Полные или частичные строительные работы и публичные работы (Грузия - Тендер #72254740)

სსიპ-სურსათის ეროვნული სააგენტოს ბათუმის ოფისის მშენებლობა

1.2.1. საოფისე შენობა უნდა აშენდეს ქ. ბათუმში (ბაგრატიონის ქ. #127-ში (ს/კ 05.26.02.617), სსიპ სურსათის ეროვნული სააგენტოს კუთვნილ მიწის ნაკვეთზე;
1.2.2. მიმწოდებელი ვალდებულია, სამუშაოები შეასრულოს მოქმედი სამშენებლო ნორმებითა და წესებით;
1.2.3. მიმწოდებელი პასუხისმგებელია შეასრულოს სამუშაო უსაფრთხო და ეკოლოგიურად მისაღები გზით და ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციისა და მტვრის გავლენა.
1.2.4. მიმწოდებელმა თვალსაჩინო ადგილას უნდა განათავსოს მინიმუმ 1 ცალი საინფორმაციო დაფა (არანაკლებ 150 სმ/100 სმ) შემსყიდველის მიერ გადაცემული ესკიზის შესაბამისად. მიმწოდებელი ასევე ვალდებულია უზრუნველყოს სამუშაო პროცესში მისთვის საჭირო კომუნიკაციის მიყვანა და ასევე ამ პროცესში მოხმარებული კომუნალური მომსახურების გადახდა (ელექტროენერგია, წყალი);
1.2.5.სამუშაოების წარმოების პროცესში, სამუშაოს ახალი პოზიცი(ებ)ის წარმოქმნის შემთხვევაში, შემსყიდველის მხრიდან ანაზღაურება განხორციელდება სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის მიერ გაცემული დასკვნით განსაზღვრული ახალი პოზიციის ერთეულის ფასის ფარგლებში, ექსპერტიზის დასკვნით დადგენილი ფაქტობრივი დანახარჯების მიხედვით.
1.2.6.სატენდერო დოკუმენტაციაში (ხარჯთაღრიცხვაში) ჩამოთვლილ საქონელზე, სადაც მითითებული იქნება კონკრეტული საქონლის ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება მსგავსი, უკეთესი ან ექვივალენტური.
1.2.7. ობიექტზე მთლიანი ან ნაწილობრივი სამუშაოს შესრულების თაობაზე მიმწოდებელი ადგენს შესრულებული სამუშაოს აქტს (ფორმა №2), რომლის პროექტთან შესაბამისობას შეამოწმებს და ადასტურებს შემყიდველის მიერ განსაზღვრული, მშენებლობაზე ზედამხედველობის განმახორციელებელი პირ(ებ)ი.
1.2.8. მშენებლობაზე ზედამხედველობის განმახორციელებელი პირ(ებ)ის მხრიდან შესრულებული სამუშაოების უარყოფითად ან წუნით შეფასების შემთხვევაში, შესაბამის სამუშაოთა შესრულების შესახებ დოკუმენტაცია გაფორმდება მხოლოდ მითითებული დეფექტების და წუნის აღმოფხვრის შემდეგ.
1.2.9. დასრულებულ სამუშაოზე (საბოლოოდ და არა შუალედურზე) უნდა შედგეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტებული პირის საექსპერტო დასკვნა (A კატეგორია). ექსპერტიზის დასკვნა უნდა ადასტურებდეს შესრულებული სამუშაოების აქტში (ფორმა №2) ასახული გახარჯული მასალებისა და შესრულებულ სამუშაოთა მოცულობების ნამდვილობას. ექსპერტის დასკვნის მოპოვება წარმოადგენს მომწოდებლის ვალდებულებას.
1.2.10. მიმწოდებელმა უნდა მისცეს საშუალება შემსყიდველის მიერ უფლებამოსილ ნებისმიერი პირს შევიდეს ობიექტის ტერიტორიაზე ან ნებისმიერ ადგილას, სადაც ხორციელდება ან უნდა განხორციელდეს კონტრაქტთან დაკავშირებული სამუშაოები. განახორციელოს შემსყიდველი უფლებამოსილი წარმოამდგენლის და/ან შემსყიდველის ტექნიკური ზედამხედველის ყველა მითითება/განკარგულება (წერილობითი ფორმით), რომელიც შეესაბამება იმ ადგილის კანონმდებლობას სადაც ობიექტია განლაგებული.
შემსყიდველს უფლება აქვს მიმწოდებლის მიერ სამუშაოს განხორციელების ნებისმიერ ეტაპზე განახორციელოს ინსპექტირება.
1.2.11. მიმწოდებელი ვალდებულია ფარული სამუშაოები აწარმოოს ტექნიკური ზედამხედველობის (ინსპექტირების) განმახორციელებელი პირის/ჯგუფის წევრის (წევრების) უშუალო ზედამხედველობის ქვეშ. ინსპექტირებას ახორციელებს შემსყიდველის უფლებამოსილი წარმომადგენლები.
1.2.12. სამუშაოების დასრულების შემდეგ მიმწოდებელი ვალდებულია თავისი ძალებითა და სახსრებით ერთი კვირის განმავლობაში გაათავისუფლოს სამუშაო ადგილი სამშენებლო ნარჩენებისაგან, მოწყობილობა-დანადგარებისაგან, დროებითი ნაგებობებისაგან და ა.შ.

შენიშვნა: აღნიშნულ ობიექტზე სამუშაოების პროცესში პრეტენდენტის (შემდგომში მიმწოდებლის) მიერ გამოყენებული ყველა მასალა-მოწყობილობა უნდა იყოს ახალი;

1.4.1. ხელშეკრულების გაფორმებიდან, სამუშაოთა წარმოების კალენდარული გეგმა-გრაფიკის შესაბამისად, 10 თვე (ექსპერტიზის მომსახურების ვადის ჩათვლით).

1.4.2. სამუშაოთა წარმოება/შესრულება ხორციელდება მიმწოდებლის მიერ წარმოდგენილი და შემსყიდველთან შეთანხმებული სამუშაოების შესრულების გეგმა-გრაფიკის შესაბამისად (სამუშაოების შესრულების გრაფიკი).

1.4.3. სამუშაოს შესრულების გრაფიკში ცვლილებების შეტანა შესაძლებელია ურთიერთშეთანხმებით, წერილობითი ფორმით, ხელშეკრულების ერთ-ერთი მხარის წერილობით წარმოდგენილი დასაბუთების/ინიციატივის საფუძველზე.

1.4.4. შემსყიდველი უფლებამოსილია მოსთხოვოს მიმწოდებელს სამუშაოთა წარმოების შეჩერება გარკვეული დროით (აღნიშნული დროის სავარაუდო ან ზუსტი მითითებით, მაგრამ არაუმეტეს 60 კალენდარული დღისა). ასეთ შემთხვევაში განაცდური დრო არ ჩაითვლება ვადაგადაცილებად.

საოფისე შენობა უნდა აშენდეს ქ. ბათუმში (ბაგრატიონის ქ. #127-ში (ს/კ 05.26.02.617), სსიპ სურსათის ეროვნული სააგენტოს კუთვნილ მიწის ნაკვეთზე

1.6.1. შესრულებულ სამუშაოებზე უნდა ვრცელდებოდეს შემდეგი ხანგრძლივობის გარანტიები:

- შენობის ფასადებზე 3 წლის მანძილზე;

- შენობის სახურავზე 5 წლის მანძილზე;

- დანარჩენს სამუშაოებზე 3 წლის მანძილზე;

1.6.2. საგარანტიო ვადის ათვლა დაიწყება სამუშაოების საბოლოო მიღება-ჩაბარების აქტის გაფორმების თარიღიდან.

1.6.3.გარანტია უნდა ვრცელდებოდეს საგარანტიო პერიოდში ნებისმიერი ხარვეზისა და დეფექტის აღმოფხვრაზე (შეკეთება/შეცვლა ახლით) გარდა შემსყიდველის მხრიდან გაუფრთხილებლობით გამოწვეული მექანიკური დაზიანებებისა.

2.2.1.1.პრეტენდენტს უნდა ჰქონდეს მსგავსი/ანალოგიური სამუშაოების და სირთულის შენობის სამშენებლო სამუშაოების შესრულების გამოცდილება 2023 წლის 1 იანვრიდან მიმდინარე ტენდერის გამოცხადების დღემდე. აღნიშნული გულისხმობს CPV: 45210000 კლასიფიკატორის კოდის ფარგლებში (შენობების მშენებლობა) განხორციელებულ ა ხ ა ლ ი შენობის მშენებლობებს.
2.2.1.2. პრეტენდენტს 2023 წლის 01 იანვრიდან ტენდერის გამოცხადების დღემდე უნდა გააჩნდეს ახალი შენობების სამშენებლო სამუშაოების შესრულების გამოცდილება ჯამური ღირებულებით არანაკლებ 2,000,000 ლარის ოდენობით. აღნიშნული უნდა დასტურდებოდეს პრეტენდენტის მიერ, ელექტრონულად წარმოდგენილი შესაბამისი ხელშეკრულებებით, მიღება-ჩაბარების აქტებით და ფორმა 2-ებით, ან ინფორმაცია უნდა წარმოადგინოს ცხრილის სახით, სადაც მითითებული იქნება შესაბამისი CMR/SPA/NAT......... ნომრები.
2.2.1.3. პრეტენდენტმა ასევე ელექტრონულად უნდა წარმოადგინოს სულ მცირე ერთი ორგანიზაციის სარეკომენდაციო წერილი. რეკომენდატორ ორგანიზაციებთან პრეტენდენტს უნდა გააჩნდეს სახელშეკრულებო ურთიერთობა და წარმოდგენილი უნდა იყოს 2.2.1.2 ქვეპუნქტის ჩამონათვალში;

2.5.1.1 მიმწოდებელმა სამუშაოების გეგმა-გრაფიკი უნდა წარმოადგინოს და შემსყიდველთან შეათანხმოს ხელშეკრულების გაფორმებიდან არაუგვიანეს 5 (ხუთი) კალენდარული დღის ვადაში.
2.5.1.2 სამუშაოების გეგმა-გრაფიკის ორჯერ ზედიზედ დარღვევისთვის შემსყიდველი იტოვებს უფლებას ცალმხრივად შეწყვიტოს ხელშეკრულება.

მოცემულ ეტაპზე ქვეკონტრაქტორის შესახებ ინფორმაციის წარმოდგენა არ მოითხოვება, თუმცა შემსყიდველთან შეთანხმების გარეშე, პრეტენდენტს უფლება არ აქვს სამშენებლო-სამონტაჟო სამუშაოები ან მისი ნაწილი გადასცეს ქვეკონტრაქტორს

2.9.1. ხარჯთაღრიცხვა დაზუსტებას არ ექვემდებარება და პრეტენდენტი დისკვალიფიცირებული იქნება, თუ სატენდერო დოკუმენტაციის მოთხოვნის შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. ამავე დროს პრეტენდენტის მიერ წარმოდგენილი ხარჯთაღრიცხვები შედარებულ იქნება ხარჯთაღრიცხვის ავტორის მიერ მოწოდებულ ხარჯთაღრიცხვასთან.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

იურიდიული პირისათვის – ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც დაასტურებს, რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

ინდივიდუალურ მეწარმეთათვის – ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან, რომელიც დაასტურებს, რომ პრეტენდენტის ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და პრეტენდენტი არ არის რეგისტრირებული მოვალეთა რეესტრში;

პირადობის დამადასტურებელი დოკუმენტის ასლი;
ცნობა შესაბამისი ადმინისტრაციული დაწესებულებიდან მოვალეთა რეესტრში რეგისტრაციის არარსებობის შესახებ.

ამხანაგობის წევრებისთვის - ამონაწერები მეწარმეთა და არასამეწარმეო (არაკომერციული) იურიდიული პირების რეესტრიდან, რომელიც დაასტურებს, რომ ცალ-ცალკე წევრების ქონებაზე არ არის რეგისტრირებული ყადაღა/აკრძალვა, საგადასახადო გირავნობა/იპოთეკა და წევრები არ არიან რეგისტრირებული მოვალეთა რეესტრში;

არარეზიდენტი პირის შემთხვევაში, პრეტენდენტმა უნდა წარმოადგინოს საკუთარი ქვეყნის შესაბამისი უფლებამოსილი ორგანოდან გაცემული ცნობა/ცნობები, რომ არ ხორციელდება არარეზიდენტი პირის რეორგანიზაცია ან ლიკვიდაცია. ყველა დოკუმენტი დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მათ თან უნდა ერთვოდეს ნოტარიულად დამოწმებული ქართული თარგმანი.

იმ შემთხვევაში თუ პრეტენდენტი არის უცხოური საწარმოს წარმომადგენელი ან/და ფილიალი საქართველოში, ვალდებულია ერთობლივად წარმოადგინოს, როგორც თავისი, ასევე სათაო კომპანიის 5.1.2 პუნქტით განსაზღვრული შესაბამისი დოკუმენტი. აღნიშნულიდოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თანუნდა ერთვოდეს ნოტარიულად დამოწმებული ქართული თარგმანი.

5

10

ხელშეკრულების უზრუნველყოფის გარანტიის მოქმედების ვადა 30 კალენდარული დღით უნდა აღემატებოდეს ხელშეკრულების მოქმედების ვადას;

6.4.1. შემყიდველს უნდა წერედგინოს საქართველოში რეგისტრიებული და შესაბამისი უფლებამოსილების მქონე საფინანსო დაწესებულების საბანკო გარანტია.

6.4.2. უცხოური ბანკიდან ან/და სადაზღვევო კომპანიიდან გარანტიის წარმოდგენის შემთხვევაში მასთან ერთად მიმწოდებელმა უნდა წარმოადგინოს ზემოაღნიშნული გარანტიის საფუძველზე საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ საქართველოს დაზღვევის სახელმწიფო ზედამხედველობის სამსახურის მიერ ლიცენზირებული სადაზღვევო კომპანიიდან გაცემული „კონტრგარანტია“ (ლარში). საბანკო გარანტია და მასთან დაკავშირებული დოკუმენტაცია წარმოდგენილი უნდა იქნას ქართულ ენაზე (დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი)

7.2.1. ანგარიშსწორება მიმწოდებელთან განხორციელდება მხარეთა მიერ, სატენდერო დოკუმენტაციის 1.2.7 - 1.2.8. - 1.2.9. პუნქტების მოთხოვნათა შესაბამისად, მიღება-ჩაბარების აქტის გაფორმების საფუძველზე;

7.2.2. ანგარიშწორების ფორმა იქნება უნაღდო ანგარიშსწორება, თანხა ჩაირიცხება მომწოდებლის მიერ ხელშეკრულებაში მითითებულ საბანკო რეკვიზიტებზე;

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

გერონტი ფრუიძე, 599381406, geronti.pruidze@nfa.gov.ge

10.1.1. სატენდერო დოკუმენტაციის 1.2.7 - 1.2.8. - 1.2.9 პუნქტებით განსაზღვრული პირობების დაცვით წარმოდეგნილი, შესრულებულ სამუშაოთა აქტის (ფორმა №2) საფუძველზე, მიმწოდებელსა და შემსყიდველს შორის ფორმდება სათანადო მიღება-ჩაბარების აქტი შესრულებლ სამუშაოთა (მთლიანი ან ნაწილობრივი) რეალური ღირებულების ასახვით.
10.1.2. საბოლოო ანგარიშსწორებისას მხედველობაში მიიღება მხოლოდ ხარჯთაღრიცხვაზე დაყრდნობით შედგენილი ექსპერტის დასკვნა შესრულებულ სამუშაოთა ღირებულებასთან დაკავშირებით.
10.1.3. სატენდერო წინადადების ფასში პრეტენდენტმა უნდა გაითვალისწინოს, პროექტის შესაბამისად, სამუშაოს შესრულებისათვის საჭირო ყველა ხარჯი, საქართველოს კანონმდებლობით გათვალისწინებული ყველა შესაბამისი გადასახადი და მოსაკრებელი.
10.1.4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი;
10.1.5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) მიმწოდებლის მიერ ატვირთული დოკუმენტები ან/და ინფორმაცია დამოწმებული უნდა იყოს კვალიფიციური ელექტრონული ხელმოწერით ან კვალიფიციური ელექტრონული შტამპით, საქართველოს კანონის - „ელექტრონული დოკუმენტისა და ელექტრონული სანდო მომსახურების შესახებ“- შესაბამისად;
10.1.6. ფასების ცხრილი/ხარჯთაღრიცხვა ერთიან ელექტრონულ სისტემაში Excel-ის ფორმატით წარმოდგენისას აღნიშნული დოკუმენტი აღარ საჭიროებს დამოწმებას კვალიფიციური ელექტრონული ხელმოწერით ან კვალიფიციური ელექტრონული შტამპით,
10.1.7. სარეგისტრაციო/უფლებრივი მონაცემების ამსახველი დოკუმენტ(ებ)ი უნდა აკმაყოფილებდეს „ელექტრონული ტენდერის ჩატარების წესის დამტკიცების შესახებ” სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 30-ე მუხლის მე-2 პუნქტის მოთხოვნებს.