Инженерные услуги (Грузия - Тендер #72138667)

ლენტეხის მუნიციპალიტეტის სოფელ მელეში მდებარე კულტურული მემკვიდრეობის ძეგლის - სამსონ ონიანის კოშკისა და სოფელ ჩუკულში მდებარე ონიანების კომპლექსის (მაჩუბი) საპროექტო-სახარჯთაღრიცხვო დოკუმენტაციის მომზადება

 პრეამბულა

ლენტეხის მუნიციპალიტეტი მდებარეობს რაჭა-ლეჩხუმისა და ქვემო სვანეთის რეგიონში, მდინარე ცხენისწყლის ზედა წელში. მუნიციპალიტეტი გამოირჩევა მთიანი რელიეფით, მრავალფეროვანი ბუნებრივი ლანდშაფტითა და საუკუნეების განმავლობაში ჩამოყალიბებული ისტორიულ-კულტურული მემკვიდრეობით.
სოფელი მელე და ჩუკული მდებარეობს მაღალმთიან ზონაში, სადაც შენობათა განლაგება მორგებულია რელიეფის ბუნებრივ ფორმებს. არქიტექტურა ტრადიციულად ეფუძნება ადგილობრივ სამშენებლო მასალებს, ქვასა და ხეს და გამოირჩევა მასიური კედლებითა და ციცაბო ორფერდა სახურავებით. შენობათა კომპოზიციაში ხშირად ინტეგრირებულია საცხოვრებელი და სამეურნეო ფუნქციები, რაც დამახასიათებელია მთიანი სვანური დასახლებებისთვის.
სოფელები ინარჩუნებენ ტრადიციულ სვანურ იერსახეს. ზოგ შემთხვევაში შემნორჩენილია ტრადიციული ტიპის კომლექსები, რომელთაც თავდაცვითი და საცხოვრებელი ფუნქციები გააჩნდათ.
ორივე სოფლის ურბანულ და არქიტექტურულ იერსახეში უმთავრესი მნიშვნელობა ენიჭება ტრადიციული მასშტაბისა და სტრუქტურის შენარჩუნებას. შემორჩენილი კულტურული მემკვიდროების ძეგლების შენარჩუნება კი მნიშვნელოვანი ფაქტორია რეგიონისა და ქვეყნისთვის.
ყოველივე ზემოაღნიშნულიდან გამომდინარე, ძეგლების ფიზიკური მდგომარეობის გაუმჯობესების მიზნით, ამ ეტაპზე დაიგეგმა ლენტეხის მუნიციპალიტეტში მდებარე ორი ობიექტის: სოფელი მელეში - სამსონ ონიანის კოშკისა და სოფელი ჩუკულში - ონიანების კომპლექსის (მაჩუბი) საპროექტო-სახარჯთაღრიცხვო დოკუმენტაციის მომზადება.
სოფელი მელე - სამსონ ონიანის კოშკი (კოორდინატები - X: 42.79618536, Y: 43.06805595, ს/კ 87.07.23. 015.027)
კოშკი ნაგებია ნატეხი ქვის ირეგულარული წყობით (გარე პერიმეტრი 5.90X5.90 მ.; სიამღლე დაახლოებით 21.0 მ.-მდე). კოშკის ფასადებზე ნალესობა ადგილ-ადგილ არის შემორჩენილი. კარი გაჭრილია აღმოსავლეთ და სამხრეთ კედელზე - მეორე სართულის დონეზე (მიწიდან დაახლოებით შვიდი მეტრის სიმაღლეზე). ორივე კარს აქვს არქიტრავული გადახურვა და ორივე ნაოთხალია. კოშკი გვირგვინდება ოდნავ შვერილი სამთაღოვანი ქუდით. ნაგებობა გადახურულია ხის კონსტრუქციაზე გამართული ფიქალის ქვით. ვინაიდან კოშკის შესასვლელი საკმაოდ მაღალ ნიშნულზეა. კიბის გარეშე ასვლა შეუძლებელია. აღმოსავლეთი კარის სამხრეთი წირთხლი დაზიანებულია და გადმოზნექილია კარის მხარეს. კედლებზე ექსტერიერსა და ინტერიერში გაჩენილია ვერტიკალური ბზარები.
ფასადები ადგილ-ადგილ დაფარულია ბიოსაფარით. სახურავის ფილები ფრაგმენტულად ჩამოცვენილია. სართულშუა გადახურვების ქვის შევსება ნაწილობრივ დაზიანებულია და ჩაედინება ატმოსფერული ნალექი. კოშკის გარშემო მაღალი ხეებია, რომელთა ტოტები სახურავზეა გადაწოლილი.
სოფელი ჩუკული ონიანების კომპლექსი (მაჩუბი) (კოორდინატები - X: 42.80367951, Y: 43.01437853; ს.კ 87.06.25.000.045)
ონიანების კომპლექსი მოიცავს ერთმანეთზე მიდგმულ დარბაზ-მაჩუბს, კოშკსა და საცხოვრებელ სახლს. დასავლეთ ნაწილში მდებარეობს - დარბაზ-მაჩუბი, მის აღმოსავლეთით - კოშკი, ხოლო კოშკის ჩრდილო-აღმოსავლეთით - საცხოვრებელი სახლი. მაჩუბი ორსართულიანია (კედლების გარე პერიმეტრია - 12.0X15.0 მ.) პირველ სართულზე ბოსელი და საკუჭნაოა. შესასვლელი სამხრეთი კედლის შუა ნაწილშია გაჭრილი. შესასვლელის ორივე მხარეს განიერი, დარაბებიანი სარკმელია. ასევე, ორ-ორი ღიობია გაჭრილი დასავლეთ და ჩრდილოეთ კედელზე. ინტერიერში ჩრდილოეთ და დასავლეთ გაყოლებაზე მოწყობილია 20 თაღიანი „ლეჭუნდირი“, რომელზეც ამოკვეთილია სხვადასხვა სახის ორნამენტი, მაჩუბის სართულშუა გადახურვა ეყრდნობა ხის დედაბოძზე მოწყობილ მორებს. მის ქვეშ მოწყობილია კერა. მაჩუბის მეორე სართულს ორი მხრიდან შემოუყვება აივანი. ინტერიერი შედგება ერთი დიდი ოთახისგან. მისი იატაკი ფიცრულია. დარბაზი გადახურულია ორფერდა სახურავით, რომლის ხის კონსტრუქციაც ეყრდნობა დედაბოძს. თავდაპირველად, გადახურული იყო ფიქალით, თუმცა დაზიანების გამო, ახლა თუნუქის საბურველი აქვს გაკეთებული.
ზემოაღნიშნული შენობა-ნაგებობების ფიზიკური მდგომარეობის გაუმჯობესებისა და მათი ისტორიულ-არქიტექტურული ღირებულებების შენარჩუნების მიზნით, მიღებულ იქნა გადაწყვეტილება მათი რესტავრაციის განხორციელების შესახებ. აღნიშნული სამუშაოების წინაპირობად განისაზღვრა შესაბამისი საპროექტო-სახარჯთაღრიცხვო დოკუმენტაციის მომზადება, რაც უზრუნველყოფს რესტავრაციის პროცესის გეგმიურ, ტექნიკურად გამართულ და ნორ მატიულ მოთხოვნებთან შესაბამის შესრულებას.

 მიზანი და ძირითადი პირობები

1. კულტურული მემკვიდრეობის ძეგლის რეაბილიტაციისთვის საპროექტო-სახარჯთაღრიცხვო დოკუმენტაციის შედგენის მიზანია მისი მდგრადი განვითარების, ერთიანობის ურღვევობის, ავთენტურობის შენარჩუნების, კონსერვაციის, ინტერპრეტაციისა და დაცულობის უზრუნველყოფა.
2. ტენდერის მიზანია კვლევითი სამუშაოების განხორციელებისა და რეაბილიტაციის საპროექტო-სახარჯთაღრიცხვო დოკუმენტაციის მომზადება, რაც სამომავლოდ გახდება ფიზიკური სამუშაოების განხორციელების საფუძველი.
3. ჩასატარებელმა სამუშაოებმა უნდა უზრუნველყოს ძეგლზე არსებული მძიმე მდგომარეობის გამოსწორების ყველა ასპექტი. ჩასატარებელი სამუშაოები მოითხოვს გამორჩეულად ფაქიზ მიდგომას, კარგად გამართულ მეთოდოლოგიურ ხელმძღვანელობას, სწორ კონსტრუქციულ და მაღალპროფესიულ მხატვრულ გადაწყვეტას.
4. პირველ ეტაპზე, სრულყოფილი კვლევა-ფიქსაციის სამუშაოები /3D სკანირება, გარკვეული მონაკვეთების ტრადიციული მეთოდით კროკების შესრულება, კედლების ზონდაჟები, ფუძე-გრუნტებისა და დაფუძნების საინჟინრო-გეოლოგიური კვლევა, არსებული სამშენებლო მასალების კვლევა (დაზიანებების სრულყოფილად დასადგენად ნიმუშები აღებული უნდა იქნას საკვლევი შენობის ყველა საჭირო მონაკვეთიდან) და სხვ./ უნდა ჩატარდეს შესაბამისი ტექნოლოგიების გამოყენებით.
5. კვლევითი და გაწმენდითი სამუშაოების განხორციელების პროცესში ნაგებობის გარკვეული ნაწილების/ფრაგმენტების გადაწყობის აუცილებლობის შემთხვევაში, სამშენებლო მასალა უნდა დაფიქსირდეს, მოიხსნას და დასაწყობდეს შესაბამისი დარგის სპეციალისტის ზედამხედველობით.
6. კვლევითი სამუშაოების (საინჟინრო-გეოლოგიური შურფ(ებ)ი, ზონდაჟ(ებ)ი, გახსნილი არქეოლოგიური ფენა/ობიექტი ან ფრაგმენტი) დასრულების შემდგომ, გამოკვლეული მონაკვეთი დაკონსერვდეს ან/და მიყვანილ იქნეს იმგვარ მდგომარეობაში, რომ არ გაგრძელდეს ძეგლის დაზიანება და დაცული იქნას უსაფრთხოება.
7. მიწის და მიწასთან დაკავშირებული ფიზიკური სამუშაოების შესრულების შემთხვევაში, სამუშაოები განხორციელდეს ხელით, არქეოლოგიური ზედამხედველობით.
8. მიწის სამუშაოთა მიმდინარეობის დროს არქეოლოგიური ახალი ობიექტის აღმოჩენის შემთხვევაში, „კულტურული მემკვიდრეობის შესახებ“ საქართველოს კანონის მე-10 მუხლის თანახმად, სამუშაოები უნდა შეწყდეს და ამის შესახებ დაუყოვნებლივ ეცნობოს საქართველოს კულტურული მემკვიდრეობის დაცვის ეროვნულ სააგენტოს.
9. სამუშაოთა მიმდინარეობისას გამოვლენილი ახალი არქეოლოგიური მასალა მიმწოდებელმა სათანადოდ უნდა დაიცვას დაზიანებისგან, განადგურებისგან და დაკარგვისგან, ასევე გარემო პირობებისა და არასასურველი ზემოქმედებისგან.
10. ნაგებობის ტექნიკური მდგომარეობის კომპლექსური კვლევა, რომელიც მოიცავს საპროექტო ობიექტის ტექნიკური მდგომარეობის ვიზუალურ და ინსტრუმენტულ კვლევას, უნდა შესრულდეს დამოუკიდებელი სპეციალისტის მიერ.
11. კვლევით და საფიქსაციო ნაწილში დაფიქსირებული უნდა იყოს ყველა დაზიანება თუ რღვევა. რეაბილიტაციის პროექტმა უნდა მოიცვას ძეგლის არსებული მძიმე მდგომარეობის გამოსწორების აუცილებელი ყველა ღონისძიება.
12. საყოველთაოდ აღიარებული პრინციპების დაცვით, ზემოთ ჩამოთვლილი მიზნების მისაღწევად კულტურული მემკვიდრეობის ძეგლის რეაბილიტაციისთვის საჭირო საპროექტო-სახარჯთაღრიცხვო დოკუმენტაციით განსაზღვრული ნებისმიერი ჩარევა უნდა იყოს:
• შეძლებისდაგვარად მინიმალური და ადვილად უკუქცევადი;
• ჩარევა არ უნდა უქმნიდეს საფრთხეს ძეგლის რომელიმე კულტურულ ღირებულებას;
• გამოყენებული უნდა იქნას ორიგინალთან თავსებადი, მაღალი ხარისხის, ხანგრძლივ ექსპლუატაციაზე გათვლილი მასალები;
• ყველა ჩარევა უნდა იყოს მკაცრად და დეტალურად დოკუმენტირებული.

 პროექტირებისას აუცილებლად გასათვალისწინებელია, რომ:

1. კვლევითი და საპროექტო დოკუმენტაცია უნდა დამუშავდეს საქართველოს კანონმდებლობისა და კანონქვემდებარე ნორმატიული დოკუმენტების მოთხოვნების გათვალისწინებით, თანამედროვე ტექნოლოგიების გამოყენებით, მათ შორის პროექტით გათვალისწინებული სარეაბილიტაციო სამუშაოები და მეთოდოლოგია უნდა დაისახოს საქართველოს კანონის „კულტურული მემკვიდრეობის შესახებ“ მოთხოვნებისა და ძეგლთა დაცვითი საერთაშორისო გამოცდილების გათვალისწინებით, საქართველოს მთავრობის 2007 წლის 28 მარტის №62 დადგენილების „მშენებლობის უსაფრთხოების წესების“ მოთხოვნათა შესაბამისად;
2. გრაფიკული მასალა უნდა მომზადდეს ციფრული (ვექტორული DWG, DXF, PLA გაფართოების ფაილი - Autocad, Archicad) პროგრამული უზრუნველყოფის გამოყენებით;
3. საპროექტო დოკუმენტაციის მოსამზადებლად უნდა ჩატარდეს კვლევითი და საფიქსაციო სამუშაოები, ჩამოყალიბდეს რეკომენდაციები ძეგლზე ჩასატარებელი სამუშაოების მეთოდოლოგიის თაობაზე და შესრულდეს ძეგლის რეაბილიტაციის შესაბამისი საპროექტო-სახარჯთაღრიცხვო დოკუმენტაცია.
4. ძეგლის ყველა ნაწილის საფიქსციო სამუშაოები (მაღალი რეზოლუციის 3D სკანირება და ფოტოფიქსაცია, გარკვეული მონაკვეთების ტრადიციული მეთოდით აზომვა და კროკების შესრულება) განსახორციელებელია ფრონტალური ხედებიდან, სადაც დაფიქსირებული უნდა იყოს ყველა დეტალი, ფრაგმენტი და ასევე დაზიანება. ჩატარებული საფიქსაციო სამუშაოებისა და მასალების საფუძველზე, გრაფიკულ გამოსახულებაში ზუსტად უნდა იყოს ასახული ძეგლის რეალური მდგომარეობა, მათ შორის დეტალები, შაბლონები, ფრაგმენტები და დაზიანებები.

შენიშვნა: სრულყოფილი ტექნიკური დავალება იხილეთ მიმაგრებულ ფაილებში.

გასაწევი მომსახურება ორ ეტაპიანია.

პირველი ეტაპით გათვალისწინებული დოკუმენტების წარმოდგენის ვადის ათვლა იწყება ხელშეკრულების გაფორმებიდან, ხოლო მეორე ეტაპით გათვალისწინებული დოკუმენტების მიწოდების ვადის ათვლა იწყება შემსყიდველის მხრიდან პირველი ეტაპის მიღება-ჩაბარების აქტის გაფორმებიდან. აღნიშნული ეტაპებით გათვალისწინებული ვადის ჯამი არ უნდა აღემატებოდეს 200 (ორასი) კალენდარულ დღეს.

ლენტეხის მუნიციპალიტეტის სოფელ მელეში მდებარე კულტურული მემკვიდრეობის ძეგლის - სამსონ ონიანის კოშკისა და სოფელ ჩუკულში მდებარე ონიანების კომპლექსის (მაჩუბი) ტერიტორია

პრეტენდენტს 01.01.2022 წლიდან ტენდერის გამოცხადების დღემდე პერიოდში, უნდა გააჩნდეს საცხოვრებელი ან/და საკულტო ან/და საფორთიფიკაციო ან/და საზოგადოებრივი შენობა-ნაგებობების მშენებლობის ან/და რეაბილიტაციის საპროექტო-სახარჯთაღრიცხვო დოკუმენტაციის (გარდა ხაზოვანი ნაგებობებისა (გამონაკლის წარმოადგენს მხოლოდ ხიდები და გვირაბები რომელთაც გააჩნიათ კულტურული მემკვიდრეობის ძეგლის სტატუსი)) შედგენის გამოცდილება, რომლის ჯამური ღირებულება ლარებში უნდა შეადგენდეს, 96000,00 (ოთხმოცდათექვსმეტი ათასი) ლარს, საქართველოს კანონმდებლობით დადგენილი ყველა გადასახადის ჩათვლით. ამასთან, აღნიშნული შესრულებული ხელშეკრულებ(ებ)ის ფარგლებში, დასრულებული უნდა იყოს თითოეული მათგანი.

აღნიშნულის დასადასტურებლად, პრეტენდენტის მიერ, წარმოდგენილი უნდა იქნას გამოცდილების შესახებ ინფორმაცია დანართი N1-ს შესაბამისად, ამასთან:
1.1 დანართი N1-ში მითითებულ ხელშეკრულებებზე, რომლებზეც დამკვეთს წარმოადგენს კერძო სამართლის სუბიექტი (არა შემსყიდველი ორგანიზაცია), პრეტენდენტმა, დამატებით უნდა წარმოადგინოს დანართი N1-ში მითითებული მხარეთა მიერ ხელმოწერილი ხელშეკრულების ასლები, დამკვეთის მიერ დადასტურებული მიღება-ჩაბარების აქტები და შესაბამისი დადასტურებული საგადასახადო ანგარიშ-ფაქტურები (არსებობის შემთხვევაში).

1.2. იმ შემთხვევაში, თუ მოთხოვნილი დოკუმენტაცია (ხელმოწერილი ხელშეკრულების ასლები და დამკვეთის მიერ დადასტურებული შესრულების დამადასტურებელი დოკუმენტები) ატვირთულია შესყიდვების ერთიან ელექტრონულ სისტემაში, პრეტენდენტს შეუძლია გამოცდილების შესახებ დანართი N1-ში მიუთითოს შესაბამისი CMR ან/და SPA ან/და NAT ან/და სხვა შესყიდვის საშუალების ნომრები და არ წარმოადგინოს მოთხოვნილი დოკუმენტაცია.

1. პრეტენდენტს, ტენდერით გათვალისწინებული მომსახურების ხარისხიანად გაწევის უზრუნველსაყოფად, სავალდებულოა ჰყავდეს შესაბამისი პერსონალი, მათ შორის: არქიტექტორ-რესტავრატორი და ინჟინერ-კონსტრუქტორი.

2. არქიტექტორ-რესტავრატორს და ინჟინერ-კონსტრუქტორის, 2018 წლიდან ტენდერის გამოცხადების დღემდე, უნდა გააჩნდეთ არანაკლებ 3 (სამი) კულტურული მემკვიდრეობის ძეგლის რეაბილიტაციის საპროექტო დოკუმენტაციის შედგენის გამოცდილება, მათ შორის, ერთი კულტურული მემკვიდრეობის ძეგლზე შედგენილი საპროექტო დოკუმენტაციის ფარგლებში, ადმინისტრაციული ორგანოს მიერ გაცემული უნდა იყოს შესაბამისი სანებართვო დოკუმენტი (ნებართვა ან/და ბრძანება) ძეგლზე შესასრულებელი სამუშაოების შესახებ.
აღნიშნულის დასადასტურებლად, პრეტენდენტის მიერ წარმოდგენილი უნდა იქნას პერსონალის გამოცდილების შესახებ ინფორმაცია დანართი N3-ს (CV - ინფორმაცია პროექტში მონაწილე სპეციალისტის შესახებ) შესაბამისად, ამასთან:
2.1. დანართი N3-ში (CV - ინფორმაცია პროექტში მონაწილე სპეციალისტის შესახებ) მითითებულ ხელშეკრულებებზე, პრეტენდენტმა, დამატებით უნდა წარმოადგინოს მხარეთა მიერ ხელმოწერილი ხელშეკრულების ასლები, მათ ფარგლებში მომზადებული პროექტი (საიდანაც უნდა იდენტიფიცირდებოდეს სპეციალისტის მონაწილეობა) და დამკვეთის მიერ დადასტურებული მიღება-ჩაბარების აქტები, ამასთან ერთი კულტურული მემკვიდრეობის ძეგლზე შედგენილი საპროექტო დოკუმენტაციის ფარგლებში დამატებით წარმოდგენილი უნდა იქნას ადმინისტრაციული ორგანოს მიერ გაცემული შესაბამისი სანებართვო დოკუმენტი (ნებართვა ან/და ბრძანება) ძეგლზე შესასრულებელი სამუშაოების შესახებ.

3. წარმოდგენილი უნდა იქნას არქიტექტორ-რესტავრატორის და ინჟინერკონსტრუქტორის დიპლომის ასლი, ამასთან:
3.1. ინჟინერ-კონსტრუქტორის შემთხვევაში, მისაღებია როგორც ინჟინერკონსტრუქტორის, ასევე ინჟინერ-მშენებლის დიპლომის ასლი, ხოლო არქიტექტორრესტავრატორის შემთხვევაში, მისაღებია როგორც არქიტექტორ-რესტავრატორის, ასევე არქიტექტორის დიპლომის ასლი;

4. წარმოდგენილი უნდა იქნას დანართი N2 (ინფორმაცია პრეტენდენტის მიერ დასაქმებული პირების შესახებ).

5. ხელშეკრულების გაფორმების შემდეგ, დაუშვებელია მიმწოდებლის მიერ სპეციალისტ(ებ)ის შეცვლა, გარდა უკიდურესი აუცილებლობისა. ასეთის არსებობის შემთხვევაში მიმწოდებელი ვალდებულია წინასწარ შეათანხმოს შემსყიდველთან (მიმწოდებელი ვალდებულია, წერილობით წარმოადგინოს შესაბამისი დასაბუთებული ინფორმაცია აღნიშნულ ცვლილებასთან დაკავშირებით). ამ შემთხვევაში, ახალი სპეციალისტ(ებ)ის კვალიფიკაცია და სამუშაო გამოცდილება უნდა აკმაყოფილებდეს სატენდერო დოკუმენტაციით განსაზღვრულ მოთხოვნებს.

კულტურული მემკვიდრეობის ძეგლზე ნებისმიერი ფიზიკური ზემოქმედების შემთხვევაში მიმწოდებელი ვალდებულია სამუშაოების დაწყებამდე გადაიხადოს სანებართვო მოსაკრებელი კულტურული მემკვიდრეობის ძეგლზე სამუშაოების ნებართვის მისაღებად 50 (ორმოცდაათი) ლარის ოდენობით და აიღოს შესაბამისი ნებართვა სამუშაოების წარმოებაზე.

წინამდებარე ტენდერში არ იქნება მოთხოვნილი ფასწარმოქმნის ადეკვატურობის დასაბუთება, რადგან მომსახურების ღირებულების მნიშვნელოვან კომპონენტს წარმოადგენს ინტელექტუალური ტიპის შრომის ანაზღაურება, რაც პოტენციურად შესაძლებელს ხდის აღნიშნული მომსახურების მიწოდება განხორციელდეს სავარაუდო ღირებულებაზე 20%-ით ნაკლებ ფასად.

2 Процентов

5 Процентов

ხელშეკრულების უზრუნველყოფის გარანტიის მოქმედების ვადა არანაკლებ 30 (ოცდაათი) კალენდარული დღით უნდა აღემატებოდეს ხელშეკრულების მოქმედების ვადას (ხოლო ხელშეკრულების მოქმედების ვადა მინიმუმ 3 (სამი) თვით უნდა აღემატებოდეს მომსახურების გაწევის საბოლოო ვადას).

1. გარანტია წარმოდგენილი უნდა იყოს, საქართველოს კანონმდებლობის შესაბამისად ლიცენზირებული დაწესებულებიდან, ეროვნულ ვალუტაში - ლარში (ან უცხო ქვეყნის საბანკო დაწესებულებიდან, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ) შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ და ბეჭედდასმული, დანართი N4-ში მოცემული პირობების შესაბამისად.
2. ხელშეკრულების უზრუნველყოფის გარანტიასთან დაკავშირებული სხვა პირობები განისაზღვრება ხელშეკრულების პროექტით.

1. მიმწოდებელი უფლებამოსილია, შემსყიდველს წარუდგინოს წერილობითი თხოვნა წინასწარი ანგარიშსწორების თანხის (შემდგომში - ავანსი) გადახდის თაობაზე.
2. მიმწოდებლის მიერ ამ მუხლის პირველი პუნქტით გათვალისწინებული წერილობითი მოთხოვნის წარდგენის მიუხედავად, შემსყიდველი უფლებამოსილია, არ დააკმაყოფილოს მიმწოდებლის თხოვნა ავანსის გადახდის თაობაზე იმ შემთხვევაში, თუ მიმწოდებელს შესრულებული აქვს ხელშეკრულების ღირებულების 20% ან მეტი.
3. შემსყიდველის მიერ ავანსის გადახდასთან დაკავშირებით დადებითი გადაწყვეტილების მიღების შემთხვევაში, მიმწოდებელი ვალდებულია, შემსყიდველს წარუდგინოს საქართველოს კანონმდებლობის შესაბამისად ლიცენზირებული დაწესებულების (უცხო ქვეყნის საბანკო დაწესებულების შემთხვევაში, იგი გადაზღვეული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ) მიერ გაცემული, ავანსის იდენტური ოდენობის საბანკო გარანტია, რომლის მოქმედების ვადა უნდა აღემატებოდეს ხელშეკრულების მოქმედების ვადას არანაკლებ 30 (ოცდაათი) კალენდარული დღით.
4. მიმწოდებელზე გასაცემი საავანსო თანხა ჯამში არ უნდა აღემატებოდეს ხელშეკრულების ჯამური ღირებულების 20%-ს.
5. საავანსო ანგარიშსწორების გარანტიის გამოყენების/დაკავების პირობები განისაზღვრება ხელშეკრულების პროექტით.

1. ხელშეკრულების ფარგლებში ანგარიშსწორება იწარმოება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე.
2. მიმწოდებლის მიერ ხელშეკრულებით ნაკისრი ვალდებულებების შესრულება დასტურდება მხარეთა შორის მიღება-ჩაბარების აქტ(ებ)ის გაფორმებით.
3. შესრულებული სამუშაოს ანგარიშსწორება განხორციელდება ეტაპობრივად, ექსპერტიზის დადებითი დასკვნის საფუძველზე (საჭიროების შემთხვევაში), მხარეთა მიერ შედგენილი ინსპექტირების ჯგუფის დადებითი დასკვნის, მიღება-ჩაბარების აქტ(ებ)ის და საგადასახადო დოკუმენტაციის საფუძველზე.
4. ექსპერტიზაზე დოკუმენტაციას წარადგენს და ანაზღაურებას ახორციელებს შემსყიდველი.
5. ანგარიშსწორებასა და მიღება-ჩაბარებასთან დაკავშირებული სხვა პირობები განისაზღვრება ხელშეკრულების პროექტით.

ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.

ხათუნა მენაბდიშვილი, 577253365, khatuna.menabdishvili@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მი