Приемники телевизионной и радио-сигнала и оборудование для записи и воспроизведения звука или изображения (Грузия - Тендер #42700917)

ქალაქ ფოთის მუნიციპალიტეტისათვის ყურსასმენების შესყიდვა.

სახელმწიფო შესყიდვა ხორციელდება ქალაქ ფოთის მუნიციპალიტეტის 2023 წლის ადგილობრივი ბიუჯეტის სახსრებით.

ტექნიკური მახასიათებლები:

• ტიპი: ყურსასმენი მიკროფონით, (საოფისე, ონლაინ საგანმანათლებლო)
• დანიშნულება: ნოუთბუქებისთვის, კომპიუტერებისთვის
• კავშირი: სადენიანი
• კავშირის ინტერფეისი: USB
• სისტემური მხარდაჭერა: Windows®, macOS, Chrome OS™

ტექნიკური მახასიათებლები
• მინიმალური რეპროდუცირებადი სიხშირე: 100 Hz
• მაქსიმალური რეპროდუცირებადი სიხშირე: 10 kHz
• მგრძნობელობა: 111 dBSPL +/- 3 dB
• წინაღობა: 32 Ω
• მიკროფონის სიხშირის დიაპაზონი: 200Hz - 6 kHz
• მიკროფონის მგრძნობელობა არანაკლებ: -42 dBV/Pa +/- 3 dB

დამატებითი მახასიათებლები
• ხმის დონის რეგულირება: კი
• მიკროფონის გათიშვის ღილაკი: კი
• სუფთა ჟღერადობა
• რბილი და კომფორტული ყურის ბალიშები
• ხმაურის ჩახშობა

მიმწოდებელმა“ უნდა უზრუნველყოს აღნიშნული საქონლის მიწოდება, სატენდერო დოკუმენტაციით განსაზღვრული ვადის შესაბამისად.
საქონლის დაგვიანებით მიწოდების შემთხვევაში მიმწოდებლის მიმართ გატარდება ხელშეკრულებით გათვალისწინებული ღონისძიებები (იხ. ხელშეკრულების პროექტი).
მოსაწოდებელი საქონელი უნდა იყოს ხარისხობრივად უნაკლო და უნდა აკმაყოფილებდეს ფასების ცხრილში მითითებულ ტექნიკურ პარამეტრებს.
საქონლის მიწოდებისას, შემსყიდველის მიერ დეფექტების აღმოჩენის შემთხვევაში, ,,მიმწოდებელი“ ვალდებულია საკუთარი ხარჯებით ჩაანაცვლოს წუნდებული საქონელი ახლით, შემსყიდველის მოთხოვნიდან არაუგვიანეს 5 (ხუთი) სამუშაო დღისა;

ხელშეკრულების დადებიდან 30 (ოცდაათი) კალენდარული დღე.

საქონლის მოწოდების ადგილი - ქალაქ ფოთის მუნიციპალიტეტის ადმინისტრაციული შენობა, დავით აღმაშენებლის ქუჩა N12.

ტენდერში მონაწილე პრეტენდენტის სატენდერო წინადადება უნდა შეიცავდეს შემდეგ მონაცემებს:
შემოთავაზებული შესყიდვის ობიექტის წარმოშობის ქვეყნის, მწარმოებლისა და მარკა/მოდელის (ასეთის არსებობის შემთხვევაში) შესახებ. აღნიშნული ინფორმაცია მითითებული უნდა იქნეს ფასების ცხრილის (დანართი N 1 ფასების ცხრილი) შესაბამის გრაფებში.
პრეტენდენტის მიერ, „წინადადების მიღება დასრულებულია" ეტაპზე, აღნიშნული ინფორმაციის წარმოუდგენლობა დაზუსტებას არ დაექვემდებარება და გამოიწვევს ტენდერში მონაწილე პრეტენდენტის დისკვალიფიკაციას.

სატენდერო წინადადების ფასი სახელმწიფო შესყიდვების ერთიან ელექტრონულ სისტემაში წარმოდგენილი უნდა იქნეს დღგ-ს გარეშე. პრეტენდენტი არ ითვალისწინებს დღგ-ს, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად.

ტენდერში შერჩევა-შეფასება ხორციელდება წარმოდგენილი წინადადების ფასების მიხედვით. გამარჯვებულ პრეტენდენტთან ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს საექსპერტო ან/და აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

ფასწარმოქმნის ადეკვატურობის დამადასტურებელი დოკუმენტით, ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

საექსპერტო ან/და აუდიტორული ან/და საშემფასებლო დასკვნის ჩამტარებელი პირი (ფიზიკური, იურიდიული) არ უნდა იყოს პრეტენდენტთან, საქართველოს საგადასახადო კოდექსის მე–19 მუხლის პირველი და მე–2 პუნქტებით, გათვალისწინებული ურთიერთდამოკიდებული პირი.

ანგარიშსწორება განხორციელდება უნაღდო ანგარიშსწორებით ლარში, მოწოდებული საქონლის მიხედვით, გაფორმებული მიღება-ჩაბარების აქტის საფუძველზე.

სატენდერო წინადადების საერთო და ერთეულის ფასი უნდა მოიცავდეს ტენდერით გათვალისწინებული საქონლის მიწოდებასთან დაკავშირებულ ყველა ხარჯსა და საქართველოს კანონმდებლობით გათვალისწინებულ გადასახადებს (დღგ-ს გარდა). ხარჯი (მათ შორის ტრანსპორტირება), ხარჯები რომლებიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.

ანგარიშსწორება განხორციელდება, ფაქტიურად მოწოდებული საქონლის მიღება-ჩაბარების აქტის გაფორმებიდან, არაუგვიანეს 10 სამუშაო დღის განმავლობაში.

ამირან კაკულია, 599872223, potitenderi2011@gmail.com

სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N 12 ბრძანებით დამტკიცებული ,,ელექტრონული ტენდერის ჩატარების წესის“ შესაბამისად.

პრეტენდენტს არა აქვს უფლება წარმოადგინოს ალტერნატიული წინადადება.

სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი თანხმობას გამოხატავს ტექნიკური დავალებით განსაზღვრულ მოთხოვნებზე და ასევე ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა სახელმწიფო შესყიდვების ერთიან ელექტრონულ სისტემაში არ არის სავალდებულო.

შემსყიდველი ორგანიზაცია უფლებამოსილია მოსაწოდებელი ან/და მოწოდებული საქონლის რაოდენობისა და მოწოდების ვადების ხელშეკრულების მოთხოვნებთან შესაბამისობის დადგენის მიზნით, ხელშეკრულების პირობების შესრულების კონტროლი განახორციელოს ხელშეკრულების შესრულების ნებისმიერ ეტაპზე. ხელშეკრულების შესრულების კონტროლს შემსყიდველის მხრიდან განახორციელებს ქალაქ ფოთის მუნიციპალიტეტის მერიის ადმინისტრაციული სამსახური.

სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით.