Ювелирные изделия, часы и другие вещи (Грузия - Тендер #72382054)

1.1.1. შესყიდვის ობიექტი: წიგნისა და საკანცელარიო მაღაზიის სასაჩუქრე ბარათი (ნომინალით: 100 ლარი / 50 ლარი), ზუგდიდის მუნიციპალიტეტის მერიის განათლების, ძეგლთა დაცვის, კულტურის, სპორტისა და ახალგაზრდულ საქმეთა სამსახურის მიერ 2026 წელს დაგეგმილი ღონისძიებების ფარგლებში, სხვადასხვა საგანმანათლებლო და შემეცნებით ღონისძიებებში გამარჯვებული მოსწავლე-ახალგაზრდებისა და პედაგოგებისათვის.

შესყიდვის ობიექტის ტექნიკური აღწერილობა და პირობები

ობიექტის დასახელება: წიგნისა და საკანცელარიო მაღაზიის სასაჩუქრე ბარათი (ნომინალით: 100 ლარი / 50 ლარი); ბარათის რეკვიზიტები და ვიზუალი _ ბარათზე სავალდებულო წესით მითითებული უნდა იყოს: სასაჩუქრე თანხის ოდენობა (100/50 ლარი); მიმწოდებლის ან/და „სავაჭრო ობიექტის“ ან/და „მაღაზიათა ქსელის“ დასახელება; მისამართი (ობიექტები), სადაც შესაძლებელი იქნება ბარათის განაღდება; გამოყენების ვადა; თითოეული ბარათი დამოწმებული უნდა იყოს მიმწოდებლის ხელმოწერითა და ბეჭდით (არსებობის შემთხვევაში); გამოყენების პირობები და ვადები _ ვალიდურობა: ბარათის გამოყენების ვადა უნდა შეადგენდეს მიწოდებიდან 1 (ერთი) კალენდარულ წელს; ონლაინ ხელმისაწვდომობა: მიმწოდებელს უნდა გააჩნდეს ფუნქციონირებადი ვებ-გვერდი, სადაც ბარათის მფლობელს ექნება შესაძლებლობა, წინასწარ შეარჩიოს სასურველი საქონელი; საქონლის ხარისხი და ასორტიმენტი _ ბარათით შესაძლებელი უნდა იყოს წიგნებისა და საკანცელარიო ნივთების შეძენა; მიმწოდებელი ვალდებულია, ბარათის მფლობელს გადასცეს უფლებრივად და ნივთობრივად უნაკლო, ახალი საქონელი. დამატებითი პირობები: იმ შემთხვევაში, თუ ბარათის მფლობელის მიერ შერჩეული საქონლის ღირებულება ნაკლებია ბარათის ნომინალურ ღირებულებაზე, ბარათზე არსებული ნაშთი არ უქმდება. მფლობელს უნდა ჰქონდეს შესაძლებლობა, დარჩენილი თანხა გამოიყენოს მომდევნო შესყიდვ(ებ)ისას, ბარათის მოქმედების ვადის ამოწურვამდე; იმ შემთხვევაში, თუ შერჩეული საქონლის ღირებულება აღემატება ბარათის ნომინალურ ღირებულებას, ბარათის მფლობელს უნდა ჰქონდეს შესაძლებლობა, სხვაობა დაფაროს საკუთარი სახსრებით (ნაღდი ან უნაღდო ანგარიშსწორებით). რაოდენობა: სასაჩუქრე ბარათი, ნომინალური ღირებულება: 100 (ასი) ლარი _ 195 (ასოთხმოცდათხუთმეტი) ცალი; სასაჩუქრე ბარათი, ნომინალური ღირებულება: 50 (ორმოცდაათი) ლარი _ 30 (ოცდაათი) ცალი.

სასაჩუქრე ბარათების მიწოდება უნდა განხორციელდეს შემდეგ მისამართზე: ქ. ზუგდიდი, რუსთაველის ქ. №90, ზუგდიდის მუნიციპალიტეტის მერიის ადმინისტრაციული შენობა.

სასაჩუქრე ბარათების განაღდება შესაძლებელი უნდა იყოს საქართველოს მასშტაბით, პრეტენდენტის მიერ შემოთავაზებულ (არსებულ) მაღაზიათა ქსელში ან/და სავაჭრო ობიექტ(ებ)ში. ამასთან: მიმწოდებელს ქალაქ ზუგდიდში უნდა გააჩნდეს მინიმუმ ერთი ფიზიკური სავაჭრო ობიექტი ან უზრუნველყოს ბარათით შერჩეული საქონლის უფასო მიწოდება (კურიერის ან ფოსტის მეშვეობით) ქალაქ ზუგდიდის ტერიტორიაზე, ბარათის მფლობელის მიერ მითითებულ მისამართზე. დისტანციური (ონლაინ) შეკვეთის შემთხვევაში, საქონლის ტრანსპორტირების ხარჯი სრულად უნდა დაფაროს მიმწოდებელმა.
იმ შემთხვევაში, თუ პრეტენდენტი არ წარმოადგენს შემოთავაზებული სავაჭრო ობიექტ(ებ)ის/ქსელის მფლობელს, იგი ვალდებულია უზრუნველყოს ბარათების შეუფერხებელი განაღდება მესამე პირის (ობიექტის უშუალო მფლობელის) მეშვეობით, რაზეც სრულ პასუხისმგებლობას (მათ შორის, მომსახურების ხარისხსა და ვადებზე) ატარებს მიმწოდებელი.

იმ შემთხვევაშიც, თუ ონლაინ პლატფორმა/ვებგვერდი არ წარმოადგენს პრეტენდენტის საკუთრებას, იგი ვალდებულია უზრუნველყოს ბარათების შეუფერხებელი განაღდება მითითებული პლატფორმის მფლობელ სავაჭრო ობიექტში, რაზეც სრულ სამართლებრივ და ფინანსურ პასუხისმგებლობას ატარებს მიმწოდებელი.

1.4.1. შესყიდვის ობიექტის მიწოდება უნდა განხორციელდეს 2 (ორ) ეტაპად, შემსყიდველის მოთხოვნის შესაბამისად, ხელშეკრულების დადებიდან 2026 წლის 30 სექტემბრამდე.

1.5.1. შესყიდვის ობიექტის მიწოდება უნდა განხორციელდეს მოთხოვნის შესაბამისად, მოთხოვნიდან არაუგვიანეს 5 (ხუთი) სამუშაო დღის განმავლობაში. ყოველ კონკრეტულ ეტაპზე მისაწოდებელი შესყიდვის ობიექტის ნომინალებისა და რაოდენობის დადგენა (დაზუსტება) მოხდება წინასწარ, მიწოდების დაწყებამდე 3 (სამი) სამუშაო დღით ადრე გაგზავნილი შეტყობინების საფუძველზე.
1.5.2. სასაჩუქრე ბარათების მიწოდება უნდა განხორციელდეს შემდეგ მისამართზე: ქ. ზუგდიდი, რუსთაველის ქ. №90, ზუგდიდის მუნიციპალიტეტის მერიის ადმინისტრაციული შენობა. სასაჩუქრე ბარათების განაღდება შესაძლებელი უნდა იყოს საქართველოს მასშტაბით, პრეტენდენტის მიერ შემოთავაზებულ (არსებულ) მაღაზიათა ქსელში ან/და სავაჭრო ობიექტ(ებ)ში.

პრეტენდენტს უნდა გააჩნდეს შესაბამისი მატერიალურ-ტექნიკური რესურსი, რაც უზრუნველყოფს სასაჩუქრე ბარათების შეუფერხებელ განაღდებასა და საქონლის მიწოდებას. აღნიშნულის დასადასტურებლად პრეტენდენტმა უნდა წარმოადგინოს:

1. ინფორმაცია იმ ფიზიკური სავაჭრო ობიექტ(ებ)ის ან/და სარეალიზაციო ქსელის ჩამონათვალი და მისამართები, სადაც შესაძლებელი იქნება ბარათების განაღდება საქართველოს მასშტაბით.
2. ინფორმაცია ფუნქციონირებადი ონლაინ-პლატფორმის ან/და ვებ-გვერდის ელექტრონული მისამართი (Link), სადაც ხელმისაწვდომია პროდუქციის ასორტიმენტი.
3. ინფორმაცია ქალაქ ზუგდიდში არსებული ფიზიკური სავაჭრო ობიექტ(ებ)ის ან/და სარეალიზაციო ქსელის შესახებ, ხოლო ასეთის არარსებობის შემთხვევაში _ წერილობითი დასტური, რომ მიმწოდებელი საკუთარი ხარჯით უზრუნველყოფს შერჩეული საქონლის უფასო საკურიერო/საფოსტო მომსახურებას ქალაქ ზუგდიდის ტერიტორიაზე.
4. თუ პრეტენდენტი თავად არ წარმოადგენს სარეალიზაციო ობიექტის/ვებ-გვერდის მფლობელს, მან უნდა წარმოადგინოს მესამე პირთან (მფლობელთან) გაფორმებული ხელშეკრულება ან მფლობელის მიერ გაცემული თანხმობა/დასტური შესაბამისი რესურსით სარგებლობის შესახებ.

2.9.1. ვაჭრობის შედეგად პრეტენდენტის მიერ დაფიქსირებული საბოლოო დაბალი ფასი განიხილება, როგორც მიმწოდებლის მიერ შემსყიდველისათვის შეთავაზებული ფასდაკლება. მიუხედავად ვაჭრობის შედეგად მიღებული საბოლოო ღირებულებისა, მიმწოდებელი ვალდებულია მოაწოდოს შესაბამისი რაოდენობის სასაჩუქრე ბარათები, რომელთა ნომინალური ღირებულება (მსყიდველობითი უნარი) იქნება უცვლელი და შეადგენს 100 (ასი) და 50 (ორმოცდაათი) ლარს.
2.9.2. სატენდერო წინადადების ღირებულება მოიცავს როგორც შესყიდვის ობიექტის ღირებულებას, ასევე მიმწოდებლის ყველა ხარჯს, დაკავშირებულს ბარათების დამზადებასთან, მათ ტრანსპორტირებასთან, საქართველოს კანონმდებლობით გათვალისწინებულ ყველა გადასახადს (მათ შორის დღგ-ს, ასეთის არსებობის შემთხვევაში) და სხვა თანმდევ ხარჯებს.

თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (დასკვნასთან ერთად ასევე, წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის (სასაჩუქრე ბარათების სრული ნომინალური ღირებულებით მომსახურების) მიწოდების შესაძლებლობას.

ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ჯამურ ფასთან, ისე თითოეული ნომინალის ბარათის მომსახურების შესაძლებლობასთან მიმართებაში, იმ პირობით, რომ ბარათის მფლობელისათვის ხელმისაწვდომი საქონლის ღირებულება არ შემცირდება ბარათის ნომინალურ ღირებულებაზე (100/50 ლარი) ქვემოთ.

ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად მიწოდებული შესყიდვის ობიექტის (სრული რაოდენობის აქტიური სასაჩუქრე ბარათების შემსყიდველისთვის გადაცემის) გათვალისწინებით, შესაბამისი მიღება-ჩაბარების აქტისა და საქართველოს კანონმდებლობით დაშვებული საგადასახადო დოკუმენტების (სასაქონლო ზედნადები ან/და საგადასახადო ანგარიშფაქტურა ან/და სხვა დოკუმენტები) საფუძველზე.

7.3.1. ანგარიშსწორება განხორციელდება ფაქტობრივად მიწოდებული შესყიდვის ობიექტის (სრული რაოდენობის აქტიური სასაჩუქრე ბარათების შემსყიდველისთვის გადაცემის) გათვალისწინებით, შესაბამისი მიღება-ჩაბარების აქტის ხელმოწერიდან და საგადასახადო დოკუმენტების (სასაქონლო ზედნადები ან/და საგადასახადო ანგარიშ-ფაქტურა ან/და სხვა დოკუმენტები) დადასტურებიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით.
4) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებს.