Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #72382013)

შსს ლოჯისტიკის დეპარტამენტისა და სტრატეგიული მილსადენების დაცვის დეპარტამენტების მოთხოვნის უზრუნველსაყოფად, საყოფაცხოვრებო მაცივრების შეკეთების და ტექნიკური მომსახურების შესყიდვა.

1.2.1 ტექნიკური მომსახურება უნდა განხორცილდეს დანართ N1-ში (პრეისკურანტში) მითითებული შესაბამისი საქონლის და მომსახურების შესაბამისად.
1.2.2 მომსახურება უნდა განხორციელდეს მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
1.2.3 მიმწოდებელი ვალდებულია მომსახურების გაწევისას გამოიყენოს ახალი (არამეორადი) სათადარიგო ნაწილები. მეორადი სათადარიგო ნაწილის გამოყენება დასაშვებია მხოლოდ შემსყიდველთან შეთანხმებით, რა შემთხვევაშიც, მეორადი სათადარიგო ნაწილის ფასი განსაზღვრული იქნება ურთიერთშეთანხმებით, საბაზრო ფასის გათვალისწინებით.
1.2.4 პრეისკურანტში დანადგარის ტექნიკური მომსახურების/საქონლის რომელიმე ერთეულის არასებობისას, აღნიშნული ერთეულის ფასი (მისი შესყიდვის აუცილებლობისას) დადგინდება შემსყიდველისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში დანადგარის ტექნიკური მომსახურების ერთულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.5 საყოფაცხოვრებო მაცივრების მარკა და რაოდენობა მოცემულია დანართში: ,,ინფორმაცია მაცივრების რაოდენობის შესახებ"
1.2.6 შემსყიდველის ქონების დაზიანების შემთხვევაში, მიმწოდებელი ვალდებულია საკუთარი ხარჯებით აღმოფხვრას ზიანი.
1.2.7 მიმწოდებელმა შეცვლილი დეტალები უნდა დატოვოს ობიექტზე, შესაბამის უფლებამოსილ პირთან.
1.2.8 შემსყიდველი უფლებამოსილია შეწყვიტოს მიმდინარე ხელშეკრულება, თუ მიმწოდებელზე გაგზავნილ იქნა ორი ან მეტი გამაფრთხილებელი წერილი, სადაც დაფიქსირებული იქნება მათ მიერ სამუშაოს არაჯეროვნად ან ვადაგადაცილებით შესრულების შემთხვევები.

მომსახურების გაწევის ვადა: ხელშეკრულების გაფორმებიდან 2027 წლის 31 მარტის ჩათვლით, ეტაპობრივად, შემსყიდველის მოთხოვნის შესაბამისად კერძოდ:

შემსყიდველის ან და მიმწოდებლის მიერ მაცივრის სერვის ცენტრში მიტანიდან 3 (სამი) კალენდარული დღის განმავლობაში მიმწოდებელმა უნდა უზრუნველყოს დეფექტური აქტის მომზადება.

დეფექტური აქტის ხელმოწერიდან 7 (შვიდი) კალენდარული დღის განმავლობაში მიმწოდებელმა უნდა უზრუნველყოს მაცივრის შეკეთება.

შეტყობინება განხორციელდება ელექტრონული ფოსტის საშუალებით.

შემსყიდველის მიერ საბოლოო მოთხოვნა შესაძლებელია განხორციელდეს არაუგვიანეს 2027 წლის 20 მარტისა.

მომსახურების გაწევის ადგილი: ქ. თბილისი, მიმწოდებლის სერვის ცენტრ(ებ)ი.

ა) შესაკეთებელი და შეკეთებული ტექნიკის ტრანსპორტირებას რეგიონებიდან მიმწოდებლის სერვის ცენტრში უზრუნველყოფს შემსყიდველი.

ბ) შესაკეთებელი და შეკეთებული ტექნიკის ტრანსპორტირებას ქ. თბილისში გულუას ქუჩა №10-დან და ქ. თბილისი დიდი ლილო ერეკლე მეორის 87-დან მიმწოდებლის სერვის ცენტრში განახორციელებს მიმწოდებელი.

შეტყობინება განხორციელდება ელექტრონული ფოსტის საშუალებით.

1.7.1.1 საგარანტიო ვადა (მიმწოდებლის მიერ შეცვლილ სათადარიგო ნაწილებზე) მიღება-ჩაბარების აქტის გაფორმებიდან არანაკლებ 6 (ექვსი) თვე. პრეტენდენტი ვალდებულია წარმოადგინოს ინფორმაცია საგარანტიო ვადის შესახებ. საგარანტიო პერიოდში დაზიანების, ხარვეზების გამოვლენის შემთხვევაში:

შემსყიდველის მიერ მაცივრის სერვის ცენტრში მიტანიდან 3 (სამი) კალენდარული დღის განმავლობაში მიმწოდებელმა უნდა უზრუნველყოს დეფექტური აქტის მომზადება.

შემსყიდველის მოთხოვნიდან (წერილობითი, ელ. ფოსტის მეშვეობით) 3 (სამი) კალენდარული დღის განმავლობაში მიმწოდებელი უნდა გამოცხადდეს შემსყიდველის ობიექტზე და იგივე ვადაში უზრუნველყოს დეფექტური აქტის მომზადება.

დეფექტური აქტის ხელმოწერიდან 7 (შვიდი) კალენდარული დღის განმავლობაში მიმწოდებელმა უნდა უზრუნველყოს მაცივრის შეკეთება.

საგარანტიო პერიოდში მიმწოდებელმა საკუთარი ხარჯებით უნდა უზრუნველყოს საქონელზე გამოვლენილი ნაკლის (ხარვეზის) აღმოფხვრა.

ქ. თბილისში გულუას ქუჩა №10-დან და ქ. თბილისი დიდი ლილო ერეკლე მეორის 87-დან შესაკეთებელი და შეკეთებული მაცივრის ტრანსპორტირებას უზრუნველყოფს მიმწოდებელი, ხოლო რეგიონებში შესაკეთებელი და შეკეთებული მაცივრის ტრანსპორტირებას უზრუნველყოფს შემსყიდველი.

სერვისის გამწევი ქვეკონტრაქტორის არსებობის შემთხვევაში პრეტენდენტი ვალდებულია წარმოადგინოს:

ა) ქვეკონტრაქტორთან გაფორმებული მოქმედი ხელშეკრულება (წარმოდგენილ ხელშეკრულებაში, ხელშეკრულების საგანში გარკვევით უნდა იკითხებოდეს (ტექსტის შინაარსიდან ირკვეოდეს) ინფორმაცია წინამდებარე ტენდერით განსაზღვრული ანალოგიური მომსახურების გაწევის თაობაზე). ასევე, სავალდებულოა რომ აღნიშნულ ხელშეკრულებაში ტექ-მომსახურების გაწევის ვადები განსაზღვრული იყოს არაუადრეს 2027 წლის 31 მარტისა.

2.9.1 პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილი მომსახურების პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ფასებს.
2.9.2 პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).
2.9.3 პრეტენდენტის მიერ (ძირითად დროში ან ვაჭრობის დამატებითი რაუნდების შედეგად ფასის ცვლილება) წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.
2.9.4 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), გამოიწვევს პრეტენდენტის დისკვალიფიკაციას აღნიშნულ ტენდერში.

2.9.5 პრეტენდენტი ვალდებულია წარმოადგინოს ინფორმაცია მომსახურების გაწევის ადგილმდებარეობის შესახებ - სერვის-ცენტრ(ებ)ის მისამართ(ებ)ის მითითებით.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული მომსახურების გაწევის შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N 12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ლარში.

ანგარიშსწორება შემსყიდველის მიერ მოხდება ფაქტიურად გაწეული მომსახურების მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

ირინე დვალი, 577540740, idvali@mia.gov.ge ტექნიკურ საკითხებთან დაკავშირებით დაუკავშირდით მიხეილ გეჯაძეს ტელ: 577 94-84-16 და გოჩა ცანავას ტელ: 577 27-16-20.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.

10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2. პრეტენდენტის მიერ ერთიან ელექტრონულ სისტემაში ასატვირთი დოკუმენტები:

10.2.1 „განფასების ცხრილი“ - პრეისკურანტი (აღნიშნული დოკუმენტის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).

10.2.2 სატენდერო დოკუმენტაციის 1.7.1, 2.8.1 და 2.9.5 პუნქტების მოთხოვნებით გათვალისწინებული ინფორმაცია/დოკუმენტაცია.