Инженерные услуги (Грузия - Тендер #42700908)

ლენტეხის მუნიციპალიტეტში, დაბა ლენტეხში მდებარე კულტურული მემკვიდროების ძეგლის ლარაშის ციხის გაწმენდითი სამუშაოები და კვლევითი დოკუმენტაციის შედგენა

ტექნიკური დავალება
 პრეამბულა
ლენტეხის მუნიციპალიტეტში, დაბა ლენტეხის შესასვლელში, მდინარეების: ხელედურას, ლასკადურისა და ცხენისწყლის შესართავთან, კლდოვან ბორცვზე სამხრეთ-აღმოსავლეთ-ჩრდილო-დასავლეთ ღერძზე წაგრძელებული, ქვედა და ზედა ციხედ დაყოფილი ლარაშის ციხე დგას. ნაგებობის ზოგიერთ ნაწილს შერჩენილი აქვს 1-2 მეტრამდე სიმაღლის კედლები. ნაგებია რიყის ქვითა და მსხვილი და ფლეთილი ფიქალის ქვით, სქელ დუღაბზე.
დღეის მდგომარეობით ძეგლი დაფარულია ბიოსაფარით (ხავსით, ბუჩქებით, ხეებით), რის გამოც ქვის კედლები მნიშვნელოვნად ზიანდება და ამავე დროს ძეგლის ვიზუალური აღქმადობა ძნელდება.
ყოველივე ზემოაღნიშნულის გათვალისწინებით, ძეგლის მძიმე ფიზიკური მდგომარეობიდან გამომდინარე გადაწყდა მისი გაწმენდა და შემდგომ კვლევითი სამუშაოების განხორციელება.


 ზოგადი სახელმძღვანელო პრინციპები
საქართველოს ტერიტორიაზე არსებული კულტურული ფასეულობების მოვლა-პატრონობა და მათი შენარჩუნება უმნიშვნელოვანესი ფაქტორია სახელმწიფოს განვითარების პროცესში. მძიმე მდგომარეობაში მყოფი ძეგლებისათვის აუცილებელია სარეაბილიტაციო სამუშაოების ჩატარება. მათ დიდ ნაწილზე არ მოიპოვება ტექნიკური მდგომარეობის ამსახველი უახლესი დოკუმენტაცია და არ შედგენილა შესაბამისი საპროექტო დოკუმენტაცია, რომელიც განსაზღვრავს რეაბილიტაციის მიმართულებებს, რაც ფიზიკური სამუშაოების განხორციელების საფუძველი იქნება.


 მიზანი და ძირითადი პირობები
ძეგლზე ჩასატარებელი სამუშაოებისა და დოკუმენტაციის შედგენის მიზანია მისი მდგრადი განვითარების, ერთიანობის ურღვევობის, ავთენტურობის შენარჩუნების, ინტერპრეტაციისა და დაცულობის უზრუნველყოფა.
განსახორციელებელმა სამუშაოებმა უნდა მოიცვას ძეგლის არსებული მძიმე მდგომარეობის გამოსწორების აუცილებელი ყველა ღონისძიება.
სამუშაოები მოითხოვს გამორჩეულად ფაქიზ მიდგომას, კარგად გამართულ მეთოდოლოგიურ ხელმძღვანელობას და მაღალპროფესიულ გადაწყვეტას.
საყოველთაოდ აღიარებული პრინციპების დაცვით, ზემოთ ჩამოთვლილი მიზნების მისაღწევად კვლევის ეტაპზე ნებისმიერი ჩარევა უნდა იყოს:
- შეძლებისდაგვარად მინიმალური;
- შეძლებისდაგვარად ადვილად შექცევადი;
- გამოყენებული უნდა იყოს ეკოლოგიურად უსაფრთხო და ორიგინალთან თავსებადი ნივთიერებები და სამშენებლო მასალები;
- ჩარევა არ უნდა უქმნიდეს საფრთხეს ძეგლის რომელიმე კულტურულ ღირებულებას;
- ყველა ჩარევა უნდა იყოს მკაცრად და დეტალურად დოკუმენტირებული.

კვლევითი სამუშაოების სრულყოფილად ჩატარებისთვის უპირველეს ყოვლისა აუცილებელია ბიოსაფარის მოხსნა. გაწმენდითი და კვლევითი სამუშაოების განხორციელებისას, თუკი დადასტურდება ობიექტ(ებ)ის შეუქცევადი დაზიანების ან განადგურების საშიშროება, უნდა გატარდეს შესაბამისი პრევენციული ღონისძიებები, ხოლო კვლევითი სამუშაოების საფუძველზე უნდა ჩამოყალიბდეს შემდგომში განსახორციელებელი სამუშაოების მეთოდოლოგია.

დოკუმენტაცია უნდა დამუშავდეს საქართველოს კანონმდებლობისა და კანონქვემდებარე ნორმატიული დოკუმენტების მოთხოვნების გათვალისწინებით, თანამედროვე ტექნოლოგიების გამოყენებით, მათ შორის საპროექტო და ფიზიკური სამუშაოები და მეთოდოლოგია უნდა დაისახოს „კულტურული მემკვიდრეობის შესახებ“ საქართველოს კანონის მოთხოვნებისა და ძეგლთა დაცვითი საერთაშორისო გამოცდილების გათვალისწინებით, ასევე საქართველოს მთავრობის 2007 წ. 28 მარტის №62 დადგენილების „მშენებლობის უსაფრთხოების წესების“ მოთხოვნათა შესაბამისად;

გრაფიკული მასალა უნდა მომზადდეს ციფრულ-ვექტორული (DWG, DXF, PLN გაფართოების ფაილი - Autocad, Archicad) პროგრამული უზრუნველყოფის გამოყენებით;

შემსყიდველი იტოვებს უფლებას სამუშაოების მიმდინარეობის პერიოდში დააზუსტოს ისეთი ტექნიკური პირობები, რომლებიც არ გამოიწვევენ სამუშაოების მოცულობათა და შინაარსის მნიშვნელოვან ცვლილებებს. აგრეთვე, შემსყიდველი იტოვებს უფლებას სატენდერო დავალებისა და სატენდერო წინადადების საფუძველზე დააზუსტოს მოთხოვნები მისაღები (დასამუშავებელი) კვლევის მიმართ;
გაწმენდითი სამუშაოები უნდა ჩატარდეს არქეოლოგისა და არქიტექტორ-რესტავრატორის ზედამხედველობით (საველე სამუშაოების მოხსენებითი ანგარიშებით);
გაწმენდითი და კვლევითი სამუშაოების განხორციელების პროცესში მორყეული ქვების ან ნაგებობის გარკვეული ნაწილების/ფრაგმენტების გადაწყობის აუცილებლობის შემთხვევაში, მორყეული სამშენებლო მასალა უნდა მოიხსნას, განხორციელდეს მარკირება და დასაწყობდეს არქიტექტორ-რესტავრატორის ზედამხედველობით.

 გასაწევი მომსახურება ერთეტაპიანია:
• გაწმენდითი, კვლევითი და საფიქსაციო სამუშაოების განხორციელება;
• სამუშაოების წარმოდგენის ვადა განსაზღვრულია ხელშეკრულების გაფორმებიდან არაუგვიანეს 4 (ოთხი) კალენდარული თვე.

შენიშვნა:

ძეგლზე გაწმენდითი სამუშაოების ჩატარების შემდეგ სააგენტო უზრუნველყოფს მის 3D სკანირებას და დასკანერებული ღრუბლის შემსრულებლისთვის გადაცემას.

 შესასრულებელი სამუშაოები
• გაწმენდითი, კვლევითი და საფიქსაციო სამუშაოები;
• არსებული მდგომარეობის ფოტოფიქსაცია;
• გაწმენდითი სამუშაოების პროცესში არქიტექტორ-რესტავრატორის და არქეოლოგის მიერ ანგარიშის წარმოება და ზედამხედველობა;
• ხე-მცენარეების გაკაფვა-გადაბელვა;
• ნაგებობის კედლებზე არსებული ეკალ-ბარდების შეწამვლა ბიოციდით;
• შურფების გაჭრა არქეოლოგის ზედამხედველობით;
• აუცილებლობის შემთხვევაში, ნაგებობის კედლების ზედაპირზე არსებული მორყეული ქვების მოხსნა, მარკირება და დასაწყობება;
• ავარიული კედლის ნაწილის გამოვლენის შემთხვევაში კედლის ფოტოფიქსაცია; აუცილებლობის შემთხვევაში ქვის მარკირება-დაშლა-დასაწყობება;
• მოჭრილი მიწის მასისა და ნაგვის გატანა;
• გამოვლენილი სიტუაციის შემდეგ შესაბამისი კვლევების ჩატარება;
• არქიტექტურულ-არქეოლოგიური ანაზომების გამოხაზვა;
• კულტურული მემკვიდრეობის ძეგლის სააღრიცხვო ბარათის განახლება.

*შენიშვნა: დავალებით გათვალისწინებული ფოტოსაფიქსაციო სამუშაოები უნდა განხორციელდეს “პერსონალურ მონაცემთა დაცვის შესახებ” საქართველოს კანონის მოთხოვნათა გათვალისწინებით.

 ჩასაბარებელი კველევითი დოკუმენტაცია განისაზღვრება შემდეგი შემადგენლობით:
1. პრობლემ(ებ)ის დეტალური აღწერა და მისი გადაჭრის გზების განსაზღვრა, შერჩეული მეთოდოლოგიის დასაბუთება, მოსალოდნელი შედეგების აღწერა;
2. კვლევის ობიექტის ადგილმდებარეობის სიტუაციური გეგმა (მასშტაბი 1:1000 ან 1:2000), ტოპოგრაფიული გეგმა (მასშტაბი 1:500 ან 1:200) და გენერალური გეგმა (მასშტაბი 1:500 ან 1:200);
3. არქიტექტურულ-არქეოლოგიური ანაზომები ლოკალურ დაზიანებათა დატანით, ზომებისა და ნიშნულების ჩვენებით, 3D სკანირების საფუძველზე (ტექსტური აღწერილობა; გეგმები, ჭრილები, ფასადები, ინტერიერის განშლები - მ. 1:100, მ. 1:50; არქიტექტურული დეტალების განლაგების სქემები, გამოხაზული ნახაზები - მ.1:25, მ.1:20; მ. 1:10; შაბლონები - მ. 1:1);
4. სისტემატიზირებული ფოტომასალა: კვლევის ობიექტის საერთო ხედები, ფასადები, ინტერიერი, საერთო და ლოკალური დაზიანების ამსახველი ფოტომასალა (დათარიღებული მაღალი ხარისხისა და რეზოლუციის ფოტომასალა –TIFF ან JPEG გაფართოების ფაილი);
5. სახელოვნებათმცოდნეო კვლევის შედეგები (ბიბლიოგრაფიული კვლევის ანალიზი, ნატურაში კვლევის ანალიზი, შესწავლილი ბიბლიოგრაფიული და საარქივო მასალის ჩამონათვალი) და რეკომენდაციები;
6. ფუძე-გრუნტების მდგომარეობის დადგენის მიზნით საინჟინრო-გეოლოგიური კვლევა (შურფების განლაგების სქემა, დადასტურებული არქეოლოგის ხელმოწერით, ლაბორატორიული ანალიზი, ლითოგრაფიული ჭრილები და რეკომენდაციები);
7. ნაგებობის კონსტრუქციული კვლევა, ტექნიკური მდგომარეობის შეფასება, დასკვნები და რეკომენდაციები; საჭიროების შემთხვევაში, კონსტრუქციული დეტალების განლაგების სქემა, გამოხაზული ნახაზები (მასშტაბი 1:25, 1:20) და ტექსტური აღწერილობა;
8. დასკვნა ძეგლზე სამუშაოების ჩატარებისას გამოსაყენებელი მასალის არსებულ მასალასთან თავსებადობის შესახებ; საჭიროების შემთხვევაში არსებული სამშენებლო-მოსაპირკეთებელი მასალების ლაბორატორიული კვლევა;
9. კვლევების შედეგებზე დაყრდნობით შესაბამისი დასკვნა-რეკომენდაციების მომზადება და საჭირო ჩარევების მეთოდოლოგიის განსაზღვრა;
10. კულტურული მემკვიდრეობის ძეგლის სააღრიცხვო ბარათის განახლება.

 დოკუმენტაციის წარმოდგენის ფორმა:
დოკუმენტაცია წარმოდგენილი უნდა იყოს A3 ფორმატის, ზამბარით აკინძული ალბომის სახით:
- სათაური;
- სატიტულო ფურცელი, დამოწმებული ორგანიზაციის ბეჭდით, ხელმძღვანელისა და პროექტის ავტორ(ებ)ის ხელმოწერ(ებ)ით;
- ალბომის შემადგენლობა;
- დოკუმენტაციის შემადგენლობა;
- შესაბამისი ტექსტუალური ნაწილ(ებ)ი, დადასტურებული შემსრულებლ(ებ)ის/ ავტორ(ებ)ის მიერ, A4 ფორმატი;
- გრაფიკული ნაწილ(ებ)ი, შტამპით და ჩარჩოთი - A3 ფორმატი (გამონაკლის შემთხვევაში დასაშვებია განსხვავებული ფორმატის წარმოდგენა, ალბომში აკინძული A3 ფორმატის ზომაზე).
ყველა ფურცელი უნდა იყოს დადასტურებული ხელმძღვანელის, პროექტის ავტორ(ებ)ის/შემსრულებლ(ებ)ის მიერ ხელმოწერებით.
ჩასატარებელი სამუშაოების ჩამონათვალი და ხარჯთაღრიცხვა წარმოდგენილი უნდა იყოს A4 ფორმატის, ზამბარით აკინძული ალბომის სახით:
- თავფურცელი (სათაური);
- სატიტულო ფურცელი, დამოწმებული ორგანიზაციის ბეჭდით, ხელმძღვანელისა და შემდგენელის ხელმოწერ(ებ)ით;
- განმარტებითი ბარათი;

შემსრულებლის მიერ საბოლოო პროდუქციის სახით, დამკვეთისათვის წარმოდგენილი უნდა იყოს დოკუმენტაციის მყარი ასლი - ალბომების სახით (4 ეგზ.) და ელექტრონულ ფორმატში (ვექტორული DDWG, DXF, PLN გაფართოების ფაილი - ArchiCad, AutoCAD პროგრამული უზრუნველყოფის გამოყენებით), ელექტრონულ ვერსიაში მეხსიერების ბარათზე.

 დამატებითი პირობები:
ხელშეკრულების ჯამური ღირებულების ანგარიშსწორება მოხდება სრული კვლევითი დოკუმენტაციის წარმოდგენიდან და მიღება-ჩაბარების გაფორმებიდან არაუგვიანეს 10 (ათი) სამუშაო დღისა.

ხელშეკრულების გაფორმებიდან არაუგვიანეს 4 (ოთხი) კალენდარული თვე

კვლევითი დოკუმენტაცია წარმოდგენილი უნდა იქნას ტექნიკური დავალების შესაბამისად შემდეგ მისამართზე: ქ. თბილისი, დავით აღმაშენებლის გამზ. #79.

პრეტენდენტს 2016 წლიდან დღემდე უნდა გააჩნდეს მინიმუმ ერთი კვლევა-პროექტირების დოკუმენტაციის შედგენის გამოცდილება, რომლის ღირებულება უნდა შეადგენდეს არანაკლებ 65 000 ლარს, საქართველოს კანონმდებლობით დადგენილი ყველა გადასახადის ჩათვლით.

ინფორმაცია წარმოდგენილ უნდა იქნას ჩამონათვალის სახით (არსებობის შემთხვევაში CMR/SPA/NAT ნომრის მითითებით), რომელსაც თან უნდა ერთვოდეს აღნიშნულის დამადასტურებელი დოკუმენტები: დამკვეთსა და შემსრულებელს (ქვეკონტრაქტორს) შორის გაფორმებული ხელშეკრულების და მიღება-ჩაბარების აქტების ასლების და/ან სხვა დოკუმენტების სახით.

იმ შემთხვევაში, თუ სამუშაოები შესრულებულია კერძო სამართლის იურიდიული პირის ან ფიზიკური პირის დაკვეთით, (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ სამუშაოების შესრულების ამსახველი ფინანსური დოკუმენტაცია: საგადასახადო ანგარიშ-ფაქტურები და შემსყიდველის მოთხოვნის შემთხვევაში ამონაწერი საბანკო ანგარიშებიდან.

გამოცდილების ამსახველი CMR/SPA/NAT განცხადებების შესაბამის ველში სამუშაოს შესრულების სრულყოფილი დოკუმენტების არსებობის შემთხვევაში დამადასტურებელი დოკუმენტაციის წარმოდგენა სავალდებულო არ არის.

პრეტენდენტმა უნდა წარმოადგინოს დოკუმენტაციის მომზადების პროცესში მონაწილე ყველა პირის შესახებ ინფორმაცია, კერძოდ: არქიტექტორ-რესტავრატორი, ინჟინერ-კონსტრუქტორი, ინჟინერ-გეოლოგი, ხელოვნებათმცოდნე, არქეოლოგი და სერტიფიცირებული შრომის უსაფრთხოების სპეციალისტი. ინფორმაცია პერსონალის შესახებ უნდა წარმოადგინოს დანართის მიხედვით.

კერძოდ: არქიტექტორ-რესტავრატორს, ინჟინერ-კონსტრუქტორს, ინჟინერ-გეოლოგს, არქეოლოგს და ხელოვნებათმცოდნეს 2016 წლიდან დღემდე უნდა გააჩნდეთ მინიმუმ 3 შენობა-ნაგებობაზე საპროექტო-საკვლევი დოკუმენტაციის მომზადების გამოცდილება და გამოცდილების ამსახველი ინფორმაცია, კერძოდ, პროექტის (სამუშაოს) დასახელება, განხორციელების ვადა თარიღების მითითებით, დამკვეთი (ორგანიზაციის დასახელება, ს/კ) და პერსონალის პოზიცია (დანართის შესაბამისად, დოკუმენტი (CV) ხელმოწერილი უნდა იყოს დასაქმებული პერსონალის მიერ და ასევე, დათარიღებული არაუადრეს ტენდერის გამოცხადების დღისა).

შრომის უსაფრთხოების სპეციალისტის თაობაზე ინფორმაცია წარმოდგენილი უნდა იყოს სერთიფიკატის სახით.

დანართის შესაბამისად, დოკუმენტი (CV) ხელმოწერილი უნდა იყოს დასაქმებული პერსონალის მიერ.

შენიშვნა: წარმოდგენილი ინფორმაციის გადამოწმების მიზნით, სააგენტო იტოვებს უფლებას მოითხოვოს პრეტენდენტის მიერ მითითებული, პერსონალის შესრულებულ სამუშაოთა შესახებ ანგარიშები, მიღება-ჩაბარების აქტები, ხელშეკრულებები, პროექტები.

მიმწოდებელს არ აქვს უფლება ქვექონტრაქტორს გადასცეს ხელშეკრულებით გათვალისწინებული სამუშაოები შემსყიდველის თანხმობის გარეშე.

შემსყიდველის თანხმობის გარეშე ქვეკონტრაქტორის აყვანის შემთხვევაში, მიმწოდებელს უფლება აქვს შეუწყვიტოს ხელშეკრულება და დააკისროს ჯარიმის სახით პირგასამტეხლო სახელშეკრულებო თანხის 0,2 %-ის ოდენობით. ფაქტის გამოვლენის შემთხვევაში აღნიშნული საჯარიმო სანქცია გავრცელდება მთელი საგარანტიო პერიოდის განმავლობაში (სამუშაოს მიღება-ჩაბარებიდან 5 წელი).

მიუხედავად ქვეკონტრაქტორის მიერ განხორციელებულ სამუშაოზე შემსყიდველის წინაშე სრულად პასუხისმგებელია პრეტენდენტი (მიმწოდებელი).

მიმწოდებელი ვალდებულია:
ხელშეკრულების გაფორმების შემდეგ, სამუშაოების დაწყებამდე გადაიხადოს სანებართვო მოსაკრებელი კულტურული მემკვიდრეობის ძეგლზე სამუშაოების ნებართვის მისაღებად 50 (ორმოცდაათი) ლარის ოდენობით და აიღოს შესაბამისი ნებართვა სამუშაოების წარმოებაზე.

მომსახურების სპეციფიკიდან გამომდინარე (ვინაიდან შესყიდვა მოიცავს ინტელექტუალურ მომსახურებას), ტენდერში არ გამოიყენება ფასწარმოქმნის ადეკვატურობის დასაბუთების ვალდებულება.

წინასწარი ანგარიშსწორების შემთხვევაში მიმწოდებელი ვალდებულია, წარმოადგინოს ავანსის სახით გადასახდელ თანხაზე (არაუმეტეს ხელშეკრულების საერთო ღირებულების 30%) საავანსო საბანკო გარანტია, რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

იმ შემთხვევაში, თუ მიმწოდებელი ვერ უზრუნველყოფს შესყიდვის ობიექტის მიწოდებას 2023 წლის 01 დეკემბრამდე, უნდა წარმოადგინოს ხელშეკრულებით გათვალისწინებული სამუშაოების შეუსრულებელი ნაწილის 100%-ზე საავანსო საბანკო გარანტია, რომლის მოქმედების ვადა 90 (ოთხმოცდაათი) კალენდარული დღით უნდა აღემატებოდეს შესყიდვის ობიექტის მიწოდების ვადას.

გაწეული მომსახურების ანგარიშსწორება განხორციელდება ერთ ეტაპად, მხარეთა მიერ შედგენილი მიღება-ჩაბარების აქტის მიხედვით.

იმ შემთხვევაში, თუ განსაზღვრული გარემოებების გამო, მიმწოდებლის მიერ გაწეული მომსახურების ღირებულებამ შეადგინა ხელშეკრულებით გათვალისწინებულ თანხაზე ნაკლები, შემსყიდველი აუნაზღაურებს მიმწოდებელს მის მიერ ფაქტიურად გაწეული მომსახურების ღირებულებას წინამდებარე ხელშეკრულებით განსაზღვრული ერთეულის ფასების შესაბამისად.

ანგარიშსწორება მოხდება ერთ ეტაპად, მიღება-ჩაბარების აქტის გაფორმებისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენიდან არაუგვიანეს 10 (ათი) სამუშაო დღის ვადაში.

ვლადიმერ გაბოძე, 595984141, gadogzelado@gmail.com

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2. მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.
7. პრედენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯის ჩათვლით.
9. სატენდერო წინადადების ფასი სახელმწიფო შესყიდვების ერთიან ელექტრონულ სისტემაში წარმოდგენილ უნდა იყოს დღგ-ს გათვალისწინებით.
10. პრეტენდენტის მიერ ერთიანი ელექტრონული სისტემის მეშვეობით ხარჯთაღრიცხვის წარმოუდგენლობა გამოიწვევს მის დისკვალიფიკაციას დაზუსტების გარეშე.

11. პრეტენდენტის მიერ სავალდებულოდ წარმოსადგენი დოკუმენტებია:
სატენდერო დოკუმენტაციის 1.3. პუნქტის თანახმად - ხარჯთაღრიცხვა;
სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გამოცდილების შესახებ.
სატენდერო დოკუმენტაციის 2.4.1. პუნქტის თანახმად - პერსონალის გამოცდილებასთან დაკავშირებული მოთხოვნები.