Услуги по исследованию рынка и экономики, опросы и статистика (Грузия - Тендер #72068044)

სსიპ "იუსტიციის სახლის" ტერიტორიული ორგანოების, მობილური იუსტიციის სახლების, კოორდინაციის დეპარტამენტის სტრუქტურული ერთეულების, ქორწინების სახლებისა და სატელეფონო ცენტრის თანამშრომლების მიერ გაწეული მომსახურების პროცესის ხარისხის მონიტორინგის შესყიდვა.

შესყიდვის ობიექტის ტექნიკური აღწერილობა იხილეთ თანდართულ დოკუმენტში - "ტექნიკური დავალება".

მომსახურების გაწევის ვადა:

1. მომსახურების მიწოდება განხორციელდება ხელშეკრულების გაფორმებიდან 2026 წლის 10 დეკემბრამდე, ორ ეტაპად.
2. პირველი ეტაპის დასაწყისი აითვლება ხელშეკრულების გაფორმების დღიდან და უნდა დასრულდეს არაუგვიანეს 10 აგვისტოს. მეორე ეტაპი უნდა დაიწყოს 14 სექტემბერს და დასრულდეს არაუგვიანეს 10 დეკემბრისა.
3. ეტაპი მოიცავს კვლევის წინამოსამზადებელ სამუშაოებს, დაკვირვებების პროცესს (ველი), დაკვირვებების შედეგების შეჯამებას და შემსყიდველისათვის მიწოდებას.
4. თითოეული ეტაპის ფარგლებში დაკვირვებების განხორციელების (ველის) ხანგრძლივობა არ უნდა იყოს 12 კვირაზე ნაკლები. ველის დაწყებისა და დასრულების თარიღი განისაზღვრება შემსყიდველთან შეთანხმებით.

კვლევის არეალი/ობიექტი

1. დანართი N 1-ში წარმოდგენილი იუსტიციის სახლის ტერიტორიული ორგანოები.
2. დანართი N 2-ში წარმოდგენილი იუსტიციის სახლების კოორდინაციის დეპარტამენტის სტრუქტურული ერთეულები;
3. დანართი N3-ში წარმოდგენილი მობილური იუსტიციის სახლები.
4. დანართი N4-ში იუსტიციის სახლის სატელეფონო ცენტრი;
5. დანართი N5-ში წარმოდგენილი ქორწინების სახლები.

(იხილეთ ტექნიკური დავალება)

2.2.1.1. პრეტენდენტს 2021-2026 წლებში უნდა გააჩნდეს იდუმალი მომხმარებლის კვლევის გამოცდილება, ჯამურად არანაკლებ 8 დასრულებული პროექტისა, მათ შორის:

- დაკვირვებების ჯამური რაოდენობა უნდა შეადგენდეს არანაკლებ 3 000 ერთეულს.
- არანაკლებ 5 კვლევითი პროექტის გეოგრაფიული არეალი უნდა მოიცავდეს ერთობლივად თბილისს, არანაკლებ ერთ რეგიონს აღმოსავლეთ (თბილისის გარდა) საქართველოში და არანაკლებ ერთ რეგიონს დასავლეთ საქართველოში.
- არანაკლებ ორი პროექტი შესრულებული უნდა იყოს სახელმწიფო შემსყიდველი ორგანიზაციების დაკვეთით.

2.2.1.2. ზემოაღნიშნული გამოცდილების დასადასტურებლად პრეტენდენტმა უნდა წარმოადგინოს შესაბამისი ხელშეკრულებები, ასევე, გაწეულ მომსახურებაზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული მომსახურების გაწევის ფაქტს.

2.2.1.3. იმ შემთხვევაში, თუ დამკვეთს წარმოადგენს კერძო სამართლის იურიდიული პირი ან ფიზიკური პირი (არა სახელმწიფო შემსყიდველი ორგანიზაცია), პრეტენდენტმა ზემოაღნიშნულ დოკუმენტებთან ერთად უნდა წარმოადგინოს საგადასახადო ანგარიშ-ფაქტურები.

2.2.1.4. იმ შემთხვევაში, თუ სატენდერო დოკუმენტაციის 2.2.1.1. პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1.1. პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

პრეტენდენტმა უნდა წარმოადგინოს ინფორმაცია კვლევის ჩატარების მეთოდოლოგიაზე:
ა) იუსტიციის სახლის სერვისების მიწოდების პროცედურების გათვალისწინებით კვლევის ჩატარების მეთოდიკის აღწერა და დასაბუთება;
ბ) ინფორმაცია მის მიერ გამოყენებული ელექტრონული ბაზის და მონაცემთა დამუშავების ფორმის თაობაზე. ელექტრონული ბაზის საშუალებით შესაძლებელი უნდა იყოს იდუმალი მომხმარებლის კვლევის შედეგებთან წვდომა პროგრამული უზრუნველყოფის სახით კვლევის მიმდინარეობის პროცესში და დასრულების შედგომ, ასევე, ელექტრონულ ბაზას უნდა ჰქონდეს კვლევის სხვადასხვა ტალღების მონაცემთა შედარების, კონკრეტული პარამეტრების გაფილტრვისა და მონაცემების Excel-ში ექსპორტირების შესაძლებლობა.

პრეტენდენტმა უნდა წარმოადგინოს პროექტში მონაწილე პირთა (იდუმალი მომხმარებლების გარდა) ვინაობისა და პროექტის განხორციელებაში მათი როლის შესახებ ინფორმაცია. ასევე, პროექტში მონაწილე პირთა ბიოგრაფია (CV) და მათთან გაფორმებული ხელშეკრულებების ასლები, რომლითაც დასტურდება პრეტენდენტთან თანამშრომლობა. შესყიდვის ობიექტის შემსრულებელი გუნდის ხელმძღვანელს უნდა გააჩნდეს სულ მცირე 4 (ოთხი) წელი სამუშაო გამოცდილება იდუმალი მომხმარებლის კვლევების განხორციელების სფეროში.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;

4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

4.1.1.3.ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1. ფაქტობრივად გაწეული მომსახურების ღირებულება ანაზღაურდება უნაღდო ანგარიშსწორებით, ეროვნულ ვალუტაში – ლარში, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი საგადასახადო ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.2. მომსახურების მიღება-ჩაბარება იწარმოებს ფაქტობრივად გაწეული მომსახურების მიხედვით, შემსყიდველის მიერ განსაზღვრული ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის საფუძველზე.

ანგარიშსწორება განხორციელდება ანგარიშსწორებისთვის საჭირო დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

თამარ ჯიმიშვილი, 599077039, tjimishvili@psh.gov.ge

10.1.1 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია (გარდა ფასების ცხრილისა) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3 ალტერნატიული სატენდერო წინადადება არ განიხილება;
10.1.4 სატენდერო წინადადების ფასი გამოსახული უნდა იყოს ეროვნულ ვალუტაში - ლარში.
10.1.5 პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.6 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.