Услуги в области тестирования, анализа и технических консультаций (Грузия - Тендер #72314739)

ქ. თბილისში, ვაკის რაიონში, უნივერსიტეტის ქუჩისა და ბაგების დამაკავშირებელი საფეხმავლო ხიდის ტექნიკური მდგომარეობის გამოკვლევა-გამოცდის მომსახურების სახელმწიფო შესყიდვა.

დავალების მიზანი:
ქალაქ თბილისში, ვაკის რაიონში, უნივერსიტეტის ქუჩისა და ბაგების დამაკავშირებელი საფეხმავლო ხიდის გამოკვლევა-გამოცდის სამუშაოების განხორციელებას სტატიკურ და დინამიკურ დატვირთვებზე, მათი ტექნიკური მდგომარეობის შესაფასებლად და გამოკვლევა-გამოცდის შედეგების გათვალისწინებით დეტალური საინჟინრო ანგარიშის და საპროექტო გადაწყვეტისათვის რეკომენდაციების წარმოდგენა.

მომსახურების ძირითადი სახეობები:
მიმწოდებელმა ხელშეკრულების თანახმად ხიდის გამოკვლევა-გამოცდის სამუშაოების განხორციელებისას სტატიკურ და დინამიკურ დატვირთვებზე, მათი ტექნიკური მდგომარეობის შესაფასებლად უნდა უზრუნველყოს შემდეგი ღონისძიებები:
 საპროექტო გადაწყვეტიდან გადახრის დაფიქსირება (თუ კი ასეთი არსებობს);
 ხიდის კონსტრუქციული ელემენტების (ბურჯები, სარეგულაციო კედლების, საყრდენი ნაწილები, მალის ნაშენი, სავალი ნაწილი, ტროტუარები, მოაჯირები, დეფორმაციული ნაკერები, მისასვლელები) შესწავლა, ტიპებისა და გეომეტრიული ზომების დადგენა (აზომვითი სამუშაოების ჩატარება), დეფექტების დაზიანებების და უწესრიგობების გამოვლენა და დაფიქსირება;
 ხიდის სისწორის და მათი გრძივი და განივი ქანობების დადგენა გეოდეზიური ხელსაწყოებით;
 ხიდის სავალი ნაწილიდან და მისასვლელებიდან წყლის აცილების სისტემის შემოწმება და ტექნიკური მდგომარეობის შეფასება;
 ხიდის მალის ნაშენის გამოცდა სტატიკურ და დინამიკურ დატვირთვებზე;
 სავალი ნაწილის მდგომარეობის გამოკვლევა;
 გამოცდის შედეგების ანალიზი;
 ხიდის ტექნიკური მდგომარეობის შეფასება, დასკვნების მომზადება და შემდგომი ღონისძიებების რეკომენდაციების დამუშავება.

შენიშვნა: ტექნიკური დავალება და მომსახურების ხარჯთაღრიცხვა (დანართი N1) ატვირთულია სატენდერო დოკუმენტაციასთან ერთად.

მიწოდების ვადა: წერილობითი დავალების მიცემიდან 30 (ოცდაათი) კალენდარული დღე.

გამოკვლევა-გამოცდის შედეგების და რეკომენდაციების მიწოდების ადგილი: ქ. თბილისი, ჟიული შარტავას ქუჩა N7, ქალაქ თბილისის მუნიციპალიტეტის მერიის ადმინისტრაციული შენობა.

2.7.1 პრეტენდენტს უნდა გააჩნდეს შესაბამის სფეროში აკრედიტებული ლაბორატორია (აკრედიტაციის მოწმობის მოქმედების ვადა არანაკლებ 30 კალენდარული დღით უნდა აღემატებოდეს შესყიდვის ობიექტის მიწოდების ვადას), ან გაფორმებული ჰქონდეს განზრახვათა (წინასწარი) ხელშეკრულება (რომლის მოქმედების ვადა არანაკლებ 30 კალენდარული დღით უნდა აღემატებოდეს შესყიდვის ობიექტის მიწოდების ვადას) ასეთ ლაბორატორიასთან, რომ გამარჯვების შემთხვევაში, აღნიშნული ლაბორატორია, მიმწოდებლის დავალებით განახორციელებს კონკრეტულ გამოცდა-გამოკვლევას. ორივე შემთხვევაში ლაბორატორია აკრედიტებული უნდა იყოს ხიდების ,,გამოკვლევა და გამოცდის’’ ან/და ,,სახიდე გადასასვლელების’’ - ურღვევი კონტროლის მეთოდების მიმართულებით.
2.7.2 პრეტედენტის მიერ წარმოდგენილი უნდა იქნას მის სახელზე რეგისტრირებული ლაბორატორიის აკრედიტაციის დამადასტურებელი დოკუმენტი, ან/და მოქმედი კანონმდებლობის შესაბამისად აკრედიტირებულ ლაბორატორიასთან (ან მის მფლობელთან) გაფორმებული განზრახვათა (წინასწარი) ხელშეკრულება და აკრედიტაციის დამადასტურებელი დოკუმენტი (სატენდერო პირობების 2.7.1 პუნქტის შესაბამისად).

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება 2026 წლის ქ. თბილისის ბიუჯეტის სახსრებით, მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ცირა მაღრაძე, 599722004, ts.magradze@tbilisi.gov.ge ტელ: +99532 237 85 71. ტექნიკურ საკითხებთან დაკავშირებით საკონტაქტო პირი: შალვა ზარიძე, ტელეფონის ნომერი: 595282822, ელ. ფოსტა: infrastructure@tbilisi.gov.ge

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი (არ ვრცელდება სატენდერო დოკუმენტაციის №1 დანართზე) ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება). სავალდებულოა პრეტენდენტის მიერ მომსახურების ხარჯთაღრიცხვა ატვირთული იქნას MS Excel-ის ფორმატის ფაილის სახით, დანართი N1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა წარმოდგენილ უნდა იქნას MS Excel-ის ფორმატის ფაილის სახით, დანართი №1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. პრეტედენტის მიერ წარმოდგენილი უნდა იქნას მის სახელზე რეგისტრირებული ლაბორატორიის აკრედიტაციის დამადასტურებელი დოკუმენტი, ან/და მოქმედი კანონმდებლობის შესაბამისად აკრედიტირებულ ლაბორატორიასთან (ან მის მფლობელთან) გაფორმებული განზრახვათა (წინასწარი) ხელშეკრულება და აკრედიტაციის დამადასტურებელი დოკუმენტი, რომლის მოქმედების ვადა არანაკლებ 30 კალენდარული დღით უნდა აღემატებოდეს შესყიდვის ობიექტის მიწოდების ვადას (დოკუმენტაცია წარმოდგენილ უნდა იქნას სატენდერო პირობების 2.7.1 პუნქტის შესაბამისად).

შენიშვნა: სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.