Инженерные услуги (Грузия - Тендер #41142953)

მცხეთის მუნიციპალიტეტის სოფ. საგურამოში და არაშენდაში შიდა საუბნო გზების ასფალტბეტონის საფარით მოწყობის დეტალური საპროექტო - სახარჯთაღრიცხვო დოკუმენტაციის შესყიდვა

შესყიდვის ობიექტის დასახელება: მცხეთის მუნიციპალიტეტის სოფ. საგურამოში და სოფ. არაშენდაში შიდა საუბნო გზების სარეაბილიტაციოდ დეტალური საპროექტო-სახარჯთაღრიცხვო დოკუმენტაციების მომზადება.
დასაპროექტებელი ობიექტი წარმოადგენს მცხეთის მუნიციპალიტეტის კუთვნილებაში არსებულ შიდა საუბნო გზებს.
- სოფ. საგურამოში რეაბილიტაციას საჭიროებს შიდა საუბნო გზის სამი მონაკვეთი, რომელთა გაბარიტული ზომებია:
1. 350 * 5 =1750კვ.მ.;
2. 360 * 5 =1800კვ.მ.;
3. 400 * 5 =2000კვ.მ.
- სოფ. არაშენდაში სარეაბილიტაციოა 300*5 (მ) შიდა საუბნო გზის ერთი მონაკვეთი, 800გრძ. მეტრი, რკ/ბეტონის სანიაღვრე არხით.
მომსახურების მიწოდება მიზნად ისახავს, საგზაო სამოსის რეალური მდგომარეობის გათვალისწინებით, არსებული საავტომობილო გზის რეაბილიტაციისათვის დეტალური საპროექტო-სახარჯთაღრიცხვო დოკუმენტაციის შედგენას, რაც გულისხმობს საპროექტო მონაკვეთზე გზის ძირითადი ტექნიკურ-ეკონომიკური და ზოგადი სატრანსპორტო-საექსპლუატაციო მახასიათებლებისა და მონაცემების განხილვას, შესწავლასა და გაანალიზებას, სოციალური და ეკონომიკური შეფასებებისა და ტექნიკური პარამეტრების გათვალისწინებით. სრულყოფილი შეფასების/საპროექტო კვლევის ჩატარებას სარეაბილიტაციო მონაკვეთებზე.
- გზის პარამეტრები უნდა შეესაბამებოდეს V კატეგორიას, რომელიც უნდა აკმაყოფილებდეს საქართველოს ეროვნული სტანდარტების (სსტ Gგზები: 2009) მოთხოვნებს;
- საავტომობილო გზის საფარად გათვალისწინებული უნდა იყოს, ერთ ფენიანი, კაპიტალური საფარი (ასფალტ-ბეტონი) საანგარიშო სიჩქარით 30-50 კმ/სთ;
მოსაწყობია კიუვეტები, გასაწმენდია ზედმეტი გრუნტისაგან წყალამრიდი მილები, ასევე მიერთებები, თვალამრიდები;
- მოსაწყობია საგზაო ნიშნები და მონიშვნა.
საპროექტო მომსახურების ყველა ეტაპზე გათვალისწინებული უნდა იყოს გარემოსდაცვითი და სოციალური საკითხები.
სახარჯთაღრიცხვო დოკუმენტაცია მომზადდეს მშენებლობის შემფასებელთა კავშირის მიერ გამოცემული ,,მეთოდური ცნობარი“ -ს, (მშენებლობის და სარემონტო სამუშაოების სახარჯთაღრიცხვო ფასების გაანგარიშების შესახებ) მიხედვით. სამშენებლო რესურსების საბაზრო ან მშენებლობის შემფასებელთა კავშირის ფასთა კრებულით, მიმდინარე დონეზე.
- პრეტენდენტმა სრული საპროექტო-სახარჯთაღრიცხვო დოკუმენტაცია უნდა წარმოადგინოს ცალ-ცალკე 4 ეგზემპლარად (ალბომების სახით A4 და A3 ფორმატში).
სრული საპროექტო დოკუმენტაციის ელ. ვერსია თვითოეულ პროექტზე (CD), (PDF) (DWG) ფორმატში, აგრეთვე ხარჯთაღრიცხვა და მოცულობების უწყისი Excel- ფორმატში
პროექტირების დროს აუცილებელია შესწავლილ იქნას, არსებული გზის გვერდულების, ტროტუარების, სანიაღვრე არხების და გადასასვლელი მილბოგირების ტექნიკური მდგომარეობა, რის საფუძველზეც განხორციელდება შემდგომ მათი პროექტირება.
მიმწოდებელმა უნდა უზრუნველყოს პროექტების განხორციელების პროცესში (საპროექტო დოკუმენტაციის მიხედვით კონსულტაციის გაწევა, საჭიროებისამებრ საპროექტო დოკუმენტაციის კორექტირება) სამშენებლო სამუშაოების მიმდინარეობის დასრულებამდე.
იმ შემთხვევაში, თუ სამუშაოების შესრულების პროცესში აღმოჩნდა საპროექტო-სახარჯთაღრიცხვო დოკუმენტაციით გათვალისწინებული დამატებითი სამუშაოების
შესრულების აუცილებლობა, ამ დამატებით საპროექტო-სახარჯთაღრიცხვო დოკუმენტაციის შედგენას მიმწოდებელი განახორციელებს ანაზღაურების გარეშე.
მიღება-ჩაბარების აქტი გაფორმდება მხოლოდ სრული საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტირებული პირის მიერ.
შენიშვნა: ობიექტის ხარჯთაღრიცხვის ექსპერტიზა ჩატარდეს, როგორც ხარჯთაღრიცხვის ფასწარმოქმნის ადეკვატურობის ნაწილში, ისე პროექტთან შესაბამისობის ნაწილში.
საგზაო სამოსის პროექტი უნდა შეიცავდეს (არ შემოიფარგლება) შემდეგ საპროექტო დოკუმენტაციას და ნახაზებს:
- სარჩევი
- განმარტებითი ბარათი.
- საინჟინრო გეოლოგია
- საპროექტო გზის გეგმა;
- არსებული სიტუაციის ამსახველი ფოტომასალა.
- სანიაღვრე არხების, წყალგამტარი მილების და გზის ქვედა საყრდენი კედლების ანგარიში და კონსტრუქციის შერჩევა, სათანადო მუშა ნახაზების მომზადება.
- რეპერების განლაგების, მრუდების, სწორების და მოხვევის კუთხეების დატანა გეგმაზე და სათანადო უწყისების მომზადება.
- საერთაშორისო სისტემის კოორდინატების უწყისი პიკეტების შესაბამისად.
- ტოპოგეოდეზიური გეგმის მომზადება.
- საპროექტო გზის განთვისების ზოლში არსებული კომუნიკაციების გეგმაზე ასახვა და მათი გადაადგილების საჭიროების შემთხვევაში სათანადო წინადადებების მომზადება კომუნიკაციების მფლობელებთან შეთანხმებით;
- სიტუაციური გეგმა.
- საპროექტო გზის გეგმები, პიკეტების და პირობითი აღნიშვნების დატანით.
- გრძივი პროფილები გზის ღერძის გასწვრივ, რომელიც უნდა შეიცავდეს საპროექტო (წითელ), მიწის (შავ) და მუშა ნიშნულებს, კილომეტრაჟს, პიკეტაჟს და მანძილებს მახასიათებელ წერტილებს შორის, გრძივი ქანობების, ვერტიკალური და ჰორიზონტალური მრუდების გრაფიკულ ასახვას რიცხობრივ მაჩვენებლებთან ერთად, დატანილი უნდა იყოს საპროექტო და არსებული ხელოვნური ნაგებობები პარამეტრებით;
- განივი პროფილები, გადაღებული უდნა იყოს ყოველ 20 მ-ში (საჭიროების მიხედვით) და მახასიათებელ წერტილებში, რომელიც უნდა შეიცავდეს საპროექტო (წითელ), მიწის (შავ) და მუშა ნიშნულებს, მანძილებს მახასიათებელ წერტილებს შორის, განივი ქანობების გრაფიკულ ასახვას რიცხობრივ მაჩვენებლებთან ერთად, მიმდებარე სიტუაციას. დატანილი უნდა იყოს საპროექტო და არსებული ხელოვნური ნაგებობები პარამეტრებთან ერთად);
- საგზაო სამოსის კონსტრუქცია შესაბამისი ანგარიშების გათვალისწინებით (შემსყიდველთან შეთანხმებით);
- ტრანსპორტის მოძრაობის უსაფრთხოების გეგმის მომზადება (ვერტიკალური და ჰორიზონტალური მონიშვნა, საგზაო ნიშნებით, თვალამრიდებით ან სხვა აღჭურვილობით) სათანადო სამსახურებთან შეთანხმებით.
- საზოგადოებრივი ტრანსპორტის გაჩერების და საყოფაცხოვრებო ნარჩენების კონტეინერების განთავსების ადგილების გეგმაზე დატანა (დამკვეთთან შეთანხმებით).
- სამუშაოთა მოცულობების (საგზაო სამოსი, გვერდულები, სანიაღვრე არხები, მილები და ა.შ.) პიკეტური დათვლის უწყისები.
- მშენებლობის ორგანიზაციის პროექტი.
- სამუშაოთა წარმოების კალენდარული გეგმა-გრაფიკი (წინასწარ შეთანხმდეს შემსყიდველთან).
- მშენებლობის ხარჯთაღრიცხვის შედგენა საბაზრო და რესურსული ფასებით, მოქმედი ნორმატივების გათვალისწინებით.

- შენიშვნა:
- საპროექტო არეალში არსებული საკომუნიკაციო მიწისქვეშა საინჟინრო ქსელების ადგილმდებარეობის შესახებ ინფორმაცია, მიმწოდებელმა უნდა მოიპოვოს კომუნიკაციის მფლობელებისაგან და მოცემულ ადმინისტრაციულ ერთეულში მერის წარმომადგენელისაგან)
მიმწოდებელი ვალდებულია:
- ტექნიკური დავალებით გაუთვალისწინებელი გარემოების აღმოჩენის შემთხვევაში, გაითვალისწინოს მისი შეტანა საპროექტო დოკუმენტაციაში დამატებითი აზღაურების გარეშე (დამკვეთთან შეთანხმებით);

ხელშეკრულების გაფორმებიდან 30 დღე

1.5.1. მიმწოდებელი ვალდებულია გადასცეს შემსყიდველ ორგანიზაციას სრული საპროექტო-სახარჯთაღრიცხვო დოკუმენტაცია.
1.5.2. საპროექტო-სახარჯთაღრიცხვო დოკუმენტაცია წარმოდგენილი უნდა იქნეს მხოლოდ ქართულ ენაზე.
1.5.3. საპროექტო-სახარჯთაღრიცხვო დოკუმენტაციის ეგზემპლიარების რაოდენობა:
ა) საპროექტო დოკუმენტაცია _ 3 ეგზემპლიარი ბეჭდური (A-3 და A-4 ფორმატები);
ბ) სახარჯთაღრიცხვო დოკუმენტაცია _ 3 ეგზემპლიარი ბეჭდური (A-4 ფორმატი);
გ) საპროექტო-სახარჯთაღრიცხვო დოკუმენტაციის სრული ელექტრო (PDF და Excel ფაილები) ვერსია _ 1 CD/DWD დისკი;
დ) საჭიროების შემთხვევაში მიმწოდებელი ვალდებულია გადასცეს შემსყიდველ ორგანიზაციას საპროექტო-სახარჯთაღრიცხვო დოკუმენტაციის სამუშაო ელექტრონული ფაილები (MS Word, Excel, AutoCAD, ArchiCAD და სხვა).
1.5.4. საბოლოო (სრული) საპროექტო-სახარჯთაღრიცხვო დოკუმენტაცია წარდგენილ უნდა იყოს შემდეგ მისამართზე: ქ. მცხეთა, ანტიოქიის ქ. N7 მუნიციპალიტეტი

1. პრეტენდენტს უნდა ჰქონდეს განხორციელებული არანაკლებ 30 000 (ოცდაათი ათასი) ლარის ჯამური ღირებულების საპროექტო-სახარჯთაღრიცხვო დოკუმენტაციის შედგენის მომსახურება.
2. საპროექტო-სახარჯთაღრიცხვო დოკუმენტაციის შედგენის მომსახურების გამოცდილების დადასტურების მიზნით, პრეტენდენტი ვალდებულია წარმოადგინოს, მხარეთა მიერ ხელმოწერილი ხელშეკრულებები და შესაბამისი საბოლოო მიღება-ჩაბარების აქტები. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.
3. ინფორმაცია გამოცდილების შესახებ წარმოდგენილი უნდა იყოს დანართი N3–ის შესაბამისად

1. პრეტენდენტის მიერ სახელმწიფო შესყიდვების ერთიან ელექტრონულ სისტემაში ასატვირთი დოკუმენტაციის ჩამონათვალი:
ა) ფასების ცხრილი - იმ შემთხვევაში თუ ფასების ცხრილი არ იქნება წარმოდგენილი, ან წარმოდგენილი იქნება განფასების გარეშე, მისი დაზუსტების მოთხოვნა არ გამოიყენება, შესაბამისად განხორციელდება პრეტენდენტის დისკვალიფიკაცია შესყიდვის პროცედურებიდან. ფასების ცხრილის შევსების პირობები მოცემულია სატენდერო დოკუმენტაციის 1.3. პუნქტში ატვირთულ დოკუმენტში;
ბ) სატენდერო დოკუმენტაციის 2.2.1. პუნქტით განსაზღვრული პრეტენდენტის გამოცდილების დამადასტურებელი დოკუმენტები - ხელშეკრულებები და შესაბამისი მიღება-ჩაბარების აქტები.
2. ფასი გამოსახული უნდა იყოს ლარში, რაც უნდა მოიცავდეს ტენდერით განსაზღვრული მომსახურების მიწოდებისთვის გათვალისწინებულ ყველა ხარჯსა და მოსაკრებელს და მიმწოდებლისთვის გათვალისწინებულ ყველა გადასახადს, დღგ-ს ჩათვლით.
3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იყოს ქართულ ენაზე. დოკუმენტების ან/და ინფორმაციის სხვა ენაზე წარდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
დოკუმენტაციასთან დაკავშირებული სადავო საკითხების გადაწყვეტისას სხვაენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
4. პრედენდენტს არა აქვს უფლება წარმოადგინოს ალტერნატიული სატენდერო წინადადება.

5. იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N 4 შესაბამისად. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.
6. ამხანაგობის არცერთი წევრი არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება ამხანაგობის დისკვალიფიკაცია წინამდებარე ტენდერიდან დაზუსტების გარეშე.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების ძირითად კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

საბოლოო ანგარიშსწორება განხორციელდება მიმწოდებლის მიერ საბოლოო საპროექტო-სახარჯთაღრიცხვო დოკუმენტაციის წარმოდგენის შემდეგ მიღება-ჩაბარების აქტის გაფორმების შემდეგ. საბოლოო საპროექტო-სახარჯთაღრიცხვო დოკუმენტაციას თან უნდა ერთვოდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული ექსპერტიზის დადებითი დასკვნა. ექსპერტიზის დასკვნის მომზადების ღირებულება ანაზღაურდება მიმწოდებლის მიერ.

შემსყიდველი ორგანიზაცია აუნაზღაურებს მიმწოდებელს გაწეული მომსახურების ღირებულებას, მიღება-ჩაბარების აქტის წარდგენიდან 10 სამუშაო დღის განმავლობაში
ხელშეკრულების პროექტი

სოფიო მამისაშვილი, 577727714, sofomamisashvili@yahoo.com

სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.