Медицинское оборудование (Грузия - Тендер #44050081)

შესყიდვის ობიექტს წარმოადგენს სხვადასხვა სამედიცინო აპარატურის/ინვენტარის შესყიდვა.

შემოთავაზებული სამედიცინო დანიშნულების აპარატურა/ინვენტარი უნდა იყოს ახალი, ექსპლუატაციაში არმყოფი (დემო და აღდგენილი ვერსია არ განიხილება), ნივთობრივად და უფლებრივად უნაკლო. შესყიდვის ობიექტის მინიმალური ტექნიკური მახასიათებლები წარმოდგენილია ფასების ცხრილში (დანართი #1).

1.4.1. შესყიდვის ობიექტის მიწოდება შემსყიდველისათვის უნდა განხორციელდეს ერთჯერადად ან/და ეტაპობრივად, ხელშეკრულების გაფორმებიდან 50 დღის განმავლობაში.

1.5.1. შესყიდვის ობიექტის მიწოდება უნდა განხორციელდეს შემსყიდველის მისამართზე: ქ. ბათუმი, ტბელ აბუსერიძის ქ. N2/პუშკინის ქ.164.;
1.5.2. მიმწოდებელმა ორგანიზაციამ, შემსყიდველის მიერ მითითებულ ტერიტორიაზე უნდა უზრუნველყოს მიწოდებული აპარატურის მონტაჟი, მონტაჟთან დაკავშირებული ყველა ხარჯები ეკისრება მიმწოდებელს.

1.7.1.1. მოსაწოდებელ აპარატს უნდა გააჩნდეს არანაკლებ ერთწლიანი საგარანტიო პერიოდი და არ უნდა იყოს ექსპლუატაციაში ნამყოფი, სისტემის შემადგენელი ყველა ნაწილი უნდა იყოს ქარხნული წარმოების, სრულიად ახალი, არა ქარხნულად აღდგენილი ან წარმოებიდან მოხსნილი მოდელები და უნდა ახლდეს შესაბამისი ინსტრუქცია და სხვა აუცილებელი დოკუმენტი.

საგარანტიო პირობებთან დაკავშირებით მიმაგრებული ფაილი პრეტენდენტმა უნდა დაადასტუროს ხელმოწერით და წარმოადგინოს სატენდერო წინადადებასთან ერთად.

2.1.1.1. პრეტენდენტმა უნდა წარმოადგინოს მოსაწოდებელი შესყიდვის ობიექტის მწარმოებელი ქვეყნის, მწარმოებელი კომპანიისა და მოდელის შესახებ ინფორმაცია, რომელიც უნდა მიუთითოს სატენდერო დოკუმენტაციის/კითხვარის 1.3. პუნქტში მიმაგრებულ ფაილში - ფასების ცხრილში (დანართი N1).

აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას, ყოველგვარი დაზუსტების პროცედურის გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის მწარმოებელი ქვეყნის და მწარმოებელი კომპანიის დასახელების ცვლილება გამოიწვევს პრეტენდენტის დისკვალიფიკაციას.

შემოთავაზებულ სამედიცინო აპარატურაზე პრეტენდენტის მიერ წარმოდგენილი უნდა იქნას შემდეგი ვალიდური დოკუმენტები:
2.7.1.1. მწარმოებელ კომპანიაზე გაცემული ISO 13485 სერთიფიკატი.
2.7.1.2. საქონლის მოდელთან მიმართებაში - CE (ან EC) მარკირების დამადასტურებელი დოკუმენტი ან/და CE (ან EC) მარკირების დამადასტურებელი შესაბამისობის დოკუმენტი ან/და ხარისხის დამადასტურებელი FDA (ამერიკული) სერთიფიკატი.

4.1.1.1. იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.2. ფასწარმოქმნის ადეკვატურობის 20%-ით ან მეტით ფასის კლების შემთხვევაში, პრეტენდენტის მიერ წარმოდგენილი ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე, ხარჯთაღრიცხვის ერთეულებთან მიმართებით.

7.2.1. ანგარიშსწორება მიმწოდებელთან განხორციელდება ერთჯერადად ან/და ეტაპობრივად მოწოდებული შესყიდვის ობიექტების შესაბამისად,მიღება-ჩაბარების აქტის (რომელსაც მიმწოდებელი წარუდგენს შემსყიდველს ყოველი კონკრეტული საქონლის მიწოდების დროს) და შესაბამისი საგადასახადო დოკუმენტაციის საფუძველზე;

7.2.2. ანგარიშსწორება განხორციელდება ლარებში, უნაღდო ანგარიშსწორების ფორმით, მიმწოდებლის მიერ ფაქტიურად მიწოდებული შესყიდვის ობიექტის ღირებულების შესაბამისად;

7.2.3. ანგარიშსწორება განხორციელდება მიმწოდებლის საბანკო რეკვიზიტებზე.

7.3.1. ანგარიშსწორება განხორციელდება მიღება-ჩაბარების აქტის და საგადასახადო დოკუმენტაციის საფუძველზე, აღნიშნული დოკუმენტაციის მიმწოდებლის მიერ შემსყიდველისათვის წარდგენიდან არაუმეტეს 30 (ოცდაათი) სამუშაო დღის განმავლობაში.

შენიშვნა: ორგანიზაციის სპეციფიკური დაფინანსებიდან გამომდინარე, ვერ განხორციელდება სახელმწიფო შესყიდვების სააგენტოს რეკომენდაციის გათვალისწინება ანგარიშსწორების ვადებთან დაკავშირებით.

ნინო ცინცაძე, 577464525, ninocincadze02@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1. ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია;

10.2. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა დანახარჯების, გადასახდელებისა და გადასახადების გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარებში;

10.3. საავანსო ანგარიშსწორება არ გამოიყენება;

10.4. პრეტენდენტს უფლება არ აქვს წარმოადგინოს ალტერნატიული წინადადება;

10.5. საქონლის შესყიდვა ხორციელდება 2023 წლის სახსრებით;

10.6. სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ.
10.6.1. შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

10.7. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

10.8. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.9. პრეტენდენტი ვალდებულია სატენდერო დოკუმენტაციის/კითხვარის პუნქტში მიმაგრებული დანართი წარმოადგინოს იმ ფორმით, რა ფორმითაც არის მითითებული სატენდერო დოკუმენტაციაში.