Услуги по исследованию рынка и экономики, опросы и статистика (Грузия - Тендер #44050264)

 შესყიდვის ობიექტს წარმოადგენს 2023 წლის ჯანმრთელობის ხელშეწყობის სახელმწიფო პროგრამის, მუხლი 6 – „ჯანმრთელობის ხელშეწყობის საკითხების და ჯანმრთელობის დაცვის სახელმწიფო პროგრამების ფარგლებში არსებული სერვისების პოპულარიზაცია და გაძლიერება“ ფარგლებში სისხლის უანგარო, რეგულარული დონორობის მხარდაჭერისა და მოზიდვის საინფორმაციო და საგანმანათლებლო კამპანიის (შემდგომში „მომსახურება“) განხორციელება.

1.ტექნიკური დავალება

სისხლის უანგარო, რეგულარული დონორობის მხარდაჭერისა და მოზიდვის ეროვნული კამპანიის განხორციელება, მ.შ. "უანგარო დონორთა მსოფლიო დღესთან" დაკავშირებული ღონისძიებების მხარდაჭერა.
ზოგადი მიზანი:
წინამდებარე დოკუმენტი ზოგადად განსაზღვრავს ტექნიკურ დავალებას მიმწოდებლისათვის, დონორთა მოზიდვის საინფორმაციო და საგანმანათლებლო კამპანიის განხორციელებისათვის.
კამპანიის მიზანია ქვეყნის მასშტაბით სისხლის უანგარო, რეგულარული დონორობის პოპულარიზაცია და უანგარო, რეგულარული დონორების მოზიდვა ნებაყოფლობითი დონორების საერთო რიცხვის გაზრდის მიზნით.
აღნიშნულ კამპანიას აქვს შემდეგი ამოცანები:
o ცნობიერების დონის ამაღლება მოსახლეობაში სისხლის უანგარო, რეგულარული დონორობის მნიშვნელობის შესახებ და სოციალური პასუხისმგებლობის გაძლიერება; (ინფორმირება და ქმედებისკენ მოწოდება);
o სისხლის დონორობის არსებული ფასიანი ინსტიტუტიდან უანგარო დონორობის სისტემაზე გადასვლის შესახებ ინფორმირება და ფასიანი დონაციიდან უანგარო დონაციის სისტემაზე გადასვლის გარდამავლი პერიოდის მხარდაჭერა საინფორმაციო, საგანმანათლებლო და საადვოკაციო ინტერვენციების მეშვეობით - „გახდი ცვლილების ნაწილი“.

სამიზე ჯგუფი და სტრატეგიული მიდგომა:
o 18-65 წლის მოსახლეობა; განსაკუთრებული ფოკუსირებით ახალგაზრდა და საშუალო ასაკის მოსახლეობა (18-55 წწ)
o ცნობიერების ამაღლება, უანგარო, რეგულარული დონორის თემის აქტუალიზაცია და ქმედებისკენ მოწოდება და სოციალური პასუხისმგებლობის გაზრდა ძირითადი საკომუნიკაციო არხებით (სოციალური მედია, ტელევიზია, რადიო და ციფრული მედია, ინფლუენსერების ჩართვით კამპანიაში; „დონორები მოიზიდავენ დონორებს“ მეთოდით და სხვ. საკომუნიკაციო ინტერვენციების მეშვეობით);

საგანმანათლებლო კამპანიის (მომსახურების) შესრულების გზები და აქტივობები
დკსჯეც-ის პროექტის გუნდთან მჭიდრო თანამშრომლობის საფუძველზე მიმწოდებელმა უნდა განახორციელოს 2023 წლის „უსაფრთხო სისხლის“ სახელმწიფო პროგრამის „უანგარო დონორობის მხარდაჭერისა და პოპულარიზაციის“ კომპონენტის საკომუნიკაციო კამპანია შემდეგი არხებით:
1. საინფორმაციო, საგანმანათლებლო კამპანიის წარმოება ძირითადი საკომუნიკაციო არხებით (სოციალური მედია, ტელევიზია, რადიო და ციფრული მედია);
2. უანგარო, რეგულარული დონორის თემის აქტუალიზაცია და პოპულარიზაცია მედია ადვოკატირების მეშვეობით;
3. მტკიცებულებაზე დაფუძნებული საინფორმაციო/საგანმანათლებლო მასალების შემუშავება, დიზაინი/გატესტვა და თარგმნა ეთნიკური უმცირესობებისთვის (ქართულ-სომხური და ქართულ-აზერბაიჯანული);
4. სისხლის უანგარო დონაციის ვებ-გვერდისათვის მასალების მომზადება ვების ფორმატისათვის და შესაბამისი შინაარსის „ქოფირაითის“ ორგანიზება;
5. კამპანიის შეფასება პრე და პოსტ გამოკითხვის მეშვეობით.
6. მიმწოდებელი იღებს ვალდებულებას მხარი დაუჭიროს შემსყიდვლის მიერ წარმოებულ უანგარო დონორობის რეკრუტინგის კამპანიას მედია ადვოკატირების და სოციალური მედიის საგანმანათლებლო აქტივობების ფარგლებში.

აღნიშნული მიმართულებები ეფუძნება და თანხვედრაშია:
1. 2023 წლის ჯანმრთელობის დაცვის სახელმწიფო პროგრამების დამტკიცების თაობაზე საქართველოს მთავრობის 2022 წ. 30 დეკემბრის #609 დადგენილება, „უსაფრთხო სისხლის სახელმწიფო პროგრამის მუხლი 3, პუნქტი „გ“ სისხლის უანგარო, რეგულარული დონორობის მხარდაჭერისა და მოზიდვის ეროვნული კამპანიის განხორციელებას, მ. შ., „უანგარო დონორთა მსოფლიო დღესთან“ დაკავშირებული ღონისძიებების მხარდაჭერას, რაც მოიცავს: გ.ა) საინფორმაციო კამპანიის დაგეგმვასა და განხორციელებას; გ.ბ) სისხლის დონორების მოზიდვასა (რეკრუტირებას) და ჩართვას უანგარო დონაციებში;
2. საქართველოს კანონი ადამიანის სისხლისა და მისი კომპონენტების ხარისხისა და უსაფრთხოების შესახებ; მუხლი 5. სისხლისა და მისი კომპონენტების ხელმისაწვდომობა პუნქტი 2. სახელმწიფო ხელს უწყობს ნებაყოფლობით, უანგარო დონორობას და უზრუნველყოფს სისხლისა და მისი კომპონენტების ხარისხისა და უსაფრთხოების მდგრად პირობებს;
მუხლი 6. სისხლის დონორობის პრინციპები; პუნქტი „1“ სისხლის დონორობა ეფუძნება ნებაყოფლობითობის, უანგარობისა და ანონიმურობის პრინციპებს. მუხლი 9. სახელმწიფოს ვალდებულებები სისხლისა და მისი კომპონენტების ხარისხისა და უსაფრთხოების დაცვის სფეროში- სახელმწიფო ვალდებულია ბ) უზრუნველყოს ნებაყოფლობით, უანგარო დონაციაზე დაფუძნებული, ხარისხიანი და უსაფრთხო სისხლის, მისი კომპონენტებისა და სისხლის პროდუქტების უწყვეტი და ეფექტიანი მიწოდების სისტემის ჩამოყალიბება და შენარჩუნება; გ) წაახალისოს ნებაყოფლობითი, უანგარო, რეგულარული დონაციის ხელშემწყობი, მდგრადი საგანმანათლებლო და სოციალური კამპანია;
3. ევროკავშირის დირექტივებთან შესაბამისობა: Council Directive 2002/98/EC, Commission Directives 2004/33/EC, 2011/38/EU, 2005/61/EC, 2005/62/EC, 2014/110/EU, (EU) 2016/1214;
4. WHO’s work on Blood Safety https://www.who.int/health-topics/blood-products#tab=tab_1;
5. Donor Management Manual, DOMAINE PROJETC; Editor: Wim De Kort c/o Sanquin Blood Supply Foundation; Part 2 donor management in practice Positioning marketing: developing public awareness; Operational marketing: call to action; Relationship marketing: developing donor loyalty; Recognition; Recruitment Methods;
6. საქართველოში სისხლის მიწოდების კომუნიკაციის სტრატეგია 2022-2027, მომზადებულია ევროკავშირის დაძმობილების პროექტის "სისხლის უსაფრთხოების სისტემის გაძლიერება საქართველოში" ფარგლებში.

მიწოდება უნდა განხორციელდეს ხელშეკრულების გაფორმებიდან 2023 წლის 22 დეკემბრის ჩათვლით.

 შესყიდვის ობიექტის მიწოდების ადგილი - საქართველო, თბილისი, კახეთის გზატკეცილი #99
3. ჩასაბარებელი სამუშაო
„მიმწოდებელი“ ვალდებულია წარმოადგინოს შემდეგი შესასრულებელი სამუშაო:
1. ტექნიკური დავალებით გათვალისწინებული ინტერვენციების განხორციელების მეთოდოლოგია და დეტალური სამოქმედო გეგმა (ინტერნეტ გამოკითხვა, სოციალური მედია, მედია ადვოკატირება)
2. კამპანიიის პრე და პოსტ-ტესტის კითხვარის წინასწარი შეთანხმება და და ინტერნეტ გამოკითხვის ანგარიში.
3. ბეჭდურ და ონლაინ მედიაში განთავსებული სტატიების ელ. ვერსიები და ლინკები;
5. სატელევიზიო მედია და რადიო სტუმრობების/სიუჟეტების ელ. ვერსიები და ჩანაწერი 3 ცალ მეხსიერების ბარათზე;
6. მტკიცებულებებზე დაფუძნებული მასალის მომზადება შემსყიდველის მიერ მოწოდებული წყაროების გამოყენებით ვებისათვის და მასალის ქოფირაითი.
7. სომხურ და აზერბაიჯანულ ენებზე თარგმნილი მასალა;
8. ყოველთვიური პროგრამული ანგარიშები ელექტრონულად და შემაჯამებელი პროგრამული ანგარიში წლის ბოლოს;
9. შეხვედრის მონაწილეთა სია დამადასტურებელი ხელმოწერებით, შეხვედრების ამსახველი ფოტოსურათებით, საპრეზენტაციო მოდული;
10. ყოველთვიური და შემაჯამებელი პროგრამული ანგარიში წლის ბოლოს.;
შენიშვნა:
“შემსყიდველი“ უზრუნველყოფს კამპანიისათვის საჭირო ლოგოებითა და კამპანიის დაგეგმვისთვის მის ხელთ არსებული კვლევის ანგარიშით; ასევე ყველა საჭირო საკონსულტაციო შეხვედრა „შემსყიდველისა“ და „მიმწოდებლის“ მიერ ხდება წინასწარი შეთანხმება კამპანიაში მონაწილე პირების, სცენარების და ნებისმიერი გამოყენებული მასალის/ტექსტის შინაარსის და მახასიათებლების შესახებ
• “მიმწოდებელი”უზრუნველყოფს გამოყენებული მასალების ავთენტურობას და ინტელექტუალური საკუთრების დაცვას
• “მიმწოდებელი” უზრუნველყოფს დამკვეთის საავტორო უფლებების დაცვას „საქართველოს კანონის საავტორო უფლებების შესახებ“ დაცვით

1. ტენდერში მონაწილე ორგანიზაციას/სამუშაო ჯგუფს/ქვეკონტრაქტორ ორგანიზაციას უნდა გააჩნდეს ფართომასშტაბინი (თბილისი და მინიმუმ 2 რეგიონი) სულ მცირე 3 საინფორმაციო და საგანმანათლებლო კამპანიის (მედია, სოციალური მედია, ღონისძიებების მართვა, სემინარები; კრეატიული ღონისძიებები) დაგეგმვის და განხორციელების გამოცდილება დადასტურებული შესაბამისი დოკუმენტაციით;
აღნიშნული დადასტურებული უნდა იქნას დოკუმენტაციით დანართი #2 ის შესაბამისად. ამასთან:
ა. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N2-ის შესაბამისად).
ბ. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.
2. ინტერესთა კონფლიქტის არქონა თამბაქოს ინდუსტრიასთან - თამბაქოს კონტროლის კანონმდებლობის ახალი რეგულაციების ამოქმედებიდან (2018 წ. 1 მაისი) არ მიუღია დაფინანსება და/ან არ ქონია რაიმე სხვა სახის კონტრიბუცია/თანამშრომლობა თამბაქოს ინდუსტრიასთან (იმპორტიორი, ექსპორტიორი და მწარმოებელი კომპანიები) ან ინდუსტრიასთან ასოცირებულ ორგანიზაციებთან, მ.შ. თამბაქოს ზიანის შემცირების მიმართულებით; ინფორმაციის დამადასტურებელი წერილი ხელმოწერით დანართის სახით.
3. ინტერესთა კონფლიქტის არქონა აზარტული თამაშების ინდუსტრიასთან - ახალი რეგულაციების ამოქმედებიდან (2022 წლის 1 მარტიდან) არ მიუღია დაფინანსება და/ან არ ქონია რაიმე სხვა სახის კონტრიბუცია/თანამშრომლობა აზარტული თამაშების ინდუსტრიასთან
ან ინდუსტრიასთან ასოცირებულ ორგანიზაციებთან. ინფორმაციის დამადასტურებელი წერილი ხელმოწერით დანართის სახით.
4. პროექტში თითოეული სპეციალისტის ჩართულობა, ჩართულობის ხარისხი (განაკვეთი), პასუხისმგებლობები უნდა იყოს აღწერილი და დასაბუთებული. მათ მიერ შესასრულებელ საქმიანობაში გამოცდილება უნდა დასტურდებოდეს შესაბამისი დოკუმენტებით;

1. პროექტში დასაქმებული პერსონალს (ორი ან მეტი) უნდა გააჩნდეს მინიმუმ ერთი წლის ან სულ მცირე 2 ფართომასშტაბიანი (თბილისი და სულ მცირე 2 რეგიონი) კამპანიის განხორციელების გამოცდილება, მ.შ. ახალგაზრდულ ორგანიზაციებთან, სამოქალაქო სექტორთან მუშაობის გამოცდილება; კრეატიული ღონისძიებების დაგეგმვის გამოცდილება; განხორციელებული კამპანიების შესახებ ინფორმაციის წარმოდგენა; დადასტურებული (CV, ელექტრონული ბმულებით ან/და კონტრაქტების ასლები).
2. პერსონალს (ორი ან მეტი) აუცილებელი კვალიფიკაციაა: მაგისტრის ხარისხი საზოგადოებასთან ურთიერთობის/ მარკეტინგის/ სოციალური მარკეტინგის/ კომუნიკაციის/ მედია მენეჯმენტის მიმართულებით;
3. გუნდში აუცილებელია: სოციალური მედიის ქონთენთ მენეჯერი და გრაფიკული დიზაინერი - თითოეული მინ 1 წლიანი გამოცდილებით და დადასტურებული შესაბამისი სერთიფიკატებით;
4. პროექტის პერსონალიდან ერთ-ერთი აუცილებლად უნდა იყოს სისხლის ბანკის სპეციალისტი/ტრანსფუზიოლოგი (საგანმანათლებლო მასალებზე მუშაობის გამოცდილებით). რომელიც აქტიურად იქნება ჩართული ექსპერტული მასალის მომზადებასა და უანგარო დონაციის საგანმანათლებლო-საადვოკაციო აქტივობებში (დადასტურებული CV-თ ან პორტფოლიო); ასევე ახალგაზრდული/სტუდენტური ორგანიზაციის წარმომადგენელი.
5. თითოეულ ზემოაღნიშულ კრიტერიუმთან შესაბამისობის დადასტურების მიზნით “პრეტენდენტმა” უნდა წარმოადგინოს შესაბამისი დოკუმენტაცია: მაგ. ძირითადი პერსონალის აკრედიტებული უმაღლესი საგანმანათლებლო დაწესებულების მიერ გაცემული დიპლომები, ასევე სერტიფიკატები და რეზიუმეები, წარსულში განხორციელებული მედია/მარკეტინგული კამპანიების/აქტივობების, პარტნიორი ორგანიზაციებისა და კომპანიების ჩამონათვალი, სასურველია ურთიერთთანამშრომლობის ხელშეკრულებები; სარეკომენდაციო წერილები, და ა.შ);

გეგმა-გრაფიკი წარმოდგენილი უნდა იყოს ფასების ცხრილის შესაბამისად.

1. ქვე-კონტრაქტორის შემთხვევაში, პრეტენდენტმა უნდა წარმოადგინოს ქვე-კონტრაქტორი ორგანიზაციის თანხმობის წერილი შესასრულებელი სამუშაოს მოცულობაზე; ხოლო ტენდერში გამარჯვების შემთხვევაში ქვეკონტრაქტორთან გაფორმებული ხელშეკრულების ასლი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუსებისათვის პრეტენდენტი ვალდებულია წარმოადგინოს დეტალური კალკულაცია, ჩაშლილად თითოეული აქტივობის გათვალისწინებით (დასაქმებულთა შრომითი ანაზღაურება, შესყიდული საქონელი და ა.შ რაც დაკავშირებულია მომსახურების გაწვასთან) და იმ შემთხვევაში თუ მომსახურებას სხვა ორგანიზაციისაგან ყიდულობს წარმოადგინოს წინასწარი წერილობითი დასტური (ხელშეკრულება ან სხვა წერილობითი ურთიერთშეთანხმების დოკუმენტაცია).

ანგარიშსწორება მოხდება უნაღდო ანგარიშსწორებით ლარში, ანგარიშსწორება ,,მიმწოდებელთან“ განხორციელდება ყოველთვიური გაწეული „მომსახურების“ ღირებულების შესაბამისად. ანგარიშსწორება განხორციელდება ფაქტიურად გაწეული მომსახურების საფუძველზე.

მიღება-ჩაბარების აქტის გაფორმებიდან 30 დღის განმავლობაში.

ასმათ მეტრეველი, 599551036, a.metreveli@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას ამ პუნქტის „ა“-„ვ“ ქვეპუნქტებში განსაზღვრულ მოთხოვნებზე:

ა.სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ბ.ანგარიშსწორება მოხდება უნაღდო ანგარიშსწორებით ლარში.
გ. ანგარიშსწორება ,,მიმწოდებელთან“ განხორციელდება ყოველთვიური გაწეული „მომსახურების“ ღირებულების შესაბამისად, მიღება-ჩაბარების აქტის გაფორმებიდან 30 (ოცდაათი) კალენდარული დღის განმავლობაში.
დ. ანგარიშსწორება განხორციელდება ფაქტიურად გაწეული მომსახურების საფუძველზე.
ე. „I. "ტექნიკური დავალება“ „II. შესყიდვის ობიექტის დეტალური აღწერილობაში”, და „III. ჩასაბარებელი სამუშაოების“ პუნქტებში მითითებულ პირობებზე.
ვ. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუსებისათვის პრეტენდენტი ვალდებულია წარმოადგინოს დეტალური კალკულაცია, ჩაშლილად თითოეული აქტივობის გათვალისწინებით (დასაქმებულთა შრომითი ანაზღაურება, შესყიდული საქონელი და ა.შ რაც დაკავშირებულია მომსახურების გაწვასთან) და იმ შემთხვევაში თუ მომსახურებას სხვა ორგანიზაციისაგან ყიდულობს წარმოადგინოს წინასწარი წერილობითი დასტური (ხელშეკრულება ან სხვა წერილობითი ურთიერთშეთანხმების დოკუმენტაცია).