Марки, чековые книжки, банкноты, акции, рекламные материалы, каталоги и справочники (Грузия - Тендер #71757090)

ა(ა)იპ "ახალგაზრდობის ეროვნული სასახლისთვის" ბრენდირებული სარეკლამო მასალის შესყიდვა

1.2.1. წინამდებარე ტენდერის სატენდერო დოკუმენტაციით განსაზღვრულ შესყიდვის ობიექტს წარმოადგენს, დანართი N1-ით (ფასების ცხრილი) და დანართი N2-ით (საორიენტაციო ვიზუალები და ფერთა პალიტრა) გათვალისწინებული ბრენდირებული სარეკლამო მასალა.
1.2.2. შესყიდვის ობიექტის ტექნიკური აღწერილობა (ტექნიკური პარამეტრები/სპეციფიკაციები) განსაზღვრულია დანართი N1-ით (ფასების ცხრილი) და დანართი N2-ით (საორიენტაციო ვიზუალები და ფერთა პალიტრა).
1.2.3. პრეტენდენტმა ფასების ცხრილი უნდა წარმოადგინოს დანართი N1-ის შესაბამისად.
1.2.4. დანართი N2-ის (საორიენტაციო ვიზუალები და ფერთა პალიტრა) სახით წარმოგიდგენთ, როგორც ეროვნული სასახლის ლოგოებს, ისე მისი ქვე ბრენდების ლოგოებსა და შესაბამის ფერთა პალიტრას, ასევე ბლოკნოტის ვიზუალს. აღნიშნული ლოგოები და ფერთა პალიტრა გამოყენებული იქნება სარეკლამო მასალების აბსოლუტურ უმრავლესობაში.
1.2.5. შესყიდვის ობიექტი დამზადებული უნდა იქნას მაღალ პოლიგრაფიულ დონეზე, ნაბეჭდი ასოები უნდა იკითხებოდეს გარკვევით, კონტურები უნდა იყოს მკაფიო, ფერები ნათელი, არაბუნდოვანი, შესყიდვის ობიექტზე დატანილი წარწერა, ლოგო და ა.შ. უნდა იყოს მდგრადი და არ უნდა გადადიოდეს ფერები. ხარისხის ხარვეზის შემთხვევაში (მკრთალი, წყვეტილი, გაორებული ან ზედმეტად მკვეთრი ანაბეჭდი, ასევე მელნის ლაქები და სხვა მსგავსი ხარვეზები პროდუქციაზე) შესრულება არ იქნება მიღებული შემსყიდველის მიერ.

ხელშეკრულების გაფორმებიდან 2026 წლის 25 დეკემბრის ჩათვლით, ეტაპობრივად, საჭიროებიდან გამომდინარე. შემსყიდველის მიერ მოთხოვნიდან 10 (ათი) სამუშაო დღის ვადაში.

1.5.1. საქონლის მიწოდების ადგილია - ქ. თბილისი, რუსთაველის გამზირი N6, ა(ა)იპ "ახალგაზრდობის ეროვნული სასახლე".
1.5.2. მიმწოდებელი ვალდებულია საკუთარი ხარჯებით უზრუნველყოს, დანართი N1-ით გათვალისწინებული საქონლის ტრანსპორტირება და მიწოდება.

პრეტენდენტმა ფასების ცხრილში (დანართი N1-ში) უნდა მიუთითოს ინფორმაცია შემოთავაზებული საქონლის წარმოების ქვეყნის, მწარმოებლისა და მოდელის (ასეთის არსებობის შემთხვევაში) შესახებ. იმ შემთხვევაში, თუ შესყიდვის ობიექტს არ გააჩნია მოდელი, პრეტენდენტი ვალდებულია აღნიშნულის შესახებ მიუთითოს ფასების ცხრილის შესაბამის გრაფაში "არ გააჩნია".

პრეტენდენტს ბოლო ორი წლის განმავლობაში უნდა გააჩნდეს ანალოგიური/მსგავსი საქონლის მიწოდების გამოცდილება. აღნიშნულის დასტურად, პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ანალოგიური/მსგავსი საქონლის მიწოდების დამადასტურებელი დოკუმენტები: - ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი და სასაქონლო ზედნადებ(ებ)ი ან/და სახელმწიფო შესყიდვების ერთიანი ელექტრონული სისტემის მონაცემები (SPA/NAT/CON/CMR… ნომრები, რომელშიც ატვირთული იქნება შესაბამისი დოკუმენტები ან/და ინფორმაცია) ან/და - საგადასახადო დოკუმენტები, სასაქონლო ზედნადები ან საგადასახადო ანგარიშფაქტურა.
შენიშვნა: ბოლო 1 (ერთი) წლის განმავლობაში ანალოგიური/მსგავსი საქონლის მიწოდება არ გულისხმობს აღნიშნული საქმიანობის უწყვეტად განხორციელებას.

2.9.1. პრეტენდენტის მიერ სატენდერო წინადადების სახით ერთიან ელექტრონულ სისტემაში ასატვირთი დოკუმენტაცია/ინფორმაცია:
2.9.1.1. რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ პრეტენდენტის პროფილში;
2.9.1.2. დანართი №1 (ფასების ცხრილი, სატენდერო დოკუმენტაციის პუნქტი 1.3.);
2.9.1.5. ინფორმაცია პრეტენდენტის გამოცდილების შესახებ (სატენდერო დოკუმენტაციის პუნქტი 2.2.1.).

3.1.1.1. პრეტენდენტი ვალდებულია შერჩევა/შეფასების ეტაპზე, შემსყიდველის მოთხოვნის შესაბამისად, წარმოადგინოს დანართი N1-ის (ფასების ცხრილი) 1-ლი, მე-3, მე-5, მე-8, მე-19 და 23-ე პოზიციებით გათვალისწინებული შესყიდვის ობიექტების ნიმუშები. შემსყიდველი ვალდებულია თითოეულ პოზიციაზე წარმოადგინოს 1 (ერთი) ცალი ნიმუში. იმ შემთხვევაში თუ წარმოდგენილი ნიმუშ(ებ)ი არ დააკმაყოფილებს სატენდერო დოკუმენტაციით განსაზღვრულ ტექნიკურ მოთხოვნებს, მოხდება პრეტენდენტის დისკვალიფიკაცია.
3.1.1.2. პრეტენდენტის მიერ წარდგენილი შესყიდვის ობიექტის ნიმუში დაზუსტებას არ ექვემდებარება.
3.1.1.3. ტენდერში მონაწილე „დისკვალიფიცირებულ“ პრეტენდენტს ნიმუშის დაბრუნების მოთხოვნა შეუძლია წინამდებარე ტენდერისთვის „ხელშეკრულება დადებულია“ ან „დასრულებულია უარყოფითი შედეგით“ ან „შეწყვეტილია“ სტატუსის მინიჭების შემდეგ 30 (ოცდაათი) დღის განმავლობაში, ხოლო მიმწოდებელს საბოლოო მიღება-ჩაბარების აქტის გაფორმების შემდეგ 30 (ოცდაათი) დღის განმავლობაში. აღნიშნული ვადის გასვლის შემდეგ, შემსყიდველი ორგანიზაცია იხსნის ყოველგვარ პასუხისმგებლობას პრეტენდენტ(ებ)ის მიერ წარმოდგენილი ნიმუშის დაბრუნებაზე.

ქ. თბილისი, შოთა რუსთაველის გამზ. N6, ახალგაზრდობის ეროვნული სასახლე.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში დაფიქსირებული ერთეულის ფასების და ჯამური ღირებულების ადეკვატურობა. ექსპერტიზის ან/და აუდიტის დასკვნის წარმოდგენის შემთხვევაში უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2. პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
4.1.1.3. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.2.1. ანგარიშსწორება განხორციელდება ეტაპობრივად უნაღდო ანგარიშსწორებით, ეროვნულ ვალუტაში – ლარში, მხარეთა შორის გაფორმებული მიღება-ჩაბარების აქტების საფუძველზე.
7.2.2. მიღება-ჩაბარების აქტები მხარეთა შორის გაფორმდება ეტაპობრივად შესყიდვის ობიექტის მოწოდების შემდეგ, მიმწოდებლის შესაბამისი საგადასახადო დოკუმენტისა და შემსყიდველის მხრიდან ხელშეკრულების შესრულებაზე კონტროლის განმახორციელებელი პირ(ებ)ის მიერ შედგენილი დასკვნის საფუძველზე.

ანგარიშსწორება განხორციელდება ეტაპობრივად მხარეთა შორის მიღება-ჩაბარების აქტების გაფორმებიდან 10 (ათი) სამუშაო დღის ვადაში.

ქეთევან ყიფშიძე, 599716851, k.kipshidze@nationalpalace.ge

10.1.1. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით, ან/და მოქმედი კანონმდებლობით დადგენილი წესის შესაბამისად (საჭიროების შემთხვევაში, წარმოდგენილი უნდა იქნას წარმომადგენლობაზე უფლებამოსილების დამადასტურებელი დოკუმენტი).
10.1.2. ტენდერთან დაკავშირებული ყველა დოკუმენტი ან/და ინფორმაცია (გარდა მწარმოებლის ოფიციალური ვებ-გვერდიდან წარმოდგენილი ლინკის სახით) წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.