Архитектурные и сопутствующие услуги (Грузия - Тендер #71698704)

ელექტონული ტენდერის საფუძველზე (NAT260003532) შესასრულებელი სარემოტო სამუშაოების მიმდინარეობის საზედამხედველო მომსახურების შესყიდვა.

1.2.1. მიმწოდებელმა უნდა განახორციელოს სსიპ - საქართველოს შსს მომსახურების სააგენტოს ქ. რუსთავში და ქ. თბილისში განთავსებულ ადმინისტრაციულ შენობა-ნაგებობებსა და მიმდებარე ტერიტორიაზე შესასრულებელი სარემონტო სამუშაოების ზედამხედველობა, რომელიც მოიცავს: სამუშაოების მიმდინარეობის კონტროლს, სამუშაოების შესაბამისობას, როგორც ხელშეკრულებასთან, ისე ხარჯთაღრიცხვასთან, ასევე, საქართველოში მოქმედ სამშენებლო ნორმებთან და წესებთან, ასევე, ტექნიკური რეგულირების სხვა დოკუმენტებთან.

1.2.2. მიმწოდებელი ვალდებულია განახორციელოს სამუშაოების შესრულების ტექნოლოგიური პროცესის ზედამხედველობა.

1.2.3. მიმწოდებელი ვალდებულია განახორციელოს ხელშეკრულებასთან თანდართული ხართჯთაღრიცხვით გათვალისწინებული სამუშაოების ფაქტობრივად შესრულებული მოცულობების კონტროლი

1.2.4. მიმწოდებელი ვალდებულია აღრიცხოს, შეადაროს და დაადასტუროს ფაქტობრივად შესრულებული სამუშაოების მოცულობები და ფასები, შესრულებული სამუშაოების როგორც შუალედურ, ისე საბოლოო აქტებში (ფორმა N2), რაც გულისხმობს შესაბამისი ინსპექტირების ანგარიშის მომზადებას (გარდა სუსტი დენებისა).

1.2.5. მიმწოდებელმა უნდა უზრუნველყოს სამუშაოების შემსრულებელი კომპანიის მიერ, მიღებაზე წარდგენილი შესრულებული სამუშაოების აქტების (ფორმაN2) დადასტურება და ინსპექტირების ანგარიშის წარდგენა შემსყიდველისთვის, მიმწოდებლისთვის წარდგენილი შესრულებული სამუშაოების (შუალედური, საბოლოო) აქტის (ფორმა № 2-ის) და მისი თანმხლები დოკუმენტაციის (ფარული სამუშაოების აქტები, მასალების ხარისხის დამადასტურებელი სერთიფიკატები, ლაბორატორიული კვლევის შედეგები და ა.შ.) მიღებიდან არაუგვიანეს 7 (შვიდი) სამუშაო დღის განმავლობაში.

1.2.6. მიმწოდებელი ვალდებულია დაადასტუროს და დაამოწმოს ისეთი სამუშაოებისა და კონსტრუქციული ელემენტების შესრულება, რომლებიც დაიფარებიან შემდგომი სამუშაოების შესრულების შედეგად, შესაბამისი აქტების შედგენის და დადასტურების გათვალისწინებით. (ფარული სამუშაოების აქტები).

1.2.7. განახორციელოს სამუშაოების შემსრულებელი კომპანიის მიერ, ლაბორატორიული კვლევების ჩატარების (ასეთის საჭიროების არსებობის შემთხვევაში) კონტროლი, ნორმატიულ-ტექნიკური დოკუმენტების შესაბამისად.

1.2.8. აწარმოოს შესრულებული სამუშაოების ტექნიკური ზედამხედველობის ჟურნალი.

1.2.9. მიმწოდებელი ვალდებულია უზრუნველყოს შემსყიდველისთვის ყოველთვიური ანგარიშის მიწოდება წერილობითი ფორმით, ხელშეკრულებით განსაზღვრული სამუშაოების მიმდინარეობის შესახებ, ასევე, გეგმა-გრაფიკთ განსაზღვრული ვადებისა და ყველა ძირითადი კომპონენტის რეალური ანალიზით, ამასთან, არაგეგმიურად, შემსყიდველის მოთხოვნის შემთხვევაში, წარუდგინოს ზემოაღნიშნული დოკუმენტაცია/ინფორმაცია მოთხოვნიდან არაუგვიანეს 2 სამუშაო დღის ვადაში.

1.2.10. მიმწოდებელი ვალდებულია სამუშაოთა შეჩერების, შეფერხების ან/და სხვა ნებისმიერი დამაბრკოლებელი გარემოების წარმოშობისთანავე უზრუნველყოს შემსყიდველის ინფორმირება.

1.2.11. მიმწოდებელი ვალდებულია წარუდგინოს პრეტენზიები მშენებელ ორგანიზაციას, ხელშეკრულების პირობების შეუსრულებლობისთვის და სამუშაოების უხარისხოდ შესრულებისათვის. საჭიროების შემთხვევაში შეაჩეროს შესაბამისი სამუშაოები და შემდგომი რეაგირებისათვის სათანადო ინფორმაცია (ხელშეკრულების პირობებისა და მოთხოვნების დარღვევების დასაბუთებული აღწერით) 2 (ორი) სამუშაო დღის განმავლობაში მიაწოდოს შემსყიდველ ორგანიზაციას.

1.2.12. ხელშეკრულებით განსაზღვრული სახარჯთაღრიცხვო დოკუმენტაციის ძირითადი სამშენებლო მასალების შედარება ფაქტობრივად გამოყენებულ მასალებთან და საქართველოში არსებულ სტანდარტებთან.

1.2.13. მიმწოდებელმა მომსახურების გაწევის პერიოდში, უნდა უზრუნველყოს საპროექტო/სახარჯთაღრიცხვო დოკუმენტაციით გათვალისწინებული მასალების შესაბამისობის დადგენა ფაქტობრივად გამოყენებულ მასალებთან იმგვარად, რომ, ზემოაღნიშნულის გამო არ გაჭიანურდეს ფაქტობრივად შესრულებული სამუშაოების ამსახველი ფორმა #2-ის დადასტურება.

1.2.14. მიმწოდებელმა უნდა უზრუნველყოს სამუშაოების წარმოების პროცესში, საქართველოში მოქმედი სამშენებლო კანონმდებლობისა და მშენებლობისთვის საჭირო ნებართვის დადგენილი პირობების შესრულების კონტროლი.

1.2.15. სამშენებლო კომპანიასთან ხელშეკრულების შეწყვეტის შემთხვევაში, შემსყიდველის მოთხოვნიდან არაუგვიანეს 10 (ათი) სამუშაო დღის ვადაში, უზრუნველყოს შესრულებული სამუშაოების ინვენტარიზაცია და დარჩენილ სამუშაოებზე ტექნიკური დოკუმენტაციის მომზადება, რომელშიც ასახული უნდა იქნეს მათი ღირებულება და მოცულობა, როგორც ფაქტობრივად შესრულებული, ისე შეუსრულებელი სამუშაოების მოცულბების გათვალისწინებით.

1.2.16. უზრუნველყოს არაუგვიანეს 3 (სამი) კალენდარული დღის ვადაში, შემსყიდველის ინფორმირება ისეთი გარემოების შესახებ, რომელიც გამოიწვევს მიმწოდებლის მიერ, უარყოფითი ინსპექტირების ანგარიშის (შესაბამისი არგუმენტაციით) გაცემას.

1.2.17. მიმწოდებელი ვალდებულია მომსახურების გაწევის ეტაპზე, უზრუნველყოს თავისი პერსონალის მხრიდან ინტერესთა კონფლიქტის შემცველი გარემოებების თავიდან აცილების უზრუნველყოფა, ასეთი გარემოების გამოვლენის შემთხვევაში, უნდა განახორციელოს შესაბამისი პირის ჩანაცვლება.

1.2.18. შემსყიდველის წერილობითი თანხმობის ან/და შესაბამისი შეთანხმების გაფორმების გარეშე, მიმწოდებელი არ არის უფლებამოსილი, შემსყიდველის კონტრაქტორი გაათავისუფლოს ხელშეკრულებით აღებული ვალდებულებისგან, ან დააკისროს მას დამატებითი ვალდებულებები, რომლებიც არ არის განსაზღვრული ხელშეკრულებაში.

1.2.19. ნებისმიერი საარბიტრაჟო ან სასამართლო პროცედურის დროს პროექტის მენეჯერი/ექსპერტი (ინსპექტირების განმახორციელებელი) მზად უნდა იყოს არბიტრაჟის, დავების განმხილველი საბჭოს ან სასამართლოს წინაშე შემსყიდველს გაუწიოს დახმარება, ამგვარი მოთხოვნის არსებობის შემთხვევაში.

1.2.20. საჭიროების შემთხვევაში, სხვადასხვა სახის სამშენებლო მასალის ან/და ექსპლუატაციაში გასაშვები სისტემების გამოცდის პროცესის დაკვირვება და რეკომენდაციების გაცემა შესაბამის სფეროში არსებული ნორმების შესაბამისად, ასევე, შესაბასმის აქტების შედგენაში მონაწილეობის მიღება.

1.4.1 მიწოდება ხელშეკრულების გაფორმებიდან სავარაუდოდ 120 კალენდარული დღის ვადაში.

1.4.2 შესყიდვის ობიექტის მოწოდების ვადა შეიძლება გადავადდეს შემსყიდველი ორგანიზაციის მოთხოვნის შემთხვევაში, ელეტქტონული ტენდერიდან გამომდინარე (NAT260003532) სამშენებლო სამუშაოების დასრულების ვადის მიხედვით.

ქ. რუსთავი, ალექსანდრე ლობჟანიძის ქუჩა N8 (სსიპ საქართველოს შსს მომსახურების სააგენტოს) და ქ. თბილისი ქავთარაძის ქ. N21 (სსიპ საქართველოს შსს მომსახურების სააგენტო)

2.2.1.1. ტენდერში მონაწილე პრეტენდენტს 2023 წლის 1 იანვრიდან წინამდებარე ტენდერის გამოცხადებამდე პერიოდში უნდა ჰქონდეს გაწეული ტექნიკური ზედამხედველობის შესახებ მომსახურება, ანალოგიური ტიპის სამუშაოებზე (რომელიც უნდა მოიცავდეს: შენობების ინტერიერისა და ექსტერიერის სარემონტო სამუშაოების, გარე ტერიტორიის კეთილმოწყობის და საგზაო ასფალტ-ბეტონის საფარის მოწყობის სამუშაოების) ჯამურად არანაკლებ 1 500 000.00 ლარის ღირებულების, მათ შორის: ერთი კონტრაქტის ფარგლებში არანაკლებ 350 000.00 ლარის ოდენობით. აღნიშნულის დასტურად, პრეტენდენტმა ელექტრონულ სისტემაში უნდა ატვირთოს მომსახურების დამადასტურებელი დოკუმენტების ასლები (ხელშეკრულებ(ებ)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი ან/და სხვა დოკუმენტაცია).

2.2.1.2. იმ შემთხვევაში, თუ მომსახურება შესრულებულია კერძო სამართლის იურიდიული პირის ან ფიზიკური პირის დაკვეთით, (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს ამ სამუშაოების შესრულების ამსახველი ფინანსური დოკუმენტაცია - დადასტურებული საგადასახადო ანგარიშ-ფაქტურები.

2.2.1.3. პრეტენდენტი ვალდებულია აღნიშნული პუნქტით მოთხოვნილი დოკუმენტაცია/ინფორმაცია წარმოადგინოს ტექნიკურ დოკუმენტაციასთან ერთად.

2.4.1.1. პრეტენდენტი ვალდებულია განსაზღვროს პროექტის მენეჯერი/ექსპერტი, რომელიც პასუხისმგებელი იქნება მიმწოდებლის მხრიდან ხელშეკრულებით გათვალისწინებული ვალდებულებების შესრულებაზე.

2.4.1.2. შემოთავაზებულ პროექტის მენეჯერს/ექსპერტს, (ინჟინერ-მშენებელს, რომელმაც უნდა გაწიოს სამშენებლო-სარემონტო სამუშაოების ზედამხედველობა) უნდა გააჩნდეს უმაღლესი განათლება სამოქალაქო და სამრეწველო მშენებლობის ან მომიჯნავე სფეროში, წარმოდგენილი უნდა იქნას შესაბამისი განათლების/კვალიფიკაციის დამადასტურებელი დოკუმენტი.

2.4.1.3. ხელშეკრულების გაფორმების შემდეგ, შემსყიდველი ორგანიზაციის მიერ მისაღებად მიჩნეული სპეციალისტ(ებ)ის შემადგენლობაში ცვლილების შემთხვევაში, მიმწოდებელმა შემსყიდველს დაუყოვნებლივ უნდა შეატყობინოს და შეუთანხმოს შესაბამისი კვალიფიკაციის მქონე სხვა სპეციალისტ(ებ)ით ჩანაცვლების საკითხი. ახალი სპეციალისტი უნდა აკმაყოფილებდეს შესაბამისი ელექტრონული ტენდერით (აუქციონის გარეშე) დადგენილ მოთხოვნებს სპეციალისტის გამოცდილებასთან დაკავშირებით, წინააღმდეგ შემთხვევაში, შემსყიდველი უფლებამოსილია შეწყვიტოს ხელშეკრულება და მიმწოდებლის წინააღმდეგ გამოიყენოს, ხელშეკრულებითა და კანონმდებლობით გათვალისწინებული სანქციები.

2.4.1.4. პრეტენდენტი ვალდებულია აღნიშნული პუნქტით მოთხოვნილი დოკუმენტაცია/ინფორმაცია წარმოადგინოს ტექნიკურ დოკუმენტაციასთან ერთად.

2.7.1.1. ტენდერში მონაწილე პრეტენდენტი აკრედიტირებული უნდა იყოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ ობიექტზე შესრულებული სამუშაოების ინსპექტირების მიმართულებით (მათ შორის სამრეწველო და სამოქალაქო შენობა-ნაგებობების სამშენებლო-სარემონტო სამუშაოებზე, საავტომობილო გზების მშენებლობაზე, წყალმომარაგების, კანალიზაციის, წყალარინების ქსელებზე და სისტემებზე, ელექტრო სამონტაჟო სამუშაოებზე (გარდა სუსტი დენების).

2.7.1.2. აღნიშნულის დამადასტურებლად პრეტენდენტმა უნდა წარმოადგინოს სსიპ „აკრედიტაციის ერთიანი ეროვნული ორგანო - აკრედიტაციის ცენტრის“ მიერ გაცემული აკრედიტაციის მოწმობა შესაბამის დანართებთან ერთად, რომელთა მოქმედების ვადა უნდა იყოს არანაკლებ 2026 წლის 31 დეკემბრის ჩათვლით.

2.7.1.3. პრეტენდენტი ვალდებულია აღნიშნული პუნქტით მოთხოვნილი დოკუმენტაცია/ინფორმაცია წარმოადგინოს ტექნიკურ დოკუმენტაციასთან ერთად

4.1.3.1. აღნიშნული მომსახურების გაწევის შინაარსიდან გამომდინარე არ მოითხოვება ფასწარმოქმნის ადეკვატურობის დასაბუთება აღნიშნულ ტენდერში.

7.2.1 ანგარიშსწორება განხორციელდება ეტაპობრივად, უნაღდო ანგარიშსწორებით, ეროვნულ ვალუტაში – ლარში. მხარეთა შორის გაფორმებული მიღება-ჩაბარების აქტის, მიმწოდებლის მიერ წარმოდგენილი სასაქონლო ზედნადების და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.

7.2.2 მიღება-ჩაბარების აქტი მხარეთა შორის გაფორმდება შესყიდვის ობიექტის მოწოდების შემდეგ, ფაქტობრივად მოწოდებული შესყიდვის ობიექტის შესაბამისად, შემსყიდველის მიერ განსაზღვრული ხელშეკრულების შესრულების კონტროლის განმახორციელებელი პირ(ებ)ის მიერ შედგენილი ინსპექტირების დასკვნის და მიმწოდებლის მიერ წარმოდგენილი სასაქონლო ზედნადების საფუძველზე.

7.3.1. ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

გიორგი ორჯონიკიძე, 599856222, giorgi.orjonikidze@sa.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

10.1.3. ალტერნატიული სატენდერო წინადადება არ განიხილება;

10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.

10.1.5. პრეტენდენტმა სატენდერო წინადადების ფასში უნდა გაითვალისწინოს დღგ, თუ იგი არის დღგ-ს გადამხდელი საქართველოს კანონმდებლობის შესაბამისად.

10.1.6. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.

10.1.7 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ საქართველოს შსს მომსახურების სააგენტოს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის“.

10.1.8 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.