Инженерные услуги (Грузия - Тендер #72254698)

კასპის მუნიციპალიტეტში, სოფელ ერთაწმინდაში მდებარე ეროვნული მნიშვნელობის კატეგორიის კულტურული მემკვიდრეობის ძეგლის, ერთაწმინდის ტაძრის კომპლექსში მდებრე წმინდა ესტატეს სახელობის ეკლესიის ფერწერის კონსერვაციის საპროექტო-სახარჯთაღრიცხვო დოკუმენტაციის მომზადების მომსახურება

 პრეამბულა

ეროვნული მნიშვნელობის კატეგორიის კულტურული მემკვიდრეობის ძეგლი, ერთაწმინდის ტაძრის კომპლექსი კასპის მუნიციპალიტეტის სოფელ ერთაწმინდის ცენტრში მდებარეობს (X კოორდინატი 41.86545099, Y კოორდინატი 44.32429375; ს/კ 67.17.45.209) არქიტექტურულ ანსამბლში შედის: წმ. ესტატე (სამეცნიერო ლიტერატურაში ცნობილია, როგორც წმინდა ევსტათე) პლაკიდას სახელობის ეკლესია, გალავანი, სამრეკლო და სამეურნეო ნაგებობების ნაშთები. მთავარ სივრცით დომინანტს კომპლექსში თავად წმინდა ევსტათეს სახ. ეკლესია წარმოადგენს. ეკლესიის აგება XIII საუკუნის მეორე ნახევარში ივარაუდება. ტაძრის ინტერიერი მთლიანად ფრესკებით ყოფილა დაფარული. მხატვრობის თავდაპირველი ფენის შექმნის თარიღი უცნობია, თუმცა, სავსებით დასაშვებია, რომ იგი ძეგლის აგებისთანავე მოიხატა. 1609 წლიდან ტაძარი თარხანმოურავების საძვალე ხდება. აქ დაკრძალულია გიორგი სააკაძის შვილის, პაატას თავი.
საუკუნეების განმავლობაში ეკლესია არაერთგზის გადაკეთდა. მნიშვნელოვანი ცვლილება ძეგლზე XIX საუკუნის II ნახევარში განხორციელდა, რის შედეგად აღდგა ოთხივე ფასადი. ტაძრის შეკეთების დროს მოხატულობა ნალესობით დაფარეს.
1960-70-იან წლებში, ტაძრის რესტავრაციის პროცესში, სამხრეთი და ჩრდილოეთი კედლების აღმოსავლეთ ნაწილში, აგრეთვე, სამკვეთლოსა და სადიაკვნეს კედლებზე გვიანი შუა საუკუნეების ფერწერული ფენა გაიხსნა და მასში წმინდა დიდმოწამეების - წმ. ევსტათეს და წმ. გიორგის ცხოვრების ამსახველი ციკლები გამოვლინდა. საქტიტორო ფრესკული წარწერის საფუძველზე ირკვევა, რომ ტაძარი 1654 წელს იერუსალიმის ჯვრის მონასტრის მამას, მელეტიოსს, მოუხატავს. ტაძრის ქტიტორი კი გიორგი სააკაძის ვაჟი იორამ სააკაძე ყოფილა. წარწერაში მოხსენიებულია მეფე როსტომი და დედოფალი მარიამი. ერთაწმინდის ეკლესიის მოხატულობამ შემოგვინახა წმ. ევსტათე პლაკიდას ცხოვრების ციკლი, რომელსაც ქართულ ხელოვნებაში ანალოგი არ გააჩნია. მნიშვნელოვანია ის ფაქტიც, რომ მასში წმ. ევსტათეს მარჯვენა ხელი და ცერი იყო დაბრძანებული, საიდანაც უამრავი სასწაული აღესრულებოდა. წმინდა სანაწილე (ლუსკუმა) ბოლოს სხერტის ჭალის ბრძოლის დროს იხსენიება და იგი, სხვა სიწმინდეებთან ერთად, საქართველოდან იქნა გატანილი. თავად სოფლის სახელი -ერთაწმინდა წმ. ევსტათეს სახელიდან მომდინარეობს.
2012 წელს ტაძარი გადაიხურა, ინტერიერში მოიხნა ნალესობის ძველი ფენა, გარშემო მოეწყო სარინელი.
მიმდინარე პერიოდში ინტერიერში, ფრესკებზე შეინიშნება ინტენსიური გამომარილება. საფუძველსაა მოცილებული ფერწერის ფენა. მხატვრობის ძირითადი ნაწილი ამჟამად დაფარულია ზედაპირული მტვრისა და ჭუჭყის ნადებით. წინა სარესტავრაციო ჩარევების დროს დატოვებულ შევსებებსა და ქიმებს დაკარგული აქვთ თავიანთი ფუნქცია, რადგან დაბზარული და განშრევებულია. იქ, სადაც აღინიშნება მხატვრობის ძლიერ დაზიანებული არეები, მრავლად ვხვდებით ფერწერული ფენის დეგრადაციას, აქერცვლასა და გაფხვიერებას. მხატვრობა დაფარულია ფრინველთა და მწერთა ექსკრემენტებით.
არსებული რთული ვითარების გამოსწორების მიზნით შესამუშავებელია კედლის მხატვრობის კონსერვაციის საპროექტო-სახარჯთაღრიცხვო დოკუმენტაცია, რომლის საფუძველზე განხორციელდება ფიზიკური ქმედითი ღონისძიებები. ფრესკების ფრაგმენტების საკონსერვაციო საორიენტაციო ფართია 60 კვ.მ, რომელიც დასაზუსტებელი იქნება პროექტირების პროცესში.

 მიზანი და ძირითადი პირობები

1. კულტურული მემკვიდრეობის ძეგლის რეაბილიტაციისთვის საპროექტო-სახარჯთაღრიცხვო დოკუმენტაციის შედგენის მიზანია მისი მდგრადი განვითარების, ერთიანობის ურღვევობის, ავთენტურობის შენარჩუნების, კონსერვაციის, ინტერპრეტაციისა და დაცულობის უზრუნველყოფა.
2. ტენდერის მიზანია კვლევითი სამუშაოების განხორციელებისა და რეაბილიტაციის საპროექტო-სახარჯთაღრიცხვო დოკუმენტაციის მომზადება, რაც სამომავლოდ გახდება ფიზიკური სამუშაოების განხორციელების საფუძველი.
3. ჩასატარებელმა სამუშაოებმა უნდა უზრუნველყოს ძეგლზე არსებული მძიმე მდგომარეობის გამოსწორების ყველა ასპექტი. ჩასატარებელი სამუშაოები მოითხოვს გამორჩეულად ფაქიზ მიდგომას, კარგად გამართულ მეთოდოლოგიურ ხელმძღვანელობას, სწორ და მაღალპროფესიულ გადაწყვეტას.
4. პირველ ეტაპზე, სრულყოფილი კვლევა-ფიქსაციის სამუშაოები /3D სკანირება, კედლების ზონდაჟები, კედლის მხატვრობის კვლევა და სხვ./ უნდა ჩატარდეს შესაბამისი ტექნოლოგიების გამოყენებით.
5. კვლევითი სამუშაოების დასრულების შემდგომ, გამოკვლეული მონაკვეთი დაკონსერვდეს ან/და მიყვანილ იქნეს იმგვარ მდგომარეობაში, რომ არ გაგრძელდეს ძეგლის დაზიანება და დაცული იქნას უსაფრთხოება.
6. კვლევით და საფიქსაციო ნაწილში დაფიქსირებული უნდა იყოს ყველა დაზიანება თუ რღვევა. რეაბილიტაციის პროექტმა უნდა მოიცვას ძეგლის არსებული მძიმე მდგომარეობის გამოსწორების აუცილებელი ყველა ღონისძიება.
7. საყოველთაოდ აღიარებული პრინციპების დაცვით, ზემოთ ჩამოთვლილი მიზნების მისაღწევად კულტურული მემკვიდრეობის ძეგლის რეაბილიტაციისთვის საჭირო საპროექტო-სახარჯთაღრიცხვო დოკუმენტაციით განსაზღვრული ნებისმიერი ჩარევა უნდა იყოს:
• შეძლებისდაგვარად მინიმალური და ადვილად უკუქცევადი;
• ჩარევა არ უნდა უქმნიდეს საფრთხეს ძეგლის რომელიმე კულტურულ ღირებულებას;
• გამოყენებული უნდა იქნას ორიგინალთან თავსებადი, მაღალი ხარისხის, ხანგრძლივ ექსპლუატაციაზე გათვლილი მასალები;
• ყველა ჩარევა უნდა იყოს მკაცრად და დეტალურად დოკუმენტირებული.

 პროექტირებისას აუცილებლად გასათვალისწინებელია, რომ:
1. კვლევითი და საპროექტო დოკუმენტაცია უნდა დამუშავდეს საქართველოს კანონმდებლობისა და კანონქვემდებარე ნორმატიული დოკუმენტების მოთხოვნების გათვალისწინებით, თანამედროვე ტექნოლოგიების გამოყენებით, მათ შორის პროექტით გათვალისწინებული სარეაბილიტაციო სამუშაოები და მეთოდოლოგია უნდა დაისახოს საქართველოს კანონის „კულტურული მემკვიდრეობის შესახებ“ მოთხოვნებისა და ძეგლთა დაცვითი საერთაშორისო გამოცდილების გათვალისწინებით, საქართველოს მთავრობის 2007 წლის 28 მარტის №62 დადგენილების „მშენებლობის უსაფრთხოების წესების“ მოთხოვნათა შესაბამისად;
2. გრაფიკული მასალა უნდა მომზადდეს ციფრული (ვექტორული DWG, DXF, PLA გაფართოების ფაილი - Autocad, Archicad) პროგრამული უზრუნველყოფის გამოყენებით;
3. საპროექტო დოკუმენტაციის მოსამზადებლად უნდა ჩატარდეს კვლევითი და საფიქსაციო სამუშაოები, ჩამოყალიბდეს რეკომენდაციები ძეგლზე ჩასატარებელი სამუშაოების მეთოდოლოგიის თაობაზე და შესრულდეს ძეგლის რეაბილიტაციის შესაბამისი საპროექტო-სახარჯთაღრიცხვო დოკუმენტაცია.
4. ძეგლის ყველა ნაწილის საფიქსაციო სამუშაოები (მაღალი რეზოლუციის 3D სკანირება, ფოტოფიქსაცია და სხვ.) განსახორციელებელია ფრონტალური ხედებიდან, სადაც დაფიქსირებული უნდა იყოს ყველა დეტალი, ფრაგმენტი და ასევე დაზიანება. ჩატარებული საფიქსაციო სამუშაოებისა და მასალების საფუძველზე, გრაფიკულ გამოსახულებაში ზუსტად უნდა იყოს ასახული ძეგლის რეალური მდგომარეობა, მათ შორის დეტალები, შაბლონები, ფრაგმენტები და დაზიანებები.

შენიშვნა: სრულყოფილი ტექნიკური დავალება იხილეთ მიმაგრებულ ფაილებში.

გასაწევი მომსახურება ორ ეტაპიანია.

პირველი ეტაპით გათვალისწინებული დოკუმენტების წარმოდგენის ვადის ათვლა იწყება ხელშეკრულების გაფორმებიდან, ხოლო მეორე ეტაპით გათვალისწინებული დოკუმენტების მიწოდების ვადის ათვლა იწყება შემსყიდველის მხრიდან პირველი ეტაპის მიღება-ჩაბარების აქტის გაფორმებიდან. აღნიშნული ეტაპებით გათვალისწინებული ვადის ჯამი არ უნდა აღემატებოდეს 180 (ას ოთხმოცი) კალენდარულ დღეს.

კასპის მუნიციპალიტეტში, სოფელ ერთაწმინდაში მდებარე ეროვნული მნიშვნელობის კატეგორიის კულტურული მემკვიდრეობის ძეგლის, ერთაწმინდის ტაძრის კომპლექსში მდებრე წმინდა ესტატეს სახელობის ეკლესიის ტერიტორია

პრეტენდენტს 01.01.2022 წლიდან ტენდერის გამოცხადების დღემდე პერიოდში, უნდა გააჩნდეს საცხოვრებელი ან/და საკულტო ან/და საფორთიფიკაციო ან/და საზოგადოებრივი შენობა-ნაგებობების მშენებლობის ან/და რეაბილიტაციის საპროექტო-სახარჯთაღრიცხვო დოკუმენტაციის (გარდა ხაზოვანი ნაგებობებისა (გამონაკლის წარმოადგენს მხოლოდ ხიდები და გვირაბები რომელთაც გააჩნიათ კულტურული მემკვიდრეობის ძეგლის სტატუსი)) შედგენის გამოცდილება, რომლის ჯამური ღირებულება ლარებში უნდა შეადგენდეს, 90000,00 (ოთხმოცდაათი ათასი) ლარს, საქართველოს კანონმდებლობით დადგენილი ყველა გადასახადის ჩათვლით. ამასთან, აღნიშნული შესრულებული ხელშეკრულებ(ებ)ის ფარგლებში, დასრულებული უნდა იყოს თითოეული მათგანი.

აღნიშნულის დასადასტურებლად, პრეტენდენტის მიერ, წარმოდგენილი უნდა იქნას გამოცდილების შესახებ ინფორმაცია დანართი N1-ს შესაბამისად, ამასთან:
1.1 დანართი N1-ში მითითებულ ხელშეკრულებებზე, რომლებზეც დამკვეთს წარმოადგენს კერძო სამართლის სუბიექტი (არა შემსყიდველი ორგანიზაცია), პრეტენდენტმა, დამატებით უნდა წარმოადგინოს დანართი N1-ში მითითებული მხარეთა მიერ ხელმოწერილი ხელშეკრულების ასლები, დამკვეთის მიერ დადასტურებული მიღება-ჩაბარების აქტები და შესაბამისი დადასტურებული საგადასახადო ანგარიშ-ფაქტურები (არსებობის შემთხვევაში).

1.2. იმ შემთხვევაში, თუ მოთხოვნილი დოკუმენტაცია (ხელმოწერილი ხელშეკრულების ასლები და დამკვეთის მიერ დადასტურებული შესრულების დამადასტურებელი დოკუმენტები) ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართი N1-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

1. პრეტენდენტს, ტენდერით გათვალისწინებული მომსახურების ხარისხიანად გაწევის უზრუნველსაყოფად, სავალდებულოა ჰყავდეს შესაბამისი პერსონალი, მათ შორის: არქიტექტორ-რესტავრატორი და კედლის მხატვრობის კონსერვატორი.
2. არქიტექტორ-რესტავრატორს და კედლის მხატვრობის კონსერვატორს, 2018 წლიდან ტენდერის გამოცხადების დღემდე, უნდა გააჩნდეთ არანაკლებ 3 (სამი) კულტურული მემკვიდრეობის ძეგლის რეაბილიტაციის საპროექტო დოკუმენტაციის შედგენის გამოცდილება, მათ შორის, ერთი კულტურული მემკვიდრეობის ძეგლზე შედგენილი საპროექტო დოკუმენტაციის ფარგლებში, ადმინისტრაციული ორგანოს მიერ გაცემული უნდა იყოს შესაბამისი სანებართვო დოკუმენტი (ნებართვა ან/და ბრძანება) ძეგლზე შესასრულებელი სამუშაოების შესახებ.
აღნიშნულის დასადასტურებლად, პრეტენდენტის მიერ წარმოდგენილი უნდა იქნას პერსონალის გამოცდილების შესახებ ინფორმაცია დანართი N3-ს (CV - ინფორმაცია პროექტში მონაწილე სპეციალისტის შესახებ) შესაბამისად, ამასთან:
2.1. დანართი N3-ში (CV - ინფორმაცია პროექტში მონაწილე სპეციალისტის შესახებ) მითითებულ ხელშეკრულებებზე, პრეტენდენტმა, დამატებით უნდა წარმოადგინოს მხარეთა მიერ ხელმოწერილი ხელშეკრულების ასლები, მათ ფარგლებში მომზადებული პროექტი (საიდანაც უნდა იდენტიფიცირდებოდეს სპეციალისტის მონაწილეობა) და დამკვეთის მიერ დადასტურებული მიღება-ჩაბარების აქტები, ამასთან ერთი კულტურული მემკვიდრეობის ძეგლზე შედგენილი საპროექტო დოკუმენტაციის ფარგლებში დამატებით წარმოდგენილი უნდა იქნას ადმინისტრაციული ორგანოს მიერ გაცემული შესაბამისი სანებართვო დოკუმენტი (ნებართვა ან/და ბრძანება) ძეგლზე შესასრულებელი სამუშაოების შესახებ.
3. წარმოდგენილი უნდა იქნას არქიტექტორ-რესტავრატორის, კედლის მხატვრობის კონსერვატორის დიპლომის ასლი, ამასთან:
3.1. კედლის მხატვრობის კონსერვატორის შემთხვევაში, მისაღებია როგორც კედლის მხატვრობის კონსერვატორის, ასევე სახვითი ხელოვნების ნიმუშთა რესტავრატორის ან მხატვარ-რესტავრატორის დიპლომის ასლი, ხოლო არქიტექტორ-რესტავრატორის შემთხვევაში, მისაღებია როგორც არქიტექტორ-რესტავრატორის, ასევე არქიტექტორის დიპლომის ასლი.
4. წარმოდგენილი უნდა იქნას დანართი N2 (ინფორმაცია პრეტენდენტის მიერ დასაქმებული პირების შესახებ).
5. ხელშეკრულების გაფორმების შემდეგ, დაუშვებელია მიმწოდებლის მიერ სპეციალისტ(ებ)ის შეცვლა, გარდა უკიდურესი აუცილებლობისა. ასეთის არსებობის შემთხვევაში მიმწოდებელი ვალდებულია წინასწარ შეათანხმოს შემსყიდველთან (მიმწოდებელი ვალდებულია, წერილობით წარმოადგინოს შესაბამისი დასაბუთებული ინფორმაცია აღნიშნულ ცვლილებასთან დაკავშირებით). ამ შემთხვევაში, ახალი სპეციალისტ(ებ)ის კვალიფიკაცია და სამუშაო გამოცდილება უნდა აკმაყოფილებდეს სატენდერო დოკუმენტაციით განსაზღვრულ მოთხოვნებს.

კულტურული მემკვიდრეობის ძეგლზე ნებისმიერი ფიზიკური ზემოქმედების შემთხვევაში მიმწოდებელი ვალდებულია სამუშაოების დაწყებამდე გადაიხადოს სანებართვო მოსაკრებელი კულტურული მემკვიდრეობის ძეგლზე სამუშაოების ნებართვის მისაღებად 50 (ორმოცდაათი) ლარის ოდენობით და აიღოს შესაბამისი ნებართვა სამუშაოების წარმოებაზე.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების მნიშვნელოვან კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

1. მიმწოდებელი უფლებამოსილია, შემსყიდველს წარუდგინოს წერილობითი თხოვნა წინასწარი ანგარიშსწორების თანხის (შემდგომში - ავანსი) გადახდის თაობაზე.
2. მიმწოდებლის მიერ ამ მუხლის პირველი პუნქტით გათვალისწინებული წერილობითი მოთხოვნის წარდგენის მიუხედავად, შემსყიდველი უფლებამოსილია, არ დააკმაყოფილოს მიმწოდებლის თხოვნა ავანსის გადახდის თაობაზე იმ შემთხვევაში, თუ მიმწოდებელს შესრულებული აქვს ხელშეკრულების ღირებულების 20% ან მეტი.
3. შემსყიდველის მიერ ავანსის გადახდასთან დაკავშირებით დადებითი გადაწყვეტილების მიღების შემთხვევაში, მიმწოდებელი ვალდებულია, შემსყიდველს წარუდგინოს საქართველოს კანონმდებლობის შესაბამისად ლიცენზირებული დაწესებულების (უცხო ქვეყნის საბანკო დაწესებულების შემთხვევაში, იგი გადაზღვეული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ) მიერ გაცემული, ავანსის იდენტური ოდენობის საბანკო გარანტია, რომლის მოქმედების ვადა უნდა აღემატებოდეს ხელშეკრულების მოქმედების ვადას არანაკლებ 30 (ოცდაათი) კალენდარული დღით.
4. მიმწოდებელზე გასაცემი საავანსო თანხა ჯამში არ უნდა აღემატებოდეს ხელშეკრულების ჯამური ღირებულების 20%-ს.
5. საავანსო ანგარიშსწორების გარანტიის გამოყენების/დაკავების პირობები განისაზღვრება ხელშეკრულების პროექტით.

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2. მიმწოდებლის მიერ ხელშეკრულებით ნაკისრი ვალდებულებების შესრულება დასტურდება მხარეთა შორის მიღება-ჩაბარების აქტ(ებ)ის გაფორმებით.
3. შესრულებული სამუშაოს ანგარიშსწორება განხორციელდება ეტაპობრივად, ექსპერტიზის დადებითი დასკვნის საფუძველზე (საჭიროების შემთხვევაში), მხარეთა მიერ შედგენილი ინსპექტირების ჯგუფის დადებითი დასკვნის, მიღება-ჩაბარების აქტ(ებ)ის და საგადასახადო დოკუმენტაციის საფუძველზე.
4. ექსპერტიზაზე დოკუმენტაციას წარადგენს და ანაზღაურებას ახორციელებს შემსყიდველი.
5. ანგარიშსწორებასა და მიღება-ჩაბარებასთან დაკავშირებული სხვა პირობები განისაზღვრება ხელშეკრულების პროექტით.

ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.

ხათუნა მენაბდიშვილი, 577253365, khatuna.menabdishvili@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
5. პრედენდენტს არა აქვს უფლება წარმოადგინოს ალტერნატიული სატენდერო წინადადება;
6. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით, დღგ-ს გარეშე (ეროვნული მნიშვნელობის კატეგორიის კულტურული მემკვიდრეობის ძეგლების საპროექტო მომსახურება „საქართველოს საგადასახადო კოდექსის“ 170-ე მუხლის პირველი პუნქტის „ლ“ ქვეპუნქტის შესაბამისად დღგ-ისგან გათავისუფლებულია);
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).

8.პრეტენდენტის მიერ ერთიან ელექტრონულ სისტემაში ასატვირთი მონაცემები:
8.1. სატენდერო დოკუმენტაციის 1.3 მუხლით განსაზღვრული განფასებული ხარჯთაღრიცხვა (Excel ფორმატში).
8.2. სატენდერო დოკუმენტაციის 2.2.1 მუხლით განსაზღვრული ინფორმაცია პრეტენდენტის გამოცდილების შესახებ.
8.3. სატენდერო დოკუმენტაციის 2.4.1. პუნქტის თანახმად - ინფორმაცია პრეტენდენტის პერსონალის გამოცდილების შესახებ.