Марки, чековые книжки, банкноты, акции, рекламные материалы, каталоги и справочники (Грузия - Тендер #72254750)

შპს ,,ეკოსერვის ჯგუფი“-ს საკუთრებაში არსებული ავტოსატრანსპორტო საშუალებებისთვის, მისაკრავი სტიკერების სახელმწიფო შესყიდვა თანმდევი მომსახურებით - მონტაჟით.

შესყიდვის ობიექტის აღწერა (ტექნიკური დავალება):

1.2.1. ძირითადი ბრენდირება - მასალა: ორაფოლის არაკალი / პრიალა;
1.2.2. მერიის ლოგო - მასალა: სტიკერი ლამინაციით / პრიალა;
1.2.3. სტიკერები ადვილად არ უნდა ძვრებოდეს; უნდა იყოს წყალგამძლე და ნესტგამძლე; მზეზე არ უნდა ხუნდებოდეს;
1.2.4. ფერები: მწვანე, ყავისფერი;
1.2.5 მიმწოდებელმა, მომსახურების გაწევამდე უნდა წარმოადგინოს ნიმუშები, ფერის კონკრეტული ტონალობის შერჩევის მიზნით;

შენიშვნა:
1. მიმწოდებელმა უნდა უზრუნველყოს მიწოდებული სამუშაო ფაილების ზომებში მოქცევა, ბეჭდვა და სტიკერების შპს ,,ეკოსერვის ჯგუფი"-ს საკუთრებაში არსებულ ავტოსანტრასპორტო საშუალებებზე მონტაჟი (გაკვრა) ყველა მხარეს (წინ, უკან და ორივე მხარეს), თანდართული ესკიზების შესაბამისად.
2. მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
3. ავტოსატრანსპორტო საშუალებების ჩამონათვალი და რაოდენობა მოცემულია სატენდერო პირობების დანართი N1-ში (ფასების ცხრილი), ხოლო ესკიზები ატვირთულია 1.2 პუნქტში.

მისაკრავი სტიკერების მიწოდება თანმდევი მომსახურებით - მონტაჟით უნდა განხორციელდეს ხელშეკრულების გაფორმებიდან 2026 წლის 30 დეკემბრის ჩათვლით პერიოდში, ეტაპობრივად, შემსყიდველის მოთხოვნიდან (შემსყიდველის წერილობითი დავალების მიცემიდან) 40 (ორმოცი) სამუშაო დღის ვადაში (შემსყიდველის წერილობითი შეტყობინება შესაძლებელია განხორციელდეს როგორც ელექტრონული ფოსტის ასევე ოფიციალური წერილის საშუალებით).

1.5.1. მისაწოდებელი საქონელი უნდა აკმაყოფილებდეს სატენდერო დოკუმენტაციის 1.2 პუნქტით განსაზღვრულ ტექნიკურ პარამეტრებს;
1.5.2. საქონლის მიწოდება უნდა განხორციელდეს მიმწოდებლის ხარჯით შემდეგ მისამართზე: ქშესყიდვის ობიექტის (მათ შორის მონტაჟის) მიწოდების ადგილი: ქ.თბილისი, ორხევის დასახლება, ახვლედიანის ქუჩა, მე-2 შესახვევი, N4 ან/და ქალაქ თბილისის მუნიციპალიტეტის ტერიტორიაზე მდებარე მიმწოდებლის მისამართი.
1.5.3. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.
1.5.4. შემსყიდველი უფლებამოსილია მოახდინოს საქონლის ინსპექტირება და მისი სატენდერო დოკუმენტაციის მოთხოვნებთან შეუსაბამობის შემთხვევაში უარი თქვას მის მიღებაზე.
1.5.5. მიმწოდებელმა საქონლის მიწოდებისას უნდა წარმოადგინოს სასაქონლო ზედნადები, რომელშიც საქონლის დასახელება უნდა ემთხვეოდეს ხელშეკრულებაში მითითებულ საქონლის დასახელებას.

1.7.1.1. მისაკრავი სტიკერების საგარანტიო ვადა სწორი ექსპლოატაციის პირობებში უნდა შეადგენდეს მიღება-ჩაბარების აქტის გაფორმებიდან არანაკლებ 6 (ექვსი) თვეს.
1.7.1.2. თუ საგარანტიო პერიოდის განმავლობაში საქონლის ექსპლოატაციისას გამოვლინდება დეფექტი ან/და ნაკლი, მიმწოდებელი ვალდებულია შემსყიდველის შეტყობინებიდან 10 (ათი) სამუშაო დღის ვადაში უზრუნველყოს დეფექტის აღმოფხვრა საკუთარი ხარჯით ან შეცვალოს დაზიანებული საქონელი ახალი ექსპლუატაციაში არ მყოფი ანალოგიური საქონლით.
1.7.1.3. საგარანტიო ვადის მითითება უნდა მოხდეს ფასების ცხრილში.

2.2.1.1. პრეტენდენტს უნდა გააჩნდეს არანაკლებ შესყიდვის ობიექტის სავარაუდო ღირებულების 50%-ის ოდენობის, მისაკრავი სტიკერების ან/და მისაკრავი ეტიკეტების მიწოდების გამოცდილება, მათ შორის პრეტენდენტს უნდა გააჩნდეს ავტოსატრანსპორტო საშუალებებისთვის განკუთვნილი მისაკრავი სტიკერების (თანმდევი მომსახურებით - მონტაჟით) მიწოდების გამოცდილება (გამოცდილების შესახებ ინფორმაცია პრეტენდენტმა უნდა წარმოადგინოს დანართი N2-ის შესაბამისად ან 2.2.1.3 პუნქტის გათვალისწინებით.
2.2.1.2. დანართი N2-ის ატვირთვა სავალდებულო არ არის;
2.2.1.3. იმ შემთხვევაში თუ დანართი N2 არ იქნება ატვირთული ან დანართ N2-ში არ იქნება ასახული ინფორმაცია CMR/SPA/NAT/MEP ნომრების შესახებ ან ასახული CMR/SPA/NAT/MEP ნომრებში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების პრეტენდნენტის მიერ შესრულების დადასატურებას, პრეტენდენტმა უნდა წარმოადგინოს ამ გამოცდილების დამადასტურებელი დოკუმენტ(ებ)ის ასლები (ხელშეკრულება და მიღება-ჩაბარების აქტი ან/და დამკვეთის მიერ დადასტურებული სხვა სახის რაიმე დოკუმენტი რომლითაც დადასტურდება პრეტენდენტის გამოცდილების სატენდერო პირობებთან შესაბამისობა).

პრეტენდენტის მიერ ერთიან ელექტრონულ სისტემაში ასატვირთი მონაცემები:

2.9.1. პრეტენდენტმა უნდა წარმოადგინოს ფასების ცხრილი სატენდერო დოკუმენტაციის დანართი N1-ს შესაბამისად (ფასების ცხრილის წარმოუდგენლობა ან ისეთი ფასების ცხრილის წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
2.9.2. გამოცდილების დამადასტურებელი დოკუმენტაცია სატენდერო პირობების 2.2.1 პუნქტის გათვალისწინებით.

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2 ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
7.2.2 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
7.2.3 დაფინანსების წყარო: შპს ,,ეკოსერვის ჯგუფი“-ს 2026 წლის სახსრები.
7.2.4 ანგარიშსწორება განხორციელდება ფაქტობრივად მოწოდებული საქონლის (თანმდევი მომსახურებით) ღირებულების შესაბამისად, მიღება–ჩაბარების აქტის და ინსპექტირების აქტის საფუძველზე, სასაქონლო ზედნადებისა და საგადასახადო ანგარიშ–ფაქტურის (ანგარიშსწორების მომენტში დღგ-ს გადამხდელის შემთხვევაში) მიმწოდებლის მიერ შემსყიდველისთვის წარდგენის შემდეგ.
შენიშვნა: იმ შემთხვევაში თუ მიმწოდებლის მიერ წარმოდგენილ სასაქონლო ზედნადებში მითითებული საქონლის დასახელება არ ემთხვევა ხელშეკრულებაში მითითებულ საქონლის დასახელებას, შემსყიდველი უფლებამოსილია არ აუნაზღაუროს მიმწოდებელს მიწოდებული საქონლის ღირებულება.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო ყველა დოკუმენტაციის წარმოდგენიდან 10 (ათი) სამუშაო დღის ვადაში.

გელა იაკობაშვილი, 577095553, gelaiakobashvili7@gmail.com სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.