Инженерные услуги (Грузия - Тендер #71729441)

სსიპ საქართველოს მუნიციპალური განვითარების ფონდის მიერ, სხვადასხვა პროგრამების ფარგლებში, განსახორციელებელ სარეაბილიტაციო-სარეკონსტრუქციო ობიექტებისათვის ტოპო-გეოდეზიური კვლევების მომსახურების სახელმწიფო შესყიდვა.

ტექნიკური დავალება განსაზღვრავს სსიპ საქართველოს მუნიციპალური განვითარების ფონდის მიერ, სხვადასხვა პროგრამის ფარგლებში, სარეაბილიტაციო-სარეკონსტრუქციო ობიექტებისათვის ტოპო-გეოდეზიური კვლევებისათვის ძირითად მოთხოვნებს.

ტოპო-გეოდეზიური კვლევების მიზანია ჩატარდეს დამკვეთის მიერ განსაზღვრული ტერიტორიის ტოპო-გეოდეზიური აგეგმვა (საველე და კამერალური სამუშაოები), მომზადდეს შესაბამისი გეგმები (სათანადო მასშტაბში). აღნიშნული კვლევების შედეგად მომზადებული მასალები გამოყენებული იქნება რეაბილიტაციარეკონსტრუქციის პროექტებში.

დამკვეთის მიერ შენობა-ნაგებობების მომსახურება მოიცავს საქართველოს სხვადასხვა რეგიონებში/მუნიციპალიტეტებში სამოქალაქო ან სხვა დანიშნულების შენობა-ნაგებობების და/ან ინფრასტრუქტურული ობიექტებისათვის ტოპო-გეოდეზიური კვლევების შესრულებას.

მიმწოდებელი ვალდებულია შეასრულოს ტოპო-გეოდეზიური კვლევები ამ დავალების მოთხოვნების და საქართველოში მოქმედი და მიღებული საერთაშორისო სამშენებლო ნორმების და სტანდარტების შესაბამისად.

მომსახურება შედგება ერთი ეტაპისაგან, საერთო ხანგრძლივობით არაუმეტეს 15 კალენდარული დღე.
ეს ვადა აითვლება მომსახურების დაწყებაზე დამკვეთის შეტყობინების თარიღიდან.

მომსახურების ანგარიში წარდგენილი უნდა იყოს წერილობითი სახით. ანგარიშები წარმოდგენილი უნდა იყოს ქართულ ენაზე, ელექტრონულ ფორმატში (ტექსტური ნაწილი Word, Excel ფაილები, ვექტორული DWG ან DXF PLN გაფართოების ფაილი ArchiCAD ან AutoCAD, და PDF ფაილი - მეხსიერების ბარათზე).

მომსახურების ყველა ანგარიში და საბოლოო დოკუმენტაცია წარდგენილი უნდა იყოს შემდეგ მისამართზე: ქ. თბილისი, დ. აღმაშენებლის გამზირი N150ა, სსიპ მუნიციპალური განვითარების ფონდი.

1. პრეტენდენტს 2023 წლის პირველი იანვრიდან აღნიშნული მომსახურების შესყიდვისათვის ტენდერის გამოცხადების დღემდე, არაუმეტეს 3 (სამი) დასრულებული ხელშეკრულების ფარგლებში გაწეული უნდა ჰქონდეს ტოპო-გეოდეზიური კვლევის/შეფასების/დასკვნის მომსახურება (საველე და კამერული სამუშაოების ჩათვლით), ჯამური ღირებულებით არანაკლებ წინამდებარე შესყიდვის სავარაუდო ღირებულების 50%-ის ოდენობით.

2. გამოცდილების დადასტურების მიზნით, პრეტენდენტი ვალდებულია წარმოადგინოს საანგარიშო პერიოდში მხარეთა მიერ, ხელმოწერილი ხელშეკრულებ(ებ)ი და შესაბამისი მიღება-ჩაბარების აქტ(ებ)ი.

3. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (მაგ: SPA, NAT, DAP, CMR) წარმოდგენა.

1. პრეტენდენტმა უნდა წარმოადგინოს მინიმუმ 2 (ორი) პირის ვინაობა, რომელსაც ექნება გეოდეზისტის კვალიფიკაცია. წარმოდგენილ უნდა იქნეს მათთვის აღნიშნული კვალიფიკაციის მინიჭების დამადასტურებელი აკრედიტირებული საგანმანათლებლო დაწესებულების მიერ, გაცემული დოკუმენტი.

2. მათ ასევე, უნდა გააჩნდეთ ზემოაღნიშნულ სფეროში მუშაობის სულ მცირე 3 (სამი) წლიანი გამოცდილება, რის დამადასტურებლადაც უნდა წარმოადგინონ: Curriculum Vitae (CV), უმაღლესი განათლების დამადასტურებელი დოკუმენტი (დიპლომი), განხორციელებული პროექტების შესახებ, ზემოთ აღნიშნული მოთხოვნების გათვალისწინებით.

პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით წარმოსადგენი დოკუმენტაციის ჩამონათვალი:

1. სატენდერო დოკუმენტაციის დანართი N2 (ფასების ცხრილი).
გასათვალისწინებელი გარემოება:
• დანართი N2-ის (ფასების ცხრილი) წარმოდგენა სავალდებულოა პრეტენდენტის უფლებამოსილი პირის კვალიფიციური ელექტრონული ხელმოწერით ან ორგანიზაციის კვალიფიციური ელექტრონული შტამპით. იმ შემთხვევაში, თუ პრეტენდენტი არ არის რეზიდენტი პირი, წარმოდგენილი ფასების ცხრილი დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.
• იმ შემთხვევაში თუ ფასების ცხრილი არ იქნება წარმოდგენილი ან წარმოდგენილი იქნება განფასების გარეშე, ფასების ცხრილის დაზუსტების მოთხოვნა არ გამოიყენება, შესაბამისად განხორციელდება პრეტენდენტის დისკვალიფიკაცია შესყიდვის პროცედურებიდან.

2. სატენდერო დოკუმენტაციის 2.2.1 პუნქტით (პრეტენდენტის გამოცდილებასთან დაკავშირებული მოთხოვნები) განსაზღვრული წარმოსადგენი დოკუმენტაცია.

3. სატენდერო დოკუმენტაციის 2.4.1 პუნქტით (პრეტენდენტის პერსონალის გამოცდილებასთან დაკავშირებული მოთხოვნები) განსაზღვრული წარმოსადგენი დოკუმენტაცია.

შენიშვნები:
1. სატენდერო წინადადების ფასი გამოსახული უნდა იყოს ლარში, დამატებული ღირებულების გადასახადის (დღგ) გარეშე. პრეტენდენტი სატენდერო წინადადების ფასში არ ითვალისწინებს დამატებული ღირებულების გადასახადს (დღგ), მიუხედავად იმისა, არის თუ არა იგი დღგ–ს გადამხდელი საქართველოს კანონმდებლობის შესაბამისად. იმ შემთხვევაში, თუ გამარჯვებული პრეტენდენტი ხელშეკრულების დადების მომენტისთვის, საქართველოს კანონმდებლობის შესაბამისად არის დღგ–ს გადამხდელი, სახელმწიფო შესყიდვის შესახებ ხელშეკრულების ღირებულებაში გათვალისწინებული იქნება გამარჯვებული პრეტენდენტის სატენდერო წინადადების საბოლოო ფასის შესაბამისი დღგ–ს ოდენობა.
2. წინამდებარე ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იყოს ქართულ ენაზე. დოკუმენტების ან/და ინფორმაციის უცხო ენაზე წარდგენის შემთხვევაში, მათ უნდა დაერთოთ საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

პრეტენდენტის სატენდერო წინადადების საბოლოო ფასსა და შესყიდვის სავარაუდო ღირებულებას შორის 20%-ით ან მეტით სხვაობის შემთხვევაში, არ არის განსაზღვრული პრეტენდენტის მიერ ფასწარმოქმნის ადეკვატურობის დამადასტურებელი დოკუმენტაციის წარმოდგენის ვალდებულება, რადგან შესყიდვის ობიექტია დეფექტური აქტების შედგენის მომსახურება, რაც თავისი შინაარსიდან გამომდინარე არ მოიცავს საწარმოო პროცესს. ამავე დროს, სხვადასხვა ტიპის მომსახურებების შესყიდვის მრავალწლიანმა პრაქტიკამ აჩვენა, რომ სსიპ საქართველოს მუნიციპალური განვითარების ფონდის მიერ გამოცხადებული ელექტრონული ტენდერების საფუძველზე გაფორმებული ხელშეკრულებების ფარგლებში წარმატებით არის განხორციელებული მრავალი შესყიდვა.

მიმწოდებელთან ანგარიშსწორება განხორციელდება ლარში, მიმწოდებლის საბანკო რეკვიზიტებზე, უნაღდო ანგარიშსწორების ფორმით, ტექნიკური დავალების პირობების გათვალისწინებით ფაქტიურად გაწეული მომსახურების მიხედვით და სახელმწიფო შესყიდვის შესახებ ხელშეკრულების პირობების შესაბამისად გაფორმებული მიღება-ჩაბარების აქტის საფუძველზე.

მიმწოდებელთან ანგარიშსწორება განხორციელდება შესაბამისი მიღება-ჩაბარების აქტის გაფორმებიდან 15 (თხუთმეტი) სამუშაო დღის განმავლობაში.

ვასილი ანდღულაძე, 577112129, vandguladze@mdf.org.ge

1. სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს შესაბამისად.
2. სახელმწიფო შესყიდვის შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც სახელმწიფო შესყიდვის შესახებ ხელშეკრულების დადების მომენტისთვის დაზუსტდება გამარჯვებული პრეტენდენტის სატენდერო წინადადების შესაბამისად.
3. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
4. პრეტენდენტმა სატენდერო წინადადების ფასი უნდა დააფიქსიროს სახელმწიფო შესყიდვების ერთიანი ელექტრონული სისტემის მეშვეობით და წარმოადგინოს სატენდერო დოკუმენტაციის დანართი N2-ის (ფასების ცხრილი) მიხედვით.
5. პრეტენდენტის სატენდერო წინადადების ფასში გათვალისწინებული უნდა იყოს: აუცილებელი რაოდენობის, სათანადო კატეგორიისა და კვალიფიკაციის სპეციალისტების მობილიზაციისა და ხელფასის, ტექნიკურ დავალებაში მითითებული გასატარებელი ღონისძიებების ხარჯები და მოქმედი კანონმდებლობით გათვალისწინებული ყველა გადასახადი და მოსაკრებელი, ასევე შესყიდვის ობიექტის სრულფასოვნად მიწოდებისთვის აუცილებელი ყველა ხარჯი.
6. სატენდერო პირობების კონკრეტული ჩანაწერის და სატენდერო კომისიის გადაწყვეტილების/ქმედების თაობაზე განმარტების მიღების საკითხი რეგულირდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესი“-ს მე-8 მუხლის შესაბამისად.