Инженерные услуги (Грузия - Тендер #72108017)

სსიპ - სახელმწიფო სერვისების განვითარების სააგენტოს კუთვნილ ფართებში - ბიომეტრიული დოკუმენტების პერსონალიზაციის ცენტრებში (ქ. თბილისი, ზ. გამსახურდიას მარჯვენა სანაპირო N1 (თბილისის იუსტიციის სახლი), ქ. ბათუმი შ.ხიმშიაშვილის N7 (ბათუმის იუსტიციის სახლი), ქ. ქუთაისი ი.აბაშიძის N20 (ქუთაისის იუსტიციის სახლი)) სარემონტო სამუშაოების მიზნით საპროექტო-სახარჯთაღრიცხვო დოკუმენტაციის სახელმწიფო შესყიდვა.

საპროექტო-სახარჯთაღრიცხვო სამუშაოების დეტალური აღწერილობა (თანდართული თითოეული საბეჭდი ცენტრის გეგმარებითი ნახაზების შესაბამისად, სადაც შესაბამისი ფართები ხაზებით გამოყოფილია):

1. სადემონტაჟო სამუშაოები
1.1 არსებული ხის/მდფ-ის კარის დემონტაჟი/გადაკეთება (საჭიროებისამებრ).
1.2 არსებული მეტალის კარის დემონტაჟი/გადაკეთება (საჭიროებისამებრ).
1.3 არსებული მინის კარის დემონტაჟი/აწევა (საჭიროებისამებრ).
(სულ არსებული კარების საორიენტაციო რაოდენობა - 15. აქედან: მდფ - 4, ლითონი - 7. მინა - 4).
1.4 პლინტუსების დემონტაჟი.

2. სარემონტო სამუშაოები
2.1 ახალი ხის/მდფ-ის პლინტუსების მოწყობა.
2.2 სამუშაო ოთახებში მაღალი ხარისხის (ანტისტატიკური) ლამინირებული იატაკის მოწყობა.
(სულ საორიენტაციო ფართობი - 518 მ/კვ, აქედან: თბილისი - 303 მ/კვ , ბათუმი - 168 მ/კვ , ქუთაისი - 47 მ/კვ).
2.3 ახალი ხის/მდფ-ის კარის მოწყობა (1 კარი).
2.4 არსებული ლითონის კარის შეღებვა.

3. ელ.გაყვანილობა და სუსტი დენები
3.1 კაბელ არხში ჩამონტაჟებული ელ.როზეტები და ინტერნეტ როზეტები.
3.2 ელ. გაყვანილობის ახალი ქსელის მოწყობა.
3.3 სუსტი დენების ახალი ქსელის მოწყობა .
3.4 კედლებზე კაბელ არხების მოწყობა.
3.5 ახალი ელექტრო ფარების მოწყობა (საჭიროებისამებრ).
(კაბელ არხში ელ.საკვანძო წერტილში/ბუდეში ერთად დგება 6 ელ.როზეტი და 4 ინტერნეტ როზეტი. წერტილების საორიენტაციო რაოდენობა სულ - 58, აქედან: თბილისი - 40, ბათუმი - 6, ქუთაისი - 12. ელ.გაყვანილობა და სუსტი დენების დაქსელვა მოხდება ჭერიდან).


4. წარმოსადგენი საპროექტო-სახარჯთაღრიცხო დოკუმენტაცია უნდა მოიცავდეს (მაგრამ არ შემოიფარგლებოდეს)
4.1 თავფურცელი - ობიექტის დასახელება და მისამართი.
4.2 პროექტის შემადგენლობა და ნახაზების უწყისი.
4.3 განმარტებითი ბარათი და ტექნიკური მაჩვენებლები.
4.4 არსებული მდგომარეობის ამსახველი ფოტომასალა და აზომვითი ნახაზები.
4.5 სიტუაციური გეგმა.
4.6 შიდა ელექტროგაყვანილობა.
4.7 სუსტი დენების პროექტი.
4.8 სამუშაოთა ორგანიზების პროექტი, სამუშაოთა ჩატარების კალენდარული გრაფიკით (გეგმა -გრაფიკი).
4.9 სახარჯთაღრიცხვო დოკუმენტაცია (დეფექტური აქტი, ლოკალური ხარჯთაღრიცხვა, კრებსითი ხარჯთაღრიცხვა) უნდა შეესაბამებოდეს „მშენებლობის უსაფრთხოების წესების დამტკიცების შესახებ” საქართველოს მთავრობის 2007 წლის 28 მარტის N62 დადგენილებას, „მშენებლობის უსაფრთხოების შესახებ ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 27 მაისის N361 დადგენილებას, ტექნიკური რეგლამენტის „შენობა-ნაგებობის უსაფრთხოების წესების“ დამტკიცების თაობაზე საქართველოს მთავრობის 2016 წლის 28 იანვრის №41 დადგენილებას, „სამშენებოს სამუშაოების სახელმწიფო შესყიდვასთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2025 წლის 1 დეკემბრის N2006 განკარგულებას, ასევე პროექტის შესრულების და დოკუმენტების წარმოდგენის დღისათვის მოქმედ ყველა სამართლებრივ აქტს (მათ შორის, საჭიროების შემთხვევაში, მშენებლობის ნებართვის გაცემის წესისა და სანებართვო პირობების შესახებ წესებს, არქიტექტურული და გეგმარებითი ელემენტების ტექნიკურ რეგლამენტს).
4.10 პროექტის ავტორები ვალდებულნი არიან ადგილზე შეისწავლონ საპროექტო ობიექტი.


შენიშვნა:
1) მიმწოდებელმა საპროექტო-სახარჯთაღრიცხვო დოკუმენტაცია (ეხება მხოლოდ: ხარჯთაღრიცხვას, სუსტი დენების და ელ.გაყვანილობის მოწყობას), უნდა წარმოადგინოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამის სფეროში აკრედიტებული ნებისმიერი პირის შესაბამისი დასკვნის სახით (დასკვნასთან ერთად წამოდგენილი უნდა იქნას უფლებამოსილების შესაბამისი დამადასტურებელი დოკუმენტი). ინსპექტირების ორგანოსთან შეთანხმებით მიღებულ იქნას ტექნიკური გადაწყვეტილების მართლზომიერება და მისი შესრულების ხარისხი. ექსპერტიზის მომსახურების ხარჯს უზრუნველყოფს მიმწოდებელი.
2) საპროექტო დოკუმენტაციის მომზადების პროცესში სისტემატურად უნდა მიმდინარეობდეს შემსყიდველთან საპროექტო სამუშაოებზე და სხვა დეტალებზე შეთანხმება.
3) მიმწოდებელმა ობიექტზე სამუშაოების შესრულების პროცესში უნდა გაუწიოს საავტორო ზედამხედველობა. იმ შემთხვევაში, თუ ობიექტზე სამუშაოების მიმდინარეობის პროცესში აღმოჩნდება საპროექტო-სახარჯთაღრიცხვო დოკუმენტაციით გაუთვალისწინებელი დამატებითი სამუშაოების შესრულების აუცილებლობა ან რაიმე ცვლილების განხორციელება, დამატებითი საპროექტო სახარჯთაღრიცხვო დოკუმენტაციის შედგენა უნდა მოხდეს გონივრულ ვადაში, ანაზღაურების გარეშე.

5. სავალდებულო მოთხოვნები:
5.1 პროექტი უნდა იქნეს შემუშავებული ისე, რომ სამუშაოები განხორციელდეს მაღალი ხარისხის მასალებით, ასევე პრიორიტეტი მიენიჭება ეკოლოგიურად სუფთა მასალებისა და ენერგომატარებლების გამოყენებას.
5.2 საპროექტო გადაწყვეტამ უნდა უზრუნველყოს ობიექტის მინიმალური საექსპლუატაციო მოვლა-პატრონობის ხარჯები. ასევე უზრუნველყოფილი უნდა იყოს ობიექტის საექსპლუატაციო მაქსიმალურად შესაძლებელი ვადა მიმდინარე და კაპიტალურ შეკეთებამდე (რემონტამდე).
5.3 მიმწოდებელი ადგილზე უნდა გაეცნოს შემსყიდველის მიერ წაყენებულ დეტალურ მოთხოვნებს, წინასწარი კონსულტაცია გაიაროს შემსყიდველთან და შეუთანხმოს მას.
5.4 საპროექტო დოკუმენტაციაში (აღჭურვილობის ჩამონათვალი, სპეციფიკაციები და სხვა) სასაქონლო ნიშნის, პატენტის, მოდელის, წარმოშობის წყაროს ან მწარმოებლის მითითება დაუშვებელია, გარდა იმ შემთხვევისა, როდესაც შესყიდვის ობიექტის ზუსტი აღწერის სხვა საშუალება არ არსებობს. ასეთ შემთხვევაში შესყიდვის ობიექტის აღწერისას აუცილებლად უნდა იქნეს გამოყენებული ტერმინი „მსგავსი“ ან „ექვივალენტური“ და სხვა.

მიმწოდებელმა საპროექტო-სახარჯთაღრიცხვო დოკუმენტაცია, უნდა წარმოადგინოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს ან შესაბამის სფეროში აკრედიტებული ნებისმიერი პირის (დასვნასთან ერთად წამოდგენილი უნდა იქნას უფლებამოსილების შესაბამისი დამადასტურებელი დოკუმენტი) შესაბამისი დასკვნის სახით არაუგვიანეს ხელშეკრულების დადებიდან 45 კალენდარულ დღეში.

1) საპროექტო - სახარჯთაღრიცხვო დოკუმენტაცია (მათ შორის, ნახაზები, პროექტი, ხარჯთაღრიცხვა და სხვა დოკუმენტები) წარმოდგენილი უნდა იქნას 4 ეგზემპლარად - A3 ფორმატის ნაბეჭდი მასალის სახით, ასევე ელექტრონული სახით - CD დისკზე ჩაწერილი, ArchiCAD-ის ან AutoCAD-ის პროგრამაში და პროექტის ყველა შემადგენელი ფურცელი PDF ფაილის სახით.
2) საპროექტო - სახარჯთაღრიცხვო დოკუმენტაციის წარმოდგენა უნდა განხორციელდეს ქ. თბილისში ზვიად გამსახურდიას სანაპიროს ქ. N1-ში.

1) პრეტენდენტს უნდა გააჩნდეს 2022 წლიდან წინამდებარე ტენდერში წინადადებების მიღების ვადის დასრულებამდე, მინიმუმ 5 საპროექტო-სახარჯთაღრიცხვო დოკუმენტაციის მიწოდების, ჯამურად არანაკლებ 100 000.00 ლარის ღირებულების გამოცდილება.
2) პრეტენდენტმა ყოველივე ზემოაღნიშნულის დასადასტურებლად უნდა წარმოადგინოს დამკვეთთან/შემსყიდველთან გაფორმებული ხელშეკრულებები და შესაბამისი მიღება-ჩაბარების აქტები, ან/და შესრულების დამადასტურებელი სხვა დოკუმენტები, ან/და მიუთითოს ელექტრონულ სისტემაში არსებული ტენდერის ან CMR ნომერი.

1) „მიმწოდებელი“ ვალდებულია საკუთარი სახსრებით აუნაზღაუროს „შემსყიდველს“ იმ დამატებითი სამუშაოების, მომსახურების, საქონლის ღირებულება თუ აღმოჩნდა რომ სამშენებლო სამუშაოების ღირებულება იზრდება სამუშაოების მიმდინარეობისას პროექტის/ხარჯთაღრიცხვის არასწორად შედგენის მიზეზით.
2) მიმწოდებელმა უნდა წარმოადგინოს უფლებამოსილი ორგანოებიდან კანონმდებლობით განსაზღვრული საჭირო ნებართვები და შესაბამის ორგანოებთან პროექტის შეთანხმების დამადასტურებელი დოკუმენტები (ასეთის საჭიროების შემთხვევაში).

ფასწარმოქმნის ადეკვატურობის დასაბუთება არ მოითხოვება, ვინაიდან შესყიდვის ობიექტი წარმოადგენს ინტელექტუალურ მომსახურებას, ხოლო მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებისა და საგადასახადო ანგარიშფაქტურის წარმოდგენის შემდეგ.

ანგარიშსწორება განხორციელდება ხელშეკრულების შესრულების დამადასტურებელი დოკუმენტის გაფორმებიდან და საგადასახადო ანგარიშფაქტურის წარმოდგენიდან (დღგ-ს გადამხდელად რეგისტრაციის შემთხვევაში) არაუგვიანეს 10 სამუშაო დღის განმავლობაში.

გია ბექაური, 555465567, sda@procurement.gov.ge

10.1.1 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები და გადასახდელები) გათვალისწინებით, დღგ-ს ჩათვლით;
10.1.2 როგორც თქვენთვის ცნობილია, 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ყველა ელექტრონულ დოკუმენტზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით. აღნიშნული წესით შესრულებული დოკუმენტი იურიდიული ძალის მქონეა.

დოკუმენტების ელექტრონულად დამოწმება შესაძლებელია შემდეგი ფორმით:
1) სატენდერო წინადადებისა თუ დაზუსტებული ინფორმაციის ელექტრონულად წარსადგენად შესაძლებელია თავფურცელის (წერილის სახით) უფლებამოსილი პირის მიერ ელექტრონულად ხელმოწერილი ან ორგანიზაციის ელექტრონული შტამპით დამოწმებული სახით მომზადება, რომელშიც მითითებული იქნება, რა მიზნით წარადგენთ დოკუმენტებსა თუ ინფორმაციას და აქვე ჩამოთვლით იმ დოკუმენტებსა თუ ინფორმაციას, რომლის წარმოდგენასაც გეგმავთ სატენდერო წინადადებისა თუ დაზუსტებული ინფორმაციის სახით. ასეთ შემთხვევაში წერილის დანართ(ებ)ი არ საჭიროებენ ელექტრონულად დამოწმებას. ერთიან ელექტრონულ სისტემაში ასეთი სახით წარმოდგენილი დოკუმენტაცია ჩაითვლება ელექტრონულად დამოწმებულად ან 2) სავალდებულოა პრეტენდენტის მიერ შექმნილი ნებისმიერი დოკუმენტის (მათ შორის: ფასების ცხრილი, გეგმა-გრაფიკი და სხვა) დამოწმება ელექტრონული ხელმოწერით ან/და კვალიფიციური ელექტრონული შტამპით.

10.1.3 სატენდერო წინადადება და თანმხლები დოკუმენტები შედგენილი უნდა იქნას ქართულ ენაზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე;
10.1.4 ალტერნატიული სატენდერო წინადადება არ განიხილება;
10.1.5 ხელშეკრულების ფორმა და პირობები მოცემულია 8.1 პუნქტში, რომელიც დაზუსტდება "ელექტრონული ტენდერის ჩატარების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 33-ე მუხლის პირველი პუნქტის შესაბამისად.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის (მათ შორის ფასების ცხრილთან დაკავშირებით) საშუალება და პროცედურა განისაზღვრება "ელექტრონული ტენდერის ჩატარების წესის დამტკიცების შესახებ"სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-8 მუხლის შესაბამისად;
10.1.8 სატენდერო წინადადებასთან ერთად, პრეტენდენტმა უნდა წარმოადგინოს საკუთარი ორგანიზაციის შესახებ ის ინფორმაცია (მათ შორის საბანკო), რომელიც არ არის შევსებული ელექტრონულ სისტემაში არსებულ მიმწოდებლის პროფილში.
10.1.9 სახელმწიფო შესყიდვებში ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით. აღნიშნული წესისგან გათავისუფლებული არიან არარეზიდენტი პირები. შესაბამისად, მათ მიერ შექმნილი ნებისმიერი დოკუმენტი, ხელმოწერილი და ბეჭედდასმული (არსებობის შემთხვევაში) უნდა იყოს უფლებამოსილი პირის მიერ და ატვირთული იქნას სახელმწიფო შესყიდვების ერთიან ელექტრონულ სისტემაში.