Медицинские услуги (Грузия - Тендер #72536614)

შესყიდვის ობიექტია სხვადასხვა სახის რენტგენოგრაფიული მომსახურება შპს "სამედიცინო ცენტრი დიომედი"-ს სენაკის ფილიალისათვის.

- რენტგენოგრაფიული მომსახურებები გაწეულ უნდა იქნას როგორც მოზრდილთა ასევე ბავშვთა ასაკის პაციენტებისათვის.
- რენტგენოგრაფიული მომსახურებების ჩამონათვალი და დასახელებები იხილეთ მიბმულ ფაილში.
- მომსახურება გაწეულ უნდა იქნას მიმწოდებელ სამედიცინო პროფილის ერთ დაწესებულებაში
(სახეობების მიხედვით დაყოფა და სხვა მისამართზე გადამისამართება დაუშვებელია);
- მომსახურება პაციენტისათვის გაწეულ უნდა იქნას შემსყიდველი ორგანიზაციის მიმართვის საფუძველზე,
პაციენტისთვის ლოდინის პერიოდი არ უნდა აღემატებოდეს 1 საათს;
- მომსახურების სპეციფიკიდან გამომდინარე სავალდებულოა რომ პრეტენდენტის/მიმწოდებლის სამედიცინო დაწესებულება მდებარეობდეს შემსყიდველის მისამართიდან - (სენაკი, ტაბიძეს ქ. #71) არაუმეტეს 0,5 კმ. რადიუსში.
- თუ მიმწოდებლის შესაბამისი დაწესებულება დაშორებული იქნება 0,5 კმ.-ზე მეტით შემსყიდველის მისამართიდან - სენაკი, ტაბიძის ქ. #71, თითოეული მომსახურების ერთეულის ღირებულებაში უნდა გაითვალისწინოს პაციენტის ტრანსპორტირების ღირებულება და თავად უზრუნველყოს პაციენტის გადაყვანა მომსახურების გაწევის ადგილზე.
- აუცილებელი მოთხოვნა მიმწოდებლის ადგილმდებარეობა უნდა იყოს სენაკის მუნიციპალიტეტში.

პაციენტებისთვის მომსახურების გაწევა უნდა განხორციელდეს:
- სამუშაო დღეებში, ორშ.-შაბათი. 10:00 – 17:00 საათების შუალედში. (გარდა ოფიციალური უქმეებისა)


- გაწეული მომსახურების შედეგები პაციენტებს უნდა გადაეცეთ კვლევის დასრულების შემდეგ ნაბეჭდი ფორმით;
-მომსახურება უნდა განხორციელდეს აღნიშნულ სფეროში საქართველოში მოქმედი კანონმდებლობის მოთხოვნების შესაბამისად.
- გაწეული მომსახურების ხარისხი უნდა შეესაბამებოდეს საქართველოში მოქმედ სტანდარტებსა და ნორმებს, შესრულებული მომსახურების ხარისხზე სრული პასუხისმგებლობა ეკისრება მიმწოდებელს.

სატენდერო წინადადების ფასი:
• გასაწევი მომსახურების ერთეულის ღირებულებები უნდა შეიცავდეს მიმწოდებლის ყველა ხარჯს და საქართველოს კანონმდებლობით დადგენილ ყველა გადასახადს.
• გასაწევი მომსახურების ღირებულების წარმოდგენა დასაშვებია მხოლოდ ეროვნულ ვალუტაში - ლარში.
• ხელშეკრულების ღირებულების თანხა აღებულია შესაძლო გასაწევი მომსახურებების მიხედვით, ხოლო ანაზღაურება "მიმწოდებელთან" განხორციელდება მის მიერ ფაქტობრივად გაწეული მომსახურებების მიხედვით, შესაბამისად ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა დარჩება "შემსყიდველთან" და იგი არ წარმოშობს მხარეებს შორის რაიმე დამატებით ვალდებულებებს.
• პრეტენდენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს მომსახურების პრეისკურანტში შესაბამის პოზიციებზე დაფიქსირებულ ზღვრულ ღირებულებებს;
• პრეტენდენტის მიერ წარმოდგენილ მომსახურების პრეისკურანტში მოცემული მომსახურების ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ზღვრული ერთეულის ფასების გათვალისწინებით;
• პრეტენდენტის მიერ პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

შენიშვნა:
ხელშეკრულების დადების შემდეგ, პრეისკურანტში მომსახურების რომელიმე ერთეულის არარსებობისას აღნიშნული ერთეულის ფასი, მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი სამუშაოს ან მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს

შემსყიდველი უფლებას იტოვებს სრულად არ აითვისოს სახელშეკრულებო ღირებულების ოდენობის მომსახურება მიმწოდებლისგან.

პრეისკურანტი (დანართი N1) პრეტენდენტმა უნდა წარმოადგინოს (ატვირთოს სისტემაში) Excel ფორმატში.

ხელშეკრულების გაფორმებიდან 2026 წლის 31 დეკემბრის ჩათვლით, შემსყიდველის მოთხოვნიის შესაბამისად

მომსახურება უნდა განხორციელდეს მიმწოდებელ სამედიცინო პროფილის დაწესებულებაში, შემსყიდველის მიერ გაცემული შესაბამისი მიმართვის საფუძველზე

პრეტენდენტმა უნდა წარმოადგინოს რენტგენოგრაფიული მომსახურების წარმოების უფლებასთან დაკავშირებული შესაბამისი მოქმედი ლიცენზია/უფლების დამადასტურებელი დოკუმენტაცია.

- პრეტენდენტმა უნდა წარმოადგინოს დაწესებულების (სადაც მოხდება შემსყიდველის ფილიალიდან მისული პაციენტებისათვის მომსახურების გაწევა) მისამართი, რომლის მიხედვით უნდა დასტურდებოდეს დაწესებულების შემსყიდველის მისამართიდან 0,5 კმ.-ს რადიუსში არსებობა.
- თუ მიმწოდებლის შესაბამისი დაწესებულება დაშორებული იქნება 0,5 კმ.-ზე მეტით შემსყიდველის მისამართიდან - სენაკი, ტაბიძის ქ. #71, უნდა წარმოადგინოს ცნობა რომ თითოეული მომსახურების ერთეულის ღირებულებაში გათვალისწინებულია პაციენტის ტრანსპორტირების ღირებულება და თავად უზრუნველყოს პაციენტის გადაყვანა მომსახურების გაწევის ადგილზე.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ფასწარმოქმნის ადეკვატურობის დასაბუთება უნდა მოხდეს:
ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

4.1.1.2 ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული ვალდებულებების შესრულების შესაძლებლობა.

ანგარიშსწორება განხორციელდება უნაღდო ანგარიშწორების ფორმით ეროვნულ ვალუტაში - ლარში, მიმწოდებლის საბანკო ანგარიშზე.

ანგარიშსწორება განხორციელდება ეტაპობრივად, ყოველთვიურად გაწეული მომსახურების შესაბამისად მხარეებს შორის გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარდგენის საფუძველზე, მიღება-ჩაბარების აქტის გაფორმებიდან არაუგვიანეს 10 სამუშაო დღის ვადაში;

ალექსანდრე ბიგვავა, 598171865, aleksandrebigvava@gmail.com

10.1.1. დაზუსტებას არ ექვემდებარება ტექნიკური დოკუმენტაცია, თუ არ არის წარდგენილი დანართი N1 (პრეისკურანტები) ან წარდგენილ დანართში N1 (პრეისკურანტებში) განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. ასეთ შემთხვევაში, სატენდერო კომისია ახდენს პრეტენდენტის დისკვალიფიკაციას.

10.1.2. ყველგან, თუკი სადმე მითითებულია სასაქონლო ნიშანი, მწარმოებელი, ბრენდი და მოდელი ან/და კოდი ან/და მწარმოებლის მიერ მითითებული მაიდენტიფიცირებელი მონაცემი იგულისხმება "მსგავსი" ან "ექვივალენტური". ასევე, თუ მოთხოვნილია სტანდარტთან შესაბამისობა, იგულისხმება მითითებული ან მისი ექვივალენტური სტანდარტი.

10.1.3. 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ, მის მიერ შექმნილ, ელექტრონულ დოკუმენტებზე შეასრულონ უფლებამოსილი პირის კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით, გარდა საქართველოს კანონმდებლობით გათვალისწინებული შემთხვევებისა (იხილეთ სახელმძღვანელო ინსტრუქცია).

10.1.4. სატენდერო წინადადება და მასთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.