Типографские услуги и связанные с ними услуги (Грузия - Тендер #72254729)

შესყიდვის ობიექტს წარმოადგენს 2026 წლის „დაავადებათა კონტროლისა და ეპიდემიოლოგიური უსაფრთხოების პროგრამის მართვა“ და „ჯანმრთელობის ხელშეწყობის საკითხების და ჯანმრთელობის დაცვის" სახელმწიფო პროგრამების ფარგლებში CPV 79823000 „ბეჭდვა და ადგილზე მიწოდების“ მომსახურება (შემდგომში „მომსახურება“).

"მომსახურების" ჩამონათვალი:
1. ბუკლეტი,
2. ფლაერი,
3. ბროშურა,
4. პოსტერი,
5. გასაფერადებელი,
6. სამახსოვრო ბარათი,
7. სტიკერი,
8. კალენდარი კედლის,
9. კალენდარი მაგიდის,
10. ქაღალდის ჩანთა,
11. ბლოკნოტი ყოველდღიური,

• შინაარსობრივი მასალა და დიზაინი „მიმწდოდებელს“ გადაეცემა ეტაპობრივად, დანართი 1-ის შესაბამისად.
• სრული ტირაჟის დაბეჭდვამდე „მიმწოდებელმა“ უნდა უზრუნველყოს მახასიათებლის მიხედვით ნაბეჭდი სატესტო ნიმუშების წარმოდგენა და „შემსყიდველთან“ შეთანხმება.
• პრეტენდენტის მიერ შემოთავაზებული სატენდერო წინადადების ფასი არ უნდა სცდებოდეს კონკრეტული დაფინანსების წყაროთი განსაზღვრული შესყიდვის სავარაუდო ბიუჯეტს: „დაავადებათა კონტროლისა და ეპიდემიოლოგიური უსაფრთხოების პროგრამის მართვა“ სახელმწიფო პროგრამა სავარაუდო ღირებულება 11 700,00 ლარი და „ჯანმრთელობის ხელშეწყობის საკითხების და ჯანმრთელობის დაცვის" სახელმწიფო პროგრამა სავარაუდო ღირებულება 97 838,00 ლარი.

"მომსახურების" მიწოდება განხორციელდება ეტაპობრივად, "შემსყიდველის" მოთხოვნის შესაბამისად 15 სამუშაო დღის ვადაში, 2026 წლის 1 დეკემბრამდე.

• “მომსახურების“ მიწოდების ადგილი: თბილისი, კახეთის გზატკეცილი #99,
• „მიმწოდებელი“ ვალდებული იქნება მიწოდებული „მომსახურების“ წუნდების შესახებ წერილობითი შეტყობინების მიღებიდან არაუმეტეს 10 (ათი) კალენდარულ დღეში განახორციელოს წუნდებული „მომსახურების“ შეცვლა “შემსყიდველის” მხრიდან რაიმე დამატებითი დანახარჯის გაწევის გარეშე.

პრეტენდენტის მიერ, სისტემაში ატვირთული სატენდერო წინადადება უნდა შეიცავდეს შემდეგ დოკუმენტებსა და ინფორმაციას:

პრეტენდენტს 01.01.2022-დან ტენდერის გამოცხადების დღემდე პერიოდში უნდა გააჩნდეს „ბეჭდვა და ადგილზე მიწოდება“ მომსახურების მიწოდების გამოცდილება, რომლის ჯამური ღირებულება უნდა იყოს არანაკლებ 50 000,00 (ორმოცდაათი ათასი) ლარის ღირებულების ოდენობის.

- იმ შემთხვევაში, თუ მოთხოვნილი გამოცდილების შესახებ ინფორმაციის დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა აღნიშნული ინფორმაცია უნდა წარმოადგინოს დანართი N2-ის ფორმით და მიუთითოს შესაბამისი SPA ან/და NAT ან/და CMR ან/და სხვა შესყიდვის საშუალების ნომრები და არ წარმოადგინოს დოკუმენტაცია.
- პრეტენდენტის მიერ იმ გამოცდილების შესახებ ინფორმაციის წარმოსადგენად, რომელშიც დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტი ვალდებულია წარმოადგინოს ორმხრივად (როგორც დამკვეთის ასევე შემსრულებლის მხრიდან) შესაბამისი უფლებამოსილი პირების მიერ, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, კვალიფიციური ელექტრონული ხელმოწერით ხელმოწერილი ან კვალიფიციური ელექტრონული შტამპით დამოწმებული დოკუმენტი, კერძოდ: ხელშეკრულებ(ებ)ი და მიღება-ჩაბარებ(ებ)ის აქტები ან/და სხვა დამადასტურებელი დოკუმენტ(ებ)ი, საიდანაც უნდა იდენტიფიცირდებოდეს როგორც სამუშაოების შინაარსი და ღირებულება, ასევე საანგარიშგებო პერიოდში შესრულებული სამუშაოების ღირებულება, დაწყებისა და დასრულების ვადების მითითებით. თუ აღნიშნული ელექტრონული დოკუმენტი ვერ მოწმდება შესაბამისი პირის კვალიფიციური ელექტრონული ხელმოწერით ან/და შტამპით, ამ შემთხვევაში, პრეტენდენტმა სისტემაში უნდა ატვირთოს მატერიალური დოკუმენტის სანოტარო წესით დამოწმებული ელექტრონული ასლი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს ან შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ან პრეტენდენტმა უნდა წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2023 წლის 1 იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

ანგარიშსწორება მოხდება უნაღდო ანგარიშსწორებით ლარში. „მიმწოდებლის“ საბანკო ანგარიშზე თანხის ჩარიცხვის გზით ფაქტობრივად გაწეული მომსახურების შესაბამისად.

ანგარიშსწორება განხორციელდება მიღება-ჩაბარების აქტის გაფორმების საფუძველზე 10 (ათი) სამუშაო დღის ვადაში.

ნინო აბაზაშვილი, 595584580, nino.abazashvili@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას და უზრუნველყოფს ამ პუნქტის „ა“-„ე“ქვეპუნქტებში განსაზღვრულ მოთხოვნების შესრულებას:
ა. სატენდერო წინადადება უნდა იყოს ელექტრონულად დამოწმებული „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნების შესაბამისად.
ბ. სატენდერო წინადადების წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
გ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს, საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
დ. „მიმწოდებლის“ მიერ სავალდებულოდ წარმოსადგენი დოკუმენტია: პუნქტები 1.3, და 2.2.1 განსაზღვრული დოკუმენტები.
ე. წარმოდგენილ ფასების ცხრილში, ერთეულის ღირებულება (ლარი) უნდა განისაზღვროს მეასედის სიზუსტით.