სამთვარობო კომისიის შექმნისა და დებულების დამტკიცების თაობაზე. ჯანმოს ჯანსაღი ქალაქების ქსელების კონცეფცია, WHO .

შესყიდვის ობიექტის მიწოდების ვადა და პირობები: „მომსახურების“ მიწოდება განხორციელდება ხელშეკრულების გაფორმებიდან 2023 წლის 22 დეკემბრის ჩათვლით.

3.ჩასაბარებელი სამუშაო

„მიმწოდებელი“ ვალდებულია წარმოადგინოს შემდეგი შესასრულებელი სამუშაო:

1. კამპანიის აქტივობების ამსახველი პროფესიონალური, პროგრამულად დაუმუშავებელი მინიმუმ 50-მდე ციფრული ფოტო 2 ც მეხსიერების ბარათზე ჩაწერილი
2. მედიაში სტუმრობები, სიუჟეტები ჩაწერილი 3 ც. მეხსიერების ბარათზე
3. მასალების ელ.ვერსიები ეთნიკური უმცირესობების ენებზე (სომხურ და აზერბაიჯანულ ენებზე)
4. იდეათონის შედეგები
5. ფეისბუკის მულტიმედური მასალა და ფბ-ს სტატისტიკური ანალიზი
6. ყოველთვიური და შემაჯამებელი პროგრამული ანგარიში წლის ბოლოს
7. კამპანიის შეფასება-ანალიზი მ.შ. “გუგლ ანალიტიკის” მეშვეობით.

შენიშვნა:
 “შემსყიდველი“ უზრუნველყოფს კამპანიისათვის საჭირო ლოგოებისა და კამპანიის დაგეგმისთვის ჩვენს ხელთ არსებული კვლევის ანგარიშით; ასევე ყველა საჭირო საკონსულტაციო შეხვედრას;
 „შემსყიდველსა“ და „მიმწოდებელს“ შორის წინასწარ ხდება შეთანხმება ჩასატარებელი/განსახორციელებელი ღონისძიებებისა და აქტივობების ყველა დეტალზე.
 “მიმწოდებელი”უზრუნველყოფს გამოყენებული გრაფიკული მასალების ავთენტურობას და ინტელექტუალური საკუთრების დაცვას;
 “მიმწოდებელი” უზრუნველყოფს დამკვეთის საავტორო უფლებების დაცვას „საქართველოს კანონის საავტორო უფლებების შესახებ“ დაცვით;
მომსახურების გაწევის ადგილი: კახეთის გზატკეცილი # 99, 0198 თბილისი, საქართველო.

o ტენდერში მონაწილე ორგანიზაციას/სამუშაო ჯგუფს/ქვეკონტრაქტორს უნდა გააჩნდეს ქვეყნის მასშტაბით სულ მცირე 3 საინფორმაციო და საგანმანათლებლო კამპანიის (მედია, სოციალური მედია, ღონისძიებების მართვა, სემინარები; კრეატიული ღონისძიებები) დაგეგმვის და განხორციელების გამოცდილება დადასტურებული შესაბამისი დოკუმენტაციით;
o აღნიშნული დადასტურებული უნდა იქნას დოკუმენტაციით დანართი #2 ის შესაბამისად. ამასთან:
o ა. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N2-ის შესაბამისად).
o ბ. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.
- ინტერესთა კონფლიქტის არქონა თამბაქოს ინდუსტრიასთან - თამბაქოს კონტროლის კანონმდებლობის ახალი რეგულაციების ამოქმედებიდან (2018 წ. 1 მაისი) არ მიუღია დაფინანსება და/ან არ ქონია რაიმე სხვა სახის კონტრიბუცია/თანამშრომლობა თამბაქოს ინდუსტრიასთან (იმპორტიორი, ექსპორტიორი და მწარმოებელი კომპანიები) ან ინდუსტრიასთან ასოცირებულ ორგანიზაციებთან, მ.შ. თამბაქოს ზიანის შემცირების მიმართულებით; ინფორმაციის დამადასტურებელი წერილი ხელმოწერით დანართის სახით.
- ინტერესთა კონფლიქტის არქონა აზარტული თამაშების ინდუსტრიასთან - ახალი რეგულაციების ამოქმედებიდან (2022 წლის 1 მარტიდან) არ მიუღია დაფინანსება და/ან არ ქონია რაიმე სხვა სახის კონტრიბუცია/თანამშრომლობა აზარტული თამაშების ინდუსტრიასთან ან ინდუსტრიასთან ასოცირებულ ორგანიზაციებთან. ინფორმაციის დამადასტურებელი წერილი ხელმოწერით დანართის სახით.
• “პრეტენდეტმა ” უნდა წარმოადგინოს პროგრამის ფარგლებში დასაქმებული პერსონალის შესახებ ინფორმაცია, მუშაობის განაკვეთი (დატვირთვა), ფუნქცია-მოვალეობები (პროექტში თითოეული სპეციალისტის ჩართულობა-პასუხისმგებლობები უნდა იყოს აღწერილი და დასაბუთებული. წარმოდგენილი შესაბამისი დოკუმენტებით;
• პროგრამის განხორციელების მეთოდოლოგია და გეგმა, მათ შორის სოციალური და ტელე მედია კამპანიების განხორციელების სტრატეგია, საკომუნიკაციო არხები და სხვა;

- ტენდერში მონაწილე პერსონალს უნდა გააჩნდეს სულ მცირე 1 წლიანი და/ან სულ მცირე 2 ფართომაშტაბიანი (თბილისი და სულ მცირე 2 რეგიონი) საინფორმაციო კამპანიის (მედია, სოციალური მედია, ღონისძიებების მართვა) დაგეგმვის და განხორციელების გამოცდილება.
- პროექტში დასაქმებული პერსონალს (ორი ან მეტი) უნდა გააჩნდეს მინიმუმ ერთწლიანი დადასტურებული (CV, ელექტრონული ბმულებით ან/და კონტრაქტების ასლები) ჯანმრთელობის საკითხებზე კამპანიების დაგეგმვის, მართვის და განხორციელების; ჯანმრთელობის საკითხებზე მედია და სოციალური მედია ადვოკატირების დაგეგმვის, მართვის და განხორციელების;
- პერსონალის (ორი ან მეტი) უნდა გააჩნდეს თამბქოს კონტროლის კანონმდებლობის და ჯანმრთელობის მსოფლო ორგანიზაციის თამბაქოს კონტროლის ჩარჩო-კონვენციის საკითხებზე მუშაობის გამოცდილება დადასტურებული შესაბამისი სერთიფიკატებით;
- პერსონალის ნაწილს უნდა გააჩნდეს საზოგადობასთან ურთიერთობის ან მარკეტინგის ან კომუნიკაციის, ან მედია მენეჯმენტის სფეროში სულ მცირე 1 წლიანი გამოცდილება;
- მინიმუმ 2 მასობრივი (სულ მცირე 100 მონაწილე) ან გერემოსთან და/ამ ცხოვრების ჯანსაღ წესთან დაკავშირებული სპორტული ღონისძიების ჩატარების გამოცდილება დადასტურებული შესაბამისი დოკუმენტაციით: (მასობრივი სპორტული ღონისძიების ამსახეველი ან გარემოსთსან დაკავშირებული ღონისძიების ფოტომასალა, სოც. ქსელში განთავსებული მასალა) მედია საშუალებებით გაშუქების შემთხვევაში დამადასტურებელი ნებისმიერი სახის მასალა.
-თითოეულ ზემოაღნიშულ კრიტერიუმთან შესაბამისობის დადასტურების მიზნით “პრეტენდენტმა” უნდა წარმოადგინოს შესაბამისი დოკუმენტაცია: მაგ. ძირითადი პერსონალის აკრედიტებული უმაღლესი საგანმანათლებლო დაწესებულების მიერ გაცემული დიპლომები, ასევე სერტიფიკატები და რეზიუმეები, წარსულში განხორციელებული მედია/მარკეტინგული კამპანიების/აქტივობების, პარტნიორი ორგანიზაციებისა და კომპანიების ჩამონათვალი, სასურველია ურთიერთთანამშრომლობის ხელშეკრულებები; სარეკომენდაციო წერილები, და ა.შ);

გეგმა- გრაფიკი წარმოდგენილი უნდა იყოს ფასების ცხრილის შესაბამისად.

- ქვე-კონტრაქტორის შემთხვევაში, პრეტენდენტმა უნდა წარმოადგინოს ქვე-კონტრაქტორი ორგანიზაციის თანხმობის წერილი შესასრულებელი სამუშაოს მოცულობაზე; ხოლო ტენდერში გამარჯვების შემთხვევაში ქვეკონტრაქტორთან გაფორმებული ხელშეკრულების ასლი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუსებისათვის პრეტენდენტი ვალდებულია 2 სამუშაო დღის ვადაში წარმოადგინოს დეტალური კალკულაცია, ჩაშლილად თითოეული აქტივობის გათვალისწინებით (დასაქმებულთა შრომითი ანაზღაურება, შესყიდული საქონელი და ა.შ რაც დაკავშირებულია მომსახურების გაწვასთან) და იმ შემთხვევაში თუ მომსახურებას სხვა ორგანიზაციისაგან ყიდულობს წარმოადგინოს წინასწარი წერილობითი დასტური (ხელშეკრულება ან სხვა წერილობითი ურთიერთშეთანხმების დოკუმენტაცია).

ანგარიშსწორება მოხდება უნაღდო ანგარიშსწორებით ლარში, ანგარიშსწორება ,,მიმწოდებელ