Отделочные строительные работы (Грузия - Тендер #72235421)

შპს „ირმა ჭანტურიას სახელობის ღვინის ლაბორატორიის“ საკუთრებაში არსებულ შენობაში (მისამართი: ქ. თბილისი, ჯორჯ ბალანჩინის ქ. N22) ჩასატარებელი სარემონტო სამუშაოები.

1.2.1 სამუშაოები უნდა შესრულდეს ხარჯთაღრიცხვის N1 შესაბამისად, რომელიც დანართის სახით ატვირთულია სატენდერო დოკუმენტაციის 1.3 პუნქტში და მომავალში წარმოადგენს სამუშაოების შესყიდვაზე გაფორმებული სახელმწიფო შესყიდვის ხელშეკრულების განუყოფელ ნაწილს.
1.2.2 შესასრულებელი სამუშაოების სახეობები და მოცულობები მოცემულია ტექნიკურ დავალებაში, ნახაზებზე და ხარჯთაღრიცხვაში (იხ. დანართი N1);
1.2.3 მიმწოდებელმა უნდა უზრუნველყოს სარემონტო სამუშაოების ხარისხიანად შესრულება მშენებლობის უსაფრთხოების წესებისა და საქართველოში მოქმედი სამშენებლო ნორმების მოთხოვნათა სრული დაცვით;
1.2.4 სამუშაოებში გამოყენებული მასალები უნდა იყოს ახალი, ექსპლოატაციაში არნამყოფი. ,,შემსყიდველს“ უფლება აქვს, მოითხოვოს გამოყენებული მასალების შესაბამისობის სერტიფიკატი;
1.2.5 მიმწოდებელმა სამუშაოების შესასრულებლად გამოსაყენებელი მასალების ფერი და ფაქტურა უნდა შეათანხმოს შემსყიდველთან;
1.2.6 გაუთვალისწინებელი სამუშაოების ხარჯების ანაზღაურება განხორციელდება მხოლოდ ასეთი ხარჯების არსებობის შემთხვევაში.გაუთვალისწინებელი ხარჯების არსებობისას მიმწოდებელმა უნდა უზრუნველყოს ასეთი ხარჯების დეტალური გაშიფვრა და დასაბუთება, რომლის საფუძველზეც განხორციელდება ფორმა N2 -ის გაფორმება. გაუთვალისწინებლი სამუშაოების გაწევის უფლება მიმწოდებელს ეძლევა შემსყიდველის თანხმობის შემთხვევაში;
1.2.7 ,,მიმწოდებელი“ ვალდებულია, სამუშაოების მიმდინარეობის პროცესში დაიცვას უსაფრთხოების წესები „შრომის უსაფრთხოების შესახებ“საქართველოს ორგანული კანონის მოთხოვნათა შესაბამისად, მინიმუმამდე დაიყვანოს ხმაურის დონე და მტვრის რაოდენობა, ყოველი სამუშაო დღის ბოლოს მაქსიმალურად დაასუფთაოს სამუშაოს ჩატარების ადგილი და გაიტანოს სამშენებლო ნარჩენები ეზოში გამოყოფილ ადგილზე, ხოლო სამუშაოების დასრულების შემდეგ გაათავისუფლოს სამუშაო ადგილი და მიმდებარე ტერიტორია სამშენებლო ნარჩენებისგან.

ხელშეკრულების გაფორმებიდან 30 კალენდარული დღე.

სარემონტო სამუშაოები უნდა განხორციელდეს შპს ,,ირმა ჭანტურიას სახელობის ღვინის ლაბორატორიის"შენობაში, მისამართზე, ქ. თბილისი, ჯორჯ ბალანჩინის ქ. N22.

1.6.1 შესრულებულ სამუშაოებზე და გამოყებენულ მასალებზე მიმწოდებლის მხრიდან უნდა ვრცელდებოდეს გარანტია საბოლოო მიღება-ჩაბარების აქტის გაფორმების თარიღიდან არანაკლებ 2(ორი) წელი.
1.6.2 საგარანტიო მომსახურება უნდა ვრცელდებოდეს საგარანტიო პერიოდში ნებისმიერი ხარვეზისა და დეფექტის აღმოფხვრაზე (შეკეთება/შეცვლა ახლით), გარდა შემსყიდველის მხრიდან გაუფრთხილებლობით გამოწვეული მექანიკური დაზიანებისა.

ტენდერში მონაწილე პრეტენდენტს 2022 წლიდან ტენდერის გამოცხადების მომენტამდე შესრულებული უნდა ჰქონდეს არანაკლებ 200 000 (ორასი ათასი) ლარის ოდენობის ანალოგიური ხასიათის(სამშენებლო-სარემონტო) სამუშაოები. ამასთანავე პრეტენდენტს ერთი შესრულებული ხელშეკრულების ფარგლებში დასრულებული უნდა ჰქონდეს ანალოგიური ტიპის სამუშაოები ღირებულებით არანაკლებ წინამდებარე ტენდერის შესყიდვის ობიექტის სავარაუდო ღირებულების ოდენობისა, რაზედაც უნდა წარმოადგინოს აღნიშნულ სამუშაოებზე გაფორმებული ხელშეკრულებების და ამ სამუშაოების დასრულების დამადასტურებელი დოკუმენტების ასლები (სამუშაოების შესრულების აქტი, ან/და შესრულებული სამუშაოების მიღება-ჩაბარების აქტი, ან/და დამკვეთის მიერ გაცემული შესრულებული სამუშაოების დამადასტურებელი ცნობა,). იმ შემთხვევაში, თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, მითითებული უნდა იქნას სისტემის მიერ მინიჭებული SPA/CMR/NAT ნომერი.
შენიშვნა: ტენდერში მონაწილე ამხანაგობის შემთხვევაში ამხანაგობის მონაწილეთა გამოცდილების შეკრება დაუშვებელია.

1. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მოწოდებასთან დაკავშირებული ყველა გადასახადის გათვალისწინებით (პრეტენდენტი ვალდებულია ხარჯთაღრიცხვაში გაითვალისწინოს გაუთვალისწინებელი ხარჯი 3%-ის ოდენობით. სატენდერო წინადადების განფასება წარმოდგენილ უნდა იქნას საქართველოს მთავრობის 2014 წლის 14 იანვრის N55 დადგენილების მოთხოვნათა გათვალისწინებით).
2. სამუშაოების შესრულებისას გამოყენებული სხვადასხვა მასალები და დანადგარები უნდა იყოს მაღალი ხარისხის და შეესაბამებოდეს პროექტში მითითებულ სტანდარტებს.
3. მიმწოდებელმა უნდა წარმოუდგინოს შემსყიდველს მასალებისა და დანადგარების ხარისხის და/ან სტანდარტების დამადასტურებელი სერტიფიკატები;
4. სამუშაოების ჩატარებისას მიმწოდებელი ვალდებულია დაიცვას კანონმდებლობით, მათ შორის, სამშენებლო რეგლამენტებით გათვალისწინებული მოთხოვნები და ნორმები. მიმწოდებლის მიერ სამუშაოების დარღვევით წარმოება გამოიწვევს კანონმდებლობით დადგენილ პასუხისმგებლობას;
5. შემოთავაზებული ფასი უნდა მოიცავდეს სამუშაოების სრულყოფილად შესრულებასთან დაკავშირებულ ყველა ხარჯს, მათ შორის კანონმდებლობით გათვალისწინებულ ყველა გადასახადს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
6. ხარჯთაღრიცხვა ატვირთული უნდა იყოს ასევე Excel-ის ფორმატის ფაილის სახით დანართი N1–ის მიხედვით. (პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ხარჯთაღრიცხვა (სატენდერო დოკუმენტაციის დანართი N1) ან წარმოდგენილი იქნება განფასების გარეშე ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს).

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე,ფასწარმოქმნის ადეკვატურობა, შესაძლებელია დადასტურდეს სამშენებლო სამუშაოების განხორციელებასთან დაკავშირებით სსიპ „ლევან სამხარაულის სასამართლო ექსპერტიზის ეროვნული ბიუროს“ ან შესაბამისი ლიცენზიის/აკრედიტაციის მქონე ექსპერტის მიერ მომზადებული შესაბამისი საექსპერტო დასკვნის საფუძველზე, რომელიც ასევე უნდა მოიცავდეს ბაზრის კვლევას დანართ #1-ში (ხარჯთაღრიცხვაში) მოცემული მასალების და ძირითადი აგრეგატების ფასის შესახებ, რაც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.
4.1.1.2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

ანგარიშსწორება განხორციელდება სამუშაოების სრულად დასრულების შემდგომ შესაბამისი მიღება-ჩაბარების აქტის, შესრულებული სამუშაოს შესახებ ანგარიშის (ფორმა N2) და ინსპექტირების დასკვნის საფუძველზე.

7.2.2. საბოლოო ანგარიშსწორება განხორციელდება ეროვნულ ვალუტაში - ლარში, მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა და ანგარიშ–ფაქტურის (კანონმდებლობით გათვალისწინებულ შემთხვევებში) საფუძველზე, დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის ვადაში.

მაია აიდარაშვილი, 551279579, aidarashvilimaia@yahoo.com

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია გარდა ფასების ცხრილისა/ხარჯთაღრიცხვის (ერთიან ელექტრონულ სისტემაში სატენდერო დოკუმენტაციის კითხვარის მხოლოდ 1.3 პუნქტი განთავსდება Excel-ის ფორმატში ცხრილის სახით) უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
10.1.3. პრეტენდენტის მიერ ელექტრონულ სისტემაში ატვირთული სატენდერო დოკუმენტაცია უნდა იყოს ხელმოწერილი და ბეჭედდასმული უფლებამოსილი პირის მიერ.