Ремонт и техническое обслуживание медицинского и высокоточного оборудования (Грузия - Тендер #72451202)

ატმოსფერული ჰაერის ხარისხის მონიტორინგის 15 ერთეული სტაციონალური სადგურის და 3 ერთეული მობილური ავტომატური სადგურის სერვის მომსახურებისა და მომსახურებისთვის საჭირო სათადარიგო ნაწილების სახელმწიფო შესყიდვა

სატენდერო დოკუმენტაცია არის დიდი მოცულობის და მისი სრულად გადმოტანა ამ ფორმატში შეუძლებელია, დეტალური ინფორმაცია შეგიძლიათ იხილოთ ტექნიკურ დავალება დანართი №1-ში.

1.4.1. მომსახურების გაწევა უნდა განხორციელდეს ხელშეკრულების გაფორმებიდან 18 (თვრამეტი) თვის განმავლობაში ტექნიკურ დავალებაში (დანართი №1) დაფიქსირებული ვადების გათვალისწინებით;

1.4.1.1. მიმწოდებელი ვალდებულია მომსახურების გაწევის დაწყებამდე განახორციელოს 18 (თვრამეტი) ერთეული ატმოსფერული ჰაერის ხარისხის მონიტორინგის ავტომატური სადგურის წინასწარი ტექნიკური დათვალიერება; წინასწარი დათვალიერება უნდა მოიცავდეს შემდეგს:
● ყველა აირ-ანალიზატორისა და აპარატურის ტექნიკური მდგომარეობის შეფასებას;
● უსაფრთხოების სისტემების ფუნქციონირების შემოწმებას;
● ელექტრო, მექანიკური, როგრამული კომპონენტების და სადგურში შემავალი სხვა კომპონენტების ინსპექტირებას;
● გამოვლენილი ხარვეზებისა და რისკების დაფიქსირებას.

შენიშვნა: წინასწარი დათვალიერება უნდა განხორციელდეს ხელშეკრულების გაფორმებიდან არაუმეტეს 1 (ერთი) თვის განმავლობაში. დათვალიერების შედეგების საფუძველზე მიმწოდებელი ვალდებულია ეტაპობრივად წარმოადგინოს წერილობითი ანგარიში, რომელშიც აისახება თითოეული სადგურის მდგომარეობა და გამოვლენილი საჭიროებები, მათ შორის სადგურებისა და აირანალიზატორების დიაგნოსტიკა. წარმოდგენილი უნდა იქნას შესაბამისი ანგარიში კვალიფიციური ინჟინრის ხელმოწერით. აღნიშნული ანგარიშების წარმოდგენისთანავე გაუწიოს შესაბამისი მომსახურება;

1.4.2. ტექნიკური დავალებით განსაზღვრული სათადარიგო ნაწილების მოწოდება უნდა განხორციელდეს ეტაპობრივად, კერძოდ:
● გრავიმერტულის, ჰორიბას და რუსთავის ერთწლიანი სათადარიგო ნაწილების მოწოდება უნდა განხორციელდეს ხელშეკრულების გაფორმებიდან 2026 წლის 31 დეკემბრამდე;
● იაპონურისა და ტელედინის ერთწლიანი სათადარიგო ნაწილების, ასევე ყველა ორწლიანი სათადარიგო ნაწილს მოწოდება უნდა განხორციელდეს 2027 წლის 01 იანვრიდან 30 აპრილის ჩათვლით;

1.4.3. მიმწოდებელმა ყოველთვიურად წინასწარ უნდა წარმოადგინოს მომსახურების კალენდარი (გეგმა-გრაფიკი) ხელშეკრულების მიხედვით განსახორციელებელი სამუშაოების შესაბამისად. პრეტენდენტმა ტექნიკური მომსახურების ცვლილების თარიღი უნდა შეათანხმოს სააგენტოს შესაბამის წარმომადგენელთან მინიმუმ 1 დღით ადრე;

1.4.4. ტექნიკური მომსახურება უნდა განხორციელდეს სამუშაო საათებში (09:00-18:00სთ), აუცილებელი საჭიროებიდან გამომდინარე შესაძლებელია არასამუშაო საათებსა და დასვენების დღეებშიც ხელშეკრულების გაფორმების დღიდან, ყველა სხვა შემთხვევა წინასწარ უნდა ეცნობოს სააგენტოს წარმომადგენელს;

1.4.5. მომსახურების გაწევა უნდა განხორციელდეს სსიპ გარემოს ეროვნული სააგენტოს წარმომადგენლების კოორდინაციით, ხოლო სამუშაოებზე დასწრებასთან დაკავშირებით გადაწყვეტილებას იღებს შემსყიდველი;

1.4.6. თუ სააგენტოს წარმომადგენელი არ ესწრება სერვისის განხორციელებას, შემსყიდველის მოთხოვნის შემთხვევაში წარმოდგენილი უნდა იქნას სამუშაოების შესრულებასთან დაკავშირებული შესაბამისი ფოტომასალა ან/და ვიდეომასალა;

1.4.7. დეტალური ინფორმაცია ჩატარებული მომსახურების შესახებ ყველა ეტაპზე მიმწოდებლის მიერ შეტანილი უნდა იქნას სააგენტოსთან შეთანხმებულ სპეციალურ ფორმაში;

1.4.8. მიმწოდებელი ვალდებულია ჩატარებული სამუშაოს თვიური, ანგარიში დაკალიბრების პროცედურების ჩათვლით წარმოადგინოს ყოველი თვის დასაწყისის პირველ კვირაში;

1.4.9. მიმწოდებელი ვალდებულია გეგმიურ სამუშაოებს შორის გამოვლენილი ხარვეზის შემთხვევაში შემსყიდველის მიერ შეტყობინებიდან დაუყოვნებლივ (ქ. თბილისში და რუსთავში - არაუმეტეს ერთი კალენდარული დღისა, ხოლო სხვა ადგილას არაუმეტეს - 3 კალენდარული დღისა) აღმოფხვრას პრობლემა, ან/და პრობლემის გადაუჭრელობის შემთხვევაში მიზეზისა და აღმოფხვრის საჭირო ვადების შესახებ წერილობითი შეტყობინების სახით აცნობოს შემსყიდველს;

1.4.10. მიმწოდებელი ვალდებულია მომსახურება განახორციელოს ამ სადგურებისთვის დადგენილი სახელმძღვანელოების (მანუალების) შესაბამისად, ხარისხიანად და უხარვეზოდ. თუ მიმწოდებლის მიერ განხორციელებული მომსახურება აღმოჩნდება ხარვეზიანი ან სახელმძღვანელოებისგან შეუსაბამო ან/და გამოიწვია სადგურების სხვა ნაწილის/კომპონენტის/ხელსაწყოს დაზიანება მიმწოდებელი ვალდებულია აღმოფხვრას შესაბამისი ზიანი საკუთარი ხარჯებით გონივრულ ვადაში არაუმეტეს 30 კალენდარული დღისა, სირთულის მიხედვით;

1.4.11. მიმწოდებლის მიერ უზრუნველყოფილ უნდა იქნას ერთწლიანი და ორწლიანი სათადარიგო ნაწილების სრულად შეცვლა, შემსყიდველს მოთხოვნის შესაბამისად - თითოეული სადგურისთვის არაუმეტეს - 3 სამუშაო დღისა;

1.4.12. გარდა მომსახურების პერიოდში მოწოდებული სათადარიგო ნაწილებისა, საჭიროების შემთხვევაში მიმწოდებლის მიერ უზრუნველყოფილ უნდა იქნას ნებისმიერი სათადარიგო ნაწილის (დაზიანების ან/და მწყობრიდან გამოსვლის შემთხვევაში) შეცვლა შემსყიდველს მოთხოვნის შესაბამისად - თითოეული სადგურისთვის არაუმეტეს - 3 სამუშაო დღისა;

1.4.13. მიმწოდებელი ვალდებულია მომსახურების გაწევის პერიოდში ნებისმიერი ნაწილის შეცვლის შემდეგ უზრუნველყოს დიაგნოსტიკის ჩატარება და წარმოადგინოს შესაბამისი ინფორმაცია სამუშაოს განმახორციელებელი სერვის ინჟინერის ხელმოწერით (არაუმეტეს 3 კალენდარული დღე). კერძოდ, ინფორმაცია არსებული ხელსაწყოების ტექნიკური მდგომარეობის შესახებ, ხოლო ხარვეზების შემთხვევაში მისი მიზეზების შესახებ ინფორმაცია, აგრეთვე დამატებით ჩასატარებელი სამუშაოების, ხელსაწყოს გამართულად ფუნქციონირებისთვის საჭირო დამატებითი ნაწილებისა და მათი სავარაუდო ღირებულების შესახებ ინფორმაცია - არაუმეტეს 3 კალენდარული დღისა;

1.5.1. მომსახურების გაწევა უნდა განხორციელდეს სსიპ გარემოს ეროვნული სააგენტოს კუთვნილი ატმოსფერული ჰაერის დაბინძურების მონიტორინგის სადგურების განთავსების შემდეგ მისამართებზე:

№1 სადგური - ქ. თბილისი – წერეთლის გამზ. №105;
№2 სადგური - ქ. თბილისი – ყაზბეგის გამზ., ვ. გოძიაშვილის სახელობის პარკი;
№3 სადგური - ქ. თბილისი – ვარკეთილი 3, IIIა მ/რ, №325-ის მიმდებარედ;
№4 სადგური - ქ. თბილისი – აღმაშენებლის გამზ. №73ა, „ილიას ბაღი“;
№5 სადგური - ქ. ბათუმი – აბუსერიძის ქ. №1;
№6 სადგური - ქ. ქუთაისი – ლადო ასათიანის ქ. №98;
№7 სადგური - ქ. რუსთავი – ბათუმის ქ. №19;
№8 სადგური - ქ. თბილისი – მარშალ გელოვანის გამზ. №34;
№9 სადგური - ქ. ახალციხე – ასპინძის ქ. №18, №2 საჯარო სკოლის ეზო;
№10 სადგური - ქ. ბათუმი – „ბათუმის ცენტრალური პარკი“;
№11 სადგური - ქ. ზუგდიდი – რუსთაველის ქ. №192, №3 საჯარო სკოლის ეზო;
№12 სადგური - ქ. თელავი – კვირიკე დიდის ქ. №43, №5 საჯარო სკოლის ეზო;
№13 სადგური - ქ. რუსთავი – მეგობრობის გამზ. №35ა, №20 საჯარო სკოლის ეზო;
№14 სადგური - ქ. ქუთაისი – ნინოშვილის ქ. და დ. აღმაშენებლის გამზ. გადაკვეთა (ბაღი);
№15 სადგური - მესტია - დაბა მესტია;
№16 სადგური - მობილური ავტომატური სადგური (GG-583-S) მისაბმელის ტიპის (განთავსების ძირითადი ლოკაცია: მარშალ გელოვანის გამზირი №32ა);
№17 სადგური - მობილური ავტომატური სადგური (GN-039-EA) KIA (განთავსების ძირითადი ლოკაცია: მარშალ გელოვანის გამზირი №32ა);
№18 სადგური - მობილური ავტომატური სადგური (GN-071-EA) IVECO (განთავსების ძირითადი ლოკაცია: მარშალ გელოვანის გამზირი №32ა).

შენიშვნა:
● მობილური ავტომატური სადგურების ადგილმდებარეობის ცვლილებამ არ უნდა გამოიწვიოს მიმწოდებლის მხრიდან სერვის მომსახურების ხელის შეშლა.
● ატმოსფერული ჰაერის დაბინძურების მონიტორინგის სტაციონალური სადგურების ადგილმდებარეობის ცვლილების შემთხვევაში მიმწოდებელს ეცნობება წერილობით.

1.5.2. ნაწილების მიწოდება უნდა განხორციელდეს ქ. თბილისი, დავით აღმაშენებლის გამზირი №150 - სსიპ გარემოს ეროვნული სააგენტო;

1.7.1.1. მიმწოდებლის მიერ მოწოდებული ყველა ნაწილი უნდა იყოს ახალი, ქარხნული და არა მეორადი;

1.7.1.2. მიმწოდებლის მიერ მიწოდებულ სათადარიგო ნაწილებზე სწორი ექსპლუატაციის პირობებში, მიღება-ჩაბარების აქტის გაფორმების დღიდან უნდა ვრცელდებოდეს გარანტია ერთწლიან სათადარიგო ნაწილებზე არანაკლებ 1 (ერთი) წელი, ხოლო ორწლიან სათადარიგო ნაწილებზე არანაკლებ 2 (ორი) წელი;

1.7.1.3. ზემოაღნიშნული ვადის გასვლამდე, მომსახურების პერიოდში მოწოდებულ სათადარიგო ნაწილებზე, ხარვეზის/დაზიანების შემთხვევაში მიმწოდებელი ვალდებულია უზრუნველყოს აღნიშნული ნაწილის შეკეთება ან შეცვლა საკუთარი სახსრებით აღმოჩენიდან გონივრულ ვადაში (არაუმეტეს 60 კალენდარული დღისა, სირთულის მიხედვით);

2.1.1.1. ფასების ცხრილის (დანართი №2) წარმოუდგენლობა, ან მასში შემოთავაზებული საქონლის მწარმოებელი ქვეყნის, მწარმოებლის და მოდელის ან/და კატალოგის ნომრის (ასეთის არსებობის შემთხვევაში) მიუთითებლობა, ასევე განუფასებლად წარმოდგენილი ფასების ცხრილი, დაზუსტებას არ ექვემდებარება და გამოიწვევს პრეტენდენტის დისკვალიფიკაციას, ასევ დაზუსტების ეტაპზე (ასეთის არსებობის შემთხვევაში) პრეტენდენტის მიერ თავდაპირველად შემოთავაზებული მწარმოებელი ქვეყნის, მწარმოებლის და მოდელის ან/და კატალოგის ნომრის(ასეთის არსებობის შემთხვევაში) ცვლილება გამოიწვევს პრეტენდენტის დისკვალიფიკაციას. გარდა იმ შემთხვევისა, თუ სატენდერო დოკუმენტაციის მოთხოვნ(ებ)ის შესაბამისად, შესყიდვის ობიექტის სასაქონლო ნიშნის, პატენტის, მოდელის ან/და კატალოგის ნომრის, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის ან/და კატალოგის ნომრის, წარმოშობის წყაროს ან მწარმოებლის იდენტიფიკაცია.

2.1.1.2. იმ შემთხვევაში, თუ წარმოებულ პროდუქციას არ გააჩნია მოდელის ან/და კატალოგის ნომერი, ფასების ცხრილის (დანართი №2) შესაბამის გრაფაში უნდა გაკეთდეს შესაბამისი ჩანაწერი, მაგალითად - "მოდელი არ გააჩნია" ან მსგავსი აღმნიშვნელი ჩანაწერი.

2.7.1.1. მომსახურება უნდა ჩატარდეს სსიპ გარემოს ეროვნული სააგენტოს კუთვნილი ატმოსფერული ჰაერის დაბინძურების მონიტორინგის 15 ერთეულ ავტომატურ სტაციონალურ და 3 ერთეულ მობილურ სადგურში განთავსებული ხელსაწყოების (აირ ანალიზატორების) მწარმოებლის ან/და მწარმოებლის უფლებამოსილი კომპანიის მიერ სერტიფიცირებული, სერვისის განხორციელების დროს საქართველოში მყოფი სერვის ინჟინერის მიერ ან/და ატმოსფერული ჰაერის ხარისხის მონიტორინგის ავტომატური სადგურების ყოველთვიური და ყოველწლიური მომსახურების არანაკლებ 6-თვიანი გამოცდილების მქონე იურიდიული პირის მიერ, რომელსაც მომსახურების პერიოდში საქართველოს ტერიტორიაზე უნდა ჰყავდეს შესაბამისი არანაკლებ ერთი სერვის ინჟინერი, რომელიც შეძლებს წინამდებარე ტენდერით განსაზღვრული პერიოდის დადგენილ ვადებში უზრუნველყოს შესაბამისი მომსახურების გაწევა.

ა) მწარმოებლის ან/და მწარმოებლის უფლებამოსილი კომპანიის მიერ სერტიფიცირებული სერვის ინჟინრ(ებ)ის შემთხვევაში აღნიშნულის დასადასტურებლად პრეტენდენტმა სისტემაში ატვირთვის გზით უნდა წარმოადგინოს შესაბამისი დამადასტურებელი დოკუმენტი, სერვის ინჟინრის შემდგომი ცვლილება (ან დამატება) დასაშვებია მხოლოდ შემსყიდველის თანხმობით, შესაბამისი დასაბუთებული შუამდგომლობის საფუძველზე და წარმოდგენილ იქნება ახალი სერვის ინჟინრის სერტიფიცირების დამადასტურებელი დოკუმენტი.

ბ) ყოველთვიური და ყოველწლიური მომსახურების არანაკლებ 6-თვიანი გამოცდილების შემთხვევაში, რომელსაც მომსახურების პერიოდში საქართველოს ტერიტორიაზე უნდა ჰყავდეს შესაბამისი არანაკლებ ერთი სერვის ინჟინერი, აღნიშნულის დასადასტურებლად პრეტენდენტმა უნდა წარმოადგინოს ატმოსფერული ჰაერის ხარისხის მონიტორინგის ავტომატური სადგურების ყოველთვიური და ყოველწლიური მომსახურების განხორციელების გამოცდილება. პრეტენდენტი ვალდებულია ერთიან ელექტრონულ სისტემაში ატვირთვის გზით წარმოადგინოს ზემოაღნიშნული გამოცდილების დამადასტურებელი ხელშეკრულებ(ები)ა და ამ ვალდებულების შესრულების დამადასტურებელი შესაბამისი მიღება-ჩაბარების აქტ(ებ)ი ან/და საგადასახადო ანგარიშფაქტურ(ები)ა, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მითითებულ იქნას შესაბამისი SPA, NAT,CMR ან სხვა ნომრ(ებ)ი.

2.9.1. მიმწოდებელი ვალდებულია სერვისის განხორციელების დროს 15 ერთეული სტაციონალური სადგურის და 3 ერთეული მობილური ავტომატური სადგურზე შეცვალოს მომსახურების სათადარიგო ნაწილები. საჭირო ნაწილების მიწოდებას უზრუნველყოფს სააგენტო.

2.9.2. მომსახურების პერიოდის განმავლობაში იმ სათადარიგო ნაწილებზე, რომელიც შემსყიდველის მიერ იქნება მოწოდებული ან/და სადგურზე არსებულ სხვა ნაწილებზე აღმოჩენილი ხარვეზის/დაზიანების აღმოჩენის შემთხვევაში, მიმწოდებელი ვალდებულია უზრუნველყოს ხარვეზის მქონე ნაწილის შესახებ შემსყიდველისთვის ინფორმაციის დაუყოვნებლივ მიწოდება;

2.9.3. ტექნიკური დავალების IV თავის შესაბამისად შემსყიდველს უფლება აქვს მოსთხოვოს მომწოდებელს საკალიბრო აირების ხარისხის დამადასტურებელი სერტიფიკატი და განმაზავებლის წარმოშობის სერტიფიკატი;

2.9.4. ტექნიკური დავალების IV თავის შესაბამისად მომწოდებელმა შემსყიდველს უნდა წარმოუდგინოს კალიბრაციის ანგარიშები ყველა პარამეტრის ჩვენებით - დაკალიბრებიდან არაუმეტეს 3 (სამი) კალენდარული დღისა;

2.9.5. იმ შემთხვევაში თუ საკალიბრო მრუდი აჩვენებს უარყოფით მაჩვენებელს მიმწოდებელი ვალდებულია დასკვნის სახით წარმოადგინოს შესაბამისი დოკუმენტაცია და აღმოფხვრის გზები, და შესაბამისი სამუშაოების ჩატარების შემდგომ განმეორებით გააკეთოს კალიბრაცია, დადებითი შედეგის მიღწევამდე არაუგვიანეს 30 კალენდარული დღისა;

2.9.6. მიმწოდებელი ვალდებულია სადგურებზე სერვისის სამუშაოების დასრულების შემდეგ, უზრუნველყოს სადგურის შიდა სივრცეში სისუფთავის დაცვა;

2.9.7. მიმწოდებელი ვალდებულია მომსახურების გაწევის ბოლო თვეში მომსახურების დასრულების შემდგომ წარმოადგინოს შემაჯამებელი ოქმი, რომელიც უნდა ასახავდეს მომსახურების ხელშეკრულებით გათვალისწინებული ვალდებულებების სრულ და სათანადო შესრულებას.
შემაჯამებელი ოქმი უნდა მოიცავდეს მინიმუმ შემდეგ ინფორმაციას:
• თითოეული ატმოსფერული ჰაერის ხარისხის მონიტორინგის ავტომატური სადგურის ზოგად ტექნიკურ მდგომარეობას მომსახურების დასრულების მომენტისთვის;
• მომსახურების პერიოდში ჩატარებული ყველა გეგმიური და არაგეგმიური სამუშაოს მოკლე აღწერას;
• შეცვლილი სათადარიგო ნაწილების ჩამონათვალს (სადგურების მიხედვით), მათი რაოდენობის, გამოცვლის თარიღებისა და გარანტიის ვადების მითითებით;
• ჩატარებული დიაგნოსტიკისა და კალიბრაციის შედეგების შეჯამებას;
• მომსახურების პერიოდში გამოვლენილი ძირითადი ხარვეზებისა და მათი აღმოფხვრის შესახებ ინფორმაციას;
• იმ შემთხვევებში, თუ მომსახურების პერიოდში დარჩა აღმოუფხვრელი პრობლემა წარმოდგენილ უნდა იქნას შესაბამისი დასკვნა და შემდგომი ქმედებების რეკომენდაცია;
• დასკვნით ნაწილს, სადაც შეფასებული იქნება თითოეული სადგურის გამართულად ფუნქციონირების შესაძლებლობა.
შემაჯამებელი ოქმი წარმოდგენილი უნდა იქნას წერილობითი ფორმით, სამუშაოს განმახორციელებელი სერვის ინჟინრის ხელმოწერით - არაუმეტეს 3 (სამი)კალენდარული დღის ვადაში;

2.9.8. შემაჯამებელი ოქმის მიღების საფუძველზე ჩაითვლება მომსახურების ხელშეკრულებით გათვალისწინებული ვალდებულებების შესრულება.

2.9.9. მოწოდებული ნაწილები თავსებადი უნდა იყოს ტექნიკურ დავალებაში ხსენებულ კომპანიების მიერ წარმოებულ შესაბამის აირ-ანალიზატორებთან;

2.9.10. მოწოდებული საქონელი თავსებადი უნდა იყოს ატმოსფერული ჰაერის ხარისხის მონიტორინგის ტექნიკურ დავალებაში ხსენებულ სადგურებში განთავსებული აირ-ანალიზატორებთან. იმ შემთხვევაში თუ შესყიდვის ობიექტი ვერ დააკმაყოფილებს აღნიშნულ მოთხოვნას შემსყიდველი იტოვებს უფლებას არ მიიღოს საქონელი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერტიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

5 Процентов

10 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულებით მოქმედების ვადას.

6.4.1. ტენდერში გამოყენებულ იქნება ხელშეკრულების შესრულების უზრუნველყოფის საბანკო გარანტია,

6.4.2. უპირობო, გამოუთხოვადი ხელშეკრულების შესრულების უზრუნველყოფის საბანკო გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

შენიშვნა: იმ შემთხვევაში თუ გამარჯვებული პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი ნაკლებია 200 000 ლარზე, დაუშვებელია პრეტენდენტს მოეთხოვოს ხელშეკრულების შესრულების უზრუნველყოფის გარანტიის წარდგენა.

7.1.1.1. შემსყიდველის მოთხოვნის შემთხვევაში, მიმწოდებელი ვალდებულია 2026 და 2027 წლების დაფინანსების ფარგლებში აუთვისებელი თანხების 100%-ის ოდენობის უპირობო და გამოუთხოვადი საბანკო გარანტიები წარმოადგინოს შესაბამისი წლის არაუგვიანეს 01 დეკემბრისა.

7.1.1.2. საბანკო გარანტ(ებ)ია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ ,,საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან), რომლის თანახმადაც გარანტიის გამცემი თანახმაა პირველივე მოთხოვნისთანავე, შემსყიდველის მხრიდან ყოველგვარი დასაბუთებისა და დოკუმენტაციის წარდგენის გარეშე, არაუგვიანეს 10 (ათი) სამუშაო დღის ვადაში, აანაზღაუროს შემსყიდველის მიერ მოთხოვნილი თანხა. გარანტიის მოქმედების ვადა მინიმუმ 30 (ოცდაათი) კალენდარული დღით უნდა აღემატებოდეს შესაბამისი წლის მომსახურების გაწევის დასრულების ვადას.

7.1.1.3. სატენდერო დოკუმენტაციის ამავე მუხლის 7.1.1.1. და 7.1.1.2. პუნქტის ფარგლებში აუთვისებელი თანხის 100%-ის ოდენობის სამუშაო გარანტიის შესაბამის ვადაში წარმოუდგენლობის შემთხვევაში, შემსყიდველი უფლებამოსილია დაუყოვნებლივ, წინასწარი შეტყობინების გარეშე, შეწყვიტოს ხელშეკრულება.

7.1.1.4 მიმწოდებელმა ავანსის თანხები უნდა გამოიყენოს მხოლოდ ამ შესყიდვასთან დაკავშირებული ვალდებულებების შესასრულებლად.

7.2.1. მიმწოდებელთან ანგარიშსწორება განხორციელდება ეტაპობრივად, ფაქტობრივად მიწოდებული და გაწეულ მომსახურებაზე მხარეებს შორის გაფორმებული მიღება–ჩაბარების აქტ(ებ)ის საფუძველზე.

7.2.2. წინასწარ ანგარიშსწორების შემთხვევაში, 7.1.1 მუხლით გათვალისწინებული პირობების შესაბამისად.

7.3.1. მიმწოდებელთან ანგარიშსწორება განხორციელდება ეტაპობრივად, ფაქტობრივად მიწოდებული და გაწეულ მომსახურებაზე მხარეებს შორის გაფორმებული მიღება–ჩაბარების აქტ(ებ)ის წარმოდგენიდან არაუგვიანეს 10 (ათი) სამუშაო დღისა.

7.3.2. წინასწარი ანგარიშსწორების შემთხვევაში, შესაბამისი გარანტიის წარმოდგენის საფუძველზე, არაუგვიანეს 10 (ათი) სამუშაო დღისა.

ილონა არღვლიანი, 577251015, Ilona.Argvliani@nea.gov.ge მარიამი ქიტოშვილი, 595794080, Mariami.Kitoshvili@nea.gov.ge

10.1.1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად და