Медицинское оборудование (Грузия - Тендер #72657243)

შპს აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის 2026 წლის საკუთარი შემოსავლების დაფინანსების ფარგლებში სხვადასხვა სახის სამედიცინო აპარატურისა და პროდუქტის სახელმწიფო შესყიდვა.

1.2.1. შესყიდვის ობიექტია სხვადასხვა სამედიცინო აპარატურა, კერძოდ: საბიოფსიო სასროლი მოწყობილობა, საბიოფსიო ნემსები და ინფუზომატები. დატალურად შესყიდვის ობიექტის დასახელება, მინიმალური ტექნიკური მახასიათებლები და რაოდენობა იხილეთ დანართი N1-ის სახით, დანართში მითითებული ტექნიკური მახასიათებლები მინიმალური ზღვარია პრეტენდენტებს შეუძლიათ შემოგვთავაზონ გაუმჯობესებული ტექნიკური მახასიათებლების მქონე საქონელი.
1.2.2. მითითებული საქონლის ფასი უნდა იყოს საბოლოო და საჭიროების შემთხვევაში მოიცავდეს კონკრეტული საქონლის მიწოდებასთან დაკავშირებული თანმდევი მომსახურებისა და დამხმარე მოწყობილობების (არსებობის შემთხვევაში) ღირებულებასაც.
1.2.3. მიწოდება მოიცავს: მონტაჟს, ინსტალაციასა და სწავლებას. პრეტენდენტმა საქონლის მოწოდების დროს უნდა უზრუნველყოს აპარატის ჩართვა და გამართვა ასევე პერსონალის სწავლება.
1.2.4. სამონტაჟო სამუშაოები უნდა განხორციელდეს აღნიშნულ სფეროში არსებული სტანდარტების დაცვით. მომსახურების გაწევის პროცესში, მიმწოდებლის ბრალეულობით შემსყიდველის ქონების ან/და მოწოდებული საქონლის დაზიანების შემთხვევაში, ზიანის აღმოფხვრის ხარჯებს სრულად აანაზღაურებს მიმწოდებელი.

შენიშვნა: სატენდერო დოკუმენტაციაში, შესყიდვის ობიექტის აღწერილობაში თუ იკითხება: სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება „მსგავსი”, „ეკვივალენტური”.

საქონლის მიწოდება უნდა მოხდეს ხელშეკრულების გაფორმებიდან არაუგვიანეს 60 კალენდარული დღის ვადაში.

მიწოდება უნდა განხორციელდეს შემდეგ მისამართზე : ქ. თბილისი, ვაჟა-ფშაველას გამზ. N29. შპს „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკა“

1.7.1. მიმწოდებელი იძლევა მიწოდებული შესყიდვის ობიექტის არსებულ სტანდარტებთან შესაბამისობის გრანტიას, რომ შესყიდვის ობიექტი იქნება ახალი, არა მეორადი ქარხნულად აღდგენილი/გადამუშავებული. საქონელი შეფუთული იქნება მწარმოებლის ბრენდირებულ ყუთში, ყუთზე ქარხნულად დაბეჭდილი მწარმოებლის მითითებით და შეფუთვის მთლიანობა არ იქნება დარღვეული.
1.7.2. შესყიდვის ობიექტის სრულფასოვანი ფუნქციონირების საგარანტიო ვადა განისაზღვრება მიღება-ჩაბარების აქტის გაფორმებიდან არანაკლებ არანაკლებ 12 თვის ვადით.
1.7.3. საგარანტიო პერიოდში სწორი ექსპლუატაციის პირობებში და მექანიკური დაზიანების გარდა, წარმოქმნილი ხარვეზების არსებობის შემთვევაში, შემსყიდველი წერილობით ან/და ელექტრონული ფორმით ან/და სატელეფონო ზარით აცნობებს მომსახურების გაწევის საჭიროების შესახებ „მიმწოდებელს“. „მიმწოდებელი“ საკუთარი ხარჯებით (ტრანსპორტირების ჩათვლით) შეტყობინებიდან არაუგვიანეს ხუთი კალენდარული დღის ვადაში ახდენს შესაბამის რეაგირებას,(მიმწოდებელმა ამ ვადაში უნდა დაადგინოს პრობლემების გამომწვევი მიზეზი უზრუნველყოს მისი აღმოფხვრა, დაზიანების შემთხვევაში საქონლის შეკეთება) ნივთის შეცვლა ხორციელდება შემდეგ შემთხვევებში: ა) საქონლის მიღებიდან 1 თვის განმავლობაში აღმოაჩნდებათ ქარხნული დეფექტი; ბ) თუ ვერ მოხერხდა ნივთის შეკეთება მიმწოდებლის მიერ, მათ შორის შეკეთებიდან 1 თვეში გამოვლინდა იგივე დეფექტი ან საგარანტიო ვადის განმავლობაში ქარხნული დეფექტი გამოვლინდა 3 ჯერ; გ) ნივთის შეცვლა ხდება იგივე ან მეტი მახასიათებლების მოწყობილობით
1.7.4. საქონლის მიღებისას ინსპექტირების პროცესში ქარხნული წუნი/ხარვეზის აღმოჩენის შემთხვევაში მიმწოდებელი ვალდებულია შეცვალოს საქონელი ახლით წუნი/ხარვეზის დაფიქსირებიდან 20 (ოცი) კალენდარული დღის ვადაში.
1.7.5. საგარანტიო პერიოდში ინსპექტირება ხორციელდება ხელშეკრულების შესრულების ნებისმიერ ეტაპზე, საქონლის მიღებისას, აგრეთვე მიღების შემდეგ, მათ შორის, ხელშეკრულების მოქმედების ვადის გასვლის შემდეგ, ხელშეკრულებიდან გამომდინარე ვალდებულებების არსებობის პერიოდში.

პრეტენდენტმა ფასების ცხრილი, დანართი N1-ის სახით უნდა წარმოადგინოს შემდეგი ინფორმაცია:
შესყიდვის ობიექნის ტექნიკური მახასიათებელი, მწარმოებელი ქვეყანა, მწარმოებელი, საგარანტიო ვადა და მაიდენტიფიცირებელი ნიშანი.

1. მწარმოებელი - მწარმოებელი კომპანია/ფირმა/ბრენდი;
2. მაიდენტიფიცირებელი ნიშანი- შემოთავაზებული შესყიდვის ობიექტის მოდელი ან /და ლინკი ან/და კატალოგის ნომერი ან/და სერიული ნომერი ან/და PartNumber, რომლითაც მოხდება პროდუქტის ტექნიკური პარამეტრების იდენტიფიცირება სატენდერო პირობებთან შესაბამისობის დადგენის მიზნით.

2.1.1.2. შემსყიდველს წარმოდგენილი სატენდერო წინადადებით უნდა შეეძლოს შემოთავაზებული შესყიდვის ობიექტის იდენტიფიცირება ამიტომ იმ შემთხვევაში თუ "მაიდენტიფიცირებლი ნიშანი"-ს გრაფაში მითითებული ინფორმაციით ვერ ხერხდება შესყიდვის ობიექტის იდენტიფიცირება პრეტენდენტმა შემოთავაზებულ საქონელზე უნდა წარმოადგინოს მწარმოებლის ოფიციალური ინფორმაცია ტექნიკური მახასიათებლების შესახებ (მწარმოებლის მიერ დადასტურებული ბროშურა/კატალოგი ან/და მწარმოებლის წერილი, დასკანერებული ტექნიკური პასპორტი, ან/და data sheet ან/და ვებ-გვერდის მისამართი და ა.შ) რომლითაც დადასტურდება შემოთავაზებული საქონლის მახასიათებლების სატენდერო დოკუმენტაციით დადგენილ მახასიათებლებთან შესაბამისობა.

შენიშვნა:
მწარმოებელი ქვეყნის, მწარმოებელის და მაიდენტიფიცირებელი ნიშნის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

2.7.1.1. შესყიდვის ობიექტს უნდა გააჩნდეს ქვემოთ ჩამოთვლილიდან არანაკლებ ერთ-ერთი დოკუმენტი სამედიცინო დანიშნულების საქონელთან დაკავშირებით,

• CE (ან EC) მარკირების დამადასტურებელი დოკუმენტი ან CE (ან EC) მარკირების დამადასტურებელი შესაბამისობის დოკუმენტი,
• ან/და ხარისხის დამადასტურებელი FDA (ამერიკული) სერტიფიკატი,
• ან/და ხარისხის დამადასტურებელი MDR ან EU სერტიფიკატი
• ან/და საქონლის ხარისხის დამადასტურებელი ISO სერთიფიკატი

2.7.1.2. იმ შემთხვევაში, თუ სატენდერო დოკუმენტაციით მოთხოვნილ ხარისხის დამადასტურებელ დოკუმენტს გასული აქვს მოქმედების ვადა, პრეტენდენტმა უნდა წარმოადგინოს აკრედიტებული მასერტიფიცირებელი ორგანოს მიერ გაცემული ოფიციალური დადასტურება, რომ შემოთავაზებული საქონელი ექვემდებარება უწყვეტ ხარისხობრივ შესაბამისობას შესაბამის სფეროში მოქმედი დირექტივების მიხედვით და მიმდინარეობს შესაბამისი დოკუმენტის განახლების ან მოქმედების ვადის გაგრძელების პროცესი.
2.7.1.3. იმ შემთხვევაში თუ დოკუმენტაცია არის უცხოურ ენაზე, მას თან უნდა ერთვოდეს ნოტარიალურად დამოწმებული ქართული თარგმანი;

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნასთან ერთად წარმოდგენილ უნდაი იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება მიმწოდებელსა და შემსყიდველს შორის განხორციელდება ერთ ეტაპად, უნაღდო ანგარიშსწორებით, ეროვნულ ვალუტაში, ფაქტობრივად მოწოდებული შესყიდვის ობიექტის შესაბამისად, მიმწოდებლის მიერ გამოწერილი, საქართველოს კანონმდებლობით გათვალისწინებული შესაბამისი საგადახდო დოკუმენტაციის (სასაქონლო ზედნადების და/ან საგადასახადო ანგარიშ-ფაქტურის) ინსპექტირების დადებითი დასკვნისა და ტექნიკური მომსახურების აქტის საფუძველზე მომზადებული მიღება-ჩაბარების აქტით.

ანგარიშსწორება იწარმოებს „შემსყიდველსა“ და „მიმწოდებელს“ შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში.

სალომე ბერიძე, 555626767, procurementrespublikuri@gmail.com ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევებში) უნდა მიუთითოს დღგ-ს გათვალისწინებით.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.