Электрическое оборудование (Грузия - Тендер #72499722)

შესყიდვის ობიექტია ავტომანქანებისათვის ციმციმების, ხმოვანი სიგნალისა და ხმამაღლა მოლაპარაკე მოწყობილობების შესყიდვა თანმდევი მონტაჟით

1) ავტომანქანის ძარის სახურავზე დასამაგრებელი ციმციმა - 6 ცალი

ავტომობილის სახურავზე დასადგმელი ციმციმა 4 ცალი მყარი და ძლიერი მაგნიტური სამაგრით , ციმციმას უნდა გააჩნდეს არანაკლებ 10 ცალი არანაკლებ 3 დიოდიანი ლურჯი ნათების მოციმციმე მოდულები. ციმციმას კორპუსი დამზადებული უნდა იყოს ალუმინის მასალისაგან; სამუშაო ძაბვა 12 ვ. ციმციმის კაბელის სიგრძე არანაკლებ 2,5 მეტრი. ციმციმის რეჟიმი არანაკლებ 15 სახის; ზომები: სიგრძე 530 მმ (+/-8მმ), სიმაღლე სადგამის გარეშე არაუმეტეს 45 მმ , სიმაღლე სადგამით არაუმეტეს 65 მმ, სიგანე არაუმეტეს 145 მმ.; მოწყობილობა დაცული უნდა იყოს წყლისა და მტვრის ზეგავლენისაგან;

2) სირენა - 5 ცალი

სირენა: არანაკლებ 100 ვატი სიმძლავრის; უნდა გაჩნდეს დამოუკიდებელი მართვის პულტი (მუქი შეფერილობით), პულტზე განთავსებული უნდა იყოს ჰორნისა და სირენის ღილაკები; პულტი სადენით უნდა იყოს დაკავშირებული სირენის ბლოკთან; მინიმუმ სიგნალები: Hi-Fi, Yelp, Hi-Lo, Wail 1, Wail 2, Manual, Tool, Horn, Siren; ასევე არანაკლებ 2 ღილაკი ციმციმებისათვის.

3) ხმამაღლა მოლაპარაკე - 5 ცალი

ხმამაღლა მოლაპარაკე არანაკლებ 100 ვატი სიმძლავრის, ხმის კომპრესიის დონე 115 დბ (+/- 5დბ); წინაღობა არაუმეტეს 8 ომი. წონა არაუმეტეს 3,20 კგ


შენიშვნა:
1- ზემოაღნიშნული მოწყობილობები თავსებადი უნდა იყოს ერთმანეთთან და მისი მონტაჟის შემდგომ შესაძლებელი უნდა იყოს მთლიანი სისტემის ერთის სამართავი პულტის საშუალებით მართვა.

2- მიმწოდებელმა უნდა უზრუნველყოს ყველა იმ სახარჯი თუ სხვა საჭირო მასალის გამოყენება საკუთარი ხარჯებით რაც საჭიროა მოწყობილობის მონტაჟისათვის და მისი ექსპლუატაციაში გაშვებისათვის.

3- სადენების გადაბმა უნდა განხორციელდეს შესაბამისი უსაფრთხოების სტანდარტების დაცვით, სპეციალური საშუალებებით, ისე რომ არ იწვევდეს სადენების გადახურებას/ლღობას. სადენების გადაბმისას გამოყენებული უნდა იქნას თერმოკუმშვადი მილები;
მოწყობილობებისთვის კვება მიწოდებული უნდა იქნეს უშუალოდ ავტომობილის აკუმულატორიდან სპეციალური დამცველი ბუდით და კაბელის დაბოლოებით (ბუნიკებით);
მოწყობილობების ცენტრალური კვებისთვის გამოყენებულ უნდა იქნას არანაკლებ შესაბამისი კვეთის სადენები;
ციმციმების მართვის ბლოკი დამონტაჟებულ უნდა იქნეს ავტომობილის ძარაში იმგვარად რომ მინიმუმამდე იქნეს დაყვანილი მასში წყლის შეღწევის შესაძლებლობა;
ხმამაღლამოლაპარაკე უნდა დამონტაჟდეს ავტომობილის მყარ კონსტრუქციულ ნაწილზე.

4- მოწყობილობების სამონტაჟო სამუშაოების განხორციელებისას, მიმწოდებლის ბრალეულობით ავტოსატრანსპორტო საშუალების დაზიანების შემთხვევაში, მიყენებული ზიანის აღმოფხვრის ხარჯების სრულად ანაზღაურება ეკისრება მიმწოდებელს;

საქონლის მიწოდების ვადა (თანმდევი მონტაჟით): ხელშეკრულების გაფორმებიდან 30 (ოცდაათი) კალენდარული დღის ვადაში ეტაპობრივად.

საქონლის მიწოდების და თანმდევი მონტაჟი უნდა განხორციელდეს მინიმუმ ქ. თბილისის მასშტაბით

მიწოდებულ შესყიდვის ობიექტზე საგარანტიო პერიოდი უნდა შეადგენდეს არანაკლებ 1 (ერთი) წელს მათი ავტოსატრანსპორტო საშუალებაზე მონტაჟის თარიღიდან. ამასთან, საგარანტიო პერიოდის განმავლობაში, მიწოდებულ შესყიდვის ობიექტზე გამოვლენილი ხარვეზის ან/და ნაკლის აღმოფხვრა მიმწოდებელმა უნდა უზრუნველყოს აღნიშნულის თაობაზე შეტყობინების მიღებიდან (სატელეფონო ზარით ან SMS-ით, ან ელ-ფოსტაზე გაგზავნილი შეტყობინებით, ან ოფიციალური წერილის სახით) არაუგვიანეს 10 (ათი) კალენდარული დღის ვადაში, ხოლო ხარვეზის/ნაკლის გამოსწორების შეუძლებლობის შემთხვევაში, ამავე ვადაში უზრუნველყოს იდენტური მახასიათებლების მქონე ახალი საქონლით შეცვლა, - შემსყიდველის მხრიდან დამატებითი დანახარჯების გაწევის გარეშე (შენიშვნა: მიმწოდებელი ვალდებულია საგარანტიო ვადის შესახებ ინფორმაციაში დააკონკრეტოს საგარანტიო პერიოდი).

პრეტენდენტი ვალდებულია "ფასების ცხრილში" მოცემულ შესაბამის გრაფაში მიუთითოს ინფორმაცია შემოთავაზებული საქონლის წარმოშობის ქვეყნის, მწარმოებლი კომპანიის და საქონლის მოდელის შესახებ.

შენიშვნა:
მოთხოვნილი ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.

პრეტენდენტმა უნდა წარმოადგინოს ინფორმაცია სერვის-ცენტრ(ებ)ის შესახებ მისამართ(ებ)ის მითითებით, მინიმუმ ქ. თბილისის მასშტაბით.

პრეტენდენტმა ერთიანი ელექტრონული სისტემის მეშვეობით უნდა წარმოადგინოს შემოთავაზებული საქონლის მწარმოებლის მიერ გაცემული ინფორმაცია/დოკუმენტი ან ვებ-ბმული მწარმოებლის ოფიციალური ვებ-გვერდიდან, ან კატალოგიდან, რომელიც დაადასტურებს შემოთავაზებული საქონლის ძირითადი ტექნიკური მახასიათებლების შესაბამისობას სატენდერო დოკუმენტაციით განსაზღვრულ მოთხოვნებთან. შესაძლებელია ინფორმაცია ტექნიკური მახასიათებლების შესახებ ქარხნულად იყოს მითითებული შესყიდვის ობიექტზე ან/და მის შეფუთვაზე, შესაბამისად ასეთ შემთხვევაში პრეტენდენტმა ელექტრონული სისტემის მეშვეობით უნდა წარმოადგინოს აღნიშნულის დამადასტურებელი ფოტოსურათი.

პრეტენდენტის მიერ სისტემის მეშვეობით წარმოსადგენი ინფორმაცია/დოკუმენტაცია:
1. ფასების ცხრილი (დანართი #1);
2. შემოთავაზებული საქონლის ტექნიკური და ხარისხობრივი მონაცემების სრული აღწერილობა სატენდერო დოკუმენტაციის 1,2 პუნქტის მოთხოვნათა შესაბამისად
3. გარანტიის შესახებ ინფორმაცია (1.7.1 პუნქტის გათვალისწინებით);
4. მოთხოვნილ ტექნიკურ მახასიათებლებთან და ხარისხის შესაბამისობასთან დაკავშირებული ინფორმაცია/დოკუმენტაცია (2.7.1 პუნქტის მოთხოვნათა გათვალისწინებით);
5. პრეტენდენტის მატერიალურ-ტექნიკურ ბაზასთან დაკავშირებული ინფორმაცია (2.3.1 პუნქტის მოთხოვნათა გათვალისწინებით);

1) იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დასაბუთება (დასაბუთება შესაძლებელია განხორციელდეს სსიპ ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი ექსპერტის/აუდიტორის მიერ გაცემული დასკვნით რომელიც ადასტურებს პრეტენდენტის მიერ დაფიქსირებულ ფასად სატენდერო წინადადებით ნაკისრი ვალდებულებების შესრულების შესაძლებლობას). იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

2) ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით

ანგარიშსწორება განხორციელდება უნაღდო ანგარიშწორების ფორმით.

ანგარიშსწორება განხორციელდება ფაქტიურად მოწოდებული საქონელზე გაფორმებული მიღება-ჩაბარების აქტის, სასაქონლო ზედნადების და საგადასახადო ანგარიშ-ფაქტურის (ასეთის არსებობის შემთხვევაში) საფუძველზე.

ანგარიშსწორებისთვის საჭირო დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში (ეტაპობრივად).

გიგა მენაბდიშვილი, 577925757, giga.menabdishvili@gmail.com

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.