Полные или частичные строительные работы и публичные работы (Грузия - Тендер #41699894)

შუახევის მუნიციპალიტეტის ჭვანას ხეობაში, ხაბელაშვილების თაღოვანი ხიდის მიმდებარე ტერიტორიების განვითარებისა და კეთილმოწყობის სამშენებლო სამუშაოები

1.2.1. სამუშაოს აღწერა, რაოდენობა და მოცულობა მითითებულია საპროექტო-სახარჯთაღრიცხვო დოკუმენტაციაში.
1.2.2. პრეტენდენტმა უნდა წარმოადგინოს ხარჯთაღრიცხვა (იხ. 1.3. პუნქტი);
1.2.3. (მიმწოდებელმა) სამუშაოები უნდა აწარმოოს ტექნიკური დავალების, საპროექტო-სახარჯთაღრიცხვო დოკუმენტაციისა და საქართველოში მოქმედი სამშენებლო ნორმებისა და წესების (სტანდარტების) შესაბამისად.
1.2.4. მიმწოდებელი ვალდებულია შეასრულოს სამუშაოები ფინანსური გეგმა-გრაფიკით გათვალისწინებულ ვადებში, სატენდერო დოკუმენტაციაში არსებული და მის მიერ წარმოდგენილი საბოლოო ხარჯთაღრიცხვის შესაბამისად, საქართველოში მოქმედი ყველა საჭირო ნორმების, სტანდარტებისა და წესების მოთხოვნების დაცვით.
შენიშვნა: თუ მიმწოდებელი არ ასრულებს ხელშეკრულების ფინანსური გეგმა-გრაფიკით განსაზღვრულ ვალდებულებებს, მიმწოდებელს დაეკისრება პირგასამტეხლოს გადახდა ხელშეკრულების ფინანსური გეგმა-გრაფიკით განსაზღვრული მიმდინარე ეტაპის მიხედვით დარჩენილი სამუშაოების ღირებულების 0,02%-ის ოდენობით ყოველ ვადაგადაცილებულ დღეზე.
1.2.5. შემსყიდველი ან/და ტექნიკური ზედამხედველი ან/და საავტორო ზედამხედველობის განმახორციელებელი პირი უფლებამოსილია შეამოწმოს სამუშაოს და გამოყენებული მასალების ხარისხის საქართველოში მოქმედ სამშენებლო წესებთან და ნორმებთან შესაბამისობა. სამუშაოების შესრულებისას გამოყენებული მასალა-მოწყობილობები უნდა იყოს მაღალი ხარისხის, გამოუყენებელი და სრულად შეესაბამებოდეს საქართველოში ამ სფეროში მოქმედ/აღიარებულ სტანდარტებს. მიმწოდებლის მიერ შემოთავაზებული მასალა-მოწყობილობების საქართველოში მოქმედ/აღიარებულ სტანდარტებთან ან/და სატენდერო დოკუმენტაციით განსაზღვრულ მოთხოვნებთან შეუსაბამობის შემთხვევაში, მიმწოდებელი ვალდებულია შემოთავაზებული მასალა-მოწყობილობები თავისი ხარჯებით ჩაანაცვლოს შემსყიდველისათვის მისაღები, სატენდერო დოკუმენტაციით განსაზღვრული სპეციფიკაციების მქონე მასალა-მოწყობილობებით.
შენიშნვნა: ხარისხი - პროექტთან და მოქმედ ნორმატიულ დოკუმენტებთან შესაბამისობა.
1.2.6. ყველა სამუშაომ უნდა გაიაროს სისტემატიური ინსპექტირება, სამშენებლო ნორმებთან და წესებთან შესაბამისობა. მშენებლობის პროცესში წარმოქმნილი პრობლემების/ხარვეზების აღმოსაფხვრელად და რაციონალური წინადადებების განსახორციელებლად, მიმწოდებელი წარუდგენს შემსყიდველს რეკომენდაციებსა და აღმოფხვრის ხერხებს.
1.2.7. შემსყიდველის წარმომადგენელს, საავტორო ზედამხედველობის განმახორციელებელ პირს და სხვა უფლებამოსილ პირს, ხელშეკრულების ან/და სხვა მარეგულირებელი კანონმდებლობის შესაბამისად, აქვთ უფლება ნებისმიერ დროს ხელშეკრულებასთან შესაბამისობის ან სამუშაოების მსვლელობის შეფასების მიზნით მოახდინოს სამშენებლო მოედანზე სამუშაოების წარმოების და სამუშაოებისთვის განკუთვნილი მასალების და მიმწოდებლის ან ქვეკონტრაქტორის (არსებობის შემთხვევაში) ნაგებობების ინსპექტირება. მიმწოდებელმა უნდა მოახდინოს ინსპექტირებისთვის შესაბამისი, უსაფრთხო და სათანადო საშუალებებით უზრუნველყოფა.
1.2.8. შემსყიდველის წარმომადგენელის ან/და საავტორო ზედამხედველობის განმახორციელებელი პირის ან/და სხვა უფლებამოსილი პირის მიერ დადგენილი ხარვეზის გამოსწორება მიმწოდებლის მიერ უნდა მოხდეს დაუყოვნებლივ, მიმწოდებლის სახსრებით. მიმწოდებლის მიერ ხარვეზის სრულ და ჯეროვნად აღმოფხვრამდე მხარეებს შორის ხარვეზიანი სამუშაოს მიღება‐ჩაბარების აქტის გაფორმება არ განხორციელდება. იმ შემთხვევაში, თუ მიმწოდებელი ვერ ან არ განახორციელებს ხარვეზის აღმოფხვრას ხარვეზის გამოსწორების შეტყობინებაში მითითებულ ურთიერთშეთანხმებულ გონივრულ ვადაში (არაუმეტეს 30 კალენდარული დღე), მაშინ ეს ჩაითვლება ხელშეკრულების პირობის დარღვევად.
1.2.9. იმ შემთხვევაში, თუ მიმწოდებელი არ ეთანხმება შემსყიდველის წარმომადგენელის ან/და საავტორო ზედამხედველობის განმახორციელებელ პირის მიერ მითითებულ დეფექტს/ხარვეზს, მიმწოდებელი უფლებამოსილია შემსყიდველს წარუდგინოს სსიპ „ლევან სამხარაულის სახელობის სასამართლო ექსპერტიზის“ ან სხვა აკრედიტირებული პირის მიერ დადასტურებული დეფექტის/ხარვეზის არ არსებობის შესახებ დასკვნა.
1.2.10. მიმწოდებელმა უნდა აწარმოოს სამშენებლო ნებართვით განსაზღვრული ეტაპის დასრულების ოქმები, ასევე მათთან დაკავშირებული ფარული და სხვა სამუშაოების აქტები, აგრეთვე სამუშაოთა ჟურნალი, მშენებლობის უსაფრთხოების წესებზე ინსტრუქტაჟის ჟურნალი და სხვა საშემსრულებლო დოკუმენტაცია, შესაბამისი სახელმწიფო ორგანოს მიერ მოთხოვნილი ყველა საჭირო დამატებითი დოკუმენტი;
1.2.11. მიმწოდებელი ვალდებულია უზრუნველყოს მშენებლობის უსაფრთხოების მოქმედი წესების დაცვა;
1.2.12. მიმწოდებელი ვალდებულია მოიპოვოს მშენებლობის პროცესში სამშენებლო პროცესის შეუფერხებლად წარმართვისათვის აუცილებელი ყველა სახის სანებართვო ან შეთანხმების დოკუმენტაცია (ქუჩის/გზის სავალ ნაწილზე ტრანშეის მოწყობა, დროებითი ელექტრო და წყალმომარაგება, საჭიროების შემთხვევაში ქუჩის გადაკეტვა, საკანალიზაციო და სანიაღვრე არხების დროებით გამოყენება, სამშენებლო ტერიტორიაზე მასალების მიწოდების/გამოტანის სატრანსპორტო სქემის შეთანხმება საჭიროების შემთხვევაში და ა.შ.).
1.2.13. მიმწოდებელი ვალდებულია სამშენებლო სამუშაოების მიმდინარეობის პერიოდში, უწყვეტ რეჟიმში განახორციელოს სამშენებლო ტერიტორიებზე ონლაინ ვიდეოკონტროლი და მასზე წვდომა მისცეს შემსყიდველს.

1.4.1 სამუშაოების შესრულების ვადაა ხელშეკრულების გაფორმების თარიღიდან არაუგვიანეს 2024 წლის 30 ნოემბრის ჩათვლით პერიოდი.

1.5.1. სამშენებლო სამუშაოების განხორციელების ადგილი: შუახევის მუნიციპალიტეტი, ჭვანის ხეობა, სოფელი ხაბელაშვილები.

1.6.1. შესრულებულ სამუშაოებზე საგარანტიო ვადა შეადგენს საბოლოო მიღება-ჩაბარების აქტის გაფორმებიდან ორ წელს;
1.6.2. შესრულებული სამუშაოების საგარანტიო ვადა აითვლება საბოლოო მიღება-ჩაბარების აქტის გაფორმების მომდევნო დღიდან.
1.6.3. მიმწოდებელი იღებს ვალდებულებას, რომ საკუთარი ხარჯითა და პასუხისმგებლობით აღმოფხვრის საგარანტიო პერიოდში გამოვლენილ დეფექტს/ხარვეზს და შეასრულებს ამ დეფექტით/ხარვეზით გამოწვეულ დამატებით სამუშაოებს, ასეთი ხარვეზის გამოსწორებისათვის საჭირო ურთიერთშეთანხმებულ გონივრულ ვადაში. თუ, მიმწოდებელი არ აღმოფხვრის გამოვლენილ დეფექტს/ხარვეზს საკუთარი ხარჯებით, მიმწოდებელი დაკავებული შესრულებული სამუშაოების ხარისხის საგარანტიო თანხიდან უზრუნველყოფს გამოვლენილი დეფექტის/ხარვეზის აღმოფხვრისათვის საჭირო ხარჯების ანაზღაურებას, ხოლო მიმწოდებელს დაექვითება შესაბამისი ოდენობის თანხა და აღარ აუნაზღაურდება. შესრულებული სამუშაოს საგარანტიო ვადის გასვლის შემდეგ, მხარეებს შორის ფორმდება მიღება-ჩაბარების აქტი პრეტენზიების არ არსებობის შესახებ.
1.6.4. იმ შემთხვევაში, თუ მიმწოდებელი არ ეთანხმება შემსყიდველის მიერ მითითებულ დეფექტს/ხარვეზს, მიმწოდებელი უფლებამოსილია შემსყიდველს წარუდგინოს სსიპ „ლევან სამხარაულის სახელობის სასამართლო ექსპერტიზის“ ან სხვა აკრედიტირებული პირის მიერ გაცემული დასკვნა, რომლითაც დადასტურდება, რომ დეფექტი/ხარვეზი გამოწვეული არ არის მიმწოდებლის ბრალით.

2.2.1.1. პრეტენდენტს საქართველოს ტერიტორიაზე ან/და სხვა ქვეყნის ტერიტორიაზე (გარდა იმ ქვეყნის ტერიტორიისა, სადაც რეგისტრირებულია პრეტენდენტი) 2020 წლის 1 იანვრიდან მოცემულ ტენდერში წინადადებების მიღების დასრულების დღემდე უნდა ჰქონდეს სამშენებლო (გარდა შეკეთება, დემონტაჟი) სამუშაოების შესრულების გამოცდილება არანაკლებ 4500000 (ოთხი მილიონ ხუთასი ათასი) ლარის ღირებულებით. პრეტენდენტმა მოთხოვნილი გამოცდილების დასტურად უნდა წარმოადგინოს ხელშეკრულებ(ები)ა, საბოლოო მიღება-ჩაბარების აქტ(ებ)ი და ანგარიშფაქტურ(ები)ა (არსებობის შემთხვევაში - ვრცელდება ანგარიშფაქტურაზე) ან ანგარიშსწორების დამადასტურებელი შესაბამისი დოკუმენტაცია (საგადახდო დავალება).
2.2.1.2 იმ შემთხვევაში თუ დამკვეთი (შემსყიდველი) და შემსრულებელი (პრეტენდენტი ან ამხანაგობის წევრი) არის ერთი და იგივე პირი და არ არსებობს სამუშაოების მიწოდებაზე გაფორმებული ხელშეკრულება, შესაძლებელია წარმოდგენილი იქნას აუდიტორული ფირმების ან/და აუდიტორების სახელმწიფო რეესტრში რეგისტრირებული პირის მიერ გაცემული შესაბამისი დასკვნა (დასკვნაში მითითებული უნდა იყოს დასკვნის გამცემი პირის სახელმწიფო რეესტრში რეგისტრაციის ნომერი და აღნიშნული უნდა იძებნებოდეს https://www.saras.gov.ge ვებ-გვერდზე შესაბამის რეესტრში), რომლითაც უნდა დასტურდებოდეს, რომ პრეტენდენტს ზემოაღნიშნული პერიოდის განმავლობაში გააჩნია მოთხოვნილი ღირებულების და შინაარსის სამშენებლო-სარეაბილიტაციო სამუშაოების შესრულების გამოცდილება.
2.2.1.3. იმ შემთხვევაში, თუ პრეტენდნეტს შესრულებული აქვს სამუშაოები, როგორც ქვეკონტრაქტორს სახელმწიფო შესყიდვების ფარგლებში, მაშინ ეს სამუშაოები გამოცდილებად ჩაითვლება მხოლოდ იმ შემთხვევაში, თუ ქვეკონტრაქტორის მიერ სამუშაოების შესრულება წინასწარ იყო შეთანხმებული ძირითად შემსყიდველთან (თუ საჭირო იყო შეთანხმება) და სამუშაოები სრულად არის დასრულებული და მიღებული ძირითადი შემსყიდველის მიერ (მხოლოდ ქვეკონტრაქტის ფარგლებში სამუშაოების სრულად მიწოდება არ არის საკმარისი).
2.2.1.4 იმ შემთხვევაში, თუ პრეტენდენტის მიერ შესრულებული სამუშაოების შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და შესყიდვისა და სამუშაოების შესრულების დამადასტურებელი დოკუმენტ(ებ)ი ატვირთულია სახელმწიფო შესყიდვების ერთიან ელექტრონულ სისტემაში, გამოცდილების დამადასტურებელი დოკუმენტაციის წარმოდგენა სავალდებულო არ არის. ასეთ შემთხვევაში საკმარისია სატენდერო განცხადების ან CMR ნომრების შესახებ ინფორმაციის წარმოდგენა. შესაბამის სატენდერო განცხადების ან CMR ნომრებს მინიჭებული უნდა ჰქონდეს სტატუსი „შესრულებული ხელშეკრულება“ ან „მიმდინარე ხელშეკრულება - საგარანტიო პერიოდი“.
2.2.1.5. იმ შემთხვევაში, თუ პრეტენდენტს გამოცდილება მიღებული აქვს სახელმწიფო საიდუმლეობასთან დაკავშირებული სამუშაოების შესრულებით („გრიფით საიდუმლო“), საკმარისია შესრულებული სამუშაოების შესახებ დამკვეთის მიერ გაცემული ცნობის (წერილის) წარმოდგენა. ამ დოკუმენტის მეშვეობით უნდა დგინდებოდეს 2.2.1.1 პუნქტით განსაზღრულ მოთხოვნასთან შესაბამისობა.

პრეტენდენტმა უნდა წარმოადგინოს დანართი N3 - ფინანსური გეგმა გრაფიკი.

2.9.1. პრეტენდენტის მიერ, სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:
ა) სატენდერო დოკუმენტაციის დანართი N1 (ფასების ცხრილი).
1. სავალდებულოა განფასებული დანართი N1-ის (ფასების ცხრილი) წარმოდგენა Excel-ის დოკუმენტების სახით.
2. ფასების ცხრილის სავარაუდო ჯამური ღირებულება მოიცავს ყველა დანარიცხს, დამატებული ღირებულების გადასახადის (დ.ღ.გ.) ჩათვლით, შესაბამისად - სატენდერო წინადადების ფასი გამოსახული უნდა იყოს ლარში, რაც უნდა მოიცავდეს ყველა დანარიცხს, დამატებული ღირებულების გადასახადის (დ.ღ.გ.) ჩათვლით.
ბ) სატენდერო დოკუმენტაციის დანართი N2 (თანხმობა სატენდერო დოკუმენტაციით გათვალისწინებულ ტექნიკურ დავალებაზე).
გ) სატენდერო დოკუმენტაციის 2.2.1 პუნქტით (პრეტენდენტის გამოცდილებასთან დაკავშირებული მოთხოვნები) განსაზღვრული წარმოსადგენი დოკუმენტაცია.
დ) სატენდერო დოკუმენტაციის დანართი N3 - ფინანსური გეგმა-გრაფიკი;
შენიშვნა:
1. გამოცდილების დამადასტურებელი დოკუმენტების წარმოდგენისას გასათვალისწინებელი მოთხოვნები მოცემულია სატენდერო დოკუმენტაციის 2.2.1 (მოთხოვნა პრეტენდენტის გამოცდილების შესახებ) პუნქტში.
2. წინამდებარე ელექტრონულ ტენდერთან დაკავშირებული ყველა დოკუმენტი, ან/და ინფორმაცია წარმოდგენილ უნდა იყოს ქართულ ენაზე. დოკუმენტების, ან/და ინფორმაციის უცხო ენაზე წარდგენის შემთხვევაში, მათ უნდა დაერთოთ საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
2.9.2. 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
2.9.3. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
2.9.4. პრეტენდენტის მიერ ელექტრონულ სისტემაში ატვირთული სატენდერო დოკუმენტაცია უნდა იყოს ხელმოწერილი და ბეჭედდასმული უფლებამოსილი პირის მიერ.

4.1.1.1 ფასწარმოქმნის ადეკვატურობა, შესაძლებელია დასაბუთდებული იქნას სსიპ "ლევან სამხარაულის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნით, რომლიც შედგენილი იქნება საქართველოს მთავრობის 2017 წლის 26 სექტემბრის N439 დადგენილებით დამტკიცებული "ტექნიკური რეგლამენტის - სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" შესაბამისად.

4.1.1.2 საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნის წარმოდგენი შემთხვევაში, პრეტენდენტის მიერ, დასკვნასთან ერთად, დამატებით წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი;

4.1.1.3 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით

5.1.2.1 ცნობა შემოსავლების სამსახურიდან ბიუჯეტისადმი დავალიანების არ არსებობის შესახებ, საიდანაც უნდა იკვეთებოდეს, რომ პრეტენდენტს არ გააჩნია დავალიანება ბიუჯეტის მიმართ (გარდა იმ შემთხვევისა, თუ პირს გაფორმებული აქვს საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, სრულად იმ თანხის გადახდაზე, რომელიც უფიქსირდება აღიარებულ საგადასახადო დავალიანებაში, რაზედაც პრეტენდენტმა უნდა წარმოადგინოს შესაბამისი საგადასახადო შეთანხმების დამადასტურებელი დოკუმენტი).
5.1.2.2 ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომლითაც დადგინდება, რომ პრეტენდენტის ქონებაზე არ ფიქსირდება ნივთსა და არამატერიალურ ქონებრივ სიკეთეზე სასამართლო ან სხვა ადმინისტრაციული ორგანოების მიერ კანონით დადგენილი წესით დადებული ყადაღა, უფლების განკარგვის შეზღუდვა ან/და აკრძალვა, რომ პრეტენდენტი არ არის რეგისტრირებული მოვალეთა რეესტრში, რომ არ მიმდინარეობს პრეტენდენტის რეორგანიზაცია ან ლიკვიდაცია და რომ პრეტენდენტის მიმართ არ მიმდინარეობას გადახდისუუნარობის საქმის წარმოება.

5.1.3.1 ცნობა შემოსავლების სამსახურიდან ბიუჯეტისადმი დავალიანების არ არსებობის შესახებ, საიდანაც უნდა იკვეთებოდეს, რომ პრეტენდენტს არ გააჩნია დავალიანება ბიუჯეტის მიმართ (გარდა იმ შემთხვევისა, თუ პირს გაფორმებული აქვს საქართველოს საგადასახადო კოდექსის 292-ე მუხლით განსაზღვრული საგადასახადო შეთანხმება, სრულად იმ თანხის გადახდაზე, რომელიც უფიქსირდება აღიარებულ საგადასახადო დავალიანებაში, რაზედაც პრეტენდენტმა უნდა წარმოადგინოს შესაბამისი საგადასახადო შეთანხმების დამადასტურებელი დოკუმენტი).
5.1.3.2 ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომლითაც დადგინდება, რომ პრეტენდენტის ქონებაზე არ ფიქსირდება ნივთსა და არამატერიალურ ქონებრივ სიკეთეზე სასამართლო ან სხვა ადმინისტრაციული ორგანოების მიერ კანონით დადგენილი წესით დადებული ყადაღა, უფლების განკარგვის შეზღუდვა ან/და აკრძალვა, რომ პრეტენდენტი არ არის რეგისტრირებული მოვალეთა რეესტრში და რომ პრეტენდენტის მიმართ არ მიმდინარეობას გადახდისუუნარობის საქმის წარმოება.

5.1.4.1 ცნობა საჯარო რეესტრის ეროვნული სააგენტოდან პრეტენდენტის ქონებაზე (მასზე რეგისტრირებული ქონების არსებობის შემთხვევაში) საჯარო სამართლებრივი შეზღუდვის არ არსებობის შესახებ.
5.1.4.2 ცნობა შესაბამისი ადმინისტრაციული დაწესებულებიდან მოვალეთა რეესტრში რეგისტრაციის არ არსებობის შესახებ.
5.1.4.3 პირადობის მოწმობის ან პასპორტის ასლი.

სატენდერო დოკუმენტაციის 5.1.5. პუნქტით გათვალისწინებული სარეგისტრაციო/უფლებრივი მონაცემების ამსახველი დოკუმენტები შემსყიდველ ო