Ремонт и техническое обслуживание строительных сооружений (Грузия - Тендер #72771661)

გორის სამხედრო ჰოსპიტლის ბალანსზე რიცხულ შენობებში არსებული კონდიციონერების შეკეთებისა და ტექნიკური მომსახურების სახელმწიფო შესყიდვა.

1.2.1. მიმწოდებელმა სამუშაოები უნდა უზრუნველყოს საჭირო მარაგნაწილებით.
1.2.2. ტექნიკური მომსახურება უნდა განხორცილდეს (პრეისკურანტში) მითითებული შესაბამისი საქონლის და მომსახურების შესაბამისად.
1.2.3. პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ მომსახურების პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.
1.2.4. პრეტედენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა საჭიროა პროპორციულად გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.
1.2.5. პრეტენდენტის მიერ წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე.
1.2.6. ტექნიკური მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
1.2.7. თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

1.4.1. მომსახურების გაწევის ვადაა ხელშეკრულების გაფორმებიდან ეტაპობრივად არაუგვიანეს 2026 წლის 31 დეკემბრისა.
1.4.2. მომსახურება გულისხმობს წარმოქმნილი პრობლემის დიაგნოსტირებას და/ან ადგილზე ოპერატიულ აღმოფხვრას/შეკეთებას თუ აღნიშნული დაკავშირებული არ არის დაზიანებული ნაწილების შეცვლასთან. მიმწოდებლის წარმომადგენელი შემსყიდველის მიერ მითითებულ მისამართზე უნდა მივიდეს და მომსახურება განახორციელოს შემსყიდველის სატელეფონო და/ან ელექტრონული ფოსტით გაკეთებული შეტყობინებიდან არაუგვიანეს მეორე დღის 13:00 (დღის პირველი) საათისა,
1.4.3. დიაგნოსტირების შედეგად გამოვლენილი პრობლემების აღმოფხვრა რომელიც საჭიროებს დაზიანებული ნაწილების სათადარიგო ნაწილებით შეცვლას, პრეტენდენტმა უნდა უზრუნველყოს დიაგნოსტირებიდან არაუგვიანეს 1 (ერთი) სამუშაო დღისა.

მომსახურება უნდა განხორციელდეს შემსყიდველის მისამართზე: ქ.გორი, ჭავჭავაძის N56.

კონდიციონერების დაზიანებული ნაწილი უნდა შეიცვალოს ახალი ნაწილით. ამასთან, მიმწოდებლის მიერ შეცვლილ ან/და შეკეთებულ ნაწილებზე გარანტია უნდა ვრცელდებოდეს მინიმუმ 6 (ექვსი) თვის განმავლობაში, გარდა იმ შემთხვევებისა, როდესაც დაზიანება გამოწვეულია მექანიკური ზემოქმედებით.


მიმწოდებლის მიერ, საგარანტიო პერიოდის განმავლობაში (მიუხედავად ხელშეკრულების მოქმედების ვადის ამოწურვისა) წუნდებული საქონლის (ასეთის არსებობის შემთხვევაში) შეცვლა ან/და შეკეთება და თანმდევი მომსახურების გაწევა, უნდა განხორციელდეს შემსყიდველის მხრიდან რაიმე დამატებითი ხარჯების გაწევის გარეშე.

2.7.1.1 ,,ატმოსფერული ჰაერის დაცვის შესახებ” საქართველოს კანონის 54 პრიმა მუხლის და ,,მაცივარაგენტზე მომუშავე მოწყობილობების მომსახურე ტექნიკოსების სერტიფიცირების წესის დამტკიცების შესახებ“ საქართველოს მთავრობის 2017 წლის 22 ივნისის #302 დადგენილების თანახმად, ტენდერში მონაწილე პრეტენდენტს უნდა ჰყავდეს მაცივარაგენტზე მომუშავე მოწყობილობების მომსახურე სერტიფიცირებული ტექნიკოს(ებ)ი, რის დასტურადაც ერთიანი ელექტრონული სისტემის მეშვეობით უნდა წარმოადგინოს შესაბამისი სერტიფიკატ(ებ)ი ან/და პრეტენდენტმა უნდა წარმოადგინოს წერილობითი ინფორმაცია სერტიფიცირებული ტექნიკოს(ებ)ის შესახებ (სახელის, გვარის და სხვა მაიდენტიფიცირებელი მონაცემების მითითებით).

ელექტრონულ ტენდერში გამარჯვების შემთხვევაში, მიმწოდებელმა უნდა უზრუნველყოს აღნიშნული სერტიფიცირებული ტექნიკოს(ებ)ის მიერ სატენდერო დოკუმენტაციით გათვალისწინებული მომსახურების გაწევა.

2.7.1.2 პრეტენდენტმა უნდა წარმოადგინოს წერილობითი ინფორმაცია იმის შესახებ, რომ სერტიფიცირებული ტექნიკოს(ებ)ი წარმოადგენენ პრეტენდენტის მიერ დაქირავებულ პირ(ებ)ს.

შენიშვნა: ტენდერში მონაწილე ფიზიკური პირის შემთხვევაში, 2.7.1.2 პუნქტით მოთხოვნილი წერილობითი ინფორმაციის წარდგენა არ არის სავალდებულო.

1. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი
2. იმ შემთხვევაში, თუ იკითხება კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი,“ ,,ანალოგი“ ან „ექვივალენტური“.
3. დოკუმენტის უცხოურ ენაზე წარმოდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თანგმანები ქართულ ენაზე.
4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი, რომელიც შექმნილია პრეტენდენტის მიერ უნდა იყოს დამოწმებული კვალიფიციური ხელმოწერით/კვალიფიციური შტამპით.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით დადგენილ პირობებს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული ექსპერტის შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ანგარიშსწორება განხორციელდება ეტაპობრივად, მიღება-ჩაბარების აქტის ხელმოწერისა და კანონმდებლობით დადგენილი დოკუმენტაციის გამოწერის შემდეგ.

ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღეში.

ლევან ხალიშვილი, 551229090, l.xalishvili@gmail.com