Оборудование для охлаждения и вентиляции (Грузия - Тендер #71729424)

გორის იუსტიციის სახლისთვის წყალზე მომუშავე ჰაერის გაგრილების სისტემის დანადგარის (ჩილერის) შესყიდვა თანმდევი მომსახურებით (არსებული დაზიანებული დანადგარის (ჩილერის) დემონტაჟი და ახლის მიწოდება/მონტაჟი/ექსპლუატაციაში გაშვება/ტესტირება.

1. ძირითადი ტექნიკური პარამეტრები:
• გაგრილების აგრეგატების რაოდენობა - არანაკლებ 1 (ერთი), არაუმეტეს 4 (ოთხი);
• გაგრილების ჯამური სიმძლავრე (Cooling Capacity) - 615 (±5%) კვტ;
• ენერგოეფექტურობის კოეფიციენტი (EER) - არანაკლებ 2.8;
• სეზონური ენერგოეფექტურობის კოეფიციენტი (SEER) - არანაკლებ 4.1;
• შემავალი წყლის საანგარიშო ტემპერატურა (Inlet water temperature) 12°C;
• გამომავალი წყლის საანგარიშო ტემპერატურა (outlet water temperature) 7°C;
• გაგრილების აგენტი (Refrigerant) - R410A ან R134A ან R32;
• საანგარიშო გარე ტემპერატურა (Outdoor temperature) - 35°C;
• თითოეულ გაგრილების დანადგარს უნდა გააჩნდეს არანაკლებ 2 დამოუკიდებელი მაცივარაგენტის კონტური (Refrigerant circuit) და არანაკლებ 4 კომპრესორი;
• ჩილერის კომპრესორები უნდა იყოს ხმაურისგან დამცავი შეფუთვით;
• ჩილერს უნდა ჰქონდეს ინვერტორული ვენტილატორები;
• ელ. მომარაგება (Power supply) - 400V/3/50HZ;
• მაქსიმალური საჭირო ელ. მოთხოვნა (FLI) - არაუმეტეს 300 კვტ
• ხმაურის დონის მაჩვენებელი (Outdoor sound pressure level) 1 მეტრში - არაუმეტეს 75 dBA;
• ჩილერებს უნდა გააჩნდეს ძაბვის და ფაზის ცვლილებისგან დაცვა;
• ჩილერებს უნდა გააჩნდეს ანტივიბრაციული სადგამები;
• ჩილერების სადგამი კონსტრუქცია უნდა მოეწყოს უკვე არსებულ ბეტონის საფარზე ზომით სიგრძე 5,8 მეტრი და სიგანე 3,5 მეტრი;
• სიცივის მატარებლის ნაკადის მაქსიმალური წნევის დანაკარგი არაუმეტეს 60 კპა;
• ჩილერში ინტეგრირებულ საცირკულაციო ტუმბოს 30 ლ/წმ წარმადობაზე უნდა ჰქონდეს არანაკლებ 200 კპა აწევის სიმაღლე.

2. ძირითადი მოთხოვნები:
მიმწოდებელმა უნდა უზრუნველყოს არსებული სისტემის სრულფასოვანი გამორეცხვა შესაბამისი საჭირო დანადგარებით.
• მიმწოდებელმა უნდა უზრუნველყოს ჩილერების დაერთება უკვე არსებულ ცივი წყლის მილგაყვანილობის საერთო სისტემაზე ისე, რომ საჭიროების შემთხვევაში შესაძლებელი იყოს არსებული ჩილერების ფუნქციონირების შენარჩუნება;
• ჩილერები უნდა იყოს ახალი, ექსპლუატაციაში არ მყოფი;
• საჭირო ელ. ავტომატები, კაბელები, სხვა სახარჯი მასალები უნდა იყოს მიმწოდებლის მიერ უზრუნველყოფილი;
• გამოყენებული ყველა მოწყობილობა-დანადგარი და მასალები უნდა აკმაყოფილებდეს საერთაშორისოდ აღიარებულ ხარისხის სტანდარტებს;
• მიმწოდებელმა უნდა უზრუნველყოს ადგილზე ზომების და დაერთების მორგება;
• მიმწოდებელი ვალდებულია მიაწოდოს შემსყიდველს ჩილერი და აწარმოოს მისი სამონტაჟო და გასამართი სამუშაოები მოქმედი კანონმდებლობით განსაზღვრულ მოთხოვნებთან სრულ შესაბამისობაში. სამონტაჟო სამუშაოების წარმოებისას მკაცრად დაიცვას შრომის უსაფრთხოების სფეროში საქართველოს კანონმდებლობით დადგენილი მოთხოვნები;
• სასურველია, წინადადების წარმოდგენამდე პრეტენდენტმა წინასწარ დათვალიეროს ობიექტი და ადგლზე გაეცნოს ვითარებას.

3. შესასრულებელი სამუშაოების ჩამონათვალი (თანმდევი მომსახურება):
მიმწოდებელმა უნდა უზრუნველყოს:
• გორის იუსტიციის სახლში ძველი გაგრილების დანადგარის დემონტაჟი და ახალი გაგრილების დანადგარის/დანადგარების (ჩილერების) მიწოდება და მონტაჟი;
• დემონტაჟის შედეგად სამშენებლო ნაგვის ტერიტორიიდან გატანა;
• ახალი ჩილერების არსებულ ჰიდრავლიკურ და ელექტრო სისტემებში ჩართვა;
• ჩილერის გამშვებ გასამართი სამუშაოების განხორციელება და ტესტირება;
• ჩილერის ექსპლუატაციაში გაშვება;
• მომსახურე პერსონალის ტრეინინგი.

შენიშვნა:
* პრეტენდენტმა დანართი № 1 - ფასების ცხრილის შესაბამის გრაფაში („შესყიდვის ობიექტის ტექნიკური მახასიათებლები“) უნდა მიუთითოს შესყიდვის ობიექტის ზუსტი ტექნიკური პარამეტრები („არანაკლებ", „არაუმეტეს", „უნდა გააჩნდეს" და ა.შ. სიტყვების გამოყენების გარეშე).
** სატენდერო დოკუმენტაციაში, შესყიდვის ობიექტის აღწერილობაში, თუ იკითხება სასაქონლო ნიშანი, პატენტი, მოდელი, წარმოშობის წყარო ან მწარმოებელი, იგულისხმება „მსგავსი”, „ეკვივალენტური” მახასიათებლების მქონე საქონელი.

შესყიდვის ობიექტის მიწოდება თანმდევი მომსახურების (არსებული დაზიანებული დანადგარის (ჩილერის) დემონტაჟი და ახლის მიწოდება/მონტაჟი/ექსპლუატაციაში გაშვება/ტესტირება) ჩათვლით უნდა განხორციელდეს ხელშეკრულების გაფორმებიდან არაუგვიანეს 70 (სამოცდაათი) კალენდარული დღის ვადაში.

მიმწოდებლის მიერ შესყიდვის ობიექტის მიწოდება თანმდევი მომსახურების (არსებული დაზიანებული დანადგარის (ჩილერის) დემონტაჟი და ახლის მიწოდება/მონტაჟი/ექსპლუატაციაში გაშვება/ტესტირება) ჩათვლით განხორციელდება შემდეგ მისამართებზე: ქ. გორი, დავით გურამიშვილის ქ. №7 (გორის იუსტიციის სახლი).

1.7.1.1. მიმწოდებლის მიერ მოწოდებულ ჩილერზე და შესრულებულ სამონტაჟო სამუშაოებზე სრულფასოვანი ფუნქციონირების საგარანტიო ვადა განისაზღვრება მიღება-ჩაბარების აქტის გაფორმებიდან არანაკლებ 3 (სამი) წლის ვადით. გარანტია ჩილერზე უნდა ვრცელდებოდეს როგორც მწარმოებლის, ისე მიმწოდებლის მხრიდან. პრეტენდენტმა სატენდერო წინადადებასთან ერთად უნდა წარმოადგინოს მწარმოებლის მიერ გაცემული დამადასტურებელი დოკუმენტი, რომლითაც დადასტურდება, რომ შემოთავაზებულ ჩილერზე ვრცელდება არანაკლებ 3 (სამი) წლიანი საგარანტიო ვადა.
1.7.1.2. საგარანტიო ვადის პერიოდში მიმწოდებელი ვალდებულია საკუთარი ხარჯებით და გონივრულ ვადებში უზრუნველყოს ექსპლუატაციის პროცესში წარმოქმნილი ხარვეზები და აღმოფხვრას ნებისმიერი ნაკლი, რომელიც გამოწვეულია უხარისხო მასალების და მოწყობილობა-დანადგარების გამოყენების და ასევე, უხარისხოდ შესრულებული სამონტაჟო სამუშაოების მიზეზით.
1.7.1.3 მიმწოდებლის მიერ ხელშეკრულების 1.7.1.2 პუნქტში მითითებული ვალდებულების შეუსრულებლობის შემთხვევაში, შემსყიდველ ორგანიზაციას უფლება აქვს საკუთარი ხარჯებით აღმოფხვრას ექსპლუატაციის პროცესში გამოვლენილი
დეფექტები და მოსთხოვოს მიმწოდებელს შესაბამისი ხარჯების სრულად ანაზღაურება.
1.7.1.4. საგარანტიო პირობებით განსაზღვრული მოთხოვნები ძალაშია უნდა იყოს მთელი საგარანტიო ვადის განმავლობაში, მიუხედავად ხელშეკრულების მოქმედების ვადის ამოწურვისა.

2.1.1.1 პრეტენდენტი ვალდებულია ფასების ცხრილის შესაბამის ველში მიუთითოს ინფორმაცია შესყიდვის ობიექტის (ჩილერის) წარმოშობის ქვეყნის, მწარმოებლისა (მწარმოებელი კომპანია ან/და ბრენდი ან/და სავაჭრო ნიშანი) და მოდელის შესახებ.
2.1.1.2. წარმოშობის ქვეყნის, მწარმოებლისა (მწარმოებელი კომპანია ან/და ბრენდი ან/და სავაჭრო ნიშანი) და მოდელის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

აუცილებელი მოთხოვნა:
შემოთავაზებული შესყიდვის ობიექტის (ჩილერის) ძირითადი ტექნიკური პარამეტრების სატენდერო დოკუმენტაციასთან შესაბამისობის დადგენის მიზნით, წარმოდგენილი მოდელის მწარმოებლის ოფიციალური ინფორმაცია ტექნიკური პარამეტრების შესახებ სრულად უნდა იძებნებოდეს ინტერნეტ წყაროების საშუალებით (პრეტენდენტი უფლებამოსილია ინტერნეტ წყაროს/ვებ-გვერდის მისამართი მიუთითოს ფასების ცხრილში) ან/და პრეტენდენტმა უნდა წარმოადგინოს მწარმოებლის ოფიციალური ინფორმაცია ტექნიკური მახასიათებლების შესახებ (მწარმოებლის წერილი ან/და დასკანერებული ტექნიკური პასპორტი, ან/და data sheet ან/და მწარმოებლის ოფიცილაური ვებ-გვერდის მისამართი).

დოკუმენტების უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე.

2.2.1.1 პრეტენდენტს 2021 წლიდან წინამდებარე ტენდერის გამოცხადებამდე პერიოდში უნდა ჰქონდეს არანაკლებ ორი ანალოგიური შესყიდვის ობიექტის (არანაკლებ 300 კვტ-ს ან მეტი სიმძლავრის ჩილერის) მიწოდება/მონტაჟის განხორციელების გამოცდილება. აღნიშნულის დასტურად, პრეტენდენტის მიერ წარმოდგენილ უნდა იქნას შესაბამისი ხელშეკრულებები და მიწოდებულ საქონელზე/შესრულებულ სამონტაჟო სამუშაოზე გაფორმებული მიღება-ჩაბარების აქტები ან/და ნებისმიერი სხვა სახის დოკუმენტი, რომელიც დაადასტურებს აღნიშნული საქონლის მიწოდება/მონტაჟის ფაქტს.
2.2.1.3 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.
2.2.1.4 წარმოდგენილი გამოცდილების ფარგლებში, პრეტენდენტმა შესყიდვების ერთიან ელექტრონულ სისტემაში უნდა ატვირთოს ერთი დადებითი სარეკომენდაციო წერილი, რომელიც გაცემულია დამკვეთის მიერ წინამდებარე ტენდერის გამოცხადების შემდგომ პერიოდში.

შემოთავაზებული მოდელის ჩილერს უნდა გააჩნდეს ევროვენტის სერთიფიკატი (Eurovent-certification) რომელიც პრეტენდენტმა უნდა წარმოადგინოს სატენდერო წინადადებასთან ერთად.

2.9.1 პრეტენდენტმა უნდა წარმოადგინოს შემოთავაზებული შესყიდვის ობიექტის ძირითადი ტექნიკური პარამეტები სატენდერო დოკუმენტაციის 1.2 პუნქტით გათვალისწინებული მოთხოვნების მიხედვით (იხ. „ძირითადი ტექნიკური პარამეტრები"), სატენდერო დოკუმენტაციის დანართი №1- ფასების ცხრილის შესაბამის გრაფაში მითითებით.
2.9.2 ტექნიკურ დავალებაში მოცემული შესყიდვის ობიექტის ძირითადი ტექნიკური პარამეტრები წარმოადგენს მინიმალურ მოთხოვნას, შესაბამისად პრეტენდენტს შეუძლია შემოგვთავაზოს გაუმჯობესებული პარამეტრების მქონე საქონელი.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას;
4.1.1.2. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სახელობის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით, შესაბამისი ტენდერის უნიკალური ნომრის მითითებით (პრეტენდენტის მიერ დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);
4.1.1.3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

3 Процентов

6 Процентов

ხელშეკრულების შესრულების უზრუნველყოფის საბანკო გარანტიის ვადა არანაკლებ 1 (ერთი) თვით უნდა აღემატებოდეს ხელშეკრულების მოქმედების ვადას.

6.4.1.მიმწოდებელი ვალდებულია სახელმწიფო შესყიდვების მარეგულირებელი კანონმდებლობის მოთხოვნათა გათვალისწინებით, ხელშეკრულების გაფორმებამდე წარმოადგინოს ხელშეკრულების შესრულების უზრუნველყოფის საბანკო გარანტია. საბანკო გარანტია წარმოდგენილი უნდა იქნას საქართველოში მოქმედი საბანკო დაწესებულების ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან.
6.4.2. თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს „თეთრი სიის წარმოების წესისა და პირობების დამტკიცების შესახებ“ სახელმწიფო შესყიდვების სააგენტოს თავმჯდომარის 2016 წლის 26 თებერვლის №2 ბრძანების შესაბამისად.
6.4.3. მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია განახორციელოს საბანკო გარანტიის სრული ოდენობით გამოყენება.
6.4.4.იმ შემთხვევაში, თუ მიმწოდებელი უზრუნველყოფს ხელშეკრულებით ნაკისრი ვალდებულებების სრულად შესრულებას ან ხელშეკრულების მოქმედება შეწყდება მიმწოდებლისაგან დამოუკიდებელი მიზეზებით, შემსყიდველი ვალდებულია მიმწოდებლის წერილობითი მოთხოვნის საფუძველზე უზრუნველყოს ხელშეკრულების შესრულების უზრუნველყოფის საბანკო გარანტიის დაუყოვნებლივ დაბრუნება.

7.2.1 ანგარიშსწორება განხორციელდება ერთიანად უნაღდო ანგარიშსწორებით, ეროვნულ ვალუტაში – ლარში. მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადებისა და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.2 მიღება-ჩაბარების აქტი მხარეთა შორის გაფორმდება შესყიდვის ობიექტის მოწოდების (თანმდევი მომსახურების (არსებული დაზიანებული დანადგარის (ჩილერის) დემონტაჟი და ახლის მიწოდება/მონტაჟი/ექსპლუატაციაში გაშვება/ტესტირება) ჩათვლით) შემდეგ, ფაქტობრივად მიწოდებული შესყიდვის ობიექტის შესაბამისად, შემსყიდველის მიერ განსაზღვრული ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის და მიმწოდებლის მიერ წარმოდგენილი სასაქონლო ზედნადების საფუძველზე.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ალექსანდრე ჟვანია, 591447034, alzhvania@psh.gov.ge

10.1.1. პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციური ელექტრონული შტამპის დასმას. ხელმოწერას არ საჭიოებს ფასების ცხრილი - დანართი №1, თუ იგი წარმოდგენილი იქნება Excel-ის ფორმატით;
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ.
10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი (სატენდერო დოკუმენტაციის დანართი №1) ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.9. იმ შემთხვევაში, თუ სატენდერო დოკუმენტაციის რომელიმე პუნქტში იკითხება კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება "მსგავსი“, "ანალოგიური“ ან "ექვივალენტური.