Медицинское оборудование (Грузия - Тендер #72536639)

დიალიზისა და თირკმლის ტრანსპლანტაციის" პროგრამა (27 03 03 04)

პერიტონეული დიალიზისათვის საჭირო მასალების მრავალწლიანი სახელმწიფო შესყიდვა (დაფინანსება განხორციელდება 2026 - 2027 წლების სახელმწიფო ბიუჯეტით დამტკიცებული ასიგნებების ფარგლებში).

შესასყიდი სადიალიზე საშუალებებისა და მასალების ჩამონათვალი, ტექნიკური მახასიათებლები და რაოდენობა იხილეთ ამ პუნქტში მიმაგრებულ ფაილში - "საქონლის აღწერა (ტექნიკური დავალება), შესყიდვის ობიექტის რაოდენობა".

შემოთავაზებული სადიალიზე ხსნარები და სახარჯი მასალები უნდა იყოს ურთიერთ-თავსებადი და ასევე თავსებადი უნდა იყოს არსებულ სახარჯ მასალასთან.

მაგალითისათვის:
- სადიალიზე ხსნარები 2000მლ და 5000მლ თავსებადი უნდა იყოს მე-8 (კათეტერის დამარგძელებელი (გადამყვანი) პოზიციასთან;
- სადიალიზე ხსნარები 5000მლ თავსებადი უნდა იყოს მე-10 (მაგისტრალი ჩამცლელი ჩანთით (აპდ) და მე-11 (კასეტა (აპდ) პოზიციებთან, რომელიც თავის მხრივ თავსებადი უნდა იყოს ავტომატური პერიტონეული დიალიზის ციკლერთან HOMECHOICE PRO (Baxter).

1.4.1. საქონლის მიწოდება განხორციელდება დანართი N2-ით განსაზღვრული რაოდენობის შესაბამისად (დანართი ატვირთულია სატენდერო დოკუმენტაციის 2.9 პუნქტში);

1.4.1.1. პირველ ეტაპზე მოსაწოდებელი საქონლის მოწოდება უნდა განხორციელდეს შემსყიდველის წერილობითი მოთხოვნის საფუძველზე, ხელშეკრულების გაფორმებიდან 60 კალენდარული დღის განმავლობაში, არაუმეტეს ცხრილში განსაზღვრული რაოდენობისა (დამრგვალებული ყუთზე/შეფუთვაზე). დარჩენილი საქონლის მოწოდება განხორციელდება ეტაპობრივად (არანაკლებ თვეში ერთხელ და არაუმეტეს 5-ჯერ (იმ შემთხვევაში თუ დაემატება ახალი პაციენტი ან ჩაერთვება ახალი სამედიცინო დაწესებულება)), შემსყიდველის წერილობითი მოთხოვნის შესაბამისად, ამ მოთხოვნით განსაზღვრულ კონკრეტულ (შეკვეთის მიღებიდან არაუმეტეს 10 სამუშაო დღის) ვადაში, შემსყიდველის მიერ მითითებულ მისამართებზე (ქვეყნის მასშტაბით), 2026 წლის 20 დეკემბრის ჩათვლით პერიოდში.

1.4.1.2. დარჩენილი საქონლის მოწოდება განხორციელდება ეტაპობრივად (არანაკლებ თვეში ერთხელ და არაუმეტეს 5-ჯერ (იმ შემთხვევაში თუ დაემატება ახალი პაციენტი ან ჩაერთვება ახალი სამედიცინო დაწესებულება)), შემსყიდველის წერილობითი მოთხოვნის შესაბამისად, ამ მოთხოვნით განსაზღვრულ კონკრეტულ (შეკვეთის მიღებიდან არაუმეტეს 10 სამუშაო დღის) ვადაში, შემსყიდველის მიერ მითითებულ მისამართებზე (ქვეყნის მასშტაბით), 2027 წლის 20 სექტემბრის ჩათვლით პერიოდში.

მიმწოდებელმა უნდა უზრუნველყოს სახარჯი მასალის მოწოდება შემდეგ მისამართებზე:

1. სს ”ლ.მანაგაძის სახ.უროლოგიის ეროვნული ცენტრი” - ქ. თბილისი, წინანდლის ქ. №27;
2.შპს "ნეფროლოგიის განვითარების კლინიკური ცენტრი" - ქ. თბილისი, კაიროს ქ. N4;
3. შპს ,, ბათუმის დიალიზისა და ნეფროლოგიის ცენტრი" – ქ. ბათუმი, პუშკინის ქ.N118
4. სს ,,ვიანი -მ. იაშვილის ბავშვთა ცენტრალური საავადმყოფო“ - ლუბლიანას ქ.13/მ.ჭიაურელის ქ.6;
5. შპს ,,ჯანმრთელობის ეროვნული ორგანიზაცია-ქ.ქუთაისი, გ.ტაბიძის ქ.N72;
6. შპს „თბილისის სახელმწიფო სამედიცინო უნივერსიტეტისა და ინგოროყვას მაღალი სამედიცინო ტექნოლოგიების საუნივერსიტეტო კლინიკა“ მის : ქ. თბილისი, წინანდლის ქ. №9.

1.7.1.1. მოსაწოდებლი საქონლის ვარგისიანობის ვადა მოწოდების მომენტისთვის უნდა იყოს არანაკლებ 6 (ექვსი) თვე;

1.7.1.2. შემსყიდველთან შეთანხმებით დასაშვებია მოსაწოდებლი საქონლის ვარგისიანობის ვადა მოწოდების მომენტისთვის იყოს 4 (ოთხი) თვე.

1.7.1.3. მიმწოდებელი ვალდებულია მოწოდებული საქონლის წუნდების (ხელშეკრულებით გათვალისწინებულ პირობებთან შეუსაბამობის) შესახებ წერილობითი შეტყობინების მიღებიდან არაუმეტეს 10 (ათი) კალენდარულ დღეში განახორციელოს წუნდებული საქონლის შეცვლა შემსყიდველის მხრიდან რაიმე დამატებითი დანახარჯის გაწევის გარეშე.

2.1.1.1. პრეტენდენტმა სატენდერო წინადადებით, ერთიანი ელექტრონული სისტემის მეშვეობით უნდა წარმოადგინოს ინფორმაცია სახარჯი მასალის მწარმოებელი კომპანიის, წარმოშობის ქვეყნისა და სავაჭრო/ბრენდული დასახელების შესახებ (ასეთის არსებობის შემთხვევაში). სავაჭრო/ბრენდული დასახელების არ არსებობის შემთხვევაში, აღნიშნული ინფორმაცია მითითებული უნდა იყოს დანართის N1 -ის შესაბამის გრაფაში შემდეგი ჩანაწერით "არ გააჩნია".

2.1.1.2 მოთხოვნილი ინფორმაცია მითითებული უნდა იყოს სატენდერო დოკუმენტაციის 1.3 პუნქტში ატვირთულ, დანართ N1 ფასთა ცხრილში.

2.7.1.1.პრეტენდენტმა ერთიან ელექტრონულ სისტემაში უნდა ატვირთოს დანართი N1 ფასთა ცხრილით განსაზღვრული პირველიდან - მე-6 პოზიციის ჩათვლით შემოთავაზებული ფარმაცევტული პროდუქტის საქართველოში რეგისტრაციის დამადასტურებელი დოკუმენტი ან წერილობითი ვალდებულება იმის თაობაზე, რომ ხელშეკრულების გაფორმებამდე უზრუნველყოფილი იქნება ფარმაცევტული პროდუქტის საქართველოს ბაზარზე დაშვება რეგისტრაციის აღიარებითი რეჟიმით, მოქმედი კანონმდებლობის შესაბამისად.

2.7.1.2. პრეტენდენტმა ერთიან ელექტრონულ სისტემაში უნდა ატვირთოს, დანართი N1 ფასთა ცხრილით განსაზღვრული პირველიდან - მე-6 პოზიციის ჩათვლით შემოთავაზებული ფარმაცევტული პროდუქტის შესაბამისი - დოკუმენტი, დოკუმენტი, რომელიც დაადასტურებს საქართველოს მთავრობის 2009 წლის 22 ოქტომბრის N188 დადგენილებით აღიარებული სახელმწიფოთაშორისი ან შესაბამისი სახელმწიფოს მარეგულირებელი ორგანოს მიერ ფარმაცევტული პროდუქტის მის კონტროლს დაქვემდებარებულ ბაზარზე დაშვებას: საქართველოს მთავრობის მიერ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს მიერ, საქართველოს მთავრობის მიერ აღიარებული რომელიმე მარეგულირებლის ქვეყნისთვის გაცემული ფარმაცევტული პროდუქტის სერტიფიკატი (CPP - გაცემული ბოლო 2 წლის განმავლობაში) ან მისი ასლი; ან საქართველოს მთავრობის მიერ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს მიერ გაცემული ფარმაცევტული პროდუქტის სარეგისტრაციო მოწმობა (სერტიფიკატი) ან მისი ასლი; ან საქართველოს მთავრობის მიერ აღიარებული სახელმწიფოთაშორისი ან შესაბამისი ქვეყნის რომელიმე მარეგულირებელი ორგანოს ოფიციალური ვებ-გვერდიდან წარმოდგენილი ინფორმაცია (იგი შეიძლება წარმოდგენილი იქნეს, როგორც ორიგინალის, ისე ასლის სახით, ან ელექტრონული დოკუმენტის ან სხვა საჯაროდ ხელმისაწვდომი ფორმით, მოპოვების წყაროს მითითებით).

2.7.1.3. თუ პრეტენდენტი ტენდერში მონაწილეობას მიიღებს საქართველოში არარეგისტრირებულ ფარმაცევტულ პროდუქტით, რომლის, საქართველოს ბაზარზე დაშვებას უზრუნველყოფს რეგისტრაციის აღიარებითი რეჟიმით, შესაძლებელია სატენდერო დოკუმენტაციის 2.7.1.2. პუნქტით განსაზღვრული მოთხოვნების ნაცვლად წარმოადგინოს, ფარმაცევტული პროდუქტის ლაბორატორიული კონტროლის დამადასტურებელი დოკუმენტი, გაცემული ჯანმრთელობაზე ზრუნვისა და სამკურნალო საშუალებების ხარისხის ევროპის დირექტორატის (EDQM) ოფიციალური სამკურნალო საშუალებების კონტროლის ლაბორატორიის (OMCL) ან/და ჯანმრთელობის მსოფლიო ორგანიზაციის მიერ პრეკვალიფიცირებული ლაბორატორიის მიერ.

2.7.1.4. ფასების ცხრილით განსაზღვრულ სამედიცინო სახარჯ მასალებზე მე-7, მე-8, მე-10 და მე-11 პოზიციებზე წარმოდგენილი უნდა იყოს შემოთავაზებული საქონლის ხარისხის შესაბამისი სერთიფიკატები:

ან CE/EC სერთიფიკატი;
ან MDR სერთიფიკატი
ან FDA სერტიფიკატი.

*მოთხოვნილი დოკუმენტები, სისტემაში ატვირთული უნდა იყოს PDF ფორმატის ფაილებით და ამ ფაილების დასახელებაში მითითებული უნდა იყოს დანართი N1 ფასთა ცხრილის იმ პოზიციის ნომერი/ნომრები, რომლის შესაბამისიცაა დოკუმენტი.

** დოკუმენტ(ებ)ის/ინფორმაციის უცხო ენაზე წარმოდგენის შემთხვევაში, თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით).

2.9.1. პრეტენდენტის მიერ სატენდერო წინადადებით ერთიან ელექტრონულ სისტემაში ასატვირთი მონაცემები:
2.9.1.1. სატენდერო დოკუმენტაციის 1.3. მუხლით განსაზღვრული განფასებული ხარჯთაღრიცხვა.
2.9.1.2. სატენდერო დოკუმენტაციის 1.7.1. მუხლით განსაზღვრული ინფორმაცია ვარგისინობის ვადის შესახებ.
2.9.1.3. სატენდერო დოკუმენტაციის 2.1.1. მუხლით განსაზღვრული ინფორმაცია შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით.
2.9.1.4. სატენდერო დოკუმენტაციის 2.7.1. მუხლით განსაზღვრული ინფორმაცია ლიცენზიასთან, აკრედიტაციასთან, სტანდარტებთან, ხარისხის შესაბამისობასთან და სხვ. დოკუმენტების შესახებ.

2.9.2. დამატებითი მოთხოვნები:
2.9.2.1. დაცული უნდა იქნეს „პროდუქტის უსაფრთხოებისა და თავისუფალი მიმოქცევის“ კოდექსით განსაზღვრული მოთხოვნები.
2.9.2.2. საქონელი უნდა იყოს ქარხნულად დაფასოებული და უნდა ჰქონდეს ქარხნული ეტიკეტი შესაბამის შეფუთვაზე. შეფუთვა არ უნდა იყოს დაზიანებული, ხოლო წარწერები საქონელსა ან/და ეტიკეტ(ებ)ზე უნდა იყოს კითხვადი (ასეთის არსებობის შემთხვევაში).
2.9.2.3. საქონლის ხარისხი უნდა შეესაბამებოდეს სატენდერო დოკუმენტაციით დადგენილ მოთხოვნებს.
2.9.2.4. არსებული ნორმატიული დოკუმენტ(ებ)ის ცვლილების ან/და ახალი ნორმატიული დოკუმენტ(ებ)ის შემოღების შემთხვევაში, მიმწოდებელი ვალდებულია, საქონელი და მასთან დაკავშირებული გარემოებები შეუსაბამოს შეცვლილ გარემოებებს.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

2 Процентов

5 Процентов

6.3.1 ხელშეკრულების უზრუნველყოფის უპირობო და გამოუთხოვადი საბანკო ან სადაზღვევო გარანტიის მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადა 2027 წლის 30 ნოემბრის ჩათვლით).
6.3.2 იმ შემთხვევაში თუ გამარჯვებულმა პრეტენდენტმა შეასრულა სატენდერო პირობებითა და შესაბამისი ხელშეკრულებით ნაკისრი ყველა ვალდებულება, შემსყიდველი ორგანიზაცია უფლებამოსილია დაუბრუნოს მას ხელშეკრულების შესრულების უზრუნველყოფის გარანტია.

6.4.1 იმისათვის, რომ თავიდან იქნას აცილებული რისკი, წარმოქმნილი მიმწოდებლის მიერ ხელშეკრულებით ნაკისრი ვალდებულებების შეუსრულებლობის გამო, წინამდებარე ტენდერში მოითხოვება ხელშეკრულების შესრულების უზრუნველყოფის გარანტია.
6.4.2 ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ასევე შესაძლებელია აღნიშნული გარანტია წარმოდგენილი იქნეს „არარეზიდენტი“ საბანკო ან სადაზღვევო კომპანიიდან, რომელიც დამოწმებული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებებიდან, სახელშეკრულებო ვალუტის შესაბამისად.
6.4.3 გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა დაარღვია ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.
6.4.4 ხელშეკრულების შესრულების უზრუნველყოფის მიზნით წარმოდგენილი საბანკო ან სადაზღვეო დაწესებულების მიერ გაცემული გარანტია გამოიყენება მიმწოდებლის მიერ ვალდებულების დარღვევის გამო შესაბამისი პირგასამტეხლოს, საჯარიმო სანქციების ან/და ზიანის ანაზღაურების მიზნით;
6.4.5 ხელშეკრულების შესრულების უზრუნველყოფის საბანკო ან სადაზღვეო დაწესებულების მიერ გაცემული გარანტიაში მითითებული უნდა იყოს, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი;
6.4.6 ხელშეკრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმებამდე.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.2.2. ფაქტიურად მოწოდებულ საქონელზე, მხარეებს შორის გაფორმდება მიღება-ჩაბარების აქტი შესაბამისი ღირებულების ასახვით, რაც წარმოადგენს ანგარიშსწორების საფუძველს;
7.2.3. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე. შემდეგი პირობების შესაბამისად:
7.2.3.1. 2026 წლის განმავლობაში მოსაწოდებელი საქონლის ანგარიშსწორება განხორციელდება 2026 წლის სახელმწიფო ბიუჯეტით დამტკიცებული ასიგნებების ფარგლებში, მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 20 (ოცი) სამუშაო დღის განმავლობაში;
7.2.3.2. 2027 წლის განმავლობაში მოსაწოდებელი საქონლის ანგარიშსწორება განხორციელდება 2027 წლის სახელმწიფო ბიუჯეტით დამტკიცებული ასიგნებების ფარგლებში, მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 20 (ოცი) სამუშაო დღის განმავლობაში.

შენიშვნა:
წინამდებარე ტენდერის ფარგლებში, შემსყიდველი აანაზღაურებს:
2026 წელს - საორიენტაციოდ/სავარაუდოდ 747 036.00 ლარს;
2027 წელს - საორიენტაციოდ/სავარაუდოდ 6 118 343.00 ლარს.

7.3.1 ანგარიშსწორება მოხდება უნაღდო ანგარიშსწორებით.
7.3.2 მხარეთა შორის მიღება-ჩაბარების აქტის გაფორმებიდან და „მიმწოდებლის“ მიერ კანონმდებლობით განსაზღვრული დოკუმენტის წარმოდგენიდან არა უგვიანეს 20 (ოცი) სამუშაო დღის განმავლობაში.

ქეთევან ხარაძე, 591919090, kkharadze@moh.gov.ge თათია ლოლაძე, 577224522, taloladze@moh.gov.ge

10.1.1.ტენდერში მონაწილეობის მიღება შეუძლიათ მხოლოდ სისტემაში „მიმწოდებლად“ რეგისტრირებულ მომხმარებლებს.
10.1.2. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად (გარდა excel-ის ფორმატის ფაილისა), კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე (დამოწმებული ნოტარიულად ან აპოსტილით). უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია. ქართულენოვან ტექსტში უცხოენოვანი სიტყვ(ებ)ის გამოყენების შემთხვევაში კომისია უფლებამოსილია იმსჯელოს აღნიშნული სიტყვ(ებ)ის ტექნიკურ დოკუმენტაციასთან შესაბამისობის თაობაზე.
10.1.5. არსებული ნორმატიული დოკუმენტ(ებ)ის ცვლილების ან/და ახალი ნორმატიული დოკუმენტ(ებ)ის შემოღების შემთხვევაში, მიმწოდებელი ვალდებულია, საქონელი და მასთან დაკავშირებული გარემოებები შეუსაბამოს შეცვლილ გარემოებებს.
10.1.6.სახელმწიფო შესყიდვების შესახებ ხელშეკრულების ფორმა/პროექტი და პირობები მოცემულია სატენდერო დოკუმენტაციის 8.1 პუნქტში. რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.7. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
10.1.8. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე.