Структурные продукты (Грузия - Тендер #72068081)

რკინა-ბეტონის ყამირის რეპერებისა და ამოსაცნობი ბოძების შესყიდვა.

1. ყამირის რეპერი - ყამირის რეპერი შედგება 16სმ.X16სმ. განივკვეთის მქონე პარალელეპიპედის ფორმის მქონე, 110 სმ. სიგრძის რკინა-ბეტონის ბოძისაგან (პილონი) და 48 სმ დიამეტრის და 20 სმ სისქის მქონე, ცილინდრის ფორმის მქონე ბეტონის ფილისაგან (ღუზისაგან), რკინა-ბეტონის ბოძის ზედა ბოლოს ცენტრში უნდა დამაგრდეს მარკა ნახაზი №1-ის შესაბამისად. ბეტონის ფილას (ღუზას) ცენტრში უნდა ჰქონდეს 20X20 სმ. ზომის და 10სმ. სიღრმის კვადრატის ფორმის ღრმული, რკინა-ბეტონის ბოძის ჩასადგმელად. რეპერების ელემენტები უნდა დამზადდეს არანაკლე 300 მარკის ბეტონისგან.
რაოდენობა - 100 კომპლექტი.

*შენიშნვა: პილონში დასამაგრებელი მარკები მიმწოდებელს გადაეცემა დამკვეთისაგან.

2. ამოსაცნობი ბოძი - 15სმ.X15სმ.X150 სმ ზომის რკინა-ბეტონის პარალელეპიპედი, რომელიც უნდა დამზადდეს სატენდერო დოკუმენტაციით განსაზღვრული ნახაზი №2-ის შესაბამისად და რომლის თავში, ზედა ნაწილიდან 12 სმ-ით ქვემოთ, არის საინფორმაციო-დამცავი ფირფიტის განსათავსებელი ღრმული ზომებით: სიგანე - 13.4 სმ., სიგრძე - 18.7 სმ. და სიღრმე - 0.8 სმ, რომელშიც შემდგომში უნდა დამაგრდეს საინფორმაციო-დამცავი ფირფიტა.
ამოსაცნობი ბოძი უნდა დამზადდეს არანაკლე 300 მარკის ბეტონისგან.
რაოდენობა - 100 ცალი.

ყამირის რეპერების ელემენტები და ამოსაცნობი ბოძები უნდა დამზადდეს ტექნიკური დავალების და ნახაზების შესაბამისად, რომლებიც თან ერთვიან სატენდერო დოკუმენტაციას და მის განუყოფელ ნაწილს წარმოადგენენ.

მიმწოდებელი ვალდებულია ხელშეკრულების გაფორმებიდან 2026 წლის 30 სექტემბრის ჩათვლით პერიოდის განმავლობაში, ერთიანად ან ეტაპობრივად, მიაწოდოს შემსყიდველ ორგანიზაციას მისაწოდებელი საქონელი სრული ოდენობით - 100 კომპლექტი ყამირის რეპერი და 100 ცალი ამოსაცნობი ბოძი.

მიმწოდებელმა უნდა უზრუნველყოს შესყიდვის ობიექტის მიწოდება შემდეგ მისამართზე: ქ. თბილისი, სოფელი დიდი ლილო, ალიოშა ჯაფარიძის ქუჩა N1. სსიპ საჯარო რეესტრის ეროვნული სააგენტოს არქივის შენობა. ტრანსპორტირების და საქონლის ატვირთვა-ჩამოტვირთვის ხარჯები სრულად ეკისრება მიმწოდებელს.

პრეტენდენტმა უნდა წარმოადგინოს დოკუმენტი, რომლითაც იკისრებს ვალდებულებას, რომ ის გაავრცელებს 5-წლიან გარანტიას მის მიერ მიწოდებულ რკინა-ბეტონის კონსტრუქციებზე და ამ პერიოდის განმავლობაში მიწოდებულ საქონელს თუ გამოუვლინდა დეფექტები, შეცვალოს ის ახალი, ახლადდამზადებული საქონლით. გარანტია არ ვრცელდება მხოლოდ იმ შემთხვევაში, თუ რკინა-ბეტონის კონსტრუქციაზე ზიანი მიყენებულია დარტყმის შედეგად.

მიმწოდებელი ვალდებულია ნიმუშის სახით დაამზადოს ერთი კომპლექტი ყამირის რეპერი და ერთი ცალი ამოსაცნობი ბოძი და მისაწოდებელი საქონლის ნიმუშების სახით წარუდგინოს შემსყიდველ ორგანიზაციას.

შემსყიდველის მხრიდან შემოწმდება წარმოდგენილი ნიმუშების ზომების, ფორმების შესაბამისობა, ასევე, დამზადების პირობები სატენდერო პირობებთან.
წარმოდგენილი რკინა-ბეტონოს კონსტრუქციების შემოწმება მოხდება ბეტონის მარკაზე, რომელიც არ უნდა იყოს 300-ზე ნაკლები; პრეტენდენტმა (ან მის მიერ მოწვეულმა სპეციალისტმა) შემსყიდველის თანდასწრებით, სპეციალური ხელსაწყოს საშუალებით, უნდა შეამოწმოს ბეტონის მარკა.
შემსყიდველის მიერ ასევე შემოწმდება რამდენად არის რეპერი და მისი ელემენტები მასიური ჩამოსხმა, და აღენიშნება თუ არა ბზარები და ჩამონატეხები. თუ წარმოდგენილი რკინა-ბეტონის კონსტრუქციების ზომები, ფორმები, ბეტონის მარკა არ შეესაბამება სატენდერო პირობებით დადგენილ მოთხოვნებს, ასევე, თუ მათ აღენიშნებათ ბზარები ან/და ჩამონატეხები ან/და შეკეთებულია, მოხდება პრეტენდენტის დისკვალიფიკაცია.

ასევე, მოწმდება მოსაწოდებელი საქონელი დამზადებულია თუ არა საამქროში.

საქართველოს ტერიტორიაზე მდებარე, მოსაწოდებელი რკინა-ბეტონის კონსტრუქციების დამზადების ადგილი.

ფასწარმოქმნის ადეკვატურობა უნდა დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად, როგორც ჯამური, ისე ერთეულის ფასების მიმართებაში, ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. აუდიტორული დასკვნის წარმოდგენის შემთხვევაში, უნდა წარმოდგენილ იქნას დასკვნის გამცემი, როგორც აუდიტორული კომპანიის, ისე ფიზიკური პირის სახელმწიფო რეგისტრაციების შესახებ სათანადო ბრძანებები).

7.2.1 ხელშეკრულების ღირებულების ანაზღაურება განხორციელდება საქონლის ან მისი ნაწილის მიწოდების შემდგომ, მხარეთა შორის გაფორმებული შესაბამისი მიღება-ჩაბარების აქტის საფუძველზე, - ერთიანად ან ნაწილ-ნაწილ (ეტაპობრივად), იმისდა მიხედვით, მიმწოდებელი ერთიანად მიწვდის შესყიდვის ობიექტის სრულ ოდენობას, თუ - ნაწილ-ნაწილ (ეტაპობრივად).
7.2.2 თუ მიმწოდებელი მიაწვდის საქონელს ნაწილ-ნაწილ - ეტაპობრივად, შემსყიდველი აანაზღაურებს ხელშეკრულების ღირებულებას ნაწილ-ნაწილ, მიწოდებული ეტაპების მიხედვით.
საქონლის ეტაპობრივი მიწოდების შემტხვევაში იწარმოებს ეტაპობრივი ანგარიშსწორება ფაქტობრივად მიწოდებული საქონლისა და მათი რაოდენობის შესაბამისად.

ანგარიშსწორება განხორციელდება მხარეთა შორის გაფორმებული შესაბამისი მიღება-ჩაბარების აქტის საფუძველზე, მისი გაფორმებიდან 10 სამუშაო დღეში.

თენგიზი ჯუღელი, 577620353, tjugheli@napr.gov.ge სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე, გარდა ექსელის ფორმატით წარმოდგენილი ფასთა ცხრილისა, შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, რომელშიც გათვალისწინებული იქნება მიმწოდებლის ხელშეკრულებით ნაკისრი ყველა ვალდებულების შესრულებასთან დაკავშირებული ყველა ხარჯი (მ.შ კანონმდებლობით გათვალისწინებული გადასახადები, ტექნიკური დავალებით გათვალისწინებული ყველა შესასრულებელი სამუშაოს ხარჯი).
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.7 წარმოდგენილი განუფასებელი ფასთა ცხრილი არ ექვემდებარება დაზუსტებას. ასეთ შემთხვევაში, პრეტენდენტი ექვემდებარება უპირობო დისკვალიფიკაციას.