Инженерные услуги (Грузия - Тендер #72126410)

სსიპ საქართველოს ეროვნული მუზეუმის გაერთიანებაში არსებული მცხეთის არქეოლოგიური მუზეუმის (ქ.მცხეთა კარიბჭის ჩიხი N1) საპროექტო სამუშაოებისა და ხარჯთაღრიცხვის შედგენის მომსახურეობის შესყიდვა.

1.2.1მიმწოდებელი ვალდებულია მოამზადოს ტექნიკური დავალებით აღნიშნული დეტალური საპროექტო-სახარჯთაღრიცხვო დოკუმენტაცია, საქართველოში მოქმედი სამშენებლო ნორმებისა და წესების, ასევე შესაბამისი საერთაშორისო სტანდარტების გათვალისწინებით.

1.2.2 პროექტის შემუშავებისას გათვალისწინებული უნდა იყოს თანამედროვე სამშენებლო მასალების გამოყენება. პროექტი უნდა მოიცავდეს ინსტრუქციებს, რეკომენდაციებს და გამოსაყენებელი მასალების დეტალურ სპეციფიკაციებს, რის საფუძველზეც, მშენებლობისას, შესაძლებელი გახდება მუშაობის მეთოდის, გამოყენებული მასალის და მასალის ხარისხის გაკონტროლება.

1.2.3 მიმწოდებელმა უნდა უზრუნველყოს მის მიერ შესრულებული პროექტების შესაბამისად წარმოებული სამშენებლო-სარეაბილიტაციო სამუშაოების საავტორო ზედამხედველობის ღონისძიებები და საჭიროების შემთხვევაში პროექტებში შეიტანოს კორექტირებები შემსყიდველთან შეთანხმებით.

1.2.4 შესრულებული სამუშაოების ხარისხისა და დეტალური საპროექტო დოკუმენტაციის შესაბამისობის უზრუნველსაყოფად, მიმწოდებელი ვალდებულია უზრუნველყოს სამშენებლო სამუშაოების მონიტორინგი, მიიღოს მონაწილეობა საპროექტო გადაწყვეტათა დაზუსტებაში, საჭიროების შემთხვევაში მუშა დოკუმენტაციის, სამშენებლო მოცულობების და კონტრაქტის სხვა შესაბამისი ცვლილებების მომზადება-შეთანხმებაში, ასევე ტექნიკური დავალების დანართით გათვალისწინებული ღონისძიებების განხორციელებაში.

სრული საპროექტო-სახარჯთაღრიცხვო დოკუმენტაციის მომზადების ვადა განისაზღვრება ხელშეკრულების გაფორმებიდან არაუმეტეს 60 (სამოცი) კალენდარული დღით. მომსახურების დასრულების დადასტურების მიზნით მიმწოდებელმა წერილობით უნდა მიმართოს შემსყიდველს და წარმოადგინოს ნებართვების მიღების მიზნით შესაბამის ადმინისტრაციულ ორგანოში დარეგისტრირებული განცხადებების დამადასტურებელი დოკუმენტი.
მომსახურების ვადა არ ითვალისწინებს ნებართვებისთვის საჭირო პერიოდს.
მიმწოდებელი ვალდებულია დოკუმენტაციის მომზადების ვადის გასვლიდან 30 (ოცდაათი) კალენდარულ დღეში წარმოადგინოს პროექტის განხორციელებისთვის საჭირო ყველა შესაბამისი ნებართვა (მათ შორის კულტურული მემკვიდრეობის სააგენტოს და საგანგებო სიტუაციების მართვის სამსახურის შესაბამისი ნებართვები).

1.5.1 მომსახურებით გათვალისწინებული დეტალური საპროექტო-სახარჯთაღრიცხვო დოკუმენტაცია წარმოდგენილი უნდა იყოს ქართულ ენაზე, როგორც ელექტრონულ ფორმატში ((ტექსტური ნაწილი Word და Excel ფაილების სახით, ხოლო ნახაზები - PDF, CAD ან/და PLN ფორმატში საჭიროების შესაბამისად) კომპაქტური დისკებით (CD ან DVD) სახით), ასევე ბეჭდური ვერსიით, მყარი ასლების (A4 და A3 ფორმატის) სახით.
1.5.2 საპროექტო დოკუმენტაციის მიწოდების ადგილი: ქ.თბილისი, ანტონ ფურცელაძის N3.

2.2.1.1. პრეტენდენტს 2023 წლის 01 იანვრიდან ტენდერის გამოცხადების დღემდე უნდა გააჩნდეს 120 000 ლარის ღირებულების საერთო სამშენებლო სამუშაოების საპროექტო სახარჯთაღრიცხვო დოკუმენტაციის შედგენის მომსახურების გამოცდილება მათ შორის მინიმუმ 1 ხელშეკრულება კულტურული მემკვიდეობის ძეგლის სამშენებლო საპროექტო სახარჯთაღრიცხვო დოკუმენტაციის შედგენის მომსახურების გამოცდილება, რომელიც ინფორმაციის სახით მოცემული უნდა იყოს დანართი №3–ით გათვალისწინებულ ცხრილში (წარმოდგენილ უნდა იქნას დამადასტურებელი დოკუმენტაცია: ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი - ანგ. ფაქტურა, მიღება-ჩაბარების აქტი და გადახდის დამადასტურებელი დოკუმენტი).
2.2.1.2 იმ შემთხვევაში, თუ მომსახურების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენებით და მომსახურების შესყიდვისა და მიწოდების დამადასტურებელი დოკუმენტები ატვირთული არის სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, NAT, CMR და ა.შ.) შესახებ.

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი №3–ის შესაბამისად.

2.4.1.1 მოთხოვნა პრეტენდენტის პერსონალის გამოცდილების შესახებ - პრეტენდენტს ტენდერით გათვალისწინებული მომსახურების გასაწევად უნდა ჰყავდეს შესაბამისიპროფესიის სპეციალისტები:
. ინჟინერი;
. არქიტექტორი;

პრეტენდენტმა უნდა წარმოადგინოს ინფორმაცია იმ სპეციალისტთა კვალიფიკაციის შესახებ, რომლებიც უშუალოდ მონაწილეობას მიიღებენ ტენდერით გათვალისწინებული მომსახურების გაწევაში.
პრეტენდენტმა უნდა ატვირთოს პერსონალის კვალიფიკაციის დამადასტურებელი დოკუმენტები და მათთან გაფორმებული შრომითი ხელშეკრულების ასლები, შრომითი ხელშეკრულების მოქმედების ვადა უნდა აღემატებოდეს მომსახურების გაწევის პერიოდს. (დიპლომი, შრომითი ხელშეკრულება).

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

1. წინასწარი ანგარიშსწორება დასაშვებია არაუმეტეს ხელშეკრულების ჯამური ღირებულების 20%-ისა, მიმწოდებლის დასაბუთებული მოთხოვნის საფუძველზე,
2. ასეთ შემთხვევაში წარდგენილი უნდა იყოს საქართველოს ეროვნული ბანკის ან ლიცენზირებული სადაზღვევო კომპანიის მიერ ლიცენზირებული საბანკო დაწესებულებიდან გაცემული საბანკო გარანტია შემსყიდველთან შეთანხმებული ფორმით. გარანტიის მოქმედების ვადა სულ მცირე 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას.

1. ანგარიშსწორება განხორციელდება უნაღდო ანგარიშწორების ფორმით, მიმწოდებლის მხრიდან დეტალური საპროექტო-სახარჯთაღრიცხვო დოკუმენტაციის წარმოდგენის შემდგომ შესაბამისი მიღება-ჩაბარების აქტისა და კანონმდებლობით გათვალისწინებული დოკუმენტაციის წარმოდგენის შემდგომ.

2. წინასწარ გადახდილი თანხის შემთხვევაში, გაქვითვა მოხდება პროპორციულად, ფაქტობრივად შესრულებული სამუშაოს ღირებულების იმ პროცენტის ოდენობით, რა პროცენტული ოდენობითაც გაიცა ავანსი.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

მარიამი დოხნაძე, 599934116, dokhnadzemariam1995@gmail.com

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.2 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და ინფორმაცია დადასტურებული უნდა იყოს კვალიფიციური ელექტრონული ხელმოწერით ან/და ელექტრონული შტამპით, უფლებამოსილი პირის მიერ;
10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
10.1.8 სატენდერო წინადადებასთან ერთად, რეკვიზიტების სახით (მათ შორის საბანკო) წარმოდგენილი უნდა იყოს ისეთი ინფორმაცია, რომელიც არ არის შევსებული ელექტრონულ სისტემაში არსებულ მიმწოდებლის პროფილში.