Бытовая техника (Грузия - Тендер #72499732)

წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს დანართი N1-ით სამზარეულოს ტექნიკა (თანმდევი მომსახურებით - მონტაჟით), შემდგომში - "საქონელი".

1.2.1. შესყიდვის ობიექტების დეტალური აღწერა მოცემულია თანდართულ ფაილში - დანართი N1 დანართი N1 - 39700000 სამზარეულოს ტექნიკა;
1.2.2. მიწოდებული საქონლის ხარისხი უნდა შეესაბამებოდეს ტექნიკურ დავალებაში მითითებულ მოთხოვნებს;
1.2.5. მიწოდებული საქონელი უნდა იყოს ახალი, უფლებრივად და ნივთობრივად უნაკლო, შეფუთული, ეტიკეტირებით და უნდა აკმაყოფილებდეს მოქმედი კანონმდებლობით დადგენილ მოთხოვნებსა და სტანდარტებს/წესებს.
1.2.6. ყველა პროდუქტზე სავალდებულოდ უნდა იყოს დატანილი:
– ინდივიდუალურ შეფუთვაზე/შეფუთვაში: პროდუქტის დასახელება, მოდელი, მწარმოებელი და ქვეყანა, ელექტრო პარამეტრები (საჭიროების შემთხვევაში), CE, RoHS (თუ ვრცელდება), Food Contact სიმბოლო (თუ ვრცელდება).
– თვითონ პროდუქტზე: მწარმოებლის დასახელება/ლოგო, მოდელი, CE ნიშანი - წაუშლელად;

1.4.1. მიმწოდებელი ვალდებულია, საქონლის მიწოდება, თანმდევი მომსახურებით (მონტაჟით) განახორციელოს ერთიანად, ან ეტაპობრივად, ხელშეკრულების გაფორმებიდან არაუგვიანეს 40 კალენდარულ დღეში.

1.5.1. საქონლის მიწოდების ადგილია ქ. თბილისი, სსიპ კოლეჯი მერმისი, გურამიშვილის ჩიხი 9 ა.

1.5.2. საქონლის მიწოდება, თანმდევი მომსახურებით (მონტაჟით) უნდა განხორციელდეს საქონლის მწარმოებლის ტექნიკური მოთხოვნების და რეკომენდაციების დაცვით.

1.7.1.1. მიმწოდებელმა, დანართი N1-თ განსაზღვრულ თითოეულ შემოთავაზებულ საქონელზე, სწორი ექსპლუატაციის პირობებში, მიღება-ჩაბარების აქტის გაფორმების დღიდან უნდა გაავრცელოს არანაკლებ 1 (ერთი) წლიანი გარანტია;

1.7.1.2. მიმწოდებელი იღებს ვალდებულებას, რომ წინამდებარე ტენდერის ფარგლებში, მის მიერ განსაზღვრული სრული საგარანტიო პერიოდის განმავლობაში გამოვლენილი ნებისმიერი წუნის/ხარვეზის/დაზიანების შემთხვევაში, შემსყიდველი ორგანიზაციის შესაბამისი მიმართვის წარმოდგენიდან არაუგვიანეს 20 (ოცი) კალენდარული დღის ვადაში, საკუთარი ხარჯებით აღმოფხვრას გამოვლენილი წუნი/ხარვეზი/დაზიანება ან ჩაანაცვლოს წუნდებული/ხარვეზიანი/დაზიანებული საქონელი ახლით.

1.7.1.3. საგარანტიო პერიოდში, ერთი და იგივე საქონელი შესაძლებელია არაუმეტეს 3-ჯერ დაექვემდებაროს შეკეთებას. შემდგომი საგარანტიო შემთხვევის დადგომისას, შემსყიდველ ორგანიზაციას უფლება აქვს უარი განაცხადოს საგარანტიო საქონლის შეკეთებაზე და მოსთხოვოს მიმწოდებელს მისი ახლით შეცვლა, წერილობითი მიმართვიდან არაუგვიანეს 10 კალენდარული დღის განმავლობაში.

2.1.1.1. პრეტენდენტმა დანართ N1-ში უნდა მიუთითოს ინფორმაცია შემოთავაზებული საქონლის წარმოების ქვეყნის, მწარმოებლის, ბრენდისა და მოდელის შესახებ. იმ შემთხვევაში, თუ შესყიდვის ობიექტს არ გააჩნია ბრენდი ან/და მოდელი, პრეტენდენტი ვალდებულია ფასების ცხრილის შესაბამის გრაფაში მიუთითოს "არ გააჩნია";

2.1.1.2. შესყიდვის ობიექტის წარმოების ქვეყნის, მწარმოებლის, ბრენდისა ან/და მოდელის დასახელების შესახებ ინფორმაციის წარმოუდგენლობა, ასევე ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;

2.1.1.3. საქონელი უნდა იყოს ახალი, ექსპლუატაციაში არ მყოფი, ნივთობრივად და თვისობრივად უნაკლო ქარხნულად შეფუთული და ეტიკეტირებული კანონმდებლობის შესაბამისად.

2.7.1.1. შემოთავაზებული საქონლის მიკვლევადობისა და და ფასების ცხრილით განსაზღვრულ პარამეტრებთან შესაბამისობის დადგენის/დადასტურების მიზნით, პრეტენდენტმა დანართი N1-ში (ტექნიკური დავალება) უნდა მიუთითოს შემოთავაზებული საქონლის შესაბამისი ვებ-ბმულ(ებ)ი მწარმოებლ(ებ)ის ოფიციალური ვებ-გვერდიდან (data-sheet ან/და კატალოგი ან/და მანუალი) ან/და წარმოადგინოს მწარმოებლის data-sheet/ტექნიკური პასპორტი ან/და მწარმოებლის შესაბამისობის დეკლარაციები ან/და მწარმოებლის ან მისი წარმომადგენლის ან მის მიერ უფლებამოსილი პირის მიერ გაცემული წერილობითი ინფორმაცია, რომლითაც ან რომელთა ერთობლიობითაც დადასტურდება შემოთავაზებული საქონლის შესაბამისობა დანართი N1 - ით განსაზღვრულ ტექნიკურ პარამეტრებთან. მწარმოებლის წერილის წარმოდგენის შემთხვევაში, წერილში აუცილებლად უნდა იყოს მითითებული წინამდებარე ტენდერის ნომერი და პრეტენდენტის დასახელება.

2.7.2.2. პრეტენდენტმა უნდა წარმოადგინოს შემოთავაზებული საქონლის მწარმოებელზე/მწარმოებლებზე, ელექტროტექნიკის სფეროში გაცემული, ძალაში მყოფი სერტიფიკატი - ISO9001.

2.9.1. სახელმწიფო შესყიდვების ერთიან ელექტრონულ სისტემაში ასატვირთი დოკუმენტებია:

ა) დანართი N1 - ფასების ცხრილი;

ბ) 2.7.1. პუნქტის შესაბამისად განსაზღვრული დოკუმეტაცია (არსებობის შემთხვევაში)

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრის’’ მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).
ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით წინამდებარე ტენდერით განსაზღვრული საქონლის მიწოდების შესაძლებლობა.

7.1.1.1. შემსყიდველი ახორციელებს წინასწარ ანგარიშსწორებას (ავანსი), გამარჯვებული პრეტენდენტის მიერ იდენტური ოდენობის საბანკო გარანტიის წარდგენის შემთხვევაში, შემსყიდველსა და მიმწოდებელს შორის ურთიერთ შეთანხებული ოდენობით, მაგრამ არაუმეტეს ხელშეკრულების ჯამური ღირებულების 80%-ისა.

7.1.1.2. წინასწარი ანგარიშსწორების მოთხოვნის შემთხვევაში, ანგარიშსწორება უნდა განხორციელდეს მიმწოდებლის მიერ წარმოდგენილი წინასწარ გადასახდელი თანხის იდენტური ოდენობის საქართველოს ეროვნული ბანკის მიერ ლიცენზირებული საბანკო დაწესებულების მიერ გაცემული უპირობო და გამოუთხოვადი საბანკო გარანტიის საფუძველზე (გარანტიით გათვალისწინებული თანხა შემსყიდველმა უნდა მიიღოს ყოველგვარი დამატებითი განმარტებებისა და მტკიცებულებების წარდგენის გარეშე, პირველი მოთხოვნისთანავე). გარანტია წარმოდგენილი უნდა იქნას ეროვნულ ვალუტაში-ლარში;

7.1.1.3. წინასწარი ანგარიშსწორების გარანტიის მოქმედების ვადა არანაკლებ 90 (ოთხმოცდაათი) კალენდარული დღით უნდა აღემატებოდეს საქონლის მიწოდების საბოლოო ვადას.

7.1.1.4. მიმწოდებლის მიერ წარმოდგენილ საავანსო გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

7.1.1.5. ანგარიშსწორება განხორციელდება საავანსოდ გადახდილი თანხის სრულად გამოქვითვის შემდეგ.

კონსოლიდირებული ტენდერის ფარგლებში საქონლის მიწოდებისას ანგარიშსწორება ხორციელდება უნაღდო ფორმით, ეროვნულ ვალუტაში და მოიცავს საქართველოს კანონმდებლობით დადგენილ ყველა გადასახადს.

ანგარიშსწორება განხორციელდება 2026 წლების სახსრებით, ფაქტობრივად მოწოდებული საქონლის მიხედვით, შესაბამისი მიღება–ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტების წარმოდგენიდან 10 (ათი) სამუშაო დღის განმავლობაში.

კონსტანტინე ონოფრიშვილი, 599959235, kote.onoprishvili@gmail.com

10.1. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან/მონტაჟთან დაკავშირებული ყველა გადასახადის გათვალისწინებით. სატენდერო წინადადების ფასის წარმოდგენა დასაშვებია მხოლოდ ლარში;

10.2. თუ ელექტრონული ვაჭრობის შედეგად, სისტემაში დაფიქსირებული საბოლოო ჯამური ფასიდან გამომდინარე, შესყიდვის ობიექტის ერთეულის ღირებულება განისაზღვრება მრავალნიშნა ათწილადის სახით, პრეტენდენტი ვალდებულია იგი დაამრგვალოს ლარის მეასედის სიზუსტით შემცირების პრინციპით და შესაბამისად შეამციროს ჯამური ღირებულებაც;

10.3. პრეტენდენტის მიერ წარმოდგენილ ფასების ცხრილში მითითებული ერთეულის ფასები არ უნდა აღემატებოდეს ფასების ცხრილში შესყიდვის ობიექტის თითოულ პოზიციაზე განსაზღვრულ ზღვრულ ერთეულის ღირებულებას;

10.4. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად;

10.5. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას;

10.6. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, პრეტენდენტი ვალდებულია წარადგინოს მათი სანოტარო წესით დამოწმებული თარგმანი (დიპლომირებული მთარგმნელის ხელმოწერის დამოწმება). დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია. სატენდერო კომისია, უფლებამოსილია, მოსთხოვოს პრეტენდენტს შესაბამისი დოკუმენტის ორიგინალის ან/და ნოტარიულად დამოწმებული ასლის წარმოდგენა, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება;

10.7. პრეტენდენტის მიერ წარმოდგენილ დოკუმენტს თარგმნა არ სჭირდება, თუ იგი შედგენილია ერთი დოკუმენტის სახით, რომელშიც ტექსტი პარალელურად ქართულ და უცხოურ ენებზეა. ასეთ შემთხვევაში შეუსაბამობის არსებობისას უპირატესობა ენიჭება ქართულ ენას.