Печи, мусоросжигательные заводы и промышленные или лабораторные печи (Грузия - Тендер #71757043)

ლაბორატორიული ღუმელების შესყიდვა.

1. შესყიდვის ობიექტის ტექნიკური მახასიათებლები და რაოდენობა მოცემულია თანდართულ ტექნიკურ დავალებაში, ფასების ცხრილში და ხელშეკრულების პროექტში.
2. თითოეული შესყიდვის ობიექტი (ყველა მაკომპლექტებელი ნაწილით) უნდა იყოს ახალი, არ უნდა იყოს ექსპლუატაციაში ნამყოფი. თითოეული შესყიდვის ობიექტი სრულად უნდა იყოს აღჭურვილი ყველა იმ მატერიალური თუ არამატერიალური კომპონენტით (მაგ.: ფუნქციონირებისათვის საჭირო აგრეგატით, ნაწილით, პროგრამით), რაც საჭიროა მისი სრულფასოვანი ფუნქციონირებისთვის, ზუსტი ცდების/გაზომვების ჩასატარებლად და მიღებული მონაცემების დასამუშავებლად.

ტექნიკური დავალებით გათვალისწინებული საქონლის მოწოდება სრულად უნდა განხორციელდეს ხელშეკრულების გაფორმებიდან არაუგვიანეს 150 (ასორმოცდაათი) კალენდარული დღის ვადაში. მიღება-ჩაბარების აქტის გასაფორმებლად, მიმწოდებელი უნდა დაესწროს შეფუთვის მოხსნის და დანადგარების ჩართვის პროცესს.

შესყიდვის ობიექტი მოწოდებული უნდა იქნას შემსყიდველის მისამართზე - ქ. თბილისი, ალ. ყაზბეგის გამზ N12 ან ქ. თბილისში, შემსყიდველის მიერ მითითებულ მისამართზე, რომელიც მიმწოდებელს ეცნობება დამატებით. მომწოდებელმა საქონლის ტრანსპორტირება/მოწოდება უნდა უზრუნველყოს უსაფრთხოების ნორმებისა და სტანდარტების განუხრელი დაცვით.

1. ფასების ცხრილით განსაზღვრულ თითოეულ შესყიდვის ობიექტზე ვრცელდება გარანტია ყველა პოზიციით გათვალისწინებული საქონლის სრულად მოწოდების დამადასტურებელი მიღება-ჩაბარების აქტის გაფორმებიდან 2 (ორი) წლის განმავლობაში.
2. საგარანტიო ვადის განმავლობაში მიმწოდებელი ვალდებულია, შემსყიდველის მიმართვის შემდეგ, საკუთარი ხარჯებით უზრუნველყოს შესაბამისი საქონლის ქარხნული წუნის/დეფექტებისა ან/და ნორმალური ექსპლუატაციის პროცესში მიმწოდებლის მიზეზით წარმოქმნილი ხარვეზების აღმოფხვრა, მათ შორის წუნდებული საქონლის შეცვლა ახლით (ტრანსპორტირების ჩათვლით), ასეთი დეფექტის/ხარვეზის/წუნის დაფიქსირების დღიდან შემსყიდველთან შეთანხმებულ გონივრულ ვადაში.
3. გარანტიასთან დაკავშირებული სხვა პირობები განისაზღვრება ხელშეკრულების პროექტით

ფასების ცხრილში, თითოეულ პოზიციაზე, შესაბამის გრაფაში, პრეტენდენტმა უნდა მიუთითოს ინფორმაცია შემოთავაზებული საქონლის მწარმოებლის, მწარმოებელი ქვეყნისა და მოდელის (ან საქონლის ნომრის/იდენტიფიკატორის) თაობაზე.

ფასების ცხრილის თითოეული პოზიციით გათვალისწინებული საქონლის მწარმოებელი უნდა აკმაყოფილებდეს ISO 9001:2015 სტანდარტის მოთხოვნებს და აღნიშნულის დამადასტურებლად, პრეტენდენტის მიერ წარმოდგენილი უნდა იქნას შესაბამისი ძალაში მყოფი სერტიფიკატ(ებ)ის ასლები, რომლებიც გაცემული უნდა იყოს IAF-ის (საერთაშორისო აკრედიტაციის ფორუმი) წევრი, მრავალმხრივი აღიარების შეთანხმების (IAF MLA) ხელმომწერი ეროვნული აკრედიტაციის ორგანოს მიერ აკრედიტებული სერტიფიკაციის ორგანოს მიერ.

1. პრეტენდენტმა, ფასების ცხრილის თითოეული პოზიციით გათვალისწინებულ შესყიდვის ობიექტთან დაკავშირებით, უნდა წარმოადგინოს შემოთავაზებული საქონლის მწარმოებლის მიერ ოფიციალურად დეკლარირებული ინფორმაცია (მწარმოებლის წერილი ან/და მისაწოდებელი საქონლის პასპორტი ან/და ამონაბეჭდი მწარმოებლის ოფიციალური საიტიდან წყაროს/ბმულისმითითებით, თარგმნილი ქართულ ენაზე), თითოეული შემოთავაზებული საქონლის ტექნიკური მონაცემების შესახებ, ტექნიკური დავალებით განსაზღვრული შესაბამისი პოზიციის „საქონლის აღწერილობაში“ მითითებული მოთხოვნების მიხედვით. ინფორმაცია/დოკუმენტაცია სისტემაში ატვირთულ უნდა იქნას სატენდერო დოკუმენტაციის 10.1.2 პუნქტის მოთხოვნათა გათვალისწინებით.
2. პრეტენდენტმა უნდა წარმოადგინოს ფასების ცხრილის თითოეული პოზიციით შემოთავაზებული საქონლის მწარმოებლის ავტორიზაციის წერილ(ებ)ი (MAF), რომელიც დაადასტურებს, რომ პრეტენდენტი არის შემოთავაზებული საქონლის მწარმოებლის ოფიციალური წარმომადგენელი ან/და პრეტენდენტს გააჩნია შემოთავაზებული საქონლის გაყიდვის ავტორიზაცია. აღნიშნული დოკუმენტი ხელმოწერილი უნდა იყოს შემოთავაზებული შესყიდვის ობიექტ(ებ)ის მწარმოებელის უფლებამოსილი პირის მიერ და მასში მითითებული უნდა იყოს პრეტენდენტის დასახელება.

იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიურო"-ს ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით, რომლითაც ცალსახად უნდა დასტურდებოდეს ხელშეკრულებით ნაკისრი ვალდებულებების შესრულების შესაძლებლობა, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

1. მიმწოდებელი უფლებამოსილია, შემსყიდველს წარუდგინოს წერილობითი თხოვნა წინასწარი ანგარიშსწორების თანხის (შემდგომში - ავანსი) გადახდის თაობაზე.
2. მიმწოდებელი არ არის უფლებამოსილი, შემსყიდველს წარუდგინოს წერილობითი თხოვნა ავანსის გადახდის თაობაზე, თუ იგი რეგისტრირებულია მოვალეთა რეესტრში, მის მიმართ რეგისტრირებულია საგადასახადო გირავნობა ან/და ყადაღა. მიმწოდებელი ვალდებულია, შემსყიდველს წარუდგინოს შესაბამისი დოკუმენტები, რომლითაც დასტურდება მის მიმართ ამ პუნქტში განსაზღვრული ვალდებულებების რეგისტრაციის არარსებობა.
3. შემსყიდველის მიერ ავანსის გადახდასთან დაკავშირებით დადებითი გადაწყვეტილების მიღების შემთხვევაში, მიმწოდებელი ვალდებულია, შემსყიდველს წარუდგინოს საქართველოს კანონმდებლობის შესაბამისად ლიცენზირებული დაწესებულების (უცხო ქვეყნის საბანკო დაწესებულების შემთხვევაში, იგი გადაზღვეული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულების მიერ) მიერ გაცემული, ავანსის იდენტური ოდენობის საბანკო გარანტია, რომელიც ძალაში უნდა იყოს გადასახდელი ავანსის დაქვითვამდე. გარანტია შედგენილი უნდა იყოს სატენდერო დოკუმენტაციის დანართი N1-ში მოცემული პირობების შესაბამისად, შემდეგი ფორმის დაცვით: დაბეჭდილი გარანტიის გამცემი დაწესებულების ტიტულიან ფურცელზე (ბლანკი), ხელმოწერილი უფლებამოსილი პირის მიერ და ბეჭედდასმული (ელექტრონული დოკუმენტის ფორმით წარმოდგენის შემთხვევაში, საქართველოს კანონმდებლობით განსაზღვრული უფლებამოსილი პირის მიერ, შესრულებული უნდა იყოს კვალიფიციური ელექტრონული ხელმოწერა და დასმული უნდა იყოს კვალიფიციური ელექტრონული შტამპი.
4. მიმწოდებელზე გასაცემი საავანსო თანხა ჯამში არ უნდა აღემატებოდეს ხელშეკრულების ჯამური ღირებულების 20%-ს.
5. გაცემული ავანსის დაქვითვა სრულად განხორციელდება ტექნიკური დავალებით გათვალისწინებული საქონლის სრული კომპლექტაციით მოწოდების დამადასტურებელი მიღება-ჩაბარების აქტის გაფორმების შემდეგ, მიწოდებული შესყიდვის ობიექტის ღირებულებიდან.
6. საავანსო ანგარიშსწორების გარანტიის გამოყენების/დაკავების და მასთან დაკავშირებული სხვა პირობები განისაზღვრება ხელშეკრულების პროექტით.

ხელშეკრულების ფარგლებში ანგარიშსწორება ხორციელდება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე, ყველა შესყიდვის ობიექტის სრულად მიწოდების შემდეგ, მხარეთა შორის შესაბამისი მიღება-ჩაბარების აქტის გაფორმებიდან და საგადასახადო ანგარიშ-ფაქტურის დადასტურებიდან (თუ მიმწოდებელი რეგისტრირებულია დღგ-ის გადამხდელად) არაუგვიანეს 10 (ათი) სამუშაო დღის განმავლობაში.

ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.

გვანცა ბაბულეიშვილი, 598633263, gvantsa.babuleishvili@georoad.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. იმ შემთხვევაში, თუ პრეტენდენტის მიერ ტექნიკური დოკუმენტაციის სახით წარმოდგენილი დოკუმენტ(ებ)ი შედგენილია და მხარეთა მიერ ხელმოწერილია ელექტრონულად, პრეტენდენტი ვალდებულია წარმოადგინოს აღნიშნული ელექტრონული დოკუმენტ(ებ)ის ორიგინალი ეგზემპლარ(ებ)ი, ან მისი დამოწმებული ამონაბეჭდი, საქართველოს კანონმდებლობის მოთხოვნათა შესაბამისად;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. პრედენდენტს არა აქვს უფლება წარმოადგინოს ალტერნატიული სატენდერო წინადადება;
7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
8. პრეტენდენტი ვალდებულია ფასების ცხრილში მითითებული ერთეულისა და საერთო ფასები, მათი ათწილადით გამოსახვის შემთხვევაში, გამოსახოს და შესაბამისად გაიანგარიშოს მძიმის შემდეგ ორი ციფრის (მეასედის) სიზუსტით;
9. .სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს). ასევე, თუ მის მიერ, კანონმდებლობის მოთხოვნათა გათვალისწინებით, არ იქნება წარმოდგენილი სატენდერო დოკუმენტაციით განსაზღვრული ინფორმაცია შემოთავაზებული საქონლის მწარმოებლის, მწარმოებელი ქვეყნისა და მოდელის (ან საქონლის ნომრის, იდენტიფიკატორის) შესახებ;
10. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
11. პრეტენდენტი ვალდებულია, დაიცვას „პერსონალურ მონაცემთა დაცვის შესახებ“ საქართველოს კანონის მოთხოვნები და ინფორმაცია დაამუშავოს ამავე კანონით განსაზღვრული წესითა და პირობებით.
12. ტენდერში მონაწილეობით პრეტენდენტი ადასტურებს, რომ მის სატენდერო წინადადებაში მითითებული, ფიზიკური პირების პერსონალური მონაცემები (ასეთის არსებობის შემთხვევაში), მოპოვებულია „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად და პირი თანახმაა მიმწოდებლის მიერ შემსყიდველისთვის აღნიშნული ინფორმაციის წარდგენაზე, ასევე, მიმწოდებლის და შემსყიდველის მიერ მათი პერსონალური მონაცემების დამუშავებაზე ამავე კანონის მოთხოვნათა დაცვით.
13. იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.